المشاركات
اسمك ايه و شغال ايه
لوكعة وزة و شغال سواق ميكروباص
اسمك الحقيقى
انا اسمى محمد لكن لوكعة ده اسم الشهرة بتاعى ايام ما كنت صبى ميكنايكى و وزة ده اسم شهرة اخويا بقى اسمى لوكعة وزة
طب يا عم وزة انتم متهمون بعدة اتهامات مستعد للرد
ربنا يسهل
انتم متهمين بعدم احترام قواعد المرورر اى قواعد السواقة
زى ايه يعنى
اول حاجة انت لا تقف على جنب لتنزيل الركاب
بص يا افندى الركاب دول ولاد تييت كل راكب عايزنا ننزله على باب اوضة النوم لو عايز ينام او على باب الحمام لو عايز يدخل الحمام كل راكب نازل فى حتة على جنب يا اسطى لا توجد لنا محطات حاجة تانية انا بفهم فى شغلك طبعا لا شغلتنا تحتاج الى اسلوب فى السواقة لازم تحتفظ بمسافة بينك و بين الميكروباص اللى وراك و المسافة اسمها جنزير
يعنى ايه جنزير
انا لا امشى الا و مجموعة سيارات ورايا عشان احتفظ بمسافة بينى والميكروباص اللى ورايا لانه لو عدانى هياخد زباينى من ع الطريق و دورى فى الموقف طبعا انا باختار عربية على قدها حد مش بيعرف يسوق ست مثلا و احجزها ورايا و معدهاش طبعا هى هتحجز وراها بعض العربيات هو ده الجنزير اللى لازم امشى به
لكنك بتسمع صرخات السيارات التى خلفك بتعمل ايه لما تسمعها
و الله لو فى حدود المعقول باطنش لكن لو زود بانزل و ارد و اتخانق معاه يعنى انتى ترضى حد يشتم امك و ابوك و تسكت
بس انت بتبقى غلطان
دى اصول شغلنا و لو معملناش كده مش هانجيب فلوس لصاحب العربية
بمناسبة الفلوس انت متهم بانك بتحمل العربية بركاب ازيد من حمولتها
بص يا افندى لو انت ماشى فى الشارع و لقيت جنيه هتسيبه واقع ع الارض و لا هتاخده طبعا هتاخده الركاب ده جنيه واقع ع الارض حرام عليا اسيبه و بعدين هو بيبقى شايف العربية لو زحمة و مش عجباه مش هيركب و الركاب جوه لازم يساعدوا بعض واحدة تاخد صاحبتها على رجلها الشباب يتشعبط ع الباب مفيش مشكلة عشان الكل يوصل ب السلامة
و ايه موضوع الاغانى اللى الناس بتشتكى من سماعها فى الميكروباص و الصوت العالى
بص يا افندى الراكب ضيف عندنا بيركب نصف ساعة و ينزل انا ببقى فى العربية اكتر من 15 ساعة يعنى عاوزنى اشغل ليكم عمرو دياب و بعدين الصوت العالى ده مزاج كل واحد و نزاهته يجيب السماعات اللى تليق بيه ميرضكش امشى بسماعات اى كلام
ايه مشاكلكم
و الله مشاكلنا كتير و مصاريفنا كتير جاز و كاوتش و بطاريات و قطع غيار و كارتة و مخالفات و لو معملناش كده اخر النهار مش هنلاقى فلوس ناكل و بعدين نظرة الناس لينا مع اننا بنخدمهم و لو وقفنا ساعة واحدة عن الشغل هيحسوا بقيمتنا
ايه اللى مبيعجبكش فى الناس اللى بتسوق
سواقة الستات تلاقيهم متلخبطين و مش عارفين يمسكو الطارة (الطارة معناها الدركسيون او عجلة القيادة) و تلاقيها حطا منديل ع الطارة او فوطة و بتمشى ببط ء بس احنا برده بنستحملهم
طب يا عم لوكعة تحب تسمع اغنية ايه
احب اسمع انا شارب سيجارة بنى
حافظ كلماتها
طبعا
شارب سيجارة بنى
حاسس دماغى بتاكلنى
قاعد فى الحارة بسقط
و الغسيل عمالة بينقط
و الشارع اللى ورايا قدامى
و الكلام ع طرف لسانى
باجى اتكلم باتلخبط
يا عم ولع يا سيدى ولع
شربت سيجارة تانية
نسيت اسمى فى ثانية
و سالت ع باب بيتنا
