السبت، 13 أغسطس 2011

الميه يا جدعان

                             لا تسألونى
لا تسألونى..مااسمه حبيبى        اخشى عليكم ضوعة الطيوب
زق العبير .. ان حطمتوه         غرقتم بعاطر سكيب
و الله لو بحت باى حرف          تكدس الليل فى الدروب
لا تبحثوا عنه هنا بصدرى        تركته يجرى مع الغروب
ترونه فى ضحكة السواقى        فى رفة الفراشة اللعوب
فى البحر فى تنفس المراعى      و فى غناء كل عندليب
فى ادمع الشتاء حين يبكى         و فى عطاء الديمة السكوب
لا تسألوا عن ثغره  فهل           رأيتم اناقة المغيب
و مقلتاه شاطىء نقاء
محاسن لا ضمها كتاب            و لا ادعتها ريشة الاديب
و صدره . و نحره .كفاكم         فلن ابوح باسمه حبيبى
                                                     نزار القبانى

طبعا معنى ضوع  انتشار الرائحة و تفتحها 
 معنى الديمة الامطار التى لا يوجد بها برق او رعد
طبعا انا اردت ان اهديكم تورتة او جاتوه و لكن نظرا لان اغلب محلات الحلوى لا يوجد بها غير شرقى لاننا  فى رمضان و انتم طبعا زهاقنين من الحلويات الشرقية قلت اهديكم قصيدة لنزار القبانى لانى احبها جدا و اردت ان اهديكم ما احب هذه القصيدة  لها عندى ذكريات قديمة و محدش يسألنى ما هى الذكريات و حياتكم لان لسانى فالت و ممكن اجاوب طبعا اهديتكم القصيدة ماعدا شطر وحيد حذف لمحظورات رقابية
يعنى محدش سألنى هى الهدية دى مناسبتها ايه و ليه 
الهدية لان البوست ده رقم مائة طبعا انا مش مصدق و مش متخيل  انه رقم مائة و مش مصدق انى عملت مدونة لان الفكرة دى كانت مستبعدة و طالما طلب منى الكثيرون ان اعمل مدونة و لكنى كنت ارفض ارفض المسئولية لانى سبق و عملت بالصحافة و لكنى كرهت حرفية العمل الصحفى او بمعنى اصح ارفض العمل الاحترافى و احب روح الهواية لكن مع قيام الثورة لم اقدر ان اسكت و عملت المدونة التى كان تخطيطى ان تكون فترة محدودة جدا لكن استمرت و لا اعرف الى الان لماذا استمرت
طبعا صعب ان اقيم نفسى و لكن لا اجمل من عيون احبها و اتمنى ان تحبنى اترك لكم المجال هايد بارك سالزياد لكى تقيمونى و تنقدونى كيفما شئتم انا لا ازعل من النقد نهائيا ارجوكم قولى لى ما لايعجبكم بتلك المدونة حتى استطيع ان اعدل من نفسى للمرة المائة اتكلموا براحتكم انتو مش عايزين عزومة انا لا ازعل من النقد نهائيا و متشكر انكم استحملتونى
اتفضلوا ايه مكسوفين انتوا مش عايزين عزومة     

هناك 28 تعليقًا:

كريمة سندي يقول...

مبارك التدوينة رقم مائة لك .. سعدت كثيرا بها عقبالي

يعجبني الأسلوب الساخر في الكتابة ولقد أجدته كثيرا عزيزي سلم فكرك وقلمك

نور يقول...

مساء الخيرات

مبارك التدوينة رقـــ 100 ـــم
القلم الذي ينبض بحب الوطن وهموم الناس والرؤى والأفكار الشخصية جدير بكل احترام
أسلوب الدعابة والسخرية يبعدنا عن الروتين القاتل ويدخلنا عوالم الابتسام
كل الاحترام والشكر وعقبال التدوينة رقـــ 1000 ـــم

Unknown يقول...

ألف مبروك يا أستاذ إبراهيم و حضرتك فعلاً في وقت بسيط قدرت تعمل شعبية كبيرة و ده يدل على موهبتك و روحك الطيبة و ذوقك طبعاً.
سعيده جداً بمتابعتك و كتاباتك الساخره تعادل في جمالها كتاباتك الإنسانية, أتمنى لحضرتك مزيد من التفوق و النجاح و تحقيق الذات و عقبال البوست المليون

Tarkieb يقول...

الف مبرو وووووووووووووك...المية تروي العطشان هههههههههههه

الاحلام يقول...

كل مائه تدوينه وانت بالف خير اخى العزيز وان شاء الله معا حتى التدوينه الالف وبعد كده تعمل مدونه تانيه على شان كفايه على دى الف
كل سنه وانت بكل خير وسعاده
تحياتى ابوداود

بسمة الورد عطر المشاعر يقول...

