الأحد، 1 مايو 2011

اعلانات مبوبة

المركز الدولى للاستشارات التظاهرية و الاعتصامية و لوازمها
خبراء دوليون متخصصون فى التظاهرات و الاعتصامات بكافة انواعها
                  فئوية - طائفية - حقوقية - جامعية
احدث الصيحات العالمية و الابتكارات فى فنون النظاهرات و الاعتصامات 

كما يعلن المكتب عن وصول شحنة جديدة من اللوجيهات مستوردة من الخارج من اشهر الماركات عالمية

كما يتوافر بالمركز خيام للاعتصامات مزودة باجهزة تكييف و دورات مياه مصنوعة من اجود الخامات

كما يعلن المركز عن اقامة دورات متخصصة فى الاعتصامات و التظاهرات لجميع الاعمار من الحضانة الى الثانوى نظرى و عملى  مزود باحدث اجهزة المحاكاه تحت اشراف كل من
                  الاستاذ الدكتور معتصم السريع استاذ الاعتصام المقارن بكلية الاداب
                  الاستاذ الدكتور نضال الهتيف   استاذ طرق التظاهر بكلية الهندسة


اسعار خاصة بمناسبة ثورة 25 يناير

اسال على عرض الكومبو السعر مفاجاة ؟؟؟؟؟
   1  المظاهرة مع مياه معدنية مع احدى اختيارتك من السلطات
   2  الاعتصام مع صابونة و كويل دخول دورة مياه
      
               انتظروا الاوكازيون قريبا 

هناك 29 تعليقًا:

زهرة نيسان يقول...

السلام عليكم ،

تحفة جداً .. ما شاء الله ،
يسلم فكرك ..

دمت بكل الخير .

Tears يقول...

هاهاهاها............ و الله هو ده اللى ناقص :)

آخر أيام الخريف يقول...

جامدة كالعادة :)

شيرين سامي يقول...

هههههههه
أنا كل يوم تقريباً بشوف مظاهره و ساعات من أعداد قليله جداً
معندكش أوفر يا أستاذ ابراهيم على التظاهرات الزوجيه
شغل البيت باطل
دخول المطبخ باطل
غسيل و مكوى باطل
الشعب يريد تغير النظــــام :)
الشعب عايز (بريك) يا أستاذ ابراهيم

وجع البنفسج يقول...

وهذه كمان اعلانات مميزة بس مش افضل لو تضيف وجبة كنتاكي مجانية لكل معتصم و عشر وجبات اضافية لكل معتصم يجر وراه خمسة معتصمين !!
يعني نوع من التشجيع على الاعتصام ..

دمت اخي بخير انت واعلاناتك المميزة.

موناليزا يقول...

مفيش كروت شحن:)

غير معرف يقول...

من زمان وانا ابحث عن مدونة لك وكل ما اقرا تعليقاتك في مدونات غيرك اقعد ادور وادور واقول الراجل ده مش معقول ما لوش مدونة لحد ما قريت قريب عند احدى المدونات تصريح ما عن مدونتك وذهبت فورا الي هناك اقصد الى هنا ومن ساعتها وانا لا افارقها بس نفسي من حضرتك في حاجة :ممكن مع مطلع كل موضوع ليك تكتب رباعية من رباعيات صلاح جاهين اللي انت مشهور بأضافتها بحنكة الى كل تعليقاتك على الآخرين اما اعلاناتك فمش قادرة اقول عنها حاجة الا انك اتفوقت على نفسك فيها وعايزين المزيد وليه ما بتدخلش على الفيس بوك ؟

د/دودى يقول...

هو عرض القناع الواقى للغاز المسيل للدموع خلص؟؟ يا خساااره ده كان تحفه و مناسب قوى للفتره اللى فاتت...

فى اسعار حلوه للفئويه؟؟ اصلى ناويه انجح فى الرمد السنه دى و مليش نفس اذاكر بفكر اجيب الف و لا الفين واحد و نهدد رئيس القسم يا النجاح و الا....

تدوينه رهيببه ...عجبتنى جدا المره دى

Carmen يقول...

:‏)‏))) جامدة جدا

دعاء العطار يقول...

ههههههههههههههههه

فكره حلوه كالعاده

وكالعاده بتضحكنى كتاباتك وسخريتك

هو ليه الواحد مش بيتظاهر هوكمان عشان أى حاجه

هفكر فى مظاهره أعملها .. والحق العرض بتاع حضرتك

هى جات عليا يعنى

دمت ساخر يااستاذ ابراهيم (:

ريــــمــــاس يقول...

يبدو أن الثورة فتحت باب الإعلانات ولكن بقلم أستاذ ابراهيم :)
؛؛
؛
لروحك عبق الغاردينيا
كانت هنا
reemaas

ابراهيم رزق يقول...

زهرة نيسان

سعيد بتعليقك و متشكر لاشادتك

منورانى
خالص تحياتى

ابراهيم رزق يقول...

تيرز

حد عالم مااللى بيحصل على راى شويكار
شىء لا يصدقه عقل

دايما منورانى
خالص تحياتى

ابراهيم رزق يقول...

اخر ايام الخريف

اختى الغالية نوران

يا مرحبا يا مرحبا

جامدة لكن لم تصل الى مستوى اعجابك
ربنا يسهل و نصل الى عجبنى و اخترته ههههه

منورانى دايما
تقديرى و اعتزازى

ابراهيم رزق يقول...

