الأربعاء، 10 أغسطس 2011

لميس و التهييس

طبعا انا مكنش ليا مزاج اكتب بالذات بعد بوست الانسة ساليناز و فتح باب التبرع لشراء قلة لها لكن فعلا استفزيت و قعدت اقول منك لله يا فخرانى انت اللى بلتنا با البلوة السودة دى احنا كنا قاعدين فى حالنا وفرت لها ورشة تأليف و شركة انتاج كبيرة و حدفت لينا هذه اللميس ما هذا التعالى فى حديثها و ما كم الفتاوى التى تلقيها علينا و كمان برنامج تجلس و تحكى و كأنها علامة فى التاريخ طبعا كل هذا انطباع شخصى انا لا احب تلك الشخصية و لا ارتاح لها لكنى لا احكم على شخص بانطباعى الشخصى بحبها او لا هذا  شىء يرجع لى قد يكون حدث موقف ما اثر فى و فى انطباعى عنها مثل اثناء عودتها فى ميناء بورسعيد اثناء تصوير مسلسل المرسى و البحار هى و زوجها و كان معهم خمور و قال لهم مدير الجمارك ان الفنان قدوة للناس و يجب الا يشرب خمر و قامت الدنيا و لم تقعد و اشتكوه لوزير المالية لا اتذكر كان من ايامها و تم نقل مدير الجمارك قد يكون المدير على صواب او على خطأ تدخل فى الحرية الشخصية للاخرين او تعامل مع الفخرانى على انه شخصية عامة و له حق النقد هذا ليس موضوعنا
موضوعنا هو فتواها الاخيرة بأنه يجب الا يحاكم مبارك و يجب الا يهان و انه يا عينى لم يكن مقيما فى شرم الشيخ سوى فى مستشفى حكومة لا يوجد بها تكييف و انها لا تعرف من قتل الشهداء و كأن الشهداء دول قتلوا بمسدسات مياه تم رشهم بالمياه فغرقوا فى شبر ميه و انه يجب تكريم مبارك عسكريا و صرف معاش عسكرى يا حرام عشان يلاقى فلوس يتعالج بها بعيد عن التامين الصحى و عشان زوجته و اولاده غلابة 
و لم تنسى فى وسط حديثها ادخال اسم جمال عبد الناصر كزعيم طاغية و مستبد و ان مبارك ملاك من السماء و ان امن الدولة كانوا رحماء بالمواطنين و انه لا يجب باى حال من الاحوال ان نحاكم شخص كان رئيس لدولتنا اى منطق و اى حرية تتحدث به مش كفاية بيعالج فى اكبر مركز طبى فى مصر مش مستشفى سجن طرة اكتفى بهذا القدر و اقول اللهم انى صائم
بلد مجانيين صحيح   

هناك 28 تعليقًا:

Tears يقول...

على فكرة و مش بتريق بس فيه ناس اكتشفت انهم مجانيين...مش لميس بس انما عمرو مصطفى بجد مش طبيعى

افترج على يوتيوب على برننامج فاصل على الهوا بتاع المحور الحلقة بتاعه عمرو مصطفى..ده شايف فودافون و بيبسى سبب الثورة

faroukfahmy يقول...

اظرف ظرفائنا
مذا تتوقع يا ابراهيم من اشخاص يتعاطوا الخمور ، مش غريب فتواها الاخير اذا كان لها حق ان تفتى ويسمع لها الشاربين والمهيصجية
يمكن يا ابراهيم يا خويا لما تفوق من اللى بتشربه تغير رأيها

Unknown يقول...

اللهم إنى صائم ....
أخى ابراهيم لانملك سوى أن ندعو الله تعالى فى هذا الشهر الكريم أن يهدنا جميعاً إلى الحق والصواب
اللهم آمين

ريهام المرشدي يقول...

وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ

دعاء العطار يقول...

عارف الثوره اظهرت لنا الناس دى قد اييييه تفكيرها ع قده

لا ثقافه ولا دين ولا مبادىء ولا اى حاجه

يالا ربنا يهددددى

دمت بخير

فلول مبارك اسيادكم يقول...

ولية تكون انت الصح وهية الغلط مايمكن العكس ياهيمة مبارك سيظل شئتم ام ابيتم رمز مصر والتاريخ هو من سينصفة موتوا بغيظكم واحقادكم

من فلول مبارك (اسيادكم) يقول...

علي فكرة التهييص دة اسلوبكم واسأل نوارة نجم يالا يامهييص

catroz يقول...

اشوفك واااااالع يا مبارك :S

reemaas يقول...

مين لميس دى اللى مستهينة بدينها كده وشايفه ان الخمر حرية شخصية بغض النظر عن مبارك

شمس النهار يقول...

ايه ده ياابراهيم

غير معرف بقا فلول واسيادكم
طب وربنا مسلينا
:)))))

اما الاخت لميس دي بجد صعبانة عليا جداااااا
لما شوفت فيديو المداخلة دعيت لها ربنا يهديها
مش الطيور علي اشكالها تقع وقل لي من صديقك اقل لك من انت
طيب دي ناس بتحبه همه حرين يحبوه براحتهم
بس حبهم ده لا هيمنع محاكمته ولا هيديه براءة
هيتحاكم هيتحاكم علي كل الجرائم اللي ارتكبها هو العصابة اللي حواليه
والقضاء مابيهزرش
وكله علي عينك ياتاجر
بس اظرف حاجة ضحكتني حكاية التكيييييف والسخان
هي مابتقراش جرايد ده الجرايد كلها جابت صور جناح المستشفي في شارم الشيخ وكمان صورة جناح المركز العالمي
:)))
عرفت موضوع السجين المريض اللي رفض يدخل مستشفي طره وقال عايز يتعامل زي المخلوع

zizi يقول...

ابراهيم العزيز ..مش شايف انك فتحت حنفية لزوارك انهم يقولوا كلام كتير على ناس لا يعلم عنهم الا الله يعني يا ابراهيم اللي احنا نصومه الصبح نضيعه بالليل ..ارجو منك ومن زوارك الأفاضل انهم يروحوا مدونة لولا وزهرة ويقروا موضوع البرميل صدقني حاجات كتير حا تتغير جواكم ..تحياتي وشكري

ياسمين يقول...

قمة الديمقراطية اللي بيتعامل دا...مش عارفة اشمعني مبارك اللي يكون فوق القانون ...يعني اصلهم مش جربوا ..يدخلوا أمن الدولة ولا حتي يق عليه صخرة الديقة ولا يكونوا ف القطر ويخرج ع مساره ولا حتي عبارة السلام اللي غرقت ولا شرم الشيخ اللي محولها لحسابه ولا سينا اللي بقت مكان للصهاينة ومع ذلك احنا قلبينا طيب
لكن الدم مش بنسامح فيه..!!!
اللي هيشلني انه قاعد ف احسن مكان ف مصر.. مستشفي ع اعلي مستوي ..!!
فيه ناس بئا مش لاقية شلن عشان تتعالج..
يجعله عامر

زينة زيدان يقول...

اللوم ليس عليها ولا على أمثالها
إنما اللوم على مِنْ وضعهم في مكانة يتلفظون بها بصوت الأمة
ويُسمع لهم على أنهم أصحاب فكر ومكانه


على قولك

اللهم إني صائم

بسمة الورد عطر المشاعر يقول...

اولا سلام الله عليكم اخى الكريم
ثانيا احب ان ابدى اعجابى الشديد بمدونتك الراقية . واعلانى عن متابعتها ان شاء الله
ثالثا بالنسبة لموضوع لميس والخمور والتهييس ,, هذا هو المتوقع اصلا من ناس ما تعرفش ربنا عايشة لمزاجها ولهواها وفقط,

يعنى لا الكلام هيغير حاجه ولا الخمور هترجع دين ههههههه فخليها ترغى وتتسلى مش حسنى كان بيقول علينا كده لما كنا بنتكلم ؟

دول ربنا بالينا بيهم علشان دايما نقول :: حسبنا الله ونعم الوكيل

كل سنه وانتم طيبين احترامى لنبض قلمك اخى

ابراهيم رزق يقول...

Tears العزيزة

فعلا فى مجانين كثيرين المشكة انهم ميعرفوش بيكلموا مين فاكرين الناس لا تفهم

نورتينى
تحياتى

ابراهيم رزق يقول...

فاروق فهمى
استاذى العزيز
ملك الزهرات
و ابن بطوطة المدونين

واضح انهم مش عايزين يفيقوا و فاكرنا كمان مش فايقين و بيستفزونا بكلامهم

نورتنى و شرفتنى
خالص تحياتى و تقديرى

ابراهيم رزق يقول...

محمد الجرايحى
استاذى الفاضل
حمد الله على السلامة

اللهم اميين يا مجيب السائلين

نورتنى و شرفتنى
تحياتى

ابراهيم رزق يقول...

ريهام المرشدى

صدق الله العظيم

نورتينى
خالص تحياتى

ابراهيم رزق يقول...

دعاء العطار

فعلا الثورة ازالت الاقنعة عن هؤلاء لكن مازالت البجاحة و الكبر يملئهم

هذا النموذج قمة التعالى و الغرور و الجليطة
ربنا يهديهم

نورتينى
تحياتى

ابراهيم رزق يقول...

فلول مبارك اسيادكم

نشرت تعليقك لاكثر من سبب
لنعرف كيف و مازال يفكر الفلول
لان الناس صايمة و عايزة تتسلى
لان الضحكة غابت و عايزين نضحك

اذا تعليقاتك ذو فائدة ثلاثية
معرفة
و تسالى
و ضحك

كل سنة و انت طيب

ابراهيم رزق يقول...

catroz

ربنا هينتقم منه بأذن الله

سعيد بزيارتك
خالص تحياتى

ابراهيم رزق يقول...

reemaas

لو جابوا للمجنون ميت عقل غير عقله مش هيعجبه الا عقله
يا ريت تحتفظ بتفكيرها لنفسها


نورتينى
تحياتى

ابراهيم رزق يقول...

شمس النهار

ههههههههههههه
ايه رايك مش نشر تعليقه حلو فى رمضان عشان نتسلى
اصل انا تعليقاته اللى باسمك بدخلها معمل التحاليل و الفحص و حللها و انت عارفة التحاليل و الفحص بتكلف ازاى

الاخت لميس تهييس عاملة فيها ابو العريف مثال للغرور و العجرفة
انا عايز اعرف ايه كينونتها عشان يستضيفوها غير زوجة بسلامته الفخرانى
منك لله يا فخرانى ملقتش غير دى و تتجوزها
ده انا حتى فيا انوثة اكثر منها
هههههههه
اللهم انى صائم

نورتينى
تحياتى

ابراهيم رزق يقول...

zizi العزيزة الذيذة

معلش اصلى انا حبيت اعرف فى ناس تفكيرها ازاى و انا اوجهم الى مدونتك و مدونة لولا و زهراء لكى يستزيدوا

ربنا يغفر لنا جميعا
نورتينى
تحياتى و تقديرى و حبى

ابراهيم رزق يقول...

ياسمين

صدقنى اختى العزيزة
انا مش شايف اى غلط فى محاكمة عادلة لشخص كان الحاكم الناهى فى بلد 30 سنة

و بعدين هو قاعد واكل شارب نايم فى شرم و المركز الطبى العالمى و اقسم بالله ان فى ناس نايمة على الرصيف امام القصر العينى و معهد الاورام
و بعدين ده معاه جيش من المحامين

نورتينى
خالص تحياتى

ابراهيم رزق يقول...

زينة زيدان
اختى العزيزة

هذا ما تساءل عنه باى صفة يستضيفونها غير عشان متجوزة الفخرانى

نورتينى
خالص تحياتى

ابراهيم رزق يقول...

بسمة الورد

اولا مرحبا بكى فى مدونتى المتواضعة و يشرفنى متابعتك

كلامك مظبوط لكن لما نكون قاعدين فى حالنا و تظهر لنا و تستفزنا بدون اى صفة غير انها زوجة الفخرانى
هو فى كلام بالشكل ده

نورتينى
خالص تحياتى

الذوق الرفيع يقول...

الله لا يبلانا بأناس مثلهم
بس بصراحة اسلوبك روووووعة
ودي :)