الثلاثاء، 29 مايو 2012

الانس و اللجان

لست ادرى لماذا تختصنى اللجان الالكترونية بتلك الكمية الكبيرة من الرسائل و اليوم اعرض عليكم رسالتين من اختيارى منهم تقريبا نفس الاسلوب و لكن بها السم فى العسل فرايت من واجبى ان اوضح الحرب التى يشنوها و اخترت هذين النموذجين

النموذج الاول

الاستاذ اللجنة محمد عبد القادر شرك كل مرشحى الرئاسة و اصبح هذا الشفيق هو ملاك بجناحين و ان الشباب الفقير يجمع التبرعات من اجل المرشح الثورى الذى لا يجد قوت يومه شفيق ابن الثورة و ابن الشعب العامل الذى كان يستقبله بالورود فى كل زيارة ولكن هذه الورود تتحول بقدرة قادر الى احذية ممكن سيادتك تقول لى من اى قرية انت حتى نعزل هذه القرية الحمقاء من خريطة مصر و نحاكم شبابها بتهمة الهطل السياسى

محمد عبد القادر يقول... 

للاسف تمنطقون الامور حسب اهوائكم في زيارة قصيرة لي في قريتي الصغيرة ادهشني جدا شبابها المثقف اغلبهم اجمع علي ان مرسي لايوثق فية وحمديين مهرج وابو الفتوح كاذب وموسي منافق اما شفيق فهو لايكذب وثابت علي موقفة ورجل دولة كان يمكنة كموسي التبرء من مبارك ونظامة الا انة لم يفعلها يحسون في كلماتة بالصدق ويعرفون ان الزمن لن يرجع للوراء وادهشت اكثر انهم يجمعون نقودا قليلة معا لعمل مايشبة البوسترات ولكن علي ورق الخرائط ويعلقونها في مداخل القرية وشوارعها وادهشت اكثر انهم يجتمعون مع اقرانهم وكأنهم في برلمان وكل يشرح اسبابة لانتخاب هذا وذاك ولا يستأثر احدهم برأية فقط الاقناع لذا كان انتخاب قريتي لشفيق قد فاق ال95 في المائة والغريب انهم مصرون اصرار علي فوزة واخبروني بأنهم لن يهنأ لهم جفن الا لو فاز الفريق ليس حبا فية وانما حبا في مصر ليتنا نتعلم من شباب الاقاليم فهم فعلا فخر مصر فدعكم من رواسب الماضي وانظروا لمصر الان هل هي مصر التي تتمنوها

النموذج الثانى

يحذر الاستاذ اللجنة ادهم محمود من انتخاب الاخوان لان حكم الاخوان هو القهر و الدم بينما الجنة فى حكم شفيق اسف ايها اللجنة الالكترونية خلافى مع الاخوان خلاف فكرى وسياسى فمن الاخوان اخى وجارى و عمى و خالى و اصدقائى مختلف معهم نعم لكن اتهمهم مثل هذه الاتهامات اسف ففى التحرير نمنا بجوار بعضنا و تقاسمنا زجاجة المياه و كسرة الخبز و اختلطت دماءنا واسعفنى بعضهم عندما تعبت و اتحدنا حتى يرحل النظام المنتمى له هذه الشفيق احاربهم نعم و لكنه حرب فكر بفكر و ليس دم بدم كما فعل النظام المنتمى له هذا الشفيق اخطاوا نعم  و لكنه الخطأ الذى يقبل فنصيحة مخلصة لا تلعبوا على هذا الوتر و ابحثوا عن غيره
ادهم محمود يقول... 
 
