الاثنين، 15 أبريل، 2013

احنا بتوع الطعمية


بمناسبة قرب الامتحانات اعرض لكم نموذج لامتحان
و من يستطيع الاجابه عليه 
له جائزة قرص طعميه سخن بالسمسم

اولا اللغة العربية
النحو
1 ما مفرد قطران
2 ما مفرد موز
القراءة
ضع الكلمة المناسبة مكان النقط
  1.   ..... الندى اميره كانت تتميز بالعنجهية و الثراء و البذج مما  يطلق عليهم محدثى نعمه
  2.  شق الاخوان الصف ب ...... حاد
  3. ركب الاخوان ...... الثورة  
التعبير
 
ذهب والد حماده الى الطبيب ليعالج فاستولى حماده على منزل ابيه بمساعدة عمه سام و شقيقه صهيون
اكتب قصة حمادة مبرزا ان من ليس له خيرا فى ابيه لن يكون له خيرا لاحد
ثانيا الاحياء

فريق لكرة القدم حارس مرماه صينى و المدافعين من افريقيا و خط الوسط مصريين و برازليين و المهاجمين من اروجواى و البرتغال ليصبح فى النهاية منتخب عربى
تكلم عن الجينات و الكريموسات   
   genes, and, chromosomes
التى تستطيع ان تحقق هذا مستخدما تطور الريال و الدولار و اليورو
ثالثا التاريخ
شبه جزيرة صغيرة جدا يرجع تاريخها الى بداية السبعينات

قارن بين تاريخها و بين تاريخ مطعم الجمهورية الموجود بشارعكم
ماذا يحدث لها اذا اطلقتم عليها اطفال حيكم بالمب و مسدسات المياه

النصوص

يقول الشاعر حافظ ابراهيم
فى قصيدة مصر تتحدث عن نفسها

قل لمن أنكروا مفاخر قومى               مثل ما أنكروا ماّثر ولدى   
هل وقفتم بقمة الهرم الأكبر                يوما فرأيتم بعض جهدى؟
هل رأيتم تلك النقوش اللواتى            أعجزت طوق صنعه المتحدى؟
هل فهمتم أسرار ما كان عندى           من علوم مخبوءة طى بردى؟  
ذاك فن التحنيط قد غلب القدم              و أبلى البلى و أعجز ندى

ان مجدى فى الأوليات عريق           من له مثل أولياتى و مجدى ؟

أنا أم التشريع قد أخذ الرومان             عنى الأصول فى كل حد  
ورصدت النجوم منذ أضاءت          فى سماء الدجى فأحكمت رصدى
وقديما بنى الأساطيل قومى                ففرقن البحار يحملن بندى
فسلوا البحر عن بلاء سفنى             وسلوا البر عن مواقع جردى
 أى شعب أحق منى بعيش              وارف الظل أخضر اللون رغد

هل من الممكن ان تضع دولة اخرى غير مصر لتتحدث عن نفسها هكذا ؟؟
بلد مجانين صحيح

هناك 14 تعليقًا:

faroukfahmy يقول...

سامحنى يا ابراهيم ساكتب التعليق غدا لانشغالى مع ضيوف الغفلة

Gamal Abu El-ezz يقول...

استاذ إبراهيم مصر لا تحتاج ان يدافع عنها أحد فهى فى ذاتها دفاع عن نفسها
كانت قبلة العرب قديما وحديثا هى عزتهم وكرامتهم فلو ضاعت مصر ضاع العرب وإن ضاع العرب بقيت مصر كما أن العرب لو جاعوا كفتهم مصر طعاما إنما لو جاعت مصر ما استطاع العرب سد جوعها فمصر وسائر الدول كالرجل وظله إذا بقى الرجل بقى ظله وإذا مات الرجل ضاع ظله
وإذا إحتاج ظله يوما لن يجده لانه أشبه بالسراب

شمس النهار يقول...

:))
مالك ياابراهيم بس
:))
علي فكره المفروض اننامانردش علي الكلام ده اصلا
اولا هنزيد الطين بلا
وكمان صراحه ده كلام مايتردش عليه
واللي عمل كده كان انسان عايز يتشهر وتحقق له ذلك

ياريت تقرا علي اللي عملوه حكام العرب ايام معاهدة السلام ومؤتمر سميراميس بعد الحرب والعزة والكرامه
واللي عملوه نفس الناس بعد كده مع اسرائيل

واثناء حرب العراق
اوحش حاجه هي السياسة
بتفرق الشعوب عن بعض
واوحش مافي الوطن العربي الحكام وتأليه بعض الشعوب ليهم

مصطفى سيف الدين يقول...

