الجمعة، 29 أبريل 2011

ننوس عين امه

                                    اعتذار
اعتذر لكل من علق على هذا البوست لانه لم يعجبنى فاردت اعادة صياغته مع ان هذا ليس من حقى فحدث خطا و تم مسح تعليقاتهم العزيزة على فارجو ان لم يضايقهم ان يعلقوا و يدلوا برايهم مرة ثانية  اعتذر

                                 مفشخونيا
                             الجزء السابع
                             ننوس عين امه

انتهى معارك من رياضته المفضلة الاسكواش فوجد زنزان قد انتهت من تدريباتها اليومية للرقص المفشخونى فوجدها تنظر اليه بتكشيرة فادرك ان المسالة خطيرة فزاد عرقه على مرقه
ذهب اليها مالك يا زونزنتى فقالته ابنك سمج ال اتخرج و عايزين نضمن مستقبله و مينفعش يبقى موظف بماهية مستنى العلاوة و الترقية فقالها عندك حق هاتولى فى اللحظة دى كبير الياور اذية
استدعوا اذية من الحمام فجاء فى اللحظة باهتمام وقاله طبعا  اول حاجة لازم ننعم بلقب للبيه المحروس ايه راى سيادتك نطلق عليه لقب الننوس 
لمعت الفكرة فى عقل معارك وقال حلوة الننوس دى يبقى نقول البيه الننوس راح البيه الننوس جى البيه الننوس شال البية الننوس قال
تانى حاجة سعادتك ندور للبيه الننوس على سبوبة يتعلم فيها و يبقى لهلوبة ايه راى سيادتك فى دين مفشخونيا رد معارك ايه الكلام ده يا اذية بقى اول ما يبدء دنيا يبدء بدين مفشخونيا
رد اذية صبرك عليا يا افندم فى دين للدول عند مفشخونيا الديون دى معدومة ايه راى سيادتك نصحيها والبيه الننوس ياخذ عمولة و يتشدق و طبعا الدول دى ما هتصدق


وانطلق الننوس سمج ال و انشأ له معارك جمعية جيل المستهبل و خصص للجمعية دية مئات الملايين من الجنيهات المفشخونية و الشباب اللى انضم للجمعية دية لازم يكون مستحمى الحمومة اللى هى و لابس كرافتة مخططة خطوط عرضية و ضارب شعره جيل و ده غير جيل المستهبل و ده علشان الشباب ده يكون شعبية له فى الخرب المطنطن

انتقل الننوس سمج ال الى الخرب المطنطن و اراد ان يمسك لجنة من لجان الخرب المطنطن و لكن كل لجانه ملاكى فتم انشاء لجنة جديدة بمفهوم حديد بعيد عن الاحتكاكات سموها لجنة السبنسات
سيطرت لجنة السبنسات على كل تقاليد الخرب المطنطن و بدات عملها ببيع شركات القطاع العام المفشخونى بثمن بخس و اصبح المسئول عن كل القوانين المفشخونية الصادرة
كما صار الننوس سمج ال الحاكم الناهى يحضر المؤتمرات و يتكلم فى كل الدنيا باسم مفشخونيا و اصبح يفتتح المشروعات و يزور المدارس و المستشفيات و اصبح المسئول عن تطوير مشروع الالف قرية فقيرة و ذهب الى القرية السعيدة و بث الرعب فى قلب اهلها بحراسه و قناصته العتيدة و لم يقابل الفلاحين و انما قابل العمدة و بعض الممثلين
وبدء يزور الجامعات و يعقد الندوات و عندما ساله احد الطلبة سوال خارج المقررات ضحك ضحكة بلهاء فاذا القاعة تدوى با الضحك من اعضاء الخرب المطنطن لدرجة ان سيارات الاسعاف عجزت عن نقله الى المستشفى بسبب كومة الضحك التى اصابتهن و لم يتحمل قلبهم خفة دم الننوس
كما قام ذفوت الخنيف بتلميعه و تاليف اغانى له مثل ننوس امه بقى طعم بقى طعم و له دم خفيف له خفة دم اما بتطلع تتاكل فى رغيف و غنوا له ايضا ننوس فين ننوس اهو نقلوا مين قولوا مامى تكلمه كما اصدر المترب شاعر بوسنى البوم كامل له و غنى له كل مرة اشوفك فيها يبقى نفسى اه اه طبعا انتو عارفين يبقى نفسه ايه كما غنى له تحكمنى  يعنى حرقة دم تحكمنى كل كلامك هم طبعا متفهموش غلط حرقة الدم من الشعب المفشخونى اللى هيحكمه الننوس