 
" أرجــــــــــــو من كل معارضى الفريق أحمد شفيق التفكير جيدا ً قبل الإدلاء بصوتك فى الإعادة بينه و بين مرشح الإخوان محمد مرسي و يجب عليك أن تعلم بأنه فى حال نجاح محمد مرسي (( لا قدر الله )) فلن تستطيع أى قوة أن تزيل الإخوان عن الحكم قبل مائتى عام على الأقل لأنهم و بكل بساطة فى حال نجاحهم (( لا قدر الله )) سينشأون حرس ثورى و ميليشيات على غرار الحرس الثورى الإيرانى و سوف يتناقلون السلطة فيما بينهم و من يخرج عليهم سيكون من وجهة نظرهم خارج عن الشرع و سيستبيحو دمه ,, و إعلم بأنهم لن يقبلو لك رأى مهما حاولو خداعك الأن بالحرية فرأيهم و رؤيتهم مستمده من مكتب الإرشاد الذى سيتوارث أعضاءه السلطة فى حال وصولهم إليها ,, أرجو أن تفكر جيداً قبل أن تورط أمه بأكملها لمائتى عام قادمة على الأقل ,, و يجب عليك ألا تأخذ المنافسة بين الفريق أحمد شفيق و محمد مرسى على أنها تحدى للثورة بل ما ستفعله بتصويتك لمرسى هو إجهاض للثورة و تدمير لمصر و لأجيال قادمة لأنك لن تستطيع التعبير عن رأيك فيما بعد حتى لو داخل غرف مغلقة عليك و إياك أن تنخدع فيما سيقولوه من حرية و كرامه فالحرية من وجهة نظرهم تختلف عما تفكر فيه و الكرامة أيضاً عندهم أن تتبع مرشدهم الأعلى الذين ينظرو إليه على أنه سيد القوم و إن غداً من ناظرة لقريب ,, اللهم إنى بلغت اللهم فأشهد """ ...

وفى النهاية معترض على الاخوان نعم ضد كل سياستهم موافق قد اقاطع الانتخابات جائز لكن ان تضع الاخوان مع شفيق فى سلة واحدة مستحيل انتخب شفيق رابع المستحيلات



هناك 16 تعليقًا:

مصطفى سيف الدين يقول...

طيب دول لجان ماشي
لما ييجي احمد رجب و هو من هو كقامة صحفية كبيرة و يقول ان احمد شفيق زي خالد بن الوليد قتل المسلمين في احد و لما اسلم بقى سيف الله المسلول
ده تقوله ايه؟

ليلى الصباحى.. lolocat يقول...

السلام عليكم
اسمح لى اولا اخى ابراهيم ارد على سيف المدونين
يامصطفى مفيش حاجة تنفع مع الناس دى غير حسبنا الله ونعم الوكيل لأن خلاص خلص الكلام وجف الحلق من الصوت العالى اللى مش جايب نتيجة
واضح جدا استاذ ابراهيم اللعب مع الكبار ( وواضح اكتر ان الفساد لازال فى قمته )



وفى النهاية معترض على الاخوان نعم ضد كل سياستهم موافق قد اقاطع الانتخابات جائز لكن ان تضع الاخوان مع شفيق فى سلة واحدة مستحيل انتخب شفيق رابع المستحيلات

( ياريت الناس تفهم كلامك ده وتدرك مدى خطورة الامر )

تحياتى لك استاذى العزيز واتمنى الا نفقد الامل للنهاية
لاكاشف لها الا الله

Unknown يقول...

مايحدث الان هو الاختبار الأخير للشعب المصرى
ولابديل عن النجاح.......

دعاء العطار يقول...

يا 1000 خساره هى الناس حصلها غسيل مخ ولا ايه

بجد انا مش فاهمه الناس اللى بتختار شفيق ده بتختاره ليه

انا كل شويه بتصدم من كلام الناس ف الشارع ومن كلام ناس اعرفهم ودلوقتى اتصدمت من تعليق دكتور مصطفى

يانهار فحلقى شفيييييييييق هو خالد بن الوليد

نووووو كوووووومنت

شمس النهار يقول...

في ايه ياابراهيم
:)
اللجنة دي مش شغل بتلوم ناس بيشوفوا شغلهم اللي بياخدوا عليه اجر :)
:))))

اهي قلبت جد والشعب انتخب شفشق :))
علشان يبقا امريكا ومصر رئيسهم اتضرب بالجزمة :))

;كارولين فاروق يقول...

