الأربعاء، 3 أغسطس 2011

طائرة ترحيلات دلع روحى دلع

                            بسم الله الرحمن الرحيم
   فاليوم ننجيك ببدنك لتكون لمن خلقك اية و ان كثير من الناس 
                             عن  اياتنا غافلون
                            صدق الله العظيم

على احر من الجمر انتظرت محاكمة الرئيس المخلوع حضرت طائرة الترحيلات كان ينقص الموكب موتسيكلات طائرة و تشريفة من جنود المظلات و ايقاف الطريق على الطائرات فى الهواء و عرفت مدى التحول و التقدم فى حقوق الانسان الذى وصلت له مصر فمصر هى الدولة الوحيدة فى العالم التى لها طائرة ترحيلات و تذكرت الحادثة الشهيرة التى اتركم معها نشرت الجمهورية بتاريخ  30 اغسطس 2004 

العادلى يامر بالتحقيق فى حادثة لورى الترحيلات
النيابة الحر الشديد و راء وفاة المساجين الثلاثة

وفاة ثلاث اشخاص و اختناق 18 كان قد تم القبض على 80 شخص من المرحلين من السلوم و تم وضعهم فى سيارتى ترحيلات من مطروح لقسم الخليفة فى الحر الشديد القائظ بدون ماء و طعام اصيبوا بالظمأ و الاختناق و لم يكتشف وفاتهم الظابط الا عند وصولهم قسم الخليفة

منتهى الرقة و مراعاة حقوق الانسان فى عهد الرئيس المخلوع و وزير داخليته لم نسمع عن استقالة الوزير بسبب هذا الموضوع اعتقد ان وزارة الداخلية لو كانت تنقل خيول او كلاب حراسة لاهتمت بهم و نقلتهم فى سيارة مجهزة و اهتمت بوضع الماء و الطعام للخيول و الكلاب

نعود لمحاكمة الرئيس المخلوع لقد تم تجهيز كامب مكيف كاستراحة  للرئيس اثناء انتظاره كما تم تجهيز المركز الطبى العالمى لاقامة الرئيس بعد ان اجرته وزارة الداخلية ليصبح ملحقا و تابعا لمستشفى سجن طره الدولى كما تعاقدت مع اطباء المان لعلاج المساجين و من بينهم مبارك
 
 صفوة المحامين و البدل السنيه كانوا فى انتظار المتهمين للدفاع عنهم بينما محامين الحق المدنى كانوا يرتدون البدل السيئه هناك مشكلة فى محامى الحق المدنى اغلبهم حضر من اجل الشهرة و اغلبهم لا يستطيع ان يقول جملة واحدة و الطرفة الكبرى المحامى السلفى الذى وقف يقول ان مبارك مات من سنة 2004 و ان الموجود ليس مبارك و يجب ان يتم تحليل ال DNA لمبارك و جمال و علاء (ادينى عقلك) يجب ان يتوحد محامى الحق المدنى تحت مجموعة من المحامين الكبار الشرفاء لانهم بهذه الطريقة سيعطلون المحاكمة

طبعا لفت النظر جدا و خطفت الاضواء من مرافعة فريد الديب الصبغة التى صبغها مبارك واضح ان نفسيته تعبانة و الدليل انه صبغ شعره باللون الاسود دليل الحزن و لم يصبغ شعره با اللون الاحمر خوفا من يتهم بانه اهلاوى و ان يتركه باللون الابيض خوفا من اتهامه بأنه زملكاوى و لم يصبغه جولدن خوفا من اتهامه بأنه يقلد ابراهيم سعيد  

هناك 39 تعليقًا:

zizi يقول...

تصدق يا ابراهيم انا ما خلانيش حا سخسخ ""حلوة دي الا حكاية انه مات من 2004 دي يعني الست قاعدة مع البديل بقالها 7 سنين الله على الأمخاخ لما تنور وتطلع فوانيس ..بس سيبك انت فعلا باين عليك سخن وعيان انت يا ابراهيم كل ساعتين تطلع لنا ببوست واول حد يعلق عليه ياعيني انا والفاروق الأعظم وبعدين ما عرفش ياخويا بتشيله توديه فين هو انت يابني فيه قلة مندسة بتحركك والا ايه ؟؟يعني ندور على البوست ورا الكمبيوتر والا فين بالضبط ..انا شلت الفوتيه مالقيتهوش تحتيه كويس كده ..اقول لروقة ايه دلوقتي لما يسألني عن البوست وانت عارف انه عصبي ياي يوديني بيت اهلي يبقى كويس يعني ..انت السبب الله يسامحك بقى ..

زينة زيدان يقول...

لكل ظالم نهاية

وهذه هي النهاية العادلة لمن خان واستغل

أتمنى ان يأخذ كل منهم عقابه المنصف والمرضى للشعب ولكل من ظلموا


بوست خفيف لطيف
نقد هزلي هادف للوضع القائم

Casper يقول...

