الخميس، 12 يوليو، 2012

الستات مبيعرفوش يطبخوا


بمناسبة قدوم شهررمضان المبارك اجد نفسى اريد ان اقف مع النفس ومع كل امراة صادقة بين كل كم مرة تستطيعين ان تصنعى كيك ممتاز كامل المواصفات اى بدون اى حجج لان السيدات دائما فى المطبخ قبل الدخول فيه معهم وثيقة المبرارات التى لا تنتهى فلو كانت تصنع كيك مثلا تجد هذه المبررات
  1. فرن البوتجاز حامية
  2. فرن البوتجاز بارده
  3. البيكنج بودر سىء
  4. نوعية الدقيق غير جيدة
  5. البيض مش طازج
  6. مزاجى مكانش رايق
و هكذا لا تغلب المراة فى ايجاد المبررات فى فشل الكارثة المسماه كيك اما لو صدفت و طلعت الكيك جميلة فطبعا عليك مع اكل كل قطعة من الكيك ان تشهد و تبصم بجمال الطعم و ان الكيك المصنوعة اجمل من اى كيك و ان محلات لابالما السويسرية تعجز عن صنع مثيل لها
و لعل المشاهد المالوفة فى رمضان هى طبق الكنافة و طبق القطايف الموجود امامك دون ان تمد يدك اليه الا فيما ندر ثم يختفى هذا الطبق فى ظروف غامضة دون ان تعرف اين ذهب ثم يظهر فى نسخة جديدة طازجة ليلحق بسابقه

اما لو اردت ان تريحها و تحضر الحلويات من الخارج فتشعر انك متزوج من الشيف جيرار شيفس اشهر الشيفات الفرنسية فكل العيوب تظهر من الشكل حلو لكن الطعم سىء الى ارتفاع السعر 
لكن اكثر ما يضايقك هو ضرورة كتابة تقرير عن مستوى الاكل و هذا التقرير التقييم اجبارى اى  ان يكون التقييم فيه يتراوح بين جيد و جيد جدا و ممتاز و هايل و انا هاكل صوابعى اما لو تناولت حبوب الشجاعة و صرحت بالحقيقة المرة فستصبح انت من الرجال الاتى
  1. الذين لا يعجبهم العجب و لا الصيام فى رجب او ربيع الاول 
  2. الرجال الذين لا يقدرون النعمة
  3. لا تعرف تاكل
  4. ناكر الجميل
 و غيرها من التهم الجاهزة و يجب عليك ان تتحول الى عبد الوهاب عندما غنى لراقية ابراهيم او فكرية تسلم ايديكى و عنيكى و تجلس فى الصالة تغنى على نار الشوق انا هستنى و اصبر بطنى واتمنى

ملاحظة كبيرة جدا جدا
تستثنى ام زياد من هذا البوست فانا لا اقصدها و ذلك لاحتياطات امنية
بلد مجانين صحيح



هناك 17 تعليقًا:

مصطفى سيف الدين يقول...

جرى ايه يا ابو زياد من امتى الاحتياطات الامنية دي؟
و كانت فين الاحتياطات الامنية ايام كاترين دينيف :)

يا عم اصلا الستات اللي بيعرفوا يطبخوا انقرضوا خلاص
هييييييييييييه دنيا

الازهرى يقول...

أحلى ما فى البوست
الملاحظة الكبيرة جدا جدا جدا


هم كده الستات دايما
وعندى أنا بقى بدون اى استثناءات

أحمد أحمد صالح يقول...

أنا بعد الملاحظة الاخيرة دي و الكبيرة جدا جدا يا استاذ ابراهيم هأفكر قبل ما اتجوز الف و خمسميت مرة !!
..
اعتقد ان دايما الستات كلها كدة، انا الحمد لله من أول ما فكري نضج عمري ما عبت أي أكل، بأكل و أقول الحمد لله و تسلم ايدك للي طابخ، لكن دايما بالاقي أمي و اخواتي- واكيد زوجتي من بعدهم لو حصل يعني- مكبرين موضوع الطبيخ أوي و عاملينه مهمة مستحيلة،و بأسكت و أتحمل لأن واحد زيي بيشتغل في الصحراء و ناس كتير زيي، بنطبخ أجدع طبيخ في ساعة،و مش صنف واحد ، ممكن صنفين وتلاتة !! و انت عارف اذا الرجل طبخ فليذهب طبيخ كل النساء الى الجحيم!!
..
يمكن من اول الشروط اللي هاشترطها على زوجة المستقبل اني ما اسمعش و لا كلمة من قائمة المبررات دي ..لأني سمعتها بما يكفي في العمر اللي فات !!
..
تحياتي

شمس النهار يقول...

:))
كل ده علشان مافيش صدق مع النفس
:)))

شوف انا لو عملت كنافة ممكن القبيلة تعمل لي محضر في القسم
:))
لكن القطايف لايضاهيني احد فيها
والحمد لله ظبطها من زمان ولازم تكون مقرمشة:))

اما الكيكة فادي فعلا ومش تهريج حساسة جدا وفعلا لو الدقيق مش كويس ماتطلعش حلوة
علشان كده في دقيق مخصوص للكيك
والبيكنكبودر لازم يكون تاريخ الانتاج حديث ودي الغلطة التانية اللي مابتنتبهش ليها ست البيت
والسكر لازم يكون معتدل علشان ماتنشفش
لو كل ده اتعمل الكيك هتبقا تمام التمام
برضوا اخدت وقت علي ماظبطها
:))
انا بقا ملعبي الطبيخ مش الحلويات
رحم الله امرا عرف قدر نفسه
:))

Miss Mystery يقول...

ههههههههه تستفزني مواضيعك جداً جداً جداً
إلا أنني سأرحلُ من هنا صامتة ههه ^^"
الله يعين أم زياد و الله حدعي لها من صميم قلبي

نسرين شرباتي "أم سما" يقول...

هههههههههههههههههههههههههههههه
كإن الحوار هاد بيحصل عندك كتير
لإنك متمكن منه كتير :)

Aya Mohamed يقول...

الاعتراف بالحق فضيلة طبعا
لذلك انا متفقة فى ان الستات مش بيغلبوا
فى احتراع المبررات لما الاكل يبوظ
لكن بيعرفوا يطبخوا بردو
لو الازواج بيرفعوا من روحهم المعنوية ومخلينهم عايشين فى سعادة
اكيد هتبقى الستات رايقة وتعمل اكل تحفة
واللى مش عاجبه بقى يا اما يشترى جاهز يا اما يعمل هو ههههههههههههههه
علشان تعرفوا اننا ديمقراطيين بس :)))

ليلى الصباحى.. lolocat يقول...

شوف بقى عن نفسى اعشق المطبخ جدا جدا يمكن اعتبر نفسى محظوظة لان ماما عودتنا على كده من صغرنا انا واختى وكانت تقسم شغل البيت علينا وكان من اجمل الايام لى هى ايام الطبيخ


يعنى مش كل الستات مساكين ههههه

كل سنة وانت طيب اخى ابراهيم وان شاء الله رمضان السنة دى هيكون رائع وجميل لنا كلنا
تقبل الله منا ومنكم صالح الاعمال ( ومش مهم الكيك السنة دى خليها بسبوسة )

تحياتى لك

amina يقول...

والله ده فعلا اللي بيحصل ضحكني قوي بوستك...وانا عارفة نفسي مليش في الطبيخ قوي..بس مع الوقت ..شوية حرايق ف البيت على كوارث طبيعية