مساء الخير يا ابراهيم
عارفه انك في حاله غم ونكد
زي اي واحد مصري انتخب صباحي
انا كمان انتخبت الصباحي و في
حاله قلق وتوتر
وخايفه علي البلد دي جدا
مش عارفه اقولك ايه بس الاخوان قتله
ايضا فلا ننسي انهم قتلوا الزعيم السادات وحتي الآن بيقولوا عليه
الخائن الذي خان بلده
انا لعايزه ده ولا ده وبفكر بجديه في المقاطعه ورزقي علي الله

Unknown يقول...

أنا معاك يا أ.إبراهيم
و بنفض لكل اللجان اللي زي كده
طول النهار خناق في الشغل
أنا قلتلهم لو هتتكلموا في السياسه إبعدوا عني عشان أنا عصبيه و ممكن أغلط.. لكن ممكن تكلموني في الفن في الرقص كده يعني :))

ربنا يرحمنا برحمته الفيس بوك مولع
و الناس بقت فريقين
مش عارفه هيحصل إيه تاني

تحياتي أستاذي العزيز

غير معرف يقول...

صباح الورد ابراهيم

طبعاً الحدث الأكبر الشاغل مصر وكل

المهتمين هي الإنتخابات وبعد النتيجة

الغير متوقعة كمواطن عربي أتمنى صدقاً

بألا يفوز إلا من هو قادر على قيادة

مصر بحكمة وقوة ليخرجها من النفق

لتعود لمكانتها الطبيعية ...

حفظ الله مصر وأهلها

تحياتي وإحترامي

حنين محمد يقول...

صباح الغاردينيا أستاذ ابراهيم
أنا بجد مش فاهمه حاجة عارف أنا امبارح بتكلم مع موني أقصد منى ابو السعود على الموبايل بقولها ياموني أنا تعبت عاوزة أفهم حاجة ؟
قالت لي أفهمك ياحبيبتي..
قلت لها أما مصر كلها مش عاوزة شفيق دا ازاي جات له الأصوات دي قالت لي لأن فيه ناس للأسف عاوزاه وناس مش عاوزة الإخوان قلت لها عارفة أنا كنت عاوزة صباحي وماعرفش ليه هههههههه قالت لي أنا كمان عشان كلنا صدقناه عارف كلمتها دي " صدقناه " يعني أحنا ادينا أصواتنا لشخص وثقنا فيه يبقى الشعب المصري الي أنتخب شفيق جاب الثقة والصدق بـ شفيق منين ؟
الثورة مش أتعملت عشان نظام حسني ؟
طيب شفيق مش فلول ؟
أممم بجد أنا تهت وصدعت من الأخبار وعاوزة حد يفهمني آيه الي بيحصل ؟؟
لأني بجد خايفة على مصر .."
؛؛
؛
لروحك عبق الغاردينيا
كانت هنا
reemaas

rona ali يقول...

انا مش فاهمه ازاى كده
هما اللى بيرشحوا شفيق باستماته دوال ايه مافيش دم مافيش احساس خالص

يعنى الاخوان بيعملوا للى منضمين ليهم مسح زرى اوكى ماشي في جماعه وخطه ورؤيه وكده
انما شفيق دة رؤيته كلها ظلم وقهر وقتل ازاى كده نفسي افهم :)))

Bent Men ElZman Da !! يقول...

هو فعلا فى اختلاف
بس فى النهايه احنا فى طريق سد
يا نختار شفيق
ياما احسن الوحشين زى ما بيقولوا

فيديو العرب (admim 1 ) يقول...

طبعا شتان بين من تختلف معه سياسيا و بين من يريد ان يعيد النظام السابق بل و أسوأ و يعلق الشانق للثوار

دعاء يقول...

!!

الأيام القادمة ستوضح الكثير ..
الكل واجم ،
و الكل يحترق من الانتظار ..

الكل مختلف ،
لا احب النزاعات !
!!

سـأسأل الله أن يحفظ مصر و أهلها ،
و يصونها من كل شر ..

..

Tears يقول...