رغم وجود بعض الاحداث الغريبة في الموضوع
لكن على اية حال فالامور تسير بشكل طبيعي
والمجلس العسكري اثبت انه بيعمل لصالح الشعب وليس لصالح النظام السابق

________

خالص تقديري لفكرك وقلمك

شمس النهار يقول...

هو في ايه ياابراهيم انت غيران من الصبغة والساعة ولا ايه
:))
لا اللي عجبني السلامااااات والابتسامات من كبار الظباط للمتهمين ايه الروح الرياضية دي
وكأن الشعب اللي مات عبر ال30 سنة دول كانوا شوية فراخ
ولا الناس فاكره ان اللي ماتوا ماتوا بس في الثورة
لا في ناس كتير ماتت من التعذيب وخير دليل اعداد المفقودين خلال ال30 سنة اللي فاتت والمقابر الجماعية اللي تم اكتشافها في مقرات امن الدولة
والايام الجاية هتورينا هيحصل ايه
بس نقول يارب

Unknown يقول...

معقول!!! موضوع ضحايا الترحيلات ده زعلني و ضايقني أوي :(
بصراحه المحاكمه كانت هرجله و هبل و كله كوم و لما اللواءات و العمداء جرريوا يسلموا على حبيبي العادلي و هو ماشي في الآخر كوم...و لا كأن في ثوره و في تغيير.
إسم البوست و أسلوب حضرتك جامد كالعاده
أرق تحية لك

Ramy يقول...

أستاذى العزيز

أبراهيم رزق

زى ما قلت بالظبط مفيش حد عاوز غير مصلحته

محدش رايح علشان مؤمن ان مصر هى هدفه الأول

لكل واحد رايح لهدفه الشخصى

و بعد كده مصر

بس برضه نهاية الظلم بدأت

Bent Men ElZman Da !! يقول...

حكايه انه مات من 2004 بقالهم فتره بيحكوا فيها
لمجرد انها تعمل خلل فى المحاكمه مش اكتر
اهى حاجه تلفت النظر وتشتت الناس

استفزتنى اوى الطياره اللى جاى فيها
وطب نقول الحراسه عشان متوقع ان اى حد يطخهم ونخلص
بس حكايه انهم خارجين من المحكمه ولا كانهم خارجين وسط تشريفه
دى اللى مش مقتنعه بيها خالص

بس الحمدالله وربنا يكملها زى ما احنا عايزين

مصطفى سيف الدين يقول...

يا ريت بس كل الحاجات دي تخليه يعيش لحد ما يتحكم عليه بالاعدام
وبعدين يا سيدي دي محاكمة العالم كله بيتفرج عليها خليهم يشوفوا بس طيبة قلب المصريين ومدى تعاملهم الرقيق مع السجناء يمكن يشيلوا من دماغهم الافكار اللي رسخها في عقولهم عمر سليمان من ان اللي معاه سجين عايز يعذبه يبعتهولنا
بالنسبة لمحامين الادعاء لو فضلوا على المستوى ده هتبقى مصيبة
تحياتي

عمرو فكرى يقول...

كل سنة وانت طيب :D

Heba Salem Youssef يقول...

السلام عليكم ورحمة الله وبركاته

انا من الناس وما اكثرهم
اضعت 5 ساعات فى تلك الهيافات والله
ظنا منى انى احضر تاريخ

من الساعة 9:30 صباحا حتى 2:30 مساءا
امام التلفاز والقناة الاولى

بادئ احسست بنوع من تحيز القاضى
ولكن لم يكن متحيزا لان الدفاع بالحق المدنى كانوا غير نظاميين

والله فعلا اساءة للشهداء

وذاك المحامى السلفى فعلا دى فقرة الساحر اعتقد!!

ولا علاء مبارك الراجل التقى اللى شايل مصحف !!
وعند سؤاله
انكر كل التهم

ولا ابوهم اللى على السرير !!
اللى يشوفه وهو بيرد وصوته !!
لعيان ولا شئ !!

فريد الديب يتكلم بكل ثقة
فرصته دخل التاريخ من اوسع ابوابه
وحجز لنفسه سطرا فيه !!

حسبتها ماتش من جهة نظامية واحدة

لا والنكتة بئى

صفحات ع الفيس
الراجل اللى واقف وراء سرير مبارك

مش عارفة اضحك ولا ايه !!!!

لك الله يا مصر

منيرة سوار يقول...

شر البلية ما يضحك فعلا اخي ابراهيم!
استطعت ان استشعر حرقة قلبك من بين حروفك الساخرة..
كل ما نتمناه ان يحاكم محاكمة عادلة.. تنصف الشعب المصري لما قاساه ثلاثين عاما تحت حكمه..
تقبل مروري..