قالولى مش حتتنا
شالونى روحونى
دوخونى تعبونى
يا عم ولع يا سيدى ولع
طبعا ولعت و مشيت و مش عارف على راى اغنية منير معرفش مين الظالم و مين المظلوم
ملحوظة اخرى الاغنية لا تحتاج اى ترجمة واضحة خالص باستثناء سيجارة بنى اى سيجارة بحشيش
لوكعة وزة و شغال سواق ميكروباص
اسمك الحقيقى
انا اسمى محمد لكن لوكعة ده اسم الشهرة بتاعى ايام ما كنت صبى ميكنايكى و وزة ده اسم شهرة اخويا بقى اسمى لوكعة وزة
طب يا عم وزة انتم متهمون بعدة اتهامات مستعد للرد
ربنا يسهل
انتم متهمين بعدم احترام قواعد المرورر اى قواعد السواقة
زى ايه يعنى
اول حاجة انت لا تقف على جنب لتنزيل الركاب
بص يا افندى الركاب دول ولاد تييت كل راكب عايزنا ننزله على باب اوضة النوم لو عايز ينام او على باب الحمام لو عايز يدخل الحمام كل راكب نازل فى حتة على جنب يا اسطى لا توجد لنا محطات حاجة تانية انا بفهم فى شغلك طبعا لا شغلتنا تحتاج الى اسلوب فى السواقة لازم تحتفظ بمسافة بينك و بين الميكروباص اللى وراك و المسافة اسمها جنزير
يعنى ايه جنزير
انا لا امشى الا و مجموعة سيارات ورايا عشان احتفظ بمسافة بينى والميكروباص اللى ورايا لانه لو عدانى هياخد زباينى من ع الطريق و دورى فى الموقف طبعا انا باختار عربية على قدها حد مش بيعرف يسوق ست مثلا و احجزها ورايا و معدهاش طبعا هى هتحجز وراها بعض العربيات هو ده الجنزير اللى لازم امشى به
لكنك بتسمع صرخات السيارات التى خلفك بتعمل ايه لما تسمعها
و الله لو فى حدود المعقول باطنش لكن لو زود بانزل و ارد و اتخانق معاه يعنى انتى ترضى حد يشتم امك و ابوك و تسكت
بس انت بتبقى غلطان
دى اصول شغلنا و لو معملناش كده مش هانجيب فلوس لصاحب العربية
بمناسبة الفلوس انت متهم بانك بتحمل العربية بركاب ازيد من حمولتها
بص يا افندى لو انت ماشى فى الشارع و لقيت جنيه هتسيبه واقع ع الارض و لا هتاخده طبعا هتاخده الركاب ده جنيه واقع ع الارض حرام عليا اسيبه و بعدين هو بيبقى شايف العربية لو زحمة و مش عجباه مش هيركب و الركاب جوه لازم يساعدوا بعض واحدة تاخد صاحبتها على رجلها الشباب يتشعبط ع الباب مفيش مشكلة عشان الكل يوصل ب السلامة
و ايه موضوع الاغانى اللى الناس بتشتكى من سماعها فى الميكروباص و الصوت العالى
بص يا افندى الراكب ضيف عندنا بيركب نصف ساعة و ينزل انا ببقى فى العربية اكتر من 15 ساعة يعنى عاوزنى اشغل ليكم عمرو دياب و بعدين الصوت العالى ده مزاج كل واحد و نزاهته يجيب السماعات اللى تليق بيه ميرضكش امشى بسماعات اى كلام
ايه مشاكلكم
و الله مشاكلنا كتير و مصاريفنا كتير جاز و كاوتش و بطاريات و قطع غيار و كارتة و مخالفات و لو معملناش كده اخر النهار مش هنلاقى فلوس ناكل و بعدين نظرة الناس لينا مع اننا بنخدمهم و لو وقفنا ساعة واحدة عن الشغل هيحسوا بقيمتنا
ايه اللى مبيعجبكش فى الناس اللى بتسوق
سواقة الستات تلاقيهم متلخبطين و مش عارفين يمسكو الطارة (الطارة معناها الدركسيون او عجلة القيادة) و تلاقيها حطا منديل ع الطارة او فوطة و بتمشى ببط ء بس احنا برده بنستحملهم
طب يا عم لوكعة تحب تسمع اغنية ايه
احب اسمع انا شارب سيجارة بنى
حافظ كلماتها
طبعا
شارب سيجارة بنى
