المشاركات
كل سنة و انتو طيبين ذكرياتى مع شهر رمضان كثيرة جدا و لكنى ساتحدث اليوم عن جزء صغير و هو الاذاعة و التلفزيون علما ان زمان ده ليس بالبعيد ساتكلم عن الاذاعة و اذان الشيخ محمد رفعت الذى ارتبط برمضان ثم تواشيح الشيخ سيد النقشبندى و الشيخ نصر الدين طوبار ثم المسلسل الخفيف الكوميدى لفواد المهندس و شويكار على السحور نستمتع بالمسحراتى لفواد حداد و سيد مكاوى و الف ليلة و ليلة للراحلة زوزو نبيل بصوتها الشجى و اخراج محمد محمود شعبان (بابا شارو) ثم الحسين ثائرا و الحسين شهيدا قصة عبد الرحمن الشرقاوى هذه هى الاذاعة باختصار
نأتى الى التليفزيون كنا ننتظر من العام للعام المسلسلات الدينية و التاريخية اذكر و انا طفل صغير شاهدت مسلسل عن طارق بن زياد و مسلسل عن موسى بن نصير و عرفت من هم بطريقة شيقة و بسيطة ثم بعدها بقليل بدات مشاهدة المسلسلات الدينية مثل على هامش السيرة قصة الاديب طه حسين سيناريو و حوار امينة الصاوى بطولة نخبة من الممثلين لن اذكرهم خوفا من ان انسى عملاق منهم غناء ياسمين الخيام كلمات الاغنية عبد الفتاح مصطفى اخراج احمد طنطاوى ماذا تنتظرون من مسلسل كهذا
طب خدوا عندكوا تانى مسلسل لا اله الا الله قصة و سيناريو و حوار امينة الصاوى طب اقراوا هذه الكلمات
لا اله الا الله
لا اله الا الله
اولا قبل الوجود
اخر بعد الخلود
مطلق عن الحدود
واجب له السجود
جل الله فى علاه
ما لنا رب سواه
رب واهب الحياة
مجرى الريح و المياه
فاضت بالندى يداه
طوبى للذى هداه
جل الله فى علاه
ما لنا رب سواه
لا اله الا الله
هكذا باللغة العربية الفصحى كلمات بسيطة من تأليف الدكتور احمد هيكل الحان الدكتور جمال سلامة و غناء من محمد رشدى الذى يغنى باللغة العربية الفصحى لاول و اخر مرة ابحثوا عنها و اسمعوها لن تندموا اما المسلسل من اخراج احمد طنطاوى
و هكذا مسلسل محمد رسول الله قصة عبد الحميد جودة السحار غناء ياسمين الخيام و اخراج احمد طنطاوى باجزاءه المتعددة
طبعا شارك فى المسلسلات السابقة عمالقة و نجوم احمد مظهر و شكرى سرحان و عبد الله غيث و فواد احمد و عبد الغفار عودة و محمد الدفراوى و محمد الطوخى و محمد السبع و رشوان توفيق وغيرهم كثيرون
طبعا حتى لا اطيل عليكم كانت المسلسلات كثيرة مثل الوعد الحق و رسول الانسانية و الفرسان و المسلسلات الاجتماعية الجميلة المال و البنون و ليالى الحلمية و الشهد و الدموع و اربيسك و مسلسلات محمود مرسى ابو العلا البشرى و الرجل و الحصان و قال البحر و العائلة و مسلسل ضمير ابلة حكمت فاتن حمامة و غيرهم كثير
نأتى الى رمضان القادم تتنافس فيفى عبده و سمية الخشاب فى اضاعة صيامنا بكيد النساء لتاتى من بعيد غادة عبد الرازق الشهيرة بغادة تاتو بسمارة لتنزل على حلبة السباق وفاء عامر بكاريوكا ليهاجمهم تامر شعر الصدر بادم لتنطلق من بعيد كارول سماحة لتحكى و تنم لنا عن ازاوج الشحرورة طبعا علشان نسلى صيامنا و نكتسب اقصد نخسر حسنات لنختتم بالدالى اللى كل ما يموت يصحى مع الاعتذار لصديقى عزت ابو عوف من ابطال المسلسل الذى قلت له وجهة نظرى صراحة فى هذا المسلسل
