السبت، 23 يونيو 2012

المعازيم جم



يعنى ايه تتعزم فى فرح عادى قوى يعنى تيجى من الشغل  اى قميص بحلقى و اى قميص محمحى و لو فى الشتاء بلوفر زى بلوفر شفيق او شيرز و لو كان يوم جمعة والواحد لابس الجلابية السكروتة المقلمة بالطول و الطاقية زى جلابية عبد المنعم ابراهيم فى بين القصرين نروح الفرح و خلاص و مبروك يا عريس مبروك يا عروسة و خلص الموضوع
نيجى بقى للستات ماذا يحدث عندما تتعزم فى فرح طبعا يتوقف الموقف طبقا لعدة عوامل
  1. مقدارالقرابة و هل هى من الدرجة الاولى او الثانية او هى صداقة
  2. نوعية المكان المقام به الفرح و نوعية المعازيم
  3. الحالة المادية وهل اول الشهر او اخر الشهر
طبعا لو القرابة من الدرجة الثانية و الفرح غيرمهم يتم فحص ما بالدولاب من ملابس و مراجعته مراجعة تفصيلية و يتم وضع جدول للملابس و استبعاد ماتم لبسه فى افراح سابقة ثم يتم معاودة المقياس و هل زاد الجسم او خس و مدى ملائمته للحجم الحالى ثم يبدء مرحلة شراء الاكسسوار المناسب للفرح من طرح وايشاربات اذا كانت محجبة و احذية و شنط و خلافه 
ناتى الى الفرح اذا كان من الدرجة الاولى يبقى هتشترى جديد يا حلو و تنزل بدل المرة عشرة ثم تبدء مرحلة الاكسسوار و الحيرة و التغيير حتى لحظة الصفر اى موعد الفرح
تدخل الفرح من دول و انت لابس الجلابية السكروتة او القميص و البنطلون و الشبشب تلاقى حواليك الستات بيلعلطوا ويبرقوا ترتر و خرز و ابيض واحمر و برتقالى و كل واحدة باصه للبس التانية و تبص للبس بتاعها طبعا كل واحدة تشكر للتانية فى ذوقها لكن زى ما انتوا عارفين اللى فى القلب فى القلب و احنا الرجالة الغلابة قاعدين ملحوسين بجلبيتنا بشبشنا
مرة واحد صاحبى من نوعية بحبك و عاوز اتجوزك هاحكى لكم عنه فى بوست تالى كنت معزوم انا و هو فى فرح عجبته بنت شاور لى و قالى يا ابراهيم عايز اتجوز دى طب اهدى دلوقتى مش ممكن على صرخة واحدة عايز اتجوزها يعنى عايز اتجوزها شوف جمالها شوف شياكتها  المهم عملنا اللى ربنا قدرنا عليه وخدنا معاد عشان نشوف هيتجوزها ازاى و طبعا خدنا معاد لصاحبتها معاها 
فى المعاد المحدد جلسنا انا وصاحبى فى الانتظار فجاة وجدنا بنتين بيقولوا مساء الخير قلنا لهم مساء النور فى حاجة سيادتك انا فلانة و فلانة . مش ممكن انتم متاكدين ان انتم اللى كنتم فى الفرح مش بتضحكوا علينا و بعتم اخواتكم الصبيان  اتضح ان فلانة و فلانة اللى احنا شفناهم فى الفرح انا فيا انوثة عنهم و دى كانت نهاية اللى يفكر يتجوز بنت شافاها فى فرح
                                                    بلد مجانين صحيح


هناك 24 تعليقًا:

شمس النهار يقول...

:))

طبعا لانسسز واكستنشن للشعر وطبقتين من الفونديشن والروجاجو
:))

معلش تعيشوا وتاخدوا غيرها

ابراهيم رزق يقول...

