الاثنين، 23 يوليو، 2012

قابلت هؤلاء

نبيلة عبيد



 كنا فى مؤتمر صحفى حاشد بعد فيلم مفيش غير كده و كالعادة وقف المنافقون يشيدون بالفيلم ثم وقفت اتكلم وانتقدت الفيلم بشدة و بعد الانتهاء من كلمتى فوجئت بتصفيق كل من فى القاعة كانى امثل دور فى مسرحية ثم تكلمت نبيلة عبيد واعترفت بكل حزن انها خدعت وان الورق المعروض عليها اختلف عن الفيلم و بعد المؤتمر فوجئت بصديقتى رغدة صفوت تخبرنى انها دخلت الحمام فوجدت نبيلة عبيد تبكى اصارحكم القول اننى حزنت على شدتى فى نقد الفيلم ومن يومها و انا اكره مخرج هذا الفيلم خالد الحجر فى الليل كان هناك حفل ساهر بقرية العزبة وجدت نبيلة عبيد هناك تجلس على طاولة مع مخرج الفيلم استغليت تحرك المخرج بعيدا وذهبت لها واعتذرت عن حدتى فى نقد الفيلم فابتسمت وقالت هذا رائيك و لكنك كنت حاد فى نقدك للفيلم
تذكرت هذا الموقف بعد ان شاهدتها فى مسلسل كيد النسا وايهما افضل ان يعمل الفنان الكبير اعمال تخصم من رصيده و تاريخه ام يجلس فى بيته محتفظا بقيمته

هناك 15 تعليقًا:

rona ali يقول...

مع احترامى الكامل ليها ولما قدمت لكنها في الفترة الاخيرة اختارات اشياء نزلت من قيمتها شاهدت اعلان مسلسل كيد النسا وشعرت ان الموضوع اصبح استخفاف بالعقول كثيرا

سواح في ملك اللــــــــــــــــــه- يقول...

ماتت هند رستم وهي في القمة

وليلي مراد

وابتعدت نادية لطفي

فكل هؤلاءابتعدوا واحتفظوا برصيدهم لدي جمهورهم

شمس النهار يقول...

يقعد في بيته طبعا
زي فاتن ونادية لطفي

مصطفى سيف الدين يقول...

و هي اصلا فنانة؟
اصلا رايي في نبيلة عبيد من زمان انها لا تصلح ان تكون ممثلة
و ان فلم رابعة العدوية كان سيصبح من افضل 100 فيلم في السينما المصرية و ربما ترشح للاوسكار لو ان البطلة لم تكن نبيلة عبيد
اكره الممثلات المتسلقات امثال نبيلة عبيد لولا زواجها من عاطف سالم لم تستحق فرصة الشهرة و تمثيل كل هذه الافلام
و بعدين كيد نسا ايه بس؟ اتلم المتعوس على خيب الرجا حرقة تحرق نبيلة على فيفي

ابراهيم رزق يقول...

رونا

ههههههههههههههه
امال لو شفتى المسلسل
ناس بتموت و ناس بتصحى و ناس بتطير فى الجو

نورتينى
تحياتى

ابراهيم رزق يقول...

سواح فى ملك الله

معاك كل الحق

نورتنى

تحياتى

ابراهيم رزق يقول...

شمس النهار

و لما تنزل فاتن
تنزل بضمير ابلة حكمت
اسامة عكاشة
انعام محمد على

مش البدرى و احمد محرم و فيفى هبة

تحياتى

ابراهيم رزق يقول...

مصطفى سيف

ههههههههههههههه
البنية كانت صغيرة و مزة و عاطف سالم اول ما شافها سلم

نورتنى
تحياتى

Miss Mystery يقول...

مـا اعرفوا للأسف مالي في المصري D:

هبة فاروق يقول...

لا يا مصطفى انا مش معاك نبيله عبيد طول عمرها ممثله جامده ومن العيار الثقيل اتذكر دورها فى فيلم الراقصه والطبال كان رائع وغيره وغيره
عارف يا استاذ ابراهيم انا لما شوفت نبيله فى مسلسل كيد النسا زعلت جدا قولت فين نبيله عبيد بتاعه زمان فين تعبيرات الوجه والصوت هى فعلا خسرت كثير لما عملت الدور ده بجد مسلسل لا يصلح ان يشاهده احد اشبه بافلام الكرتون
واعتقد ان كثره عمليات التجميل افقدتها القدره على التعبير بالوجه مثلها مثل صفيه العمرى ليتها ما اقدمت على ذلك مالها امينه رزق لاخر وقت مبدعه وتعبيرات وجهها معبره لانها لم تتدخل يوما وتجرى عمليه تجميل

ريـــمـــاس يقول...

صباح الغاردينيا أستاذ ابراهيم
ياااه مرت سنة ماتسألنيش تقصدي ايه ياريمسو اممم هقولك السنة الي فاتت في رمضان كنت بتنتقد المسلسلات بحسك طبعاً في المجال دا وأول مادخلت مدونتك أفتكرت انه مرت سنة من عمري مع التدوين :)
اممم المهم نيجي بقى للبوست بصراحة أنا شفت الجزء الاول من كيد النساء الي كانت بتمثله سمية والظاهر السنة دي نبيله لاني بصراحة ماشفتش الجزء التاني بس شفت اعلانه وبجد اول حاجة قلتها لنفسي المسلسل حيكون هابط يعني فيفي ونبيله:)
بجد حرام لما ممثل كبير ينزل من قيمتة بين جمهوره بقبوله لأدوار تقلل من قدره "
؛؛
؛
لروحك عبق الغاردينيا
كانت هنا
reemaas

ابراهيم رزق يقول...

هبة الفاروق

انا معاكى طبعا ان نبيلة ليها تاريخ سواء حبناها او كرهناها لكن لها تاريخ سينمائى
اما الشد و البوتكس فيخرب بيت اللى شار عليها بكده
الست مش بتعرف تفتح بقها
هههههههههههههههههه
و اللممثل ادواته وجهه

تحياتى

ابراهيم رزق يقول...

ريماس

كل سنة وانتى طيبة يا ريمسو

ههههههههههههههههه
مش هسالك خلاص

لو كنتى شفتى الجزء الاول هقولك كل حاجة فيه اتلخبطت
سمية الخشاب ماتت و احمد بدير صحى و نبيلة عبيد كانت متجوزة احمد بدير و العملية سلطة
سؤال عايز اساله
سر شعبية فيفى عبده فى الخليج
هى بتمثل عشان بتوزع فى الخليج والسعودية
هههههههههههههههههه
ممكن تجاوبى

تحيات معطرة بابداعك

كريمة سندي يقول...

يعتزل وهو في قمة مجده كصابرين كل عام وأنت بخير

faroukfahmy58 يقول...

انا اتصورك يا ابراهيم وقد عشت عمرك اربع مرات
مرة مع الاحوال السياسية ومرة مع المدونين ومرة مع الفنانين ومرة مع الحشد الكبير من حبايبك اللى انا واحد منهم
ومع اعجابى بالجميع الا اننى افضل الاخيرة
اما عن نبيلة عبيد فانها ممن افضلهن حقيقة تمثيلا واداءا وخاصة فى المرحلة الوسطية من عمرها الفنى