الثلاثاء، 23 أغسطس 2011

انى صائم

من البرامج الجيدة جدا برنامج احبك ربى على قناة اقرا و قناة النهار للداعية الاسلامى مصطفى حسنى البرنامج بسيط و سلس و يدعوا الى مكارم الاخلاق و يتطرق الى مواضيع اجتماعية بسلاسة و يسر مثل ضرورة  اكرام النساء و الى اهمية عمل المراة هذا هو الاسلام الحقيقى الوسط بدون تشدد

كثيرا ما يظلم التلفزيون المصرى مذيعاته بالقيود الرقابية و كبت الافكار و خنق الطموح  و الدليل المذيعة الخارجة من التلفزيون المصرى دينا فاروق ما شاء الله ثقافة و علم و تمكن من اللغة و فوق كل ذلك هى معدة البرنامج من لا يصدقنى فعليه متابعة البرنامج الجميل فتنة على قناة دريم

جاءت لى كثير من التعليقات تتعجب من كيفية متابعتى لهذا الكم من المسلسلات فى رمضان الاجابة بسيطة المسلسلات عبارة عن حشو درامى بدون مبرر فلو فاتتك خمس حلقات تستطيع ان تتابع الحلقة السادسة بكل سهولة لان المسلسلات رغى فى رغى دون تصاعد درامى

فى كل الاعمال الدرامية توجد وظيفة مهمة اسمها استيالست لكنى لا اجد لها اهمية بعد ان تحولت الى مصمم ازياء للنجوم و انظروا الى هذه النماذج عامل فى فرن بكيد النسا  يرتدى كوتشى نايك علا غانم بخاتم سليمان فتاة فى منطقة شعبية ترتدى منى جيب تامر حسنى فى ادم عامل ديلفرى يرتدى تيشرتات سينيه ايمى غانم فتاة بسيطة بحارة شعبية بعريس ديلفرى تظهر خمس مشاهد فى كل حلقة كل مشهد بطاقم غادة عبد الرازق لا علاقة بملابسها و فترة الخمسينات اما الزغلولة الكبرى فيفى عبده معلمة شعبية ترتدى فساتين و عبايات اشبه براقصة فى شارع محمد على و الزغلولة الكبرى ارتدت فستان واسع و فردته على السرير بالكامل فى مشهد استعراضى طبعا لا تستطيع فرده بهذه الطريقة الا عن طريق اثنين مساعدين فى غرفة النوم بلاها تمثيل و بلاها قصة و بلاها مناظر لكن ارحموا عقولنا

اجيال بتسلمنا لاجيال احمد ابو زيد شوه فيلم العار لوالده محمود ابوزيد بمسلسله العار ثم بلانا بمسلسل ادم
مصطفى محرم بلانا بابنه حسين و مسلسل كيد النسا يا ناس ارحمونا خذوا عبرة من التوريث و جمال مبارك اخرة الافتراء سيئة و لا عايزنا نقوم بثورة ضدكم

فشل تامر حسنى بمساحيقه فى مسلسل ادم فى تجميل مباحث امن الدولة و بمناسبة تامر شعر الصدر نستطيع ان نتحمل تمثيلك الركيك ساعة او حتى ساعة و نصف فى فيلم بالكاد لكننا لا نستطيع تحمل تمثيلك الضعيف جدا و سماجتك ثلاثون ساعة فى مسلسل ما هى مؤهلاتك لكى تطل علينا
كل ما تطل علينا ادعى على اثنان نصر محروس اللى اكتشفك و بلانا بيك و السبكى بتاع اللحمة اللى بينتج لك هذه الشوربة و الفتة حرام ما يحدث لنا

كيف يبتز المذيع احمد عبد العزيز بقناة الفراعين المطرب احمد سعد على الهواء مباشرة و يهدد بفضحه اذا لم يستجب له و يجرى معه لقاء و كيف يتطاول رئيس القناة توفيق عكاشة على محمود سعد على الهواء بمثل هذه الالفاظ البذيئة حقا اذا كان رب البيت بالدف ضاربا فشيمة اهل البيت الرقص 
بلد مجانين صحيح      
 

هناك 18 تعليقًا:

رحاب صالح يقول...

