الخميس، 21 يوليو 2011

يا عزيزى كلنا انتهازيون

كلنا نتذكر غزوة احد و جميعنا نتذكر اسباب هزيمة المسلمين و هى ترك الرماه اماكنهم و عدم سماعهم كلام الرسول صلى الله عليه و سلم والنزول لجمع الغنائم مما اعطى الفرصة للمشركون لجمع قواتهم و العودة للمعركة
تماما ما يحدث على الساحة حاليا شبيه بما حدث فى غزوة احد تفرغ الجميع لجمع الغنائم دون ان تنتهى المعركة
نزل السلفيون الى الشارع و تذكروا وفاء قسطنطين ثم كامليا شحاتة ثم عبير فخرى ثم تذكروا الشيخ عمر عبد الرحمن و لن تنتهى مطالبهم و فى زحمة كل هذا لم ينسوا الانتخابات بحثوا عن مرشح للرئاسة و نزلوا الى الشارع من اجل انتخابات مجلس الشعب و قاموا بتوزيع اسطوانات البوتاجاز و الخبز خدمات للشارع
طبعا سبق الاخوان السلفيون و نزلوا الى الشارع و قاموا بعمل قوافل طبية و قاموا ببيع الخضر و الفاكهة
مع احترامى الكبير لخدمات السلفيين و الاخوان فى الشارع و لكن هل تختلف هذه السياسة مع سياسة مرشح مشبوه من الحزب الوطنى يوزع ملابس و اقمشة و اطعمة و اموال فى فترة الانتخابات اعتقد ان التحركات فى هذه الفترة مشبوهة
مجموعة كبيرة اعلنوا ترشيحهم للرئاسة و بداو فى حملتهم الانتخابية و ظهروا فى جميع اجهزة الاعلام و اقاموا مؤتمرات و سافروا للقرى و النجوع دون ان يتم وضع الدستور و دون ان يظهر على السطح ما هى صلاحيات رئيس الجمهورية و هل النظام القادم رئاسى او برلمانى
اللبراليون او ما يسموا انفسهم تفرغوا لتصفية الحسابات بينهم و بين من يختلف معهم هاجم نجيب ساويرس السلفيين و هاجمه ايضا السلفيين و تفرغ اغلبهم لمحاولة انشاء احزاب لدخول مجلس الشعب و محاولة البحث عن مرشح للرئاسة ليستفيدوا من التورتة
الاعلاميون والقنوات والبرامج استغلوا الوضع و نافسوا على السبق الاعلامى سواء خبر مدسوس اومشادات على الهواء
المسيحيون حاولوا الاستفادة من الموقف و احياء مطالبهم القديمة و تطويرها ايضا المعارضون للكنيسة حاولوا مهاجمتها و الحصول على مطالبهم
المطالب الفئوية و الثورية و المهلبتية  و غيرها كثير
اين مصرمن هؤلاء يا عزيزى كلنا انتهازيون

     

هناك 32 تعليقًا:

مصطفى سيف الدين يقول...

لك الله يا مصر
كل الطوائف تطمع فيكي والكل يتناسى المصلحة العامة من اجل المصالح الشخصية
تاهت الديمقراطية بين الاقدام وصرنا بلدا متفرقة
نسينا ما اجتمعنا عليه يوم 25 يناير من مبادىء ذهبت مع الريح الكل يضع اصابعه في اذنه حتى لا يسمع الا صوته
وحتى نفكر في المصلحة العامة ليست هناك بادرة امل تقودنا نحو الافضل
تحياتي

Tarkieb يقول...

قالوا لجحا الحق بيت ابوك اتهد جرى وقال اروح الحقلى طوبه وهو ده الى بيحصل دلوقتي....وكل واحد عايز طوبة.....وطوبة طوبة عطلت المخروبة...حلوة ولا مهدودة؟

zizi يقول...

فكرتني بالفيلم يا عزيزي كلنا لصوص ..اهي التورتة موجودة ومنهوبة قبل كدة ميت مرة يعني اللي يلحق حتة من الفتافيت يلحق واهي بقرة حاحا النواحة عمالة تتحلب ..تحياتي

نسرين شرباتي "أم سما" يقول...

ربما لا أستطيع الحكم من مكاني على ما يجري عندكم
لكن ما أعلمه أن علينا التحاد كي لا تسهل هزيمتنا

شمس النهار يقول...