ولعلك تسأل ما هى الشرعية التى يستمد منها سمج ال التحدث باسم مفشخونيا و التحكم فى اصدار القوانين و الحقيقة انه يستمد شرعيته من ان المحروس الننوس
ننوس عين امه
     
 

هناك 24 تعليقًا:

faroukfahmy يقول...

الساخر المتجددوالمتطوروالمستوعب والمستودع ابراهيم رزق
لابد ان تدخل مسمياتك والقابك معاجم وقواميس اللغة العربيه حتى يرجع اليها كل من تسول له نفسه اللعب بمقدرات
المجتمع الفشفخونى
فقد كنا نعيش فى عصر يكرم فيه البلهاء والاغنام ولين الطباع اورثناالذل واغرى بنا الجناه والطغاه

Unknown يقول...

سمج ال و زفوت و جيل المستهبل و الخراب المطنطن و و و مش عارفه أقول لحضرتك ايه عبقري و لازم تكتب أفلام ساخره عن الأفلام الهابطه اللي كنا عايشين فيها.
تُحفه يا أستاذ ابراهيم و ده جزاء كل ننانيس عين ماما:)

Carmen يقول...

اكتب نفس التعليق تاني يعني ^_^
مقال رائع جدا استاذ ابراهيم خلاني مابطلتش ضحك لاخره
تسلم ايدك

hytham khalil يقول...

goodluck u r marvellous as new line writer

دعاء العطار يقول...

تعليق كلاكيت تانى مره

هما افتكروا ان مفشخونيا دى بتاعتهم .. وفى الاخر .. لاء وانا اعرف الاخر منين هو اا يعنى كنت عشت فى مفشخونيا لا سمح الله ولا حاجه

لسه هنعرف الاخر من حضرتك

ممتعه كتاباتك دائماً يااستاذ ابراهيم

..........

ع جنب كده وبره الموضوع : ينفع أشارك فى معطف من قيود ببوست ؟

أنا كتبت بوست بس مااعرفشى ينفع ولا لاءه

غير معرف يقول...

وياله من ( ننوس أمه ) ههههههه
؛؛
؛
صباحك غاردينيا
أستاذ ابراهيم
كعادتك نص ساخر راقي بجمال أسلوبك فكم أنت رائع بـ الجمع بين سخرية السطور ورقي الفكر "
؛؛
؛
لروحك عبق الغاردينيا
كانت هنا
reemaas

Unknown يقول...

كانت أيام ربك لايرجعها ......
أحييك على تلك الاسقاطات التى أعطت عمقاً للطرح الرائع والقيم
بارك الله فيك وأعزك

كريمة سندي يقول...

السخرية في محلها فعلا الننوس سمج بجد شكرا لمرورك الكريم

Emtiaz Zourob يقول...

انا بصراحة مش راح اقدر اتذكر شو علقت ،، بس لما قرات المقال مرة ثانية .. تذكرت فيلم مصري قديم .. بتهيألي اسمه سمع وهس .. لما سرق الفنان المشهور لحن ليلى علوي وممدوح عبدالعليم وحوله لاغنية وطنية وكان فيها كلمة " بطنطن يا وطنطن " حاجة زي هيك ..
عموما هو في نوع من السخرية في نقد الواقع المصري .. ومش عارفة اذا في شيء متشابه بينه وبين المقال بس يمكن كلمة مطنطن ذكرتني فيه ..

تقبل خالص تحيتي ..
مش ح اقول كنت هنا .. انا دايما هنا .

ابراهيم رزق يقول...

فاروق فهمى

استاذى الكبير

استاذى الفاضل دائما تعطينى اكثر من حقى
متفق معك فيما قلته اختلف معك فى قولك اننا كنا نعيش نحن كنا نتعايش

دايما منورنى
خالص تحياتى و تقديرى

ابراهيم رزق يقول...