يا استاذي العزيز
صدقت صدقت صدقت
بس مش عارفة ابتديها منين
اقولك خللي الاستفزاز الاول تامر شعر الصدر الله ....يقرفه....بجد مش عارفة اوقول اية اكتر من اللي قلته
بالنسبة للستايلست ده مش عنندنا ده ف بلاد بره ماشي لكن هنا ف مصر فانسي ا عمر قصدي يا ابراهيم
انا بتقهر لما اشوف فيلم او مسلسل اجنبي بتحسر وبيجيلي تلبك معوي لو شفت عربي اي حاجة بسبب الهبل والعبط اللي بيحسسونا بيه

بالنسبة لحكاية المسلسلات معاك حق فيها لو فات حتي عشر حلقات ممكن تعرف اللي حصل كله ف حلقة واحدة
انا بقي مش هكتب عن المسلسلات انا هكتب عن الاعلانات

هند عبد الله يقول...

مقال رائع وان شاء الله يصيرون يسون لنا برامج في المستوى وتكون هادفة

دعاء العطار يقول...

لاء بقى يااستاذ ابراهيم كللللللله كوووووووم وتوفيق عكاشه كوم تاااااانى لوحده

لما بحب اضحك واكون متضايقه بحب اسمعه

مش ده برضه اللى قال للبرادعى قولى رابطة الجرجير فيها كام عود وانا انتخبك D: D:

مستنى منه ايه ده بالذمه ؟

ربنا يشفى جميع الهبل والهطل قوم آميييييييين

zizi يقول...

ابراهيم ..

الله الله الله ..جمعت فأوعيت ياهيمة ..شوف انت قلت على كام مسلسل وكام عمل درامي وكام فنان وفنانة..وفعلاً برنامج احبك ربي برنامج جميل جداًبس يمكن مواعيد اذاعته صعبة شوية ..والله يفتح عليك انت كده..^

عمرو فكرى يقول...

بحب طريقة الكتابة دى

د/دودى يقول...

كله كوم و مصطفى محرم و ابنه كوم تانى تماما ...بيتعملوا مع الاعمال الادبيه كانها اعمال ابوهم و يشتغلوا مط و تعديل و تطويل و مدام هما عباقره قوى كده ما يكتبوا بنفسهم !!...

غير معرف يقول...

صباحك غاردينيا استاذ ابراهيم
انا نفسي مرة ادخل مدونتك من غير ماأضحك ههههه
هتقولي وحضرتك بتضحكي ليه
اقولك انت فعلاً اسلوبك رائع سواء وانت بتحكي عن حاجة او بتستفزك حاجة وكمان انا مع الي بيقولك انت بتلاقي وقت تتابع المسلسلات دي ازاي طبعاً انا عارفة انك دارس سينما وتبقى نظرة للمسلسل كم دقيقة هتفهم الهدف هههههه
ههههههههه اما نظرتك المتفرسة للبس للممثلات انا معاك فيها ساعات شياكة الممثلة تخليها تخرج شويا عن الدور :)
وربنا يعينا على التلفزيون ويرحم عقولنا "
؛؛
؛
لروحك عبق الغاردينيا
كانت هنا
reemaas

reemaas يقول...

طيب شوف برنامج ماتفتيش بقى وانت تتفقع بجد
قال المذيعه تنزل تسأل الشعب اى رائيكم نصدر محصول المكرونة والناس تقول اه طبعا نصدر المحصول

قناة الفراعين دى عاااااااااااااار على التليفزيون

Unknown يقول...

اللهم إنى صائم

غير معرف يقول...

السلام عليكم ورحمة الله
استاذ ابراهيم رزق اعجبني مقالك جدا
وبصراحة جعلني احترم عقليتك بشكل كبير
فالشخص الذي يهتم بالتفاصيل الدقيقة يستحق أن تقرأ كتاباته وتتابع تدويناته.
منذ فترة طويلة هجرت المسلسلات العربية لما فيها من استهزاء بعقلية المشاهد
ولولا احمد حلمي وفيلمه الرائع" اسف علي الازعاج" لهجرت الافلام العربية ايضا
اشكرك استاذي الكريم
وكل عام وانت بخير

عمرو يسرى يقول...

مقال رائع جدا

شمس النهار يقول...