طبعا هؤلاء المنتجون للمسلسلات ضامنين حقهم عن طريق الوكالات الاعلانية التى اشترت هذه المسلسلات و تسوقها على القنوات التى تتهافت للعرض الحصرى فى الاوقات اللى هى ساعة صلاة التراويح و قبل الافطار مباشرة و بعد الافطار و وقت السحور
اتمنى ان تخرج دعوة على الفيس بوك لمقاطعة المنتجات المعلنة على تلك المسلسلات حتى يتأدب المنتجون و الشركات هما مش هيفسدوا ذوقنا و يضيعوا صيامنا بفلوسنا و لتكن الدعوة الثانية المطالبة باعادة تلك المسلسلات الدينية و الاجتماعية القديمة لنتعلم و يتعلم منها اطفالنا و يتعلم المنتجون و المخرجون من هم النجوم الحقيقيين يجب مقاطعة المسلسلات الهايفة و المنتجات المعلنة على المسلسلات لان مقاطعة المسلسل وحده لا يجدى صوتك لوحده مش كفاية
بلد مجانين صحيح
نأتى الى التليفزيون كنا ننتظر من العام للعام المسلسلات الدينية و التاريخية اذكر و انا طفل صغير شاهدت مسلسل عن طارق بن زياد و مسلسل عن موسى بن نصير و عرفت من هم بطريقة شيقة و بسيطة ثم بعدها بقليل بدات مشاهدة المسلسلات الدينية مثل على هامش السيرة قصة الاديب طه حسين سيناريو و حوار امينة الصاوى بطولة نخبة من الممثلين لن اذكرهم خوفا من ان انسى عملاق منهم غناء ياسمين الخيام كلمات الاغنية عبد الفتاح مصطفى اخراج احمد طنطاوى ماذا تنتظرون من مسلسل كهذا
طب خدوا عندكوا تانى مسلسل لا اله الا الله قصة و سيناريو و حوار امينة الصاوى طب اقراوا هذه الكلمات
لا اله الا الله
لا اله الا الله
اولا قبل الوجود
اخر بعد الخلود
مطلق عن الحدود
واجب له السجود
جل الله فى علاه
ما لنا رب سواه
رب واهب الحياة
مجرى الريح و المياه
فاضت بالندى يداه
طوبى للذى هداه
جل الله فى علاه
ما لنا رب سواه
لا اله الا الله
هكذا باللغة العربية الفصحى كلمات بسيطة من تأليف الدكتور احمد هيكل الحان الدكتور جمال سلامة و غناء من محمد رشدى الذى يغنى باللغة العربية الفصحى لاول و اخر مرة ابحثوا عنها و اسمعوها لن تندموا اما المسلسل من اخراج احمد طنطاوى
و هكذا مسلسل محمد رسول الله قصة عبد الحميد جودة السحار غناء ياسمين الخيام و اخراج احمد طنطاوى باجزاءه المتعددة
طبعا شارك فى المسلسلات السابقة عمالقة و نجوم احمد مظهر و شكرى سرحان و عبد الله غيث و فواد احمد و عبد الغفار عودة و محمد الدفراوى و محمد الطوخى و محمد السبع و رشوان توفيق وغيرهم كثيرون
طبعا حتى لا اطيل عليكم كانت المسلسلات كثيرة مثل الوعد الحق و رسول الانسانية و الفرسان و المسلسلات الاجتماعية الجميلة المال و البنون و ليالى الحلمية و الشهد و الدموع و اربيسك و مسلسلات محمود مرسى ابو العلا البشرى و الرجل و الحصان و قال البحر و العائلة و مسلسل ضمير ابلة حكمت فاتن حمامة و غيرهم كثير
