الأربعاء، 7 أغسطس 2013

سائح فى بلاد الفسفور

كل سنة و انتوا طيبين
عيد سعيد عليكم يارب
اتمنى تكون القطايف عجبتكم
يا ريت تقولى رايكم فيها
مظبوطة سكرها زيادة مش محشية كويس
على العموم انا هاحكى ليكم على السريع جزء من المأساة التى حدثت لى
 طبعا كلكم عارفين ماساتى مع الشوبنج و مع الحكومة القوية اللى هى زوجتى اللى بتجبرنى بكل سادية انى اخرج معها لاى شوبنج و بالذات ملابس العيد طبعا مع كل العذاب الذى اتعذبه  بنات مصر ارادوا زيادة عذابى ايه اللى حصلكوا يا بنات مصر انتوا معندكوش اخوات صبيان بتعملوا فيا كل ده ليه ايه كل الفسفور اللى انتوا فيه الاحذية فسفور البناطيل فسفور الباديهات فسفور الايشاربات فسفور الشنط فسفور المانكير فسفور فاضل ايه مش فسفور وطالما البنات ضاربنها فسفور فالمحلات ايضا غطت الفترينات بالفسفور يعنى على راى اغنية عدوية اجى من هنا زحمة اروح هنا زحمة  اجى من هنا فسفور اروح هنا فسفور بجد عينى وجعتنى من كل هذا الفسفور اين وزارة البيئة من هذا التلوث البصرى المسمى فسفور مش تشوفوا شغلكم مع هذا الفسفور ام ستسكتوا عليه مثلما سكتم على السحابة السوداء التى كبرت و تفحلت واصبح القضاء عليها صعبا جدا اين منظمات المجتمع المدنى وما هو دورهم فى القضاء على هذه الظاهرة اين النشطاء السياسين اللى فلقنا فى التلفزيون كل شوية والمحللين والخبراء العسكريين اين خبراء الاجتماع و ما هو دور اجهزة الاعلام اين وزارة الداخلية يجب تكاتف كل هؤلاء لبحث هذه الظاهرة التى تفحلت فى المجتمع المصرى واصبحت مثل النار فى الهشيم و مع كل هذا  للفسفور ميزة كبيرة جدا عندما انقطع النور فجاة فى احد المولات فعكست اضاءة الكشافات الاحتياطية كل الالوان الفسفورية الموجودة فى المول فتحول المول الى مهرجان فسفورى يالله كل سنة و انتوا طيبين 
بلد مجانين صحيح

   انتظروا المفاجاة
احجز تذكرتك من الان
مع اول ايام العيد 
ترسو ابراهيم رزق
افلام لن تشاهدها الا هنا 
مع ترسوا ابراهيم رزق
اوعى تنام مننا
حل فزورة امس

اية محمد
دينا ممدوح

الحل هو سامى فهمى 

فاز بالقطايف طوال شهر رمضان
اية محمد
دينا ممدوح
طبعا لهم هدية 
اهداء اول بوست من ترسو ابراهيم رزق لهم

هناك 9 تعليقات:

أمـانـى عـادل يقول...

حقا كما تقول انه تلوث
فعلا الفسفورى منتشر بشكل عجيب
والغريب ان البنات بتلبس اى حاجة على الموضة وخلاص
ربنا يعفو عنهن وعنا:))

وبالنسبة للقطائف طبعا كانت فى قمة الجمال رغم صعوبتها،لكن سعدنا بها،يكفى انها من حضرتك
كل عام وحضرتك بخير
وعيد سعيد عليكم:)

عندى سؤال خارج كل هذا..منذ فترة وانا لا ارى مشاركات للأستاذ الفاضل /الفاروق .. اظن ان حضرتك على علاقة به ..هل هو بخير؟؟

aya mohamed يقول...

كل سنة وحضرتك طيب وبالف خير وسعادة وكل الاسرة الكريمة يارب :)
انا موجودة من غير حجز بقى ان شاء الله
وفى انتظار المفاجاة

لــــ زهــــــراء ــــولا يقول...