ينصر دينك يااستاذ ابراهيم

لما قلت موضوع احد والشبه بين الامس واليوم
يانهار ابيض علي اللي سمعته وان دول كانوا المسلمين الاوائل الي اخره
ونسيوا ان النفس البشرية واحدة

المشكلة ان الكل مستعجل
ومافيش حاجة اصلا حصلت
مصر لسه زي ماهي
مافيش غير اننا شلنا المخلوع وبعض الرؤس وباقي الشلة بره بيخططولنا ويدبرولنا واحنا في غفلة بنوزع التورته اللي لسه ماخلصتش اصلا

كريمة سندي يقول...

في اعتقادي أن الوضع الآن كله انتهازي ومن لم يتسابق سيبقى على الرف!!!

Unknown يقول...

أخى الفاضل: أ/ ابراهيم
مصر عاشت حوالى ستين عاماً تحت ظل مجموعة حاكمة وقامت بإقصاء باقية فئات الشعب
عن ممارسة ابسط حقوقهم السياسية وفجأة انهار النظام وأصبحت الساحة مفتوحة أمام الجميع فأصابهم حالة من الهوس بعد طول الحرمان وأكيد مايحدث الآن وبهذه الصورة ليس فى صالح أحد ولاحتى هؤلاء.

reemaas يقول...

طبعااااااااااااااا
انتهازيون ونص وكمان

كله ماسك فى كله وكله عاوز يصفى حسابه مع كله والمشكله ان الاغلبيه اللى كانت صامته لسه صامته برده وبتتفرج

غير معرف يقول...

مساء الغاردينيا ابراهيم
الكثير فعلاً انشغل بأمور أخرى غير مصر ولكن أتظن جميعهم انتهازيون هناك من يحاول ومن يقتفي أثر الأمل بعزيمة وبحب لمصر الغالية ..حفظ الله أمنها وشعبها وستكون مصر بإذن المولى أجمل وفي أمان الرحمن "
؛؛
؛
لروحك عبق الغاردينيا
reemaas

Ramy يقول...

حقيقى أنتهازيون

أنها طبيعة الأنا اللى اتربينا عليها خلال 30 سنة و دى احد انجازات مبارك

حقيقى و يمكن شوية ايام السدات بس مكنتش بتركيز مبارك

و على ايام جمال كان فى هدف للأمة و كانت مُجتمعة عليه

طبيعة الأنا ستحتاج أعوام و اعوام للتخلص منها

علشان كدة احيانا كتير كنت بفقد الأمل لأن احنا اللى خطر على احنا مش بس الفلول

faroukfahmy يقول...

اخى ابراهيم
احجز مساحتى ها هنا الى ان اجهز تعليقى حتى لا اتأخر عليك وانت اظرف ظرفائنا

ريهام المرشدي يقول...

وجد الكل هذه الفرصه لكي يحقق ما حرم منه طيله سنوات ليست بقليله ، و يحركهم الاعتقاد أن من لم يأخذ فرصته الآن لن يأخذها أبداً و هذا أمر طبيعي من طول سنوات الحرمان.
أما مصر فلها الله

ذو النون المصري يقول...

لا مش عاوز عزومة
اول مره اجي و البيت بيتنا
الموقف بالفعل فيه انتهازيه شديده
كان السلفيين بيقولوا زمان الانتخابات حرام والثورة حرام
انهارده لا
ايه اللي اتغير؟
ايضا الليبراليين لهم مواقف متناقضة بين الديمقراطية و عدمها
الخ
مصر الان في الشارع
في التحرير

Bent Men ElZman Da !! يقول...

ماهو ده اللى بيخلينا مش قادرين نتقدم
كل فئه بتدور على مطالبها الشخصيه
مش بيبصوا بقى ياترى اصلا ينفع يطالبوا بيها دلوقتى
والا اذا كانت هتعطل سير اى حاجه فى البلد
والا حتى تولد فتنه
والا اصلا اذا كانت المطالب دى صح والا غلط

faroukfahmy يقول...

مصر يا ابراهيم بقت تربة ولبست تورنه كما يطمعون
العيون كلها مفتوحة لخراب مصر زياده ما هيه مخروبه
العيون المفتوحه يا ابراهيم لا تعرف الاحلام
ضاع الأمل ولم يبق الا الألم
كترت الأسامى والمسميات حتى نسى الواحد اسمه وفرحو لما ربنا قال لملائكته علمت الانسان الاسماء كلها واستغلوها للطغيان والبهتان
عجزت العيون ان ترى شمس النهار واتعودت الآذان على كلام الزور والبهتان
طال الليل علينا يا ابراهيم وميلاد النور غاب وفى محكمة الزمان لا يجد القاضى السجان والسجان هوه اللى بيصدر الاحكام على الحكام اختل الميزان واختلت معه الأوزان
لكى الله يامصر

ابراهيم رزق يقول...