نأتى الى رمضان القادم تتنافس فيفى عبده و سمية الخشاب فى اضاعة صيامنا بكيد النساء لتاتى من بعيد غادة عبد الرازق الشهيرة بغادة تاتو بسمارة لتنزل على حلبة السباق وفاء عامر بكاريوكا ليهاجمهم تامر شعر الصدر بادم لتنطلق من بعيد كارول سماحة لتحكى و تنم لنا عن ازاوج الشحرورة طبعا علشان نسلى صيامنا و نكتسب اقصد نخسر حسنات لنختتم بالدالى اللى كل ما يموت يصحى مع الاعتذار لصديقى عزت ابو عوف من ابطال المسلسل الذى قلت له وجهة نظرى صراحة فى هذا المسلسل
طبعا هؤلاء المنتجون للمسلسلات ضامنين حقهم عن طريق الوكالات الاعلانية التى اشترت هذه المسلسلات و تسوقها على القنوات التى تتهافت للعرض الحصرى فى الاوقات اللى هى ساعة صلاة التراويح و قبل الافطار مباشرة و بعد الافطار و وقت السحور
اتمنى ان تخرج دعوة على الفيس بوك لمقاطعة المنتجات المعلنة على تلك المسلسلات حتى يتأدب المنتجون و الشركات هما مش هيفسدوا ذوقنا و يضيعوا صيامنا بفلوسنا و لتكن الدعوة الثانية المطالبة باعادة تلك المسلسلات الدينية و الاجتماعية القديمة لنتعلم و يتعلم منها اطفالنا و يتعلم المنتجون و المخرجون من هم النجوم الحقيقيين يجب مقاطعة المسلسلات الهايفة و المنتجات المعلنة على المسلسلات لان مقاطعة المسلسل وحده لا يجدى صوتك لوحده مش كفاية
بلد مجانين صحيح
هناك 39 تعليقًا:
أخى الفاضل: أ/ ابراهيم
السلام عليكم ورحمة الله وبركاته
أرجعت إلى الذاكرة ذكريات طيبة وعطرة
والتى حملت معها عبق زمن جميل افتقدناه مع رداءة أهل الفن فى هذا العصر الردئ.....
حسبنا الله ونعم الوكيل
ماهي الدعوة طلعت للمقاطعة على الفيسبوك ولمسلسل سمارة تحديدا
والله المفروض ان رمضان شهر عبادة وكنا زمان كده مكنش فيه غير الفوازير ودمتم
بعدين كل المسلسلات هادفة
افتكر ازاي كنت باسهر علشان اتفرج على مسلسل لا اله الا الله واعرف قصص الانبياء و يا سلام على صوت قؤاد احمد وهو بيقول آمون .. رع
ومسلسل محمد رسول الله واغنية التتر بتاعت ياسمين الخيام
دعوة ابراهيم
ونبوءة موسى
ترنيمة داود
وبشارة عيسى
صلى الله عليه وسلم
محمد(وبتتك على اتنوين )رسول الله
رمضان كان زمان لما كنا نستنى الشعراوي رحمه الله وكانت البرامج الدينية لها طعمها ورونقها دلوقت اكتر من سبعين مسلسل والنجوم طمعانين في هبلنا يعني عادل امام في مسلسله الجديد اخد بتاع اربعين مليون بذمتك كان يحلم بيها لو اننا فعلا فاهمين يعني ايه رمضان وكونه شهر عبادة؟
تحياتي يا صديقي
بلد مجانين صحيح
أزيك يا أستاذ ابراهيم
المشكلة كمان ف الناس اتغيرت
مبقتش الروح بتاعت زمان
مش عارف بس ده اللى حاسه
زى ما قلت لحضرتك محتاجين وقت طوووويل علشان البلد تعقل (:
يا مسهل بقى
وجهة نظرى الدعوة ليست لمقاطعة المسلسل فقط و لكن مقاطعة المنتجات و السلع المعلنة على المسلسل و بذلك نقضى على الممول الرئيسى لتلك الهيافة و ترتدع الشركات و يخاف المنتجون
لان الاعلان هو من يصرف على المسلسل
اردت فقط التوضيح المقاطعة ثنائية
بصراحة دعوة حلوة
وياليت يستجيب احد
فرمضان شهر عبادة وطاعة وليس شهر المسلسلات والافلام
وكل عام وانتم بخير
تحياتي ^_^
كل عام وأنت بخير ..
موضوع راقي الطرح ..