شمس النهار

هههههههههه
انتى كده حرقتى بوست بحضره
عن الانسسز والاكستنشن للشعر

ههههههههههههه
خلاص بقى كان زمان
زياد بقى يعيش و ياخد

تحياتى

reemaas يقول...

هههههههههههههه
مش قولتلك انت حطتنا فى دماغك
عليييييييه العوض

حط ضمن على حسب بتاعه الستات هى مخطوبو ولا متجوزة ولا لسه اصلها تفرق كتييييييييييير اسالنى انا

Haytham Alsayes يقول...

هههههههههههههههههههه

اشكال عار
دى الكلمة المناسبة يعني

rona ali يقول...

ليه كانوا حاطين خمسه كيلوا ميكب وكيلوا جاز بس اللي بريحه ههههههههههههه

لاء والله مش انا بنت يا خال ابراهيم بس صدقنى اختلف عن كل البنات اللي بتكلم عنهم الا في موضوع الدولاب دة انا متورطه فيه هههههههههههههه

انا هفطس من الضحك بيجد كل شويه وافتكر كلام حضرتك وانا بكتب اضحك اكتر :)

مصطفى سيف الدين يقول...

الستات لهم اكتر من وش :)
كل شوية يغيروا و يتغيروا و يقولولك نيو لوك
نصيحة اصلا كبر دماغك بلا فرح بلا بتاع انا نفسي ييجي اليوم اللي تتلغي فيه الافراح بقى و اللي عايز يتجوز يروح واخد عروسته من بيتها و يريحنا
حد فاضي يضيع ساعتين من عمره في الكدب؟
مجاملات وشوش غير صادقة سماعات و صداع
انا اليوم اللي بتعزم فيه على فرح باتنكد ههههههههه

غُفرَانْ يقول...

ههههههههههههه بنآت مصر جالس لكم إبراهيم ^^"

Bent Men ElZman Da !! يقول...

اااه ده الافراح دى بتبقى حوااار فعلا
مش عشان خدع يعنى والا كده
بس الواحد بيحب يبقى مميز :D
لكن مش لدرجه انه يبقى حد تانى كده
دى صعبه اوى يعنى
معلش كل صدمه وانتوا طيبين بقى ههههههه

aya mohamed يقول...

البنات فى اى فرح بيتنافسوا مين هتكون احلى واحدة او تلفت الانتباه اكتر خصوصا لو القرابه من الدرجة الاولى او التانية
بيبقى فى منافسة رهيبة ههههههههه
بس مقتنعه جدا ان مينفعش واحد يختار بنت من فرح ويقول اتجوز دى يبقى يستاهل اللى يجراله بصراحة :)))

رؤى عليوة يقول...

ههههههههه
حلوة اوى السلسة دى مستمتعه بيها جدا
رغم انها حجات كلنا بنلاحظها بس هى فعلا منتقده

على فكرة الافراح عندنا بتكون ابسط من كده وعادى جدا ممكن حد يشوف عروسة فى فرح :) او فيديو
هههههه

هما ليه صحيح بيقلبوا علب الالوان عليهم قبل ما يروحوا فرح ؟؟


دمت بخير

كريمة سندي يقول...

الأفراح أصبحت حمل ثقيل جدا .. موضوع شيق الطرح تحياتي الصادقة

رشيد أمديون يقول...

تدوينة خفيفة الدم أخي ابراهيم.
في الحقيقة المظاهر عند النساء صارت ضرورة ملحة بالنسبة لهن، لا يمكن الاستغنا عنها أبدا :)

هبة فاروق يقول...

ههههههه المكياج واللنسس والحركات دى بتغيير كثير قوى يعيش ويأخد غيرها
بس الترتر زمان كان عامل شغل عالى
تدوينه خفيفه الظل كصاحبها

richardCatheart يقول...

ههههههههههههههههههههههههههههههههههههههههههههههههههههههههههههههههههه انت لسه فاكر السكاروته ههههههههههههههههههههههههههههههه

الحمد لله لو حصل لو حصل وروحت افراح ودا ماندر بضرب جينز هههههههههههههههههههههههههه فكك بلا امراض نفسية وعقد وشراشيبببببببببب

صراحة البوست دا الستات تستاهله جووووووووووووووووووووون

eng_semsem يقول...