غير معرف يقول...

مساء الورد ابراهيم

دخلت لإدراج الغراب ولسى كنت برسل تعليق لقيته أنحذف أتمنى يكون المانع خير

نأتي لموضوع المحاكمة ومبارك و صف المحامين اللذين لم أجد فيهم سوى كم محامي يستحق والبقية بالفعل أشباه محامين ولهم أغراض أخرى ولكن هالني منظر وصوت ذلك الصادح فجأة يتهم مبارك بأنه ليس مبارك !!!!
ياعم عيب عليكم ده مبارك من يوم ما أنولدت حتى بدأت محاكمة مبارك وأبنائه ولكن هنا ضللت أحلل لماذا هذه التهمة السخيفة الغير منطقية هل هي من أجل صالح المحامي أو ورائها أهداف أخرى ؟؟
بغختصار لا أعلم هل الجميع رأى المحاكمة مثلي في فوضى شديدة أم أن كل المحاكمات في القاعات المصرية هكذا ولكن بما أنك أيها الرئيس وافقت على إذاعة محاكمة مبارك يجب عليك تنظيم قاعتك قليلاً من بحض الفوضى التي تحصل فيها ...
سنرى بدون شك مكالبات كثيرة ولكن ما أزعجني حقاً أنني رأيت كثير منها أمس مادية فلو سدد مبارك لجميع من طالب بحق مادي فسيخرج منها بأقل الخسائر .

تحياتي وإحترامي

faroukfahmy يقول...

آسف باابراهيم دايما اجيلك الآخر ويمكن ده سببه انى كنت دايما اطلع الاخير على فصل من تلميذ واحد هو العبد لله واصبحت وحيدا وفريدا واخيرا من يومى
اما عن الاستظراف والاستخفاف من المحامى السلفى الخلفى بان مبارك مات من سبع سنوات بيقلد الكلام اللى كانوا يرددونه وقت محاكمة صدام واشاعوا ان الشخصية اللى بتتحاكم ممسوخة من شخصية صدام وليس صدام الحقيقى
اظن امثاله هيدعواانهم شافو مبارك وهوه بيموت بيدى رشوة لعزرائيل يوديه شرم الآخره بدلا من شرم الشيخ .. حرام يا ناس احنا فى رمضان يا سلايفه
الفاروق

الاحلام يقول...

اسلوبك الساخر اخر يعطى اهميه للمواضيع فانت تعرف كيف تشد القارىء وتجعله يستمتع مهم جدا ما حدث لانه سطر تاريخا حضاريا لمصر العظيمه
تحياتى اخى الكريم ابوداود

كريمة سندي يقول...

أسلوب ساخر جميل ومريب بعض الشيء طبعا للي على رأسه بطحه ومش عارف يحسس عليها

أشكر تواجدك الدائم وشكرا على موضوعك الشيق

فتــافيت (رحاب الخضري) يقول...

مهو لو مش هو ،، ومات في 2004
تبقى سوزي باست مين لايف في نهائي كأس الأمم الأفريقية فبراير 2006؟؟؟ عاا؟؟

بصراحة الديب ده عايز الحرق!
وبعدين لفت نظرك صبغة مبارك،، ومالفتش نظرك ساعته الفاخرة الفظيعة!!
وازي يلبسها وهو اوزينه مرتجف اصلا؟؟
هو فيه مريض قلب يلبس ساعة؟؟

ولا جيمي وهو ماسك مصحف!!
هأأأأأأأأو

غير معرف يقول...

السخرية من رحم الواقع

بوست كوميدى كوميدى

Unknown يقول...

تصدق وتـــأمن بالله
الحادثة دى بـتروح
وبتيجى فى بـالى
من ساعة ماحصلت
لكن من ساعة
طيارة
الترحيلات دى
ما بتسبش دماغى
أطلاقاااااااااااا
حسبنا الله ونعم الوكيـل

ريهام المرشدي يقول...

بالرغم من كل هذا و لكننا في تطور أن يأتى أصلاً إلى المحاكمة بعد كل المماطلات السابقة ، أتمنى أن يأخذ جزاءه الذى يستحقه في النهاية، شكراً لك.

ابراهيم رزق يقول...

zizi العزيزة الذيذة

و انتى الصادقة دى مش فوانيس دى بطلع تراب و دجل و شعوزة

معلش اصل المدونة بتاعتى كانت مخرومة و بتوقع البوستات بس الحمد لله اتصلحت خلاص و بقت عشرة على عشرة
معلش استاذ فاروق هيستحملنى

نورتينى
تحياتى و تقديرى و حبى

ابراهيم رزق يقول...

زينة زيدان
اختى العزيزة

فعلا لكل ظالم نهاية

و بئس نهايته

نورتينى
خالص تحياتى

ابراهيم رزق يقول...

