السبت، 14 يوليو، 2012

غواص فى ترعة النغم 13


محمد عبد المطلب

اثناء اتصالى التليفونى بالفاروق وجدته يدندن باغنية اسال مرة عليا بصوته الشجى و طلب منى ان اغطس عن محمد عبد المطلب و بما ان طلبات الفاروق اوامر فها انا اغطس مع محمد عبد المطلب و هذه الغطسة اهداء له
محمد عبد المطلب عبد العزيز الاحمر مواليد 1910 مواليد شبراخيت تعلم القران الكريم ثم تعلم الغناء على يد داود حسنى (اليهودى) اول اغانيه بتسالينى بحبك ليه الحان محمود الشريف انتج له عبد الوهاب فيلم تاكسى حنطور له اغانى شهيرة مثل يا حاسدين الناس و رمضان جانا و ساكن فى حى السيدة و ودع هواك من تلاميذه شفيق جلال و محمد رشدى و محمد العزبى قام ببطولة 7 افلام و شارك بالغناء فى عشرات الافلام توفى عام 1980


 

يا ابو قلب دهب اغنية نادرة
 كلمات محمد خمزة (المعلومة من رنا)
الحان بليغ حمدى
اسال مرة عليا
 
 كلمات على السوهاجى
الحان سيد مكاوى

هناك 17 تعليقًا:

Casper يقول...

كان نفسي اعرف من زمان مين صاحب اغنية
رمضان جانا :)

بوست مميز ورائع
تقبل مروري

richardCatheart يقول...

الله عليك وعلى استاذنا والله


عبد المطلب دا مزاج وللاسف محبية قلائل جدااااااااااااا مع انة حاجة مميزة نفس نوعية وصوت المطربين الزنوج الامريكان امثال استيف وندر والناس بتستمتع به وبتحبة الله يرحمة ويسلملنا غوصكم والترعة اللى حداااااااااااكم

هبة فاروق يقول...

فى البدايه كلك ذوق يا استاذ ابراهيم انك استجبت لدعوه بابا
انا زى بابا تمام بعشق عبد المطلب لان بابا حببنى فيه وحببنى فى عبد الوهاب
معلش اتأخرت فى التعليق انا هنا من بدرى بس كنت بسمع جزء من أسال عليا مره
وحرجع اسمعها واكملها تانى
تحياتى لك ولسالى القمر

لـــولا وزهـــراء يقول...

يا عينى ع الذوق والاغانى
فى كمان اغنيه مشهوره اوى له بيقول فيها شوفت حبيبى وفرحت معاه ده الوصل جميل حلو يا محلاه
تكاد تكون اشهر اغانيه رمضان جانا وفى ناس تنتظر رمضان كل سنه عشان تسمع الاغنيه الرائعه

كل سنه وانت بخير وسعاده


زهـــــراء

Miss Mystery يقول...

أول مرا اعرف الرجال دا بس صوتو حلو دخلني جو
شيء جيد (y) ^^"

Bent Men ElZman Da !! يقول...

ياسلام عليك وعلى اغانيك ونوادرك :))

donkejota يقول...

أذهلتني وفاجئتني أغنية صورتنا واحنا سوا ومش عارف عمل ااغنية دي ازاي سنة حاجة وخمسين !

شكرا على البوست ومستنيين باقي نوادرك ومفاجآتك

amina يقول...

واخييييرا عرفت مين اللي بيغني رمضان جانا :)

شمس النهار يقول...

فين يااهل المحبة اديني حبة

:))
عبد المطلب كان درة اي حفلة صحيح ماكنش بيكون النجم لكن الناس كانت بتستناه

Aya Mohamed يقول...

وكمان شفت حبيبى وفرحت معاه
والدبلتين والاسورة و مبيسألش عليا ابدا
والناس المغرمين ما يعملوش كدا
ويااااه بقى على حبيتك وبحبك وهحبك على طوووووول بحبها جداااا
انا اساسا بحب عبدالمطلب
عجبنى جدا غطستك دى اوى جدا خالص يعنى

ريـــمـــاس يقول...

صباح الغاردينيا أستاذ ابراهيم
ايه أغلى من القلب الي وهبته اليك
شافك مرة وحب وياما سألني عليك "
؛؛
؛
بجد رائعة ولازلت أدندن مع إحساسه الرائع في الغناء جميلة تلك الغوصات في ترعة الطرب الأصيل "
؛؛
؛
لروحك عبق الغاردينيا
كانت هنا
reemaas

مصطفى سيف الدين يقول...

عبد المطلب يعني الاغنية الشعبية الحقيقية قبل ما ييجي عدوية و حكيم و سعد الصغير و شعبان عبد الرحيم و بوظوا تراث الاغنية الشعبية

هبة فاروق يقول...

من الفاروق الى حبيبب قلبى وروحى الاخ والصديق ابراهيم غاشق الفن الاصيل
اولا انا اتاسف لتاخيرى فى رد جميلك السخى ولولا هبه نبهتنى الى بوستك الغالى لكنت وقعت فى تقصير تقصير الوم عليه نفسى
وانا الآن فى زيارة لهبه واحادثك من عندها
اعجبنى خالص تعليق لولا والاغنية النادرة الغالية لعبد المطلب ( شفت حبيبى وفرحت معاه) عموما شكرا حبيب قلبى
الفاروق

rona ali يقول...

اة ايام الاغانى ما كانت اغانى

طيب يا خالو كاتب ابو قلب دهب هو محمد حمزة
ودة بعد التشكك دورت بقي وربنا يخليلنا جوجل لو طلع بيكدب انا مش مسئوله :)

اغانى عبد المطلب فعلا ليها مزاق خاص

تسلم الايادى :)

ليلى الصباحى.. lolocat يقول...

رمضان جانا اجمل اغنية لعبد المطلب
احبها جدا جدا جدا

كل سنة وانت واسرتك واستاذنا الحبيب فاروق وكل المسلمين والدنيا بخير وسعادة و سلالالالالالالالام

تحياتى لك بحجم السماء

re7ab.sale7 يقول...

ومين ميعرفش رمضامن جانا
ده انا كنت هموت م الفرحة لما جبت لولاد اخواتي الفوانيس وفيهم اغنية رمضان جانا
وكمان مرحب شهر الصوم
رمضان جانا دي علامة من علامات رمضانم عندنا
طبعا الغطسة عايزة بوست كامل
بس بحب اغاني عبد المطلب كلها
وبحب اووي ساكن ف حي السيدة واسأل عليا
ورمضامن جاناطبعا
كل سنة وانت طيب
واشوف ان شاء الله بعد رمضان

نيسآان يقول...

الحمدلله على سلامة فاروقنا العزيز وعودته الى ديار التدوين بالسلامه.
الاهداء جميل جدا ...ومستمتعه حاليا ب اسأل مره عليا :)