والمشكلة الأساسية أن الإعلام العربي كله يجعل شهر العبادة شهر التربح على حساب الغلابة
فمع غلاء الأسعار والكم الهائل من المسلسلات فلم يعد هناك وقت للعبادة أعرف أشخاص يتابعون من ثماني إلى عشر مسلسلات في رمضان الله المستعان
مساء الغاردينيا أستاذ ابراهيم
للأسف شهر رمضان شهر عبادة ورحمة ولكن تنشغل الناس بعد الإفطار بمتابعة المسلسلات على أساس كل شئ في التلفزيون جديد أتعجب حينها لماذا التلفزيون يعرض في شهر رمضان المسلسلات والبرامج الجديدة وياليت كانت هادفة لكن المصيبة بتكون العكس والإعلانات طبعاً نص ساعة عشان يبدأ المسلسل وطبعا تتخلل المسلسل إعلانات ليست أقل نتائج من نتائج المسلسلات انا شفت مسلسل لا اله الا الله قبل فترة على أحد القنوات المصرية وطبعاً أتذكر مما قرأت ليالي الحلمية وشهد الدموع طبعاً الوالدة تستعيد الذكريات وأنا صعدت معها في مركب الحنين :) وعلى كلام ماما كل شئ زمان له طعم ولون ونكهه خاصة تختلف عن اليوم "
؛؛
؛
على فكرة هي مش هتبقى بلد مجانين صحيح ..دي عالم مجانين صحيح :) "
؛؛
؛
لروحك عبق الغاردينيا
reemaas
فين أيام زمان ؟؟
باتذكر رمضان واحنا صغار ، كان شهر عبادة وطاعة وكان التلفزيون يشاركنا بهالطاعة من خلال البرامج الهادفة والمسلسلات الدينية والاجتماعية المحترمة التي لا تخدش الحياء ، احتراما للشهر الفضيل ..
اما الآن يبدو أن أبليس قد اعطى الإشارة لتابعيه ليقوموا بمهمته التي سوف يغيب عنها لمدة شهر .. ما شاء الله .. الكل يتسابق على شهر رمضان ، يتم تأجيل كل المسلسلات التافهةوالبايخة إلى شهر رمضان .. والله حرام اللي بصير .. بس شو بدنا نعمل .. احنا بحاجة لثورة اخلاقية تنتشلنا من بئر الخواء والفساد ..
ربنا يرحمنا يارب برحمته ..
في ايييييييييه ياابراهيم
ماغلك ومالي اليومين دول
:)))))))))
البوست اللي فات خالتني اعيط لما افتكرت ذكرياتي مع بناتي وخصوصا ان نمره اتنين كمان هتمشي بعد العيد تروح بيت جوزها صحيح ماحدش بيمشي عندي والكبيره بقت هي وجوزها وابنها مقيمين قولا في المعادي وفعلا عندييييييييييييييي
اه ياغلبي بس برضوا سنة الماماهات انها تقول بنتي هتمشي
:)))
وبوست النهارده كمان عمال تحكي عن ذكريات شهر رمضان
فكرتني ببيت العيلة اللي اتقفل بموت جدي وفكرتني بأبويا اللي كان مايستمخش غير لما يسمع النخشبندي علي الشرق الاوسط
يااااااااااااه ياابراهيم ذكريات جميلة اوي افتقدناها
الناس دي مشيوا وسابونا للناس بتوع اليومين دول اللي مش متقيين ربنا في الصايمين
صحيح انا طبيعي مش بتفرج علي التليفزيون لا في رمضان ولا غير رمضان
بس بتغاظ من ضيوفي لما يجوا يفطروا مع القبيلة عندي وتلاقيهم يقولك ماتفتحولنا التليفزيون
بصراحة انا بقا العرق الصعيدي المخلط علي تركي بيطلع اروح قايلة هو انتوا جاين تتفرجوا عل التليفزيون احنا عايزين نقعد مع بعض لمة وصلة رحم
:)))))))))
طولت عليك بس انت السبب بتكتب كلام عايز بوست لوحده يترد عليه
كل سنة وانت والاسرة الكريمة بالف خير وسلامة
وانت شكلك بقا طلعت عجوز اهو
:))))))))
ابراهيم ..انا باحترم فيك ذاكرتك المرتبة وبصراحة انت لازم من دلوقتي تفكر تعمل ماجستير ودكتوراه ..في ايه ؟؟مش عارفة بس انت ادرى بالتخصص اللي ممكن تعمل فيه لأن مخك ده خسارة تضيع مواهبه اللي ربنا اديهالك في كلام عن المجانين وخاصة انك لو قريت مرجع والا حاجة حاتكون فاكر المعلومة قريتهافين وتجيبها بمنتهى السهولة..اما موضوع الحشو بتاع رمضان فهي ما يذاع كل عام وقد سئل
الشيخ متولي شعراوي عن التليفزيون هل هو حلال ام حرام فقال مثل الكوب ان شربت فيه حلال فهو حلال وان شربت فيه منكر فهو منكر العبرة بما نشاهده وليس بالتليفزيون كجهاز ..