شرين سامى

اختى العزيزة

طلبك موجود و بسعر محصلش
و الله العظيم زياد سبع سنوات و ساليناز خمس سنوات اى حاجة بيعملوا مظاهرة و يرفعوا اللافتات بيكتبوها بخط ايدهم مرة عشان الاندومى كل يوم و مرة عشان جلاكسى و مرة عشان يروحوا الملاهى كانت غلطة يوم ما راحوا التحرير ههههههههه

دايما منورانى
خالص تحياتى

ابراهيم رزق يقول...

شجن البنفسج

اختى العزيزة

الكناكى مرحلة و عدت لانها كانت فى التحرير
نحن فى مرحلة ما بعد الكنتاكى

دايما منورانى
تحياتى و تقديرى

ابراهيم رزق يقول...

موناليزا

طلبك موجود فى قسم اللوازم

منورانى دايما
خالص تحياتى

ابراهيم رزق يقول...

غير معرف

سعيد بتعليقك جدا جدا و اتمنى ان اتعرف عليك
سعيد برايك جدا و يشرفنى

موضوع جاهين ساحاول و لكن انت تعرف انه يجب ان تكون الرباعية فى مكانها

منورنى و سعيد بك و ارجو دوام الزيارة و التعليق
تحياتى و تقديرى

ابراهيم رزق يقول...

د دودى

و الله يا دينا طلبك موجود عندنا القناع الواقى موجود بس فى المخازن مفيش طلب عليه اليومين دول بفكر انزله فى الاكازيون

اما المظاهرة الخاصة بقسم الرمد فموجود فى القسم الجامعى ده حتى المركز لسة منظم مظاهرة طب بيطرى المنصورة عشان الكتب غالية شوية و المنهج صعب

سعيد جدا بتعليقك
منورانى
خالص تحيانى

ابراهيم رزق يقول...

كارمن
اختى الرقيقة

شكرا لمجاملتك الرقيقة
دايما منورانى
خالص تحياتى

ابراهيم رزق يقول...

دعاء العطار

سعيد انها اعجبتك

و بعدين فكرى فى مظاهرة لو معندكيش المركز جاهز بالافكار و الكتالوج الخاص بها

منورانى دائما
خالص تحياتى

ابراهيم رزق يقول...

ريماس
اختى العزيزة

يعجبنى دائما تعليقك المميز

دايما منورانى

لكى منى ارق تحية و اعتزاز

كريمة سندي يقول...

فكرة جنان .. تسلموا

faroukfahmy58 يقول...

اخى ابراهيم رزق
انتظر تحفك لكى اعلقها بجدران بيتى بس المساحة مش هتكفى يبقى ادور على شقة واسعة تسع هذه المدونات ولوازمهاومش هلاقى طبعا اوسع من قلبى عشان يحفظها
انا خايف يا ابراهيم الجماعة الجورنالية يكتشفوك وياخدونك من مدوناتنا زى الجماعة بتوع الكورة بس لازم يدفعولنا مليون جنيه عشان نسيبك مليون ايه المليون دلوقتى بقى رخيص مليار ده انت غالى قوى ياابراهيم ياخويا

أم يقول...

أعجبتني الفكرة كثيرا تقبل مروري

faroukfahmy58 يقول...

اخى ابراهيم
اعود مرة ثانية الى مدونتك المحببة الى نفسى وذلك فيما يتعلق بردك الكريم على تعليقى فى مقالك الساخر ننوس عينى
فقد ذكرت ان صحيح القول نتعايش وليس نعيش ولما كنت ابغى دوما تقييم الاداء فقد رجعت الى قاموس المحيط اللغوىفى باب العيش
ظهر ان العيش هو الحياة التى نعيش فيهاوما تكون من رغد اوضنك ولها صفة العموم
اما المعيشة او التعايش فلها صفة الخصوص فى الحال الحسن
ولما كنا ما نتناوله هومعيشة الضنك فالأصح هو يعيش وليس نتعايش
ولازلت عند رايى باننا لن نتنازل عنك ولو يملبار جنيه

ابراهيم رزق يقول...

كريمة سندى

متشكر على مجاملتك الكريمة
سعيد بتواصلك

منورانى دايما
خالص تحياتى

ابراهيم رزق يقول...

ام

سعيد انها اعجبتك
منورانى و اتمنى زيادة التواصل

خالص تحياتى

ابراهيم رزق يقول...

فاروق فهمى
استاذى الرائع البديع

تعليقك شهادة لى انا لا استحقها و لكنى فخور بها لدرجة انى اعلقها انا على جدران قلبى و على صدرى و اضعها فى عينى

دائما تعطينى اكثر مما استحق
و الله العظيم رغم تواصلنا من فترة قصيرة الا انك اسرتنى و اسرت قلبى

اما تعليقى الثانى استاذى العزيز فانا لم اقصد تصحيح حاشا لله انا قصدت فقط ان الانسان يعيش فله اختيارات يعيش كما يشاء اردت بكلمة تعايش اننا فقدنا حتى القدرة على الاختيار و اصبح مفروضا علينا التعايش السلمى مع القبح و القهر و النهب و السلمى لا نتعاطى الا المرارة
سعيد جدااااااااا باهتمامك و سعيد بتعليقاتك التى تحتاج الى مدونة خاصة لتجميعها
فى انتظار المعطف حتى نستمتع بابداعك
خالص تحياتى و تقديرى لابداعك المتميز