بما اننا مالناش غير في الطعمية
فقطر دي قرص طعمية احنا اللي عملناها

Aya Mohamed يقول...

هههههههههههههه
لا هى مصر بس اللى بتحب تتحدث :))
بوست تحفة

لــــ زهــــــراء ــــولا يقول...

لا يا سيدي انا عايزة قرص الطعمية ههههه


لولا

richardCatheart يقول...

يا ابراااااااااااهيييييييييييييييم فين الاعراب ( مفعول به لا مؤخزة ههههههههههههههه)

ياسيدى اجمل ما فى مصر انها هامة لا تنحى إلا سجودا للمولى رغم نباح العابرين وهتفضل هى الفاعل لانها فعلا كانت ولازالت فاعل

حلو الامتحان بس عايز اللى فاهم مش حافظ وللاسف الحافظين كتير
صباحك فل وتقديرات مع مرتبة الشرف :)

ليلى الصباحى.. lolocat يقول...

زى بعض الجاليات المصرية اللى عملت قرص طعمية بحجم قطر ردا على كلامها الساذج
انا اقول ان قرص الطعمية اللى المواطن البسيط بياكله فى فطاره افضل كتير واحسن من قطر كلها

مصر طول عمرها بتحب اخوانها العرب وتدافع عنهم لكن ده غباء لما يجى اصغر اخ يعمل نفسه كبير بالعافية ومش فاهم ان القيمة بالفعل والادب مش بالكلام ويظن ان شوية بترول ومعاملات مع اعداء الله ممكن ترفع شأنهم ...كنت هقول كلمة بس انا مؤدبة :) وكفاية نقول بلد مجانين صحيح

لان الانسان اللى يظن لحظة ان مصر ممكن تتأثر بكلام السفهاء وفعل الاغبياء يبقى فعلا مجنون

مصر قامة وقيمة واصالة وحضارة

صباح الياسمين على عيونك استاذ ابراهيم ولايهمك دى قطرة فى بحرنا :)

تحياتى بحجم السماء

re7ab.sale7 يقول...

هههههههههههه
طيب وحياتك عندي يا ابو ساليناز لو الامتحان جه بالشكل ده لا العيال تاخد 1000% مش بس 110 % بتوع الثانوية دي
يا عم مفيش احسن من المصريين وفذلكتهم وعبقريتهم ههههه

فافى يقول...

بسم الله الرحمن الرحيم
الاجابه قطر :)
رد هايل طبعا على سفالة القطريين ويستاهلوه
تحياتى

Wohnungsräumung wien يقول...

تسلم ايديك على الموضوع الممتاز
Wohnungsräumung
Wohnungsräumung
Wohnungsräumung wien
Wohnungsräumung wien
Wohnungsräumung wein

faroukfahmy يقول...

انت فكرتنى يا ابراهيم بالصحفى القطرى الذى فزلك فزلكهمن تحت هدومه وقال ان مصر لم تنجح الا فى صناعة الطعمية
نسى ان الطعمية كانت اكلته المفضله الوحيده ايام قحطهم وازدهارنا حينما وسعت مصر به وبجدوده واطعمته من قوتها وعلمته فى ساحاتها التعليمية
نكران الخير فكّره بطعم الطعمية التى لم يأكل غيرها وقتها وكانت من مطعم فلافل بالعجوزه التى من المؤكد ان القطريين يفشلون فى دقهاوعجنهاوقليها .....طعم كلامه لا يسوى قرص طعمية سخنه
مش لاقى حاجه يقولها غير قلية طعميتنا
الاسئلة صعبه يا ابراهيم وقطعا ليها ملحق منتظرينه بلسانك الساخر الباهر
حبيبك الفاروق

doaa aly يقول...

الإجابه الأوغاد كلهم ...مقال ساخر سخريه لاذعه وواقعيه ..تحياتي علي الافكار والأسلوب ..اعجبني :))

ابراهيم رزق يقول...

اخوتى الاعزاء

سعيد جدا بمروركم و تعليقكم

استاذنكم فى الرد على تعليقاتكم غدا بأذن الله

نورتونى
تحياتى