صدقت اخونا ابراهيم الستات دايما في حالة الافراح لازم تحس انها نجمة الليله ومنوره زياده عن الطبيعي اما الرجاله ياعيني علينا بالكتير علينا نركز في حكاية اللبس يوم فرحنا وده بتكون اخر حاجه في حياتنا نعرف نركز فيها
تحياتي

zeze يقول...

جميلة استاذ ابراهيم
متخيلة الموقف ههههه
لكن عايزة اعرف خرجته منه ازاي هههه

ليلى الصباحى.. lolocat يقول...

لا وأنت الصادق دى اخرت اللى يبص يمين وشمال ههههههه مالها الخاطبة هههه


دمت بخير وسعادة دايما يااااااااااارب

نهر الحب يقول...

:DDDD
مش كل البنات بقي علي فكرة

انا الفرح اي حاجة كدة تنفع لسهرة بره وخلاص وشكلي هو هو يعني

وبعدين يعني ايه راجل تعجبه بنت لمجرد انه شافها في فرح مش غلط برضه

:DDD

نيسآان يقول...

ههههههههههه
المره هاي مضطره اوافقك وما اعترض.
معك حق ...
الستات بصراحه بيزودوها كتير في موضوع الماكياج والتزبيطات و كأن كل وحده فيهم بتكون عاوزه تنافس العروسه وتطلع احلى منها .

;كارولين فاروق يقول...

ههههههه
الاقنعه كتير بقي ما
انت عارف
وبعدين بقي في هجومك نحو المرأه
ماشي ماشي هههههه
تحياتي

حنين محمد يقول...

مساء الغاردينيا أستاذ ابراهيم
هههههههههههههههههه
ههههههههههههههههههه
ممكن أسأل سؤال انت بتجيب الصور الرومانسية دي منين ايه القرود دي
بجد رومانسيتك في الصور ماحدش يقدر عليها بتخوفني قصدي بتعجبني ههه
اما أكتر انوثة منك هههههههه
دي في صباحيتها حتطلق اكيد حيبص جنبه يقول يامصيبتي هو انا كنت بايت مع صاحبي طول الليل ..ههههههه
بس عارف ماما كانت دايما تقولي الميك آب بيحلي الوحشة انما الحلوة حلوة حتى بدون مكياج :)
على فكرة ماتنساش صاحبك الي قلت لنا حتحكيلنا عنه في البوستات الجاية مستنياه :) "
؛؛
؛
ربنا يسعد قلبك وأيامك
بجد رجعت لي الإبتسامة هنا الي أفتقدناها من فترة "
؛؛
؛
لروحك عبق الغاردينيا
كانت هنا
reemaas

رحاب صالح يقول...

هههههههههههه
الحمد لله
مش بروح افراح اصلا
عشان لاتعرض للمواقف دي كلها من اول اللبس لغاية الشباب بتوع اتجو دي والنبي ياماما

Carmen يقول...

:))))))) كله الوان واللى يعيش ياما يشوف ^_^

نسرين شرباتي "أم سما" يقول...

ههههههههههههههههههههههههههههههههههههههههههههههههه
وفيه شباب فاقعين كمان
إنتوا صدقتوا حكاية الجلابية هاي؟؟
ههههههههههههههههه
بعرف واحد،، كل مايكون عنده عرس،، بيروح الكوافير،، بيحلق شعره وذقنه،، وبيعمل ماسك لوجهه،، وحمام زيت لشعره،، وبيحط جل عند الحلاق وبيجي ع البيت،، ولازم يكون شاري قميص جديد وبنطلون جديد وربطة العنق أهم شي كمان!
ههههههههههههه
ما بنكر إني انبسطت كتير :)