حاسس دماغى بتاكلنى
قاعد فى الحارة بسقط
و الغسيل عمالة بينقط
و الشارع اللى ورايا قدامى
و الكلام ع طرف لسانى
باجى اتكلم باتلخبط
يا عم ولع يا سيدى ولع
شربت سيجارة تانية
نسيت اسمى فى ثانية
و سالت ع باب بيتنا
قالولى مش حتتنا
شالونى روحونى
دوخونى تعبونى
يا عم ولع يا سيدى ولع
طبعا ولعت و مشيت و مش عارف على راى اغنية منير معرفش مين الظالم و مين المظلوم
ملحوظة اخرى الاغنية لا تحتاج اى ترجمة واضحة خالص باستثناء سيجارة بنى اى سيجارة بحشيش
هناك 23 تعليقًا:
مساء الغاردينيا عم مضبوط
ايه الي بيحصل ده ؟<<< بجد ضحكت
لا خلاص انا قررت اجي مصر عشان اركب ميكروباص بس يالهوي لايطلع السواق بيشرب سيجارة بني ههههههههههه تصدق كنت بقول ايه سيجارة بني دي كويس الي ترجمتها للناس الي تفكيرها على قدها زيي :)
بس بجد بحس السواقين دول تحفه ومزاجهم عالي طالما الاغاني دي بيسمعوها الا على فكرة هي الاغاني دي بتبقى غناء مين ؟
شعبان عبدالرحيم وعدوية مثلاً :)
شربت سيجارة تانية
نسيت اسمى فى ثانية
و سالت ع باب بيتنا
قالولى مش حتتنا
هههههههههههههه عجبتني اوي "
؛؛
؛
لروحك عبق الغاردينيا
كانت هنا
reemaas
جميل الحوار
جميل علشان واقعى
كا كلمة قالها تعتبر منطقية
منطقية فى بلد زى مصر
منطقية فى الشارع المصرى
عارف حاضرتك انا لما بكون راكب اى عربية ميكروباس او ملاكى
بحس انى فى الملاهى
فاكر حاضرتك لعبة العربيات اللى بتخبط فى بعض
اهو بيكون الوضع كدة مع الوضع فى الأعتبار ان الحمد لله ما بنخبطش فى بعض (:
بوست جميل جداً ((:
شر البلية ما يضحك هههههههه
______
خالص تقديري لفكرك وقلمك
وربنا يهدينا ويهديهم
تقبل مروري
Casper
انا بدأت اتعاطف مع سواقين الميكروباصات
الراجل معاه حق 15 ساعة في الميكروباص عايزو يسمع عمرو دياب؟ اكيد هينام ويخبط في شجرة محتاج حاجة تخليه مصحصح
وبعدين زي ما قال كده لو حد لقي جنيه على الارض هيسيبه ؟ لا طبعا فيها ايه لو العربية اللي بتشيل 14 شالت 21 اهوه حتى ندفي بعض في الشتا
وفي الصيف ممكن يطلعوا البلكون اللي على سطح الميكروباص
كالعادة اسلوبك الساخر مبهر يا ابراهيم
استمتعت هنا
تحياتي
مساء الفل هههه تدعيما للمووضوع ههههه بصراحة أصل اللي لاقي دلع ومش يدلع يبقي حرام عليه..زمان كدا من يجي 6 او 5 سنين كان المدينة بتاعتنا جيه رئيس مدينة راجل ابن حلال ..خلي المدينة تحفه ..طبعا حضرتك هتقول ايه اللي دخل دا ف الموضوع ..أانا جاية اقول اهو المهم المدينة بقت ميه ميه..والسواقين عملهم مواقف واتجاهات محددة وممنوع التجواز ولو حصل تجواز ..بصراحة كل واحد كان بيحترم نفسه ومش كان بيحصل تجاوز ... ماشي ولا حتي كان يقف ف الطريق..الراجل فعلا كان مضبط العملية جداا ..المهم طبعا بما ان البلد ماشية بمبدأ الكويس يمشي ..فعلا مشي وجيه واحد الله ينتقم منه دنيا وآخرة ...ورجعت ريما لعادتها القديمة ومش بقي فيه إلتزام
خلاصة الموضوع ..العملية عايزة ريس يضبطها..!!يعني محدش هيتعدل من نفسه...
نقد اجتماعي باسلوب هزلي متميز
هو الفن صار هيك شكله هالأيام
كلام ملخط
كلام مبعتر
يخلى فكر الواحد مع كل كلمة يتعتر
السلام عليكم ،
أسلوب رائع كعادتك ،
دمت مبدعاً ..
دمت بكل خير .