مساؤك هنا وسعاده ويارب يديم عليك روح التفائل والمرح التى المحها دائما فى كتاباتك الراقية

الف الف مبروك للتدوينة الميه وعقبال الالف وبعدها نهنى تانى

مودتى واحترامى لقلمك وما تقدم دائما

مصطفى سيف الدين يقول...

دول مكانوش 100 تدوينة
دول كانوا 100 وردة
الف مليون مبروك علينا ان بيننا مدون محترم ذو قلم ساخر احيانا يضحكنا ورشيد دائما ينير طريقنا

تحياتي القلبية لك اخي العزيز وتمنياتي ان ارى هنا التدوينة المليون

ريهام المرشدي يقول...

الف مبروك و عقبال رقم مليون إن شاء الله ،بما انى متابعه حديثة لمدونتك فأعجبنى ما قرأت بها و لى تعليق واحد و أرجو أن تتقبله بصدر رحب :
انت تطرح موضوعات قيمه و آنيه ، ففى بعض الأوقات تسخدم مفردات قد تقلل من قيمه الموضوع ، أتفهم أن هذا يجوز فى اطار الأسلوب الساخر ، و لكن هذا رأيي المتواضع جدا و لك جزيل الشكر على اتاحه الفرصه لقوله.
الف مبروك مرة أخرى و من نجاح إلى نجاح ان شاء الله .

الـسـيـدة نـون يقول...

فى الاول مكنش عاجبني اسمها وكنت مستغرباه
لكن خلاص مع الوقت خدت عليه
وبقيت شايفاه حلو اوى


وكنت فى اول بوستاتك كنت واخد اسلوب واحد فى الكتابة
اللى هو كانت بوستات الناس اللى انت بتغير فى اسمائها

انا مش فاكرة دلوقتي

بس زى مثلا مرتضى منصور
تقلب اسمه ويبقى مبتلى مكسور

حاجة زى كدة

وانا افتكرتك هتخلى المدونة كلها كدة

لكن بعد فترة بدات تنوع طريقة الكتابة وتنوع المواضيع

وبقيت مختلف لكن ليك اسلوب بيميزك برضه



مبروك يا ابراهيم التدوينة رقم 100 وعقبال الالف والمليون كمان




حلوة اوى القصيدة على فكرة


سلام

اختك خيخة

Casper يقول...

مبروك التدوينة رقم 100
عقبال التدوينة رقم ألف

=======

بجد أنت أسلوبك جميل يا ابراهيم
واختياراتك دايما في محلها

خالص تقديري لفكرك وقلمك

Noha Saleh يقول...

الف مليون مبروك
وعقبال التدوينة المليوووووووووون:)

سواح في ملك اللــــــــــــــــــه- يقول...

مبروك يابراهيم غقبال التدوينه

عشر تلاف وتفضل لامع كده في الكتابة

زي مانت

تخيتي

Bent Men ElZman Da !! يقول...

الف مبروك على التدوينه رقم 100
وعقبال يارب ال 100 اللى بعدها ان شاء الله :))

شمس النهار يقول...

:))))
وربنا ده انا ضحكت ضحك انا قريتها المية يعني الماء
قلت في ايه ابراهيم المية عندهم مقطوعة

طلعت الميه اي الهندرد

:))))))

مبروك علي البوست الهندرد
وعقبال السوزنت
:))
وبجد مدونتك ميه ميه
اي
هندرد هندرد

دعاء يقول...

راق لي ماكتبت هذي الأنامل ...
تحيآتي و احترآمي لكْ .

غير معرف يقول...

صباحك غاردينيا أستاذ ابراهيم
يعني انا غبت وجيت على 100 تدوينة اممم يعني دلوقتي انا اهديك ولا انت تهديني شفت بقى الطمع هههههه
بجد استاذ ابراهيم مصطفى سيف قال دول كانو 100 وردة وانا بقول 100 بسمة كنت بترسمها على قلوبنا قبل شفاهنا ودا لحاله اجمل تقييم ممكن اقدمه لقلمك وشخصك الرائع ويارب من نجاح لنجاح والاهم تفضل بيننا :)
؛؛
؛
لروحك عبق الغاردينيا
كانت هنا
reemaas

ياسمين يقول...

بصراحة اللي خلاني اتابع المدونة انها واقعية اووي ..بتحكي ع مواقف بتحصل لحضرتك...
وكمان دمها خفيف جداا..وأسلوبها ساخر..
ومبروك وعقبال المليار
والله كنت بحسب موضوع عن الميه.وهي مقطوعة ولا حاجة ..ههه

لــــ زهــــــراء ــــولا يقول...

