الأربعاء، 6 فبراير 2013

ماذا لو

فى هذا البوست تخيلت مبدعين رحلوا عنا لو كانوا موجودين حاليا ماذا كانوا سيكتبون كتبتها بروحهم واعذرونى لو كلماتى مست او شوهت احدهم

شيوخ بيتكلموا سياسة وساسه بيتكلموا دين
وناس بتسمع و حافظين ومش فاهمين
و الدقن و العمة والبولتيكا مختلطين
لو انتقدنا السياسة نعمل ايه فى الدين 
عجبى ؟؟؟؟ 
جاهين

لا تصالح وان منحوك الذهب
اترى ان اخذت ولدك
واعطيتك تعويضات و ثروات
هل تسعد الامهات
هى اشياء لا تساويها كل الثراوت  

امل دنقل

اصح يا نايم وحد الرزاق
المشى طاب لى والدق على طبلى
الرجل تدب مطرح ما تحب  
دى شيخ ايافة اخر لطافة
فتاوى جاهزة 
حسب المناسبة
و دى شيخ بيهبد
لسانه مبرد
على طول بيحود
زى السهام 
شمال يمين
وده مين بيقصد

يقصد الهام
الهام شاهين
حبيت و دبيت كما العاشق ليالى طوال
و كل شبر حتة من بلدى حتة من كبدى حتة من موال   
 فؤاد حداد

تيت ام دى بلد تخسر كل يوم ولاد عزاز
رئيس تيس ومعارضة هشه زى القزاز
و داخلية بقرون عايزة تتحرق بجاز
مستحملة ام ده ازاى ده بجد اعجاز  
نجيب سرور

هناك 33 تعليقًا:

aya mohamed يقول...

هو مفيش تعليق غير
الله عليك :)

رؤى عليوة يقول...

طب احنا هنقول ايه بقى

جامده بجد
والمعانى للاسف حقيقه وكل ما فى حقيقتنا بنقول عليه للاسف للاسف

نعمل اييييييييه
ربنا يهدى وينتقم


دمت بخير

reemaas يقول...

كانت حاجات كتير اتغيرت
بس تصدق انا سرحت لو صلاح جاهين موجود ايامنا دى تفتكر كان قال اى؟

Unknown يقول...

أستاذ ابراهيم
أحييك على هذا الطرح الذى يعبر عن مدى ماوصلنا إليه من حال بعد ثورة دفع ثمنها شباب لم يبخل بالروح ولا بالدماء وإن شاء الله لن تذهب هباء

zeze يقول...

ماشاء الله عليك مبدع كالعادة
يارب يصلح احوال بلدنا ويهدينا للخير امين
بارك الله فيك

هبة فاروق يقول...

تقمصت شخصياتهم ببراعة يا استاذ ابراهيم
البوست ده قنبلة جامده جدااا
بجد انت فنان

richardCatheart يقول...

ماهو زى الفل والنبى لو عايشين كانوا لاطشوا منك ههههههههههههه

faroukfahmy يقول...

الحمد لله يا ابراهيم ان الناس دول رحلوا والا كانوا ماتوا من كتر الغيظ الناس دولة كانوا عايشين باحساساتهم فى وقت كان الاحساس له وزن وكيل الحمد لله انهم غابوا عن وقت فيه الحب شئ غريب والكره شئ قريب
حالنا فيه الفردية فرضت نفسها والانانية نامت جنبها ومصر اختل وزنها
بوست رائع كعادتك هيما

الـسـيـدة نـون يقول...

I like It
:)

شمس النهار يقول...

نقيت نقاوة
جمييييييييييييله

Do3aa El_attar يقول...

ربنا رحمهم بجد والله .. صلاح جاهين جاله الاكتئاب في الآخر تخيل بقى لو كان موجود في أيامنا كان حصله ايه ؟

مبدع كالعادة :)

أسماء فتحي يقول...

احسنت الإختيار سواء جاهين او دنقل او فؤاد حداد

طرح موفق لناس بيتكلموا بلسانا

تحياتي

Asmaa Fathy

amiraali يقول...

ماشاء الله عليك...تسلم بجد والله

SHARKawi يقول...

بسم الله ما شاء الله عليك استاذي .
بالفعل جميل جدا .
وجامد جدا جدا .
لك مني تقديري وكامل احترامي . لك مني تشكراتي

zizi يقول...

بوست هايل وقدرت تجمعهم كلهم على هدف واحد كل واحد بإسلوبه ..ومش كل من ركب الحصان خيال ّ..سلمت يداك ..

~ISLAM~ يقول...

كل واحد منهم لوحده حكاية

الله ينور عليك

ابراهيم رزق يقول...

Blogger Aya Mohamed

متشكر يا ايه

و شرفتينى بمرورك

تحياتى

ابراهيم رزق يقول...

رؤى عليوة

اشكرك جدا

وسعيد انها اعجبتك

شكرا لمرورك

تحياتى

ابراهيم رزق يقول...


reemaas

تفتكرى جاهين كان هيقول ايه

نورتينى

تحياتى

ابراهيم رزق يقول...

محمد الجرايحى

استاذى العزيز

دائما ما تاتى تعليقاتك مشجعة و محفزة

سعيد جدا بتواجدك

تحياتى

ابراهيم رزق يقول...

zeze

الجميل والبديع هو مرورك

يارب اميييييييييييييييين

نورتينى

تحياتى

ابراهيم رزق يقول...

هبة فاروق

هبة الفاروق

اخجلتم تواضعنا
متشكر جداااااااااا

تحياتى

ابراهيم رزق يقول...


richardCatheart

ههههههههههههههه
مش للدرجة دى

نورتينى بجد

تحياتى

ابراهيم رزق يقول...

الفاروق ملكا
ملك الزهرات
وابن بطوطة المدونين

الحمد لله يا ابراهيم ان الناس دول رحلوا والا كانوا ماتوا من كتر الغيظ الناس دولة كانوا عايشين باحساساتهم فى وقت كان الاحساس له وزن وكيل الحمد لله انهم غابوا عن وقت فيه الحب شئ غريب والكره شئ قريب

صدقت يا استاذى فى كل كلمة و كل حرف

نورتنى واسعدتنى

تحياتى

ابراهيم رزق يقول...

بت خيخة

بت خيخة عندنا
يا مرحبا يا مرحبا

سعيد جدا بتعليقك
نورتينى
تحياتى

ابراهيم رزق يقول...

شمس النهار

شمس الشموس

الاجمل تواجدك و تنويرك البوست وسطوعك عليه

تحياتى

ابراهيم رزق يقول...


doaa elattar

عندك حق يا دعاء كان تخطى مرحلة الاكتئاب

نورتينى

تحياتى

ابراهيم رزق يقول...

asmaa fathy

متشكر لمجاملتك الرقيقة

سعيد بمرورك و تعليقاتك

تحياتى

ابراهيم رزق يقول...

amiraali

متشكر وسعيد بتعليقك

نورتينى
تحياتى

ابراهيم رزق يقول...

SHARKawi

سعيد انها اعجبتك

شرفتنى و نورتنى

تحياتى

ابراهيم رزق يقول...

zizi
العزيزة الذيذة

بوست هايل وقدرت تجمعهم كلهم على هدف واحد كل واحد بإسلوبه ..ومش كل من ركب الحصان خيال ّ..سلمت يداك ..
ده وسام على صدرى

نورتينى
تحياتى

ابراهيم رزق يقول...

~ISLAM~

الله ينور عليك انت

اسعدتنى بمرورك

تحياتى

ابراهيم رزق يقول...

=2556

كل الشكر لك

نورتنى

تحياتى