مصطفى سيف
اخى العزيز

فعلا لك الله يا مصر

اين روح 25 يناير

نورتنى
خالص تحياتى

ابراهيم رزق يقول...

Tarkieb

مع الفرق ان بيت جحا بيتبنى من جديد قال اخد طوبة من اللى هيبنى البيت
و طوبة ورا توبة خلص الطوب ومصر متبنتش و كل واحد ماسك الطوبة ميعرفش يعمل بيها حاجة غير يخبط اللى قدامه

نورتنى
تحياتى

ابراهيم رزق يقول...

zizi العزيزة الذيذة

فعلا معاكى حق فتافيت وبقرة حاحاالنواحة باين هتقعد تنوح كتير

نورتينى و شرفتينى
تحياتى و تقديرى و حبى

ابراهيم رزق يقول...

NISREENA

فعلا هذا هو الحل الاتحاد روح 25 يناير

نورتينى
خالص تحياتى

ابراهيم رزق يقول...

شمس النهار

فعلا الكل مستعجل على الغنائم و الاكل و الشرب مع ان التورتة لسة مخلصتش

و الجو غير امن

نورتنى

خالص تحياتى

ابراهيم رزق يقول...

كريمة سندى

هذا ما يعتقدوه فعلا

نورتينى
خالص تحياتى

ابراهيم رزق يقول...

محمد الجرايحى
استاذى الفاضل

معك حق لكن ما يحزننى ان من يركب الموجة هم المفترض ان يقودوا السفينة

نورتنى
خالص تحياتى

ابراهيم رزق يقول...

reemaas

الامل فى الاغلبية الصامتة

نورتينى
خالص تحياتى

زينة زيدان يقول...

أنتم في مصر الآن في مرحلة تاريخية مرت هنا لدينا قبل عدة أعوام...

بعد نتيجة الانتخابات سوف ترى الوجوه الحقيقية..ما يقال الآن وما يُفعل هو أقنعة تخفي خلفها الأحزاب ملامحها الحقيقية..

كان الله في عوننا

ابراهيم رزق يقول...

ريماس

صباح الفل

حفظ الله مصر بقلوب و دعوات من يحبهاو حفظك الله يا ريمسو

اشكرك على مشاعرك الجميلة

نورتينى
خالص تحياتى

ابراهيم رزق يقول...

فاروق فهمى
استاذى العزيز

تعليقك يستحق ان يكون بوست منفرد لا املك امامه الا الصمت

و اقول معك لكى الله يا مصر

نورتنى
تحياتى

ابراهيم رزق يقول...

رامى
القلب الطيب

اسف على الخطأ فى الردود

معك حق فى كل ما قلته
تعليق من القلب
وصل الى القلب

نورتنى
خالص تحياتى

ابراهيم رزق يقول...

ريهام المرشدى

اهلا بكى و اتمنى دوام التواصل

وجهة نظرك صحيحة و لكنها ليست فرص بل وهم

نورتينى
تحياتى

ابراهيم رزق يقول...

ذو النون المصرى

فعلا انتى مش عاوز عزومة
مرحب بك واتمنى استمرار التواصل

لهذه الاسباب كتبت هذا البوست


نورتنى
تحياتى

ابراهيم رزق يقول...

Bent Men ALZaman Da

معكى حق تماما لكن المجلس العسكرى ساهم بشكل كبير فى ذلك ببطء تحركه

نورتينى
خالص تحياتى

ابراهيم رزق يقول...

زينة زيدان
اختى العزيزة

فعلا نحن فى مرحلة تاريخية لكن الاقنعة رديئة كشفت عوراتهم

نورتينى
خالص تحياتى

افكار مبعثرة يقول...

و لا تنس القنوات الفضائية لقيت مرة واحدة هوجة قنوات فضائية قناة 25 يناير و قناة المصري و قناة مش عارف ايه كلها بتستغل اسم الثورة و احداث يناير
بجد تورتة و كل واحد عاوز ياخد منها حتة قبل ما غيره ياخد
حاجة تحزن بجد
تحياتي