شرين سامى

متشكر جدا جدا لتفديرك لشخصى المتواضع
الواقع فعلا كان حالة من الكوميديا السوداء

ياريت الننانيس يتعلموا

منورانى
كل التقدير و التحية

ابراهيم رزق يقول...

كارمن
اختى الرقيقة

متشكر لمجاملتك
و سعيد بتوارد الخواطر فى تعليقك المحذوف خطا

منورانى

تحياتى و تقديرى

ابراهيم رزق يقول...

هيثم خليل

منورنى يا هيثم عامل ايه ازيك يا دكتور

الشهادة دى لما تاتى من مخرج و سينارست مثلك هى شهادة كبيرة
اتمنى لك التوفيق فى خطواتك الفنية القادمة
الباقى بقى هاكلمك فى التليفون ههههههه
واتمنى مزيد من التواصل
منورنى
تحياتى و تقديرى

ابراهيم رزق يقول...

دعاء العطار

والله لو مفشخونيا دى بتاعتهم مكنوش عملوا كده و لو ورثينها من ابوهم كانوا حافظو ا عليهم عشان ذكرى ابوهم

اما موضوع المعطف يشرفنا كتابتك لجزء او اكثر المعطف الان مع الاستاذ فاروق و سينتقل لكى فور ان ينتهى منه سنستمتع بابداعك

منورانى
خالص تحياتى

ابراهيم رزق يقول...

ريماس
المبدعة الجميلة

سعيد بتعليقك و تحليلك المتميز

منورانى دائما

ارقى تحية لاجمل مبدعة

خالص تحياتى و تقديرى

ابراهيم رزق يقول...

محمد الجرايحى
استاذى الفاضل

بأذن الله لن تعود تلك الايام
شهاتك وسام اعلقه على صدرى

خالص تحياتى و تقديرى

ابراهيم رزق يقول...

كريمة سندى
واى سمج ده سمج و سمج

شرفتينى بزيارتك للمرة الاولى
ارجو مزيدا من التواصل
منورانى
خالص تحياتى

ابراهيم رزق يقول...

شجن البنفسج

افتكرت الفيلم اختى الفاضلة لكن الخرب المطنطن اقوى من الذى بيطنطن

متشكر لتعليقك و دايما بتشرفينى و تنورينى بتعليقاتك و عقبال يارب ترى فلسطين حرة ممن استباحوها هو حلمنا الكبير

سلامى الى بنتك عروسة ابنى زياد احنا حجزنا اهو
خالص التقدير و الاحترام

ابراهيم رزق يقول...

سارد على التعليقات المحذوقة و اعتزر عن حذفها بالخطا

ابراهيم رزق يقول...

تيرز

العزيزة تيرز

نعم يصلح فيلم و احيكى على اختيارك
لامير شاهين و الهام شاهين

فعلا امير ده ننوس و مينفعش غير جنب امه اقصد اخته الهام شاهين
دايما منورانى
خالص تحياتى

ابراهيم رزق يقول...

مصطفى سيف

اولا اعتذر عن حذف تعليقك بالخطأ

ده حتى لما كان بيلعب فى فريق الصقور كانوا بيتغلبوا من الننوس
زى ما قال الريس
فريق الننوس كويس

منورنى
خالص تحياتى

ابراهيم رزق يقول...

مصطفى سيف

اولا اعتذر عن حذف تعليقك بالخطأ

ده حتى لما كان بيلعب فى فريق الصقور كانوا بيتغلبوا من الننوس
زى ما قال الريس
فريق الننوس كويس

منورنى
خالص تحياتى

ابراهيم رزق يقول...

سواح فى ملك الله

اخى الفاضل

فعلا هو كان نازل شحاتة و من حبه فى الشحاتة كان بيفضل وجود حسن شحاتة و بعدين بيقوله الشحات له نص البلد دول كانت البلد بتاعتهم

خالص تحياتى

ابراهيم رزق يقول...

افكار مبعثرة

اعتزر عن حذف تعليقك بالخطا

متشكر لمجاملتك الكريمة

منورانى
خالص تحياتى