اولا : مبورك البوست رقم ميه وعقبال البوست رقم الف ويكون احوال البلاد والعباد بقيت فى افضل حال

ثانيا : فى محلات بتعمل غربى جنب الشرقى انت بس واضح انك بتضحك علينا وياسيدى هات شرقى احنا هنقول لا يعنى ^_^

ثالثا : لم اكن اعلم ان مدونتك عمرها قصير اوى كده لاسف انى مش متابعه لها على الدوام لكن بصراحه بيعجبنى اسلوبك الخفيف المتنوع وبيحمل روح جميله

رابعا : عن جد باحترم حكاية انك مش بتزعل من النقد ودى حاجه تدل على جزء من شخصيتك المحترمه المثقفه لاننا للاسف نفتقد الكثير ممن يقبل النقد
خامسا : يارب كل مية بوست وانت بخير وكل احبابك بخير وبصحه

على جنب كده ايه حكاية القصيده دى " وش بيغمز "


زهـــــــراء

غير معرف يقول...

مساء الورد ابراهيم

كل 100 تدوينة وأنت بخير

بما أنك أعطيتنا مساحة حرية دون

مقص رقيب فأنا أقول 100 تدوينة

تحتاج لثوب جديد للعروسة في أحتفالها

رغم أن المظهر لم يكن في يوم مقياس

لأن المضمون أهم وبما أننا تكلمنا

عن المضمون فأنت صاحب قلم مميز و

ساخر سلط على رقاب المتخاذلين بدون

رحمة فسلم القلم وسلم صاحبه ..

تحياتي وإحترامي

zizi يقول...

ابراهيم الغالي العالي ..على فكرة انت غلطان في العد ...اظن حاتستغرب ..!! همّ مش ميهّ هم اكتر بكتير انا شخصيا لو اقدر اضيف كل مشاركة شاركت بيها كتعليق في مدونة أخرى لأنها بالفعل كانت تمثل بوست خاص بك وانا شخصياً كنت مع كل تعليق اقرأه لك في اي مدونة صديقة كنت اجري لأبحث عنك في مدونة خاصة بك وكنت اتعجب كيف لصاحب هذا القلم المبدع الا يكون له مدونة خاصة يمكننا من التواصل معه..حتى جاء الفرج من ربنا في وقت كنا بالفعل في حاجة للتواصل معك ..فماذا نقول يا ابراهيم لرجل مثلك دخل كل القلوب في اسرع من البرق لصدقه وتلقائيته واخلاصه وحبه للآخرين فأنت يا إبراهيم فعلاً ممن يطلق عليهم "صاحب صاحبه "تأخذ مشاكل الآخرين كقضية تخصك وتعمل بدأب حتى تحلها بطريقتك الخاصة وكأن قلمك فيه الشفا فانامتأكدة ان كل من تتدخل بالخير لحل مشاكلهم لم تراهم اصلاًفما بالك بمن تعرفهم عن قرب ..يا بختهم بيك ...الف الف مبروك علينا كلنا وجودك معانا ولعلمك انا برضه افتكرتها الميةاتقطعت ..مباركتي وتحياتي لك ولأم زياد

faroukfahmy يقول...

اظرف ظرفائنا
الف مبروك اولا على حضرة وحضور المائة
انت يا ابراهيم حقالا تحتاج الى تقييم ولكن تستحق تقديم كل الاحترام والتقدير منا لجهدك الدائب والدائم فى اسعادنا باسلوبك الساحر والهادف الذى يجمع بين هدفى الجمالية والنفعية فى حياتنا

εïз زهرة εïз يقول...

الف مبرووووووك المية

عقبال الألف كدا :D

انا متابعتش المدونة من الأول

بس عجبني اسلوب حضرتك جداا في البوستات اللي قرأتهم

انا مع اني من 2009 على بلوجر

بس لسة حوال 24 تدوينة

يلا عقبالي بقا ^_^

sabry abo-omar يقول...

ألف مبروك المئوية وعبقال المليونية.. وكل سنة وأنت طيب .

فيلسوف زمانه يقول...

السلام عليكم يا استاذ ابراهيم انا عموما شفت تعليقك على الاستاذة فاتيما وعايز اوضحلك شىء انا كنت كاتبلها تعليق على مدونتها بكل نزاهة وموضوعية وهى اللى انسحبت من الحوار وانت بص على تعليقاتى انا مغلطش فشخصها خالص ولا كنت متحجر زى ما بتقول غير فحكاية معاوية بن ابى سفيان ومغلطش برضو فيها

دا اولا

عموما حضرتك انا مش متحجر ولا حاجة بدليل ان ايامى كلها اتقلبت بقيت مناظرات كلها ليل ونهار وبقى عندى الحمد لله ثقافة المناظرة والاطلاع وكدة ودا اكيد بيخلينى مش متحجر خالص