والله مش عارفة أقول إيه لكن شر البلية ما يضحك يا سي لوكعة وزة
ههههههههههههههههه
شر البلية ما يضحك
ساعات كتير بفكر هي الناس دي بتفكر ازاي اخو انا دلوقتي اما قريت البوست عرفت بيفكرو ازاي
منطقي جدا ان الاغنية تكون سيجارة بني
ههههههههههه
ماهو بيقوللك سالت على باب بيتنا قالولي مش حتتنا وهو ده المبدا اللي بيشمو بيه
ههههههههههههههههه
تسلم ايديك :)
انا بجد زعلان منك ياابراهيم لانك حتى تاريخه لم تحاور سائقى الحناطير وبعضهم لا زال موجودا وياما اتلسعت منهم وانا صغير فاكر يا ابراهيم
(كرباج ورا يا اسطى )
واليوم لازم نواكب العصر والتكنولوجيا ونقول
(العجلة نايمه يا اسطى )
( الباب مفتوح )
يا ترى يا ابراهيم لما الناس بتسخر وبتقول كده هيه العجلة اللى نايمة والا البلد هيه اللى نايمة وعامله صاحية ومش لايقه حد يضبطها والا على رأيك عالم مجانين
هههههههههههههههه
انا عجبتنى اوى حكايه الجنزير دى
وانا اللى كنت فاكره انه غصب عنهم
طلعوا بيبقوا قاصدين
الميكروباصات دلوقتى بقوا بياكلوا الشارع
واخدينه كله لحسابهم
لا حد بيعرف يمشى ولا يسوق
واغنيه سيجاره بنى دى بيتهيألى من اغانى الطرب الجميل اللى بتشتغل فى الميكروباصات
اصل فى اسوء منها بكتير
ريماس
صباح الورد و الفل
تشرفى مصر نحن فى انتظارك
اى خدمة عمالين تثقف فيكى اهو عشان نمحى الامية بتاعتك ههههههههههه
بالبحث و التحرى عن اغنية سيجارة بنى وجد ان مطربها اسمه محمود الحسينى
نورتينى
تحيات معطرة بالمسك و العنبر
رامى
حلو تعبير الملاهى ده لكن انت كده لازم تدفع الاجرة مضافا لها تذكرة الملاهى
اتنين فى واحد يعنى
ههههههههه
نورتنى
خالص تحياتى
Casper
فعلا شر البلية ما يضحك
نورتنى
تحياتى لك
مصطقى سيف
طبعا عمرو دياب ايه اللى هيسمعه
صيف يا عم مصطفى ده صيف و شتاء
متشكر لمجاملتك
نورتنى
خالص تحياتى
ياسمين
فعلا معاكى حق
يجب ان ينفذ القانون على الجميع
يجب ان نفعل القانون و النظام دون ان يرتبط بشخص معين
نورتينى
خالص تحياتى
زينة زيدان
اختى العزيزة
معكى كل الحق
نورتينى
خالص تحياتى
زهرة نيسان
تعطينى اكثر مما استحق
نورتينى
تحياتى لكى
كريمة سندى
فعلا شر البلية ما يضحك
نورتينى
تحياتى و تقديرى
افكار مبعثرة
تفكيرهم من وجهة نظرهم منطقى يجب ان نفهمهم حتى نستطيع التعامل معهم
نورتينى
خالص تحياتى
فاروق فهمى
استاذى العزيز
ههههههههه
اوعد سيادتك بحوار معهم لكنى اثناء زيارتى الى الاقصر لم اجدهم اصل السياحة بعافية
فعلا عجلة البلد نايمة خالص منهم للله اللى نيموها
فى انتظار باقى ابداعك
سعيد بتعليقك
نورتنى و شرفتنى
خالص تحياتى و تقديرى
Bent Men ALZaman Da
كل شىء مقصود دول ناس منظمة و كل فكر ممنهج مفيش عشوائية هههههه
فى اسوء من سيجارة بنى قوليلى انا باين عليا بقيت متخلف ارجوكى قولى ليا
نورتينى
تحياتى
ابراهيم ..قصصك الممتعة ننتظرها وبقت عندنا امتع من المسلسلات التركي ..شفت بقى قيمتك عندنا عالية ازاي ..بس بجد كل الردود منطقية ..سلمت وسلمت يداك ..وانا قريب على هامش السيرة حاكتبلكم عن حاجة مشابهة حصلت معانا واحنا راجعين من مرسى مطروح ..تحياتي
إرسال تعليق