القطايف تجنن (: انا بحبها جداااااااااااااا جداااااااااا كنت وانا صغيرة بفتكر انها للأكل بس طلعت كمان فيه قطايف للقراءة الرائعة (:
جزاك الله كل الخير وعام سعيد عليك وعلى كل اسرتك وعائلتك وعلى كل المدونيين (:


يانهااااااااار فسفوووووووووووووووووووووووور :o

اهو ينفع لما الكهربا تقطع ترشيد في استخدام الطاقة


لولا

Bent Men ElZman Da !! يقول...


هو من ناحية الفسفوري فـ الواحد عينه زغللت أنا كنت ضده بصراحة
بس لما الواحد ينزل ومش يلاقي إلا الألوان دي وبيبقي عايز يشتري لبس فـ بيبقي مضطر إنه يشتري ولو قطعه واحدة اللون ده ويلبس عليها كل الألوان الغوامق اللي تخفيها شوية :D

كل سنة وحضرتك بخير يارب وعيد سعيد عليكم إن شاء الله

انا حجزت في الترسو خلاص وشكراً علي الأهداء مقدماً ^_^

أحمد أحمد صالح يقول...

بداية، كل عام وانت يا أستاذ إبراهيم وكل الأسرة الكريمة وكل الأحبة بكل الخير والسعادة، وعيد سعيد عليكم بإذن الله.
..
ربما كان صعب علي أن اعلق على القطايف كلا على حدة رغم أنني تقريبا قد قرأتها جميعا، ورأيتني ناجح جدا في الإستمتاع بها وفاشل جدا في كتابة ولو تعليق واحد عليها!
وربما هذا هو نهجي أحيانا كثيرة، فأنا قد أستمتع جدا بدوينات كثيرة واجدني عاجز عن التعليق عليها.
وهنا لن أقدم مدح مظهرا مدى روعتها، بل سأقدم شكر محاولا إظهار مدى إستمتاعي بها.
فكل الشكر لك أستاذ إبراهيم على قطايفك التي كانت لنفوسنا طوال الشهر من اشهى وأطيب الحلويات.
..
أما موضوع الغزو الفسفوري، فأنا أعتقد أن الموضة هي ما يليق بك لا ما يظهر حديثا في المحلات ودور الأزياء الكبرى. حتى ان الإبتعاد عن الموضة السائدة يمثل أحيانا تميز لصاحبه أو لصاحبته ويؤكد أنه متفرد في إختياراته.
وعلى كلا إن مثل الفسفور مصدر للإزعاج في كل مكان، فيكفيه انه اظهر حسنة جيدة عند إنطفاء الأنوار!
...
والأكيد أننا في إنتظار ما ستعرضه علينا سينما ترسو إبراهيم رزق. وأننا بكل تأكيد سنكون حاضرين وإن عجزت أيدينا أن تصفق بعد إنتهاء العرض.
..
كل التحية والمودة
ومرة اخرى كل عام وأنتم بألف خير وسعادة.

رحاب صالح يقول...

مساء البنفسج والاعياد
كل سنة وانت طيب
القطايف كانت بجد اجمل قطايف شوفتها واكلتها وهضمتها يا الله شو مهضومة ...ههه ما عادا بس بتاعت عيد ميلادي عشان هنيدي ولبلبة هههه
انا بردوا متغاظة من حكاية اللفسفور دي جداا بس بردو اشتريت فسفور بس ف حاجات بسيطة يعني طرحة بدي بعض الميك اب بس مش كتير
بس الصراحة اشتريت مؤخرا حاجات ازرق ف فسفور كدة ومعجبش احمد خالص وعقدني فية
مستنية سينما الترسو وعارفة انها اكيد حلوة جدااااا
وكل سنة وانت والاسرة بخير وسعادة ويارب نشوفكم قريب ف لقاء تدويني

شمس النهار يقول...

كل سنة وانت طيب وبخير وسعادة


انا مستنيه اهو :)

Do3aa El_attar يقول...

كل سنة وانت طيب وبخير ياأستاذ إبراهيم ^ـــــــــ^

أنا عيني بتوجعني منه :( .. تلوث تلوث يعني .. مش عارفه إيه الموضه الفاقعة دي

سلملي على صديقتي الصغنتوته :)

gogo!sf يقول...

كل سنه وحضرتك طيب يا استاذ هيما
على العموم فسفور فسفور
اهو توفير بردو