وما دمنا وصلنا لهذا الوضع فلنضع نحن فلتر على مانشاهده واكيد هناك من المواضيع الدينية والإجتماعيةما يمكننا رؤيته ..وكل عام وانتم بخير ..وبلد صايمين صحيح ..
ان شاء الله السنة دي مش هسمع ولا مسلسل حاجة مقززة بجد ..والسنة اللي فاتت ومسلسل العار اللي هو عار فعلا ويبقي اعلي مسلسل اتشاهد ف رمضان ..لا حول ولا قوة الإ بالله
وكل سنة وحضرتك طيب
عارف انى معنديش مشكله مع ان يكون فى مسلسلات "هجص" لكن يرموا لنا مسلسل عدل ولا اتنين مش لازم يكونوا مسلسلات دينيه بس على الاقل مسلسلات تاريخيه حاجه بس اعرف اتفرج عليها فى نهار الصيام ....كل ما بشوف المسلسلات السوريه التاريخيه بتحسر على ضياعنا لمجال امتلاكناه لسنين بجمال العمل و قوه الممثل اكتر من الفلوس
يسلم فكرك ابراهيم الذى املى على قلمك تسجيل هذا النقد البناء
انا معك يا ابراهيم ليس فقط بمقاطعة هذه الاعمال بل بقطع ايدى من اعدوها ومثلوها واخرجوها وانتجوها والذين اختاروها لكى تعرض علينا فى هذا الشهر الفضيل وتقديمهم للمحاكمة بتهمة قتل ديننا
لماذا نحاكم فقط قتلة البشر ولا نحاكم قتلة الدين شئ غريب والاغرب منه اننا بلد المجانين على رأيك ، شكرا على هذا الجهد الكبير والحصر المرجعى المفيد
فعلا افتقدنا كل حاجة بروح زمان
كل سنة وانت بخير
تحياتى لك
أخي ابراهيم
الاعلام والفن العربي يتعامل مع شهر رمضان على انه شهر المسلسلات وليس العبادات ولا يتم مراعاة أوقات بث المسلسلات والبرامج ...
اتمنى من الله الهداية لنا وللجميع
أشكر دعوتك كلمتك الهادفة الطيبة
بس الحقيقة انت متابع وحافظ كل المسلسلات
من قديمها لحديثها...
ابراهيم رزق مسلسلاتك عندنا
واسأل مجرب من رمضان الي فات
السلام عليكم ورحمة الله
بالفعل اخى هناك صفحات كثيرة على النت تدعو لمقاطعة كل المسلسلات فى رمضان
لكن تفتكر مين اللى بيشاهد الصفحات دى
ماهم بردو الفيسبوكيين
احنا عايزين الشعب الغلابة المساكين اللى مايعرفوش الفيسبوك ولاتويتر هم اللى يفهموا ان المسلسلات دى كذب وتزوير وضحك على العقول وتحريف للتاريخ
فين ايام لااله الا الله والافلام الدينية بحق !!!!!!