Casper

ربنا يسهل و الكلام ده يطلع صحيح

خالص نحياتى

ابراهيم رزق يقول...

شمس النهار

ههههههه
بجد غيران عمالين يقولوا عيان و مريض و طلع على سنجة عشرة و لابس ساعة سينيه و صوته كان مجلجل يعنى هو لو فى السلطة مش كان طلع و وقف زى الحصان و ادانا كم واحدة لا انتوى

ضحاياه كتير ربنا يعينه عليهم فى الاخرة

نورتينى
تحياتى

ابراهيم رزق يقول...

شرين سامى

الموضوع ده حقيقى و الناس الغلابة ماتوا من الحر و العطش و فى الاخر جاى فى طائرة و عاملين ليه كامب مكيف و مقيم فى المركز العالمى منتهى الاستفزاز

حبيب العادلى شكلهم شوية و كانوا هيعطوه التحية
متشكر لمجاملتك الرقيقة

نورتنى
تحياتى و تقديرى

ابراهيم رزق يقول...

رامى
القلب الطيب

فعلا معك كل الحق

جميعهم ينتهزون الفرص

نورتنى
تحياتى

ابراهيم رزق يقول...

Bent Men ALZaman Da

المحاكمة كلها كانت استفزاز فى استفزاز

اما موضوع المحامى السلفى فده واحد عاوز يشتهر او مندس عاوز يأجل المحاكمة

نورتينى
خالص تحياتى

ابراهيم رزق يقول...

مصطفى سيف

فعلا خلى العالم يشوف با لذات بتوح حقوق الانسان

سيب عمر سليمان فى حاله ده اصبح شاهد
هههههه

نورتنى
خالص تحياتى

ابراهيم رزق يقول...

عمرو فكرى

كل سنة و انت طيب

نورتنى
خالص تحياتى

ابراهيم رزق يقول...

Doctora Heba

و عليكم السلام و رحمة الله و بركاته

يكفى وقفته خلف القضبان

متفق معكى تماما

لكى الله يا مصر

تحياتى و تقديرى
خالص تحياتى

ابراهيم رزق يقول...

منيرة سوار

نتشكر لمجاملتك الكريمة
يا رب تكمل محاكمته

نورتينى
خالي تحياتى

ابراهيم رزق يقول...

ريبال بيهس

متفق معك فى كل ما قلت

فعلا المحكمة كانت فوضى و ده لانها اول جلية نتمنى ان تنظم

نورتيى
خالس تحياتى

عمرو يسرى يقول...

حسيت ان المحاكمه مسرحيه هزليه بجد وخصوصا كمان بعد التحيات المتبادله والابتسامات بين العادلى والشرطه الموكوسه

ابراهيم رزق يقول...

الفاروق فهمى
استاذى العزيز
ملك الزهرات
و ابن بطوطة المدونين
و لسانهم الفصيح

انت لا تتأخر ابدا لانك دائما موجودا معى
هههههههههههههه دائما كنت الاول فى فى دراستك و قلوبنا
الاخ السلفى واضح انه لا يستحى و ان المهم له فقط الظهور و الاضواء
مش بعيد والله يا استاذ فاروق لو هذا حدث ستكون انت صاحب السبق فى علاقة مبارك بعزرائيل

نورتنى و شرفتنى
تحياتى و تقديرى و احترامى

ابراهيم رزق يقول...

الاحلام
اخى الفاضل

دائما تعطينى اكثر من حقى
هذا من حسن و رقة اخلاقك

نورتنى
خالص تحياتى

ابراهيم رزق يقول...

كريمة سندى

انت التى دائما ما تسعدينى بتعليقاتك

متشكر لمجاملتك الرقيقة

نورتينى
تحياتى

ابراهيم رزق يقول...

فتافيت

انا كنت هاكتبها بس قلت بقى احنا فى رمضان هههههههههههه لكنه سؤال منطقى

لم يلفت نظرى الساعة لان الشماشرجى بتاعة كان عنده فوق ال 150 ساعة سينيه يبقى هم تخصص ساعات
ده كان لاهف بلد يبقى ايه ساعة جنبك

نورتينى
تحياتى

ابراهيم رزق يقول...

norahaty

اقسم بالله العظيم انى اوا ما نظرت للطائرة تذكرت نلك الحادئة

حسبى الله و نعم الوكيل كما قلتى

نورتينى
خالص تحياتى

ابراهيم رزق يقول...

ريهام المرشدى

فعلا نحن فى تطور كفاية وجوده فى القفص

كلنا نتمنى
يارب

نورتينى
تحياتى

ابراهيم رزق يقول...

عمرو يسرى

موضوع السلامات و التحيات ده كان فاضل يعطوه التحية الرسمى

نورتنى
تحياتى