الأحد، 1 يوليو، 2012

خطاريف ابراهيم رزق 5

بصوا ياجدعان فاتيما فاكرة نفسها انها بس اللى بتعرف تكتب خطاريف وعشان كده لا يا ست فاتيما دى بقى الخطاريف الحقيقة اللى مش بعدها خطاريف انا بهديها ليكى عشان تتعلمى تخطرفى كويس و بالمرة يمكن تتحفينا باللى بتسميها خطاريف

انا فعلا بهواك
بهواك بس عنيد
عندى شروط فى هواك
لازم ابقى وحيد
وتعيش ليا بقلبك
وتفوت كل حبايبك
اللى وراك هايمين
ماهر العطار

تضحك المراة متى تمكنت
لكنها تبكى متى ارادت
وليم شكسبير



شيكولاتة مشكلتة
مش كده يا مقطقطة
بتصدى ليه واعملك ايه
اصل الكلام اخد وعطا
ناخد و ندى فى الكلام
يا حلو نفهم بعضنا
اوعى يا واد كتر الكلام
صدقنى منتش قدنا
على ايه تسوق العفرتة
العند اخره شخبطة
المطرب العاطفى بيومى عكر


هتكلم كلمتين و مش عايز لماضة
اكثر وقتى اقضيه فى الرياضة
لان العقل السليم فى الجسم السليم
 الضيف احمد

اقوال ابراهيمية
  • و من الشوق رسولا بيننا و نديما يشترى الخضار و ينضف الشقة و يطبخ
  •  عندما تمطر السماء و لم تشرب او تزرع منها فتاكد بعد قليل سيتحول امطارها الى وحل وقد تغوص فيه
  • الموج الازرق فى عينيك خبطنى و طلعنى على الشط
  • لا لا تكذبى انى رايتكما معا كنتوا بتشربوا عصير قصب مش مانجو

هناك 14 تعليقًا:

شيرين سامي يقول...

هههههههههههههههههه
طب أنا خطاريف فاطيمه بخرج منها في حالة من الأبتسام و التحليق..لكن خطاريفك بقى يا أ.إبراهيم بخرج منها في حالة من من من...عصير القصب :)

جميله التدوينه كالعاده
:)

تحياتي أستاذي العزيز

مصطفى سيف الدين يقول...

خلوة اوي اقوالك الابراهيمية و بالذات حتة المطر
جميل جدا يا ابراهيم دامت خطاريفك الجميلة
تحياتي ليك

الازهرى يقول...

شوف بقى يا عم الحج
إنت تبطل كتابة نهائى

حفاظا على المستقبل بينى وبين البنية
بدل ما تبقى السبب فى الفرقة بيننا

صباح الفل

rona ali يقول...

هههههههههههههههههه
ههههههههههه
انا بقي مشوفتش خطاريف فاطيمه :)))

بس عجبانى الخطاريف دى اوى
او اقولك ارجع لردى السابق نيهاهاهاهاها

Aya Mohamed يقول...

فظيعة جداااا
وخصوصا اقوالك اللى فى الاخر دى ههههههه

reemaas يقول...

قصب؟!!!!

هههههههههههه عالم فقرية

عندما تمطر السماء و لم تشرب او تزرع منها فتاكد بعد قليل سيتحول امطارها الى وحل وقد تغوص فيه

عجبنى اخر حاجة دى

لـــولا وزهـــراء يقول...

عندما تمطر السماء و لم تشرب او تزرع منها فتاكد بعد قليل سيتحول امطارها الى وحل وقد تغوص فيه
...................................
راااااااااااااااااائعة اول مرة اسمعها ..



الموج الازرق فى عينيك خبطنى و طلعنى على الشط

...........................
هههه ميقصدش



لا لا تكذبى انى رايتكما معا كنتوا بتشربوا عصير قصب مش مانجو

.............................
يمكن كانوا مفلسين مدققش اخي ابراهيم (:

لـــولا

شمس النهار يقول...

:))
ايوة كده بلا مرسي بلا سياسة
:)))

دي الدنيا ماهي الا خطاريف
:))

;كارولين فاروق يقول...

انت فصلتني يا ابراهيم
في وقت يحتاج الي الفصل
وضحت لما قولت يا بس
احنا محظوظين بك والله بتكلم بجد
علشان صعب الروح دي نلقيها بسهوله
ارجوك كتر من خطاريفك ولا تقلل منها
صباح الفل وصباح الضحكه والتفاؤل

كريمة سندي يقول...

والله خطاريف إبراهيم عجبتني كثير جدا .. فيها تحدي لمسؤليات الزوجة .. وواجباتها ياريت كل الرجالة زيك هههههههه

رؤى عليوة يقول...

ياسلام يا سلام هههههههه

بضحك بجد

شكرا على الضحكة فى الزحمة دى

هما صحيح لما بيكتبوا الاغنية كده بيجى فى بالهم ازاى هتتغنى ازااااااااى كلام غريب اصلا ياللا هما يألفوا واحنا نسمع


دمت بخير

zeze يقول...

كالعادة خطاريف تجنن
بس ممكن سؤال هي المدام بتفطرك ايه ع الصبح ههههههه
تحياتي

ريـــمـــاس يقول...

مساء الغاردينيا استاذ ابراهيم
هههههههههههه
عليك حتتة تخاريف
عجبني الشوق الي بينظف الشقة
انت عملت فيه ايه ؟ :)
اما الموج سيبه يخبط ياعم دا احلى خبط
ههههههه
انا كمان بسأل سؤال زيزي حبيبتي
المدام بتفطرك ايه مع الصبح ؟"
؛؛
؛
لروحك عبق الغاردينيا
كانت هنا
Reemaas

re7ab.sale7 يقول...

iههههههههههههههه
اني رأيتكما معا تشربوا عصير قصب مش مانجو
هههههه
والله انت تجنن يا استاذ ابراهيم