نعلق بقا بالجملة

:))))

البرامج الرماضنية مش هقدراتكلم علشان ماشوفتش منها الا اللي سمح بيه ضيوفي من متابعي التليفزيون
وطبعا رخمت عليهم جدااااااا
:))))))
لكن اصلا انا مش بحب البرامج اللي من عينة الكاميرا الخفية مهما تغير اسمها او طريقتها او لونها
ووقع حظي في مره في برنامج رامز بتاع الاسد ماعجبنيش لاشكلا ولا موضوعا رغم انبهار ضيوفي الغير مبرر بيه
افلاس علي تهريج علي هبل
ايه اللي طلعنا بيه من البرنامج ولا حاجة
وده يجعلني اترحم وادعيله بالصحة طارق حبيب وبرامجه الرمضانية الهادفة الجميلة
اما التمثيليات ان شاء الله قبل العيد لما اسافر واخد كورس التثيليات الثانوي
:)))))
والدتي ربنا يديها الصحة بتسافر معايا اخر تلات ايام وطبعا والدتي بتتابع جميييييييييييع التمثيليات
وطبعا انا كده بشوف النهاية
وبنعمل تمثيلية انا وهي اصلا
افضل طول الحلقة اسأل وهي تجيب بكل تركيز وهمة وفاعلية والاخر تزعق لي
(طبعا هو انت فاكر ان مابيتزعقليش ولا ايه:))
بتزعق لي وتقول لي في ايه هو انتي عايزاني احكيلك علي الجاهز ولا ايه
:)))))
نيجي بقا للشعر
(فالوحدة كسر للنفس هي سجان دون سجن )
عبارة زي الفل الصراحة
استمر ان الله معنا
لا بجد لطيف وجداااااا كمان
:))

ريهام المرشدي يقول...

الحمد لله تخلصت من هذه العادة و هي متابعة المسلسلات ، و لكن أرى نقدك في محلة و خصوصا فيما يتعلق بمراعاه عقولنا ، كل ما يفكرون فيه هو "تلميع النجم" بحيث يظهر فى ابهر صورة حتى ولو كانت خادعة .
أما عن تامر حسني ، فعندى الإنسان لا يتجزأ ، و أنا أخذت منه موقف بسبب تصرفاته و لا أعتقد اننى سو ف أصدقه ثانيه.
شكرا جزيلاً لك .

بسمة الورد عطر المشاعر يقول...

كلام حضرتك اكيد كله مظبوط وفى محله اصل دا المعهود من فنانين اللى بيتمسحوا فى رمضان مع انه شهر عبادة وتفرد حتى باعمال محترمه بتقول شيىء ولكن العكس موجود منذ زمن

انما برضو برضو هقول حسبنا الله ونعم الوكيل والبعدعنهم غنيمه كبيره اكيد

مودتى اخى واحترامى لرايك

مصطفى سيف الدين يقول...

اللهم اني صائم
لسه مصلي الفجر
هل يجوز الرد دلوقت ؟:)
خلاص انا بس هاتكلم عن نقطة واحدة
مسلسل خاتم سليمان بالرغم انه بيرمز لخالد الصاوي بالشعب المصري اللي كان عايش في ملكوت تلاتين سنة ومش عارف ان كل اللي حواليه بيستغلوه
فوجئت امبارح بشخصية لواء امن دولة مطلعينه وطني ومش زي باقي الظباط
تفتكر عايزين يخلونا نحب امن الدولة ولا ايه؟
ولا عايزيننا نقول في منهم شرفاء وولاد ناس؟
مفهمتش ايه الرسالة بالظبط يمكن بيجملوا المحافظين اللي كانوا لواءات امن دولة
على العموم انا عند رايي
السبعين مسلسل كمية من الرغي والفشل وممكن كلهم ينضربوا في خلاط واحد ويتعمل مسلسل واحد ومن عشر حلقات بس

Emtiaz Zourob يقول...

اللهم اني صائم .. بعد رمضان راح نشرتحهم ع المضبوط هههههه

ابراهيم رزق يقول...

اشكركم جميعا على تعليقاتكم

طبعا تلك هى وجهة نظركم الخالصة و لا تحتاج الى تعليق منى

نورتونى

تحياتى و تقديرى

سكندري يقول...

استاذ إبراهيم
أزيك
و كل سنة و انت طيب
هو انا ينفع اعلق دلوقتي و لا لأ ؟

طيب أان هعلق بقي و خلاص
مقالك جميل و انا موافق علي كل اللي فيه مع اني مش بشوف تلفزيون كتير دلوقتي

المسلسل الوحيد اللي تابعته هو مسلسل "أحمد مكي" بصراحة انا بحترم الراجل ده و تكوينة لفريق عمل ناجح عامل زي "محمد صبحي" كده لما يكون كل واحد في فريق عمل له دور والموضوع مش موضوع احتكار
اما بقيت المسلسلات انسي
بالصدفة شفت حتة من مسلسل "الزناتي مجاهد" بجد حاجة يععععععع اخر حاجة

خلي الناس تسترزق علي قفانا