تحياتى لقلمك الهادف دائما اخى العزيز
دمت بكل خير وسلام
كل عام وانت بخير
رمضاان كريم استاذ إبراهيم
احنا بنقفل التلفزيون في رمضان D:
رمضان مش معناه مسلسلات ابدا
كل سنة وحضرتك طيب ^_^
أستاذ إبراهيم العزيز
أولاً بعتذر لحضرتك جداً على تقصيري بس ظروفي كانت ملخبطه أوي الأسبوع اللي فات...البوست تُحفه أنا كل لما بشوف الإعلانات اللي ملت كوبير 6 أكتوبر عن المسلسلات السخيفه دي بجد بتضايق أوي مش بس عشان رمضان شهر عباده و أعمال نتقرب بيها لربنا لكن عشان الذوق إنحط أوي...بس سعيده إنك فكرتني بتتر مسلسل لا إله إلا الله كان رائع...السنه دي في الحسن و الحسين أعتقد هيبقى كويس و عابد كرمان كمان متشوقه أشوفه.
بنتي إسمها (جوري) يعني الورد الأحمر الشامي و هي فعلاً أرق من الورده :)
كل سنه و حضرتك طيب و بألف خير و رمضان كريم عليك و على كل حبايبك
محمد الجرايحى
استاذى الفاضل
عليكم السلام و رحمة الله و بركاته
نعم افتقدنا الفن الجميل
كل عام و انت بخير
نورتنى
تحياتى
مصطفى سيف
اخى العزيز
ما اجملها مسلسلات تلك التى تتحدث عنها
دعوتى تختلف دعوتى الى مقاطعة المنتجات التى تعلن على المسلسلات اى نحارب الراعى الرسمى لها
كل سنة و انت طيب
اما عادل امام و الاربعين مليون فانه اشبه بعلى بابا و الاربعين حرامى
نورتنى
خالص تحياتى
نورتنةى
رامى
الفلب الطيب
فعلا الزمن اتغير خالص و الناس اتغيرت
محتاجين كتير عشان نعقل
نورتنى
خالص تحياتى
الذوق الرفيع
اهلا بكى
فعلا رمضان شهر عبادة
و لو فيه مسلسلات متبقاش تلك النوعية
نورتينى
تحياتى
كريممة سندى
فعلا معاكى حق اين وقت العبادة فى وسط هذه المسلسلات
كل عام و انتى بخير
نورتينى
خالص تحياتى
ريماس
مساء الفل
اولا سلميلى على ماما وقولى لها كل سنة و انتى طيبة
طبعا اصبح الموضوع اعلانات تتخلله مسلسلات لذا يجب ان نقاطع المنتجات المعلنة حتى تضغط على الشركات المنتجة وتنتج اشياء هادفة
ايه رايك فى هذا المسلسل و هل عجبك
فعلا عالم مجانين مجانين
ههههههههههه
نورتينى
تحيات معطرة بالمسك
شجن البنفسج
اختى العزيزة
متفق معكى فى كل ما قلتيه و بالذات ايام زمان
فعلا نحتاج لثورة اخلاقية
نورتينى
خالص تحياتى
شمس النهار
اولا ما عاش اللى يخليكى تعيطى
ثانيا انتى تطولى براحتك انا استمتع بتعليقك
ثالثا ربنا يخلى ليكى اولادك و يدلعوا عليكى
رابعا فين ايام الشيخ النغشبندى دى كانت ايام حلوة
رابعا اذا كان و لابد من المسلسلات فيجب ان تكون هادفة و ليست على واحدة و نصف
خامسا انا مش عجوز قوى انا بقول و انا طفل
هههههههههههههههه
و بعدين بحكم اهتمامى بالفن و بدراسته باتابع المسلسلات و الافلام من مائة و ثلاثة سنة و ده تاريخ السينمات
ههههههه
ربنا يخلى لكى ضيوفك و يجعل بيت المحسنين عمار و رمضان كريم و هنيالك يا فاعل الخير و الثواب
سعيد جدا بتعليقك
خالص تحياتى
zizi العزيزة الذيذة
هههههههههههههه
اخجلتم تواضعنا
طبعا متفق معكى لكن من غير المعقول ان يحجزوا لنا فى رمضان فيفى عبده و سمية الخشاب و وفاء عامر و غادة عبد الرازق و كارول سماحة لكى يضيعوا صيامنا و بفلوسنا هل هذا شىء طبيعى
فيها ايه لو كانوا بيعرضوا مسلسلات زمان
نورتينى و شرفتينى
تحياتى و تقديرى و حبى
ياسمين
بأذن الله ربنا يوفقك
فكرتينى بالعار ده كان عار فعلا
نورتينى
خالص تحياتى
د دودى
كله هجص صجص مفيش شتيمة هههههه قصدى مفيش حاجة محترمة
دى غادة تاتو واخدة 8 مليون جنيه عشان تضيع صيامنا مش تبقى مؤمرة
نورتينى
خالص تحياتى
فاروق فهمى
استاذى العزيز
دائما اتعلم منك البلاغة و العرض و الاسلوب الشيق
لا املك امام تعليقك سوى رفع الايدى بالموافقة على كل ما جاء به
متشكر لشهادتك التى اعتز بها كثيرا
نورتنى و شرفتنى
تحياتى و تقديرى و اعتزازى
كارمن
الرقيقة
فعلا افتقدنا روح زمان
كل سنة و انتى طيبة
نورتينى
خالص تحياتى
زينة زيدان
اختى العزيزة
ههههههههههههههه
اسعدنى تعليقك الذى يحمل خفة دم و وجهة نظر متفق معها تماما
هنعمل ايه مجبر اخاكى لا بطل
نورتينى
خالص تحياتى
ام هريرة
اختى العزيزة
عليكم السلام و رحمة الله و بركاته
فعلا من يشاهد هذه الصفحات لكن الرصاصة التى لا تصيب تدوش و راس المال جبان يجب ان يسمعوا
فعلا فين ايام المسلسلات الدينية القديمة
كل سنة و انى بالف خير
نورتينى
خالص تحياتى
Semesma
فعلا حل مناسب بس للى يقدر عليه
كل سنة و انتى و العائلة بكل خير
نورتينى
خالص تحياتى
شرين سامى
لا تعتذرى عن شىء الله يكون فى عونك
فعلا الاعلانات اصبحت شىء مستفز لكن لو اعلن عن مقاطعة المنتجات التى تعلن اثناء المسلسلات سيهرب المعلنون
سعيد ان تتر مسلسل لا اله الله نال اعجابك
ام اسم بنتك الجميل جميل فى النطق و جميل فى المعنى الوردة الدمشقية طيبة الرائحة
و الشاعر العربى قال
اهدتنى يا خل من الورد جورى
و اهديتها الروح و القلب و العين
يا وجهها الاشهل يا مصدر سرورى
يبين و لو لحظات يا كامل الزين
يارب اجعلها وردة لكو تفيح بعطرها عليكم
ربنا يخليها لكى هى و امن
نورتينى
كل سنة و انتى طيبة
المفروض ان شهر رمضان يبقى شهر عباده اولا واخيرا
بس دايما كل المنتجين بيخلوا كل مسلسلاتهم فى الشهر ده
ولا كأن التليفزيون باقى السنه هيقفل مثلا
واحنا اللى مظلومين فى الاخر
جميل كل ما كتبته اخي ابراهيم, وصحيح جدا ايضا..
ذكرتني بزمن الفن الجميل الراقي.. ليته يعود يوما..
تقبل مروري اخي الفاضل..
مع إني كنت صغيرة جداً أيام المسلسلات اللي ذكرتها حضرتك إلا أني ما زلت أذكرهم
فكانوا أكبر واضخم من أن ينسوا
مثل: المال والبنون، ابو العلا، ضمير أبلة حكمت "ده اتفرجت عليه على كبر"
فيه كمان مسلسل هارون الرشيد
بالفعل كانت مسلسلات مسلسلات فيها قيم وحاجات تفضل في الذاكرة
من غير أي إباحية أو قلة أدب
من غير أي عرض للأزياء
بعتذر على تأخري في الرد عليك أ. ابراهيم
عندك حق والله جدا
بجد حاجة غريبة جدا هي الناس نسيت ان رمضان فرصة لا تعوض ربنا بيبعتها لنا عشان نتعبد فيها و نتوب
لا دول بيحوشوا كل حاجة مفسدة عشان تتعرض في رمضان
ربنا يعافينا
كل سنة و انت طيب و رمضان كريم :)
إرسال تعليق