مش ح ادى الانتخابات شرعية بصوتى و اشارك فى اختيار بين مرشح مجرم و مرشح بيخضع لتنظيم دولى من جماعه بتبث تخلف و كل وعودها كذب بتاجر بالدين لمصالحها

الحقيقة ماعنديش اى فرق بين الاخوان و الحزب الواطى و اصلا لولا وجود الاخوان فى المشهد ماكانش زماننا فى الوضع ده

الاخوان قعدوا مع عمر سليمان و الناس فى الميدان و غدروا بالشباب فى محمد محمود و اساسا تنظيم دولى و انا عايزة رئيس مصرى خالص

1.قالوا لن نترشح الا علي ٣٣٪ من المقاعد ثم ترشحوا علي كل المقاعد في كل الدوائر

.2.تنافسوا ضد كل الفئات حتي شباب الثورة و لم يتوافقوا حتي مع الرموز الوطنية.

3.لم يتنافس الاخوان في السابق ضد فتحي سرور و زكريا عزمي بينما اسقطوا جورج اسحاق و باقي الرموز

.4.الاخوان وافقوا بعد الثورة علي وثيقة تنص علي مدنية الدولة ثم انقلبوا علي وثيقة السلمي

.5.وقفوا بجانب الثورة في يناير ثم انقلبوا علي شباب التحرير وقت إسالة دمائهم لمصلحتهم في الانتخابات

. 6.الاخوان فصيل وطني و لكنه تحالف مع النظام دائماً بدءا من الملك فاروق حتى جمال مبارك

.7.الاخوان غير قادرون على التكيف مع الأفكار الجديدة حتى مع أفكار شباب الاخوان انفسهم

.8.الاخوان يعانون من مرض النظام الحاكم، التحجر و عدم القدرة علي التجدد و الخيال

.9.الاخوان ليس في استطاعتهم التكيف مع الاختلاف، لفظوا ابو الفتوح و حبيب للاختلاف في الرأي

.10.الاخوان لم يحددوا موقفهم من تطرف السلفيين و تكفيرهم للديمقراطية

.11.الاخوان لم يعترفوا أبدا بخطئهم عن إرهاب الماضي و اغتيال شخصيات مصرية وطنية

.12.انقلاب ٥٢ كان تدبير إخواني مع الجيش، و حدث صراع سلطة و لكن الأيديولوجيا و طريقة التفكير واحدة بين الطرفين

. 13.عقيدتهم ان مصلحة الاخوان فوق مصلحة الوطن لان مصلحتهم هي مصلحة الدين طبقا لمعتقدهم لانهم حراس الدين

.14.لا يمكن معارضة الاخوان لانهم تجسيد للاسلام علي الارض طبقا لوجهة نظرهم حراس الدين.15.الاخوان أيدوا فاروق ضد الوفد و عرضوا عليه مهاجمة الوفد و تم قتل البنا فقط عندما خرج عن الخط

رؤى عليوة يقول...

والله تعبت من الكلام فى السياسة
لدرجة انى بقيت افضل انى اروح الاعادة واختار بطريقة حادى بادى ومش عايزة اسمع كلام تانى

الكل بيفتى وبيتكلم خلاااااااااص مش عايزين مبارك تانى ومينفعش
ومش راضيين عن كل حاجة الاخوان بيعملوها
لكنهم فعلا مش وحشين لدرجة الخوف منهم
دى كانت اوهام النظام عملها من زمان لكنهم ناس عاديين مش ملايكة وهنحاسبهم

اما موضوع خالد ابن الوليد ده معلش السن له حكمه هنقول ايه بس

حسبنا الله ونعم الوكيل

نهون عن نفسنا شوية وربنا يستر

دمت بخير أستاذى

Humman being يقول...

المجلس العسكرى ضليع فيما وصلنا اليه الآن وكان هدفه من الأول وصول شفيق
عمل "عمر" سليمان طرطور لمدة أسبوع عشان يخرج بيه خيرت الشاطر وحازم أبو اسماعيل ... فى الوقت اللى فيه مرسى معاه أساسا جنسية أمريكية هوه وولاده وأحفاده

مش هدى صوتى لحد منهم بس هنزل أبطل صوت