انا طبعا اولا بقدم التحية لمدونة حضرتك
وبدعوك لمناظرة بينى وبينك كلها تقبل وتسامح ومش تحجر ولا حاجة
وهتكون تجربة حلوة جدا وحضرتك على ما اعتقد فكرك زى فاتيما فيعنى ملحوقة ونكمل الحوار اللى انسحبت منه فاتيما بالانسحاب منه والاستهزاء بية

لو موافق حضرتك هكون طبعا سعيد وان شاء الله ربنا يبصرنا بالحق دايما
والاخوان او اصحاب المذهب السلفية عموما مش انا ولا اتنين معايا ولا الف دول ملايين حضرتك
يعنى لو شفت حد متحجر زى ما بتقول مش معنى دا ان الجميع متحجرين وكدة ولا ايه حتى بيقولو التعميم عمى فياريت اسقط على الفرد ولا تسقط على الكل
لان دى سفسطة كما قال ابن رشد من سمات السفسطة اجراء ما بالعرض والحالة المفردة على الاصل والذات نفسها

انا هنتظر ردك

والسلام عليكم ورحمة الله وبركاته

منيرة سوار يقول...

بعدين تنحسد أستاذ ابراهيم..
100 تدوينه في 6 شهور..
عقبال الألف تدوينة إن شاء الله..
تقبل مروري اخي ابراهيم..

reemaas يقول...

الف الف مبروووووووووووووك

لو كنت صبرت كنت لسه بقول بعلو صوتى اى مناسبة الهدية

هدية مقبوله يا استاذ ابراهيم والحمد لله انك رضخت لالحاح الجماهير ده مفيد لينا احنا معشر معجبيك
انقدك باييييييييه

بص ياسيدى
بحب مدونتك جدا وبحس فيها بتلقائيه وخفة دم مالهاش حل
اوقات كتير بتناقش موضوعات بتبقى نفسى اتكلم فيها ومحتاره اترجمها لكلمات ازاى

اقرارها عندك واقول الحمد لله انك سبقتنى:)

لو ده ينفع نقد يبقى على البركة

ابراهيم رزق يقول...

اعزائى و احبائى
طبعا اشكركم جميعا كنت اتوقع ان تنقدونى و لكن اغلب التعليقات جاءت عكس توقعى اشكركم جميعا و احيطكم علما ان عنوان البوست كان مقصودا كنت بحاول العب معاكم شوية
كريمة سندى
نور
شرين سامى
تركيب
الاحلام
بسمة الورد
مصطفى سيف
ريهام المرشدى
بت خيخة واى كلام
كاسبر
نها صالح
سواح فى ملك الله
بنت من الزمن ده
شمس النهار
dodo the honey
ريماس
ياسمين
لولا و زهراء
ريبال بيهس
ماما زيزى
استاذى فاروق فهمى
سمسمة
صبرى ابو عمر
فيلسوف زمانه
منيرة سوار
reemaas
اشكركم جميعا نأتى الى من انتقدنى

ريهام المرشدى
اختى العزيزة
سعيد بتعليقك و ارجو ان تتعبى قليلا و ترجعى الى اى بوست قديم و تقولى لى عن المفردات الغير مناسبة حتى استطيع ان اتفادها او اقول لكى وجهة نظرى ارجوكى

ريبال بيهس
سافكر فى موضوع الثوب الجديد لكن انت عارف الازمة الاقتصادية
هههههههههههه
انا اردت ثوبا بسيطا لا اريد ان يغطى المظهر على الجوهر و لكنى اوعد افكر

فيلسوف زمانه
مستعد لاى مناظرة بشرطين
1 عدم التجاوز فى الحوار
2 عدم التكفير و اتهام من يخالفك الراى بهذه التهمة
تحياتى لك

مرة اخرى سعيد جدا جدا جدا بكم و بتعليقاتكم و اشادتكم التى لا استحقها و اضعها اكاليل من الورد فى عنقى

ليلى الصباحى.. lolocat يقول...

طبعا التاريخ ده للبوست كنت انا مسافرة فى المصيف
علشان كده اكيد ما قرأت البوست

والعجيب انى ايضا كتبت عن القصيدة دى فى مدونتى الخاصة Just dream بس هى مدونة تجريبية علشان كده مش بيعرفها باقى الاصدقاء :)

احسنت الاختيار اخى ابراهيم لكن ملحوظة صغننة اوى خالص

تكدس الليل فى الدروب

الصحيح للبيت هو

تكدس الليلك

والليلك زهر رائع الجمال بنفسجى اللون ومنه الابيض وله رائحة زكية ومنتشر ببلاد الشام

تحيتى لاختياراتك الرقيقة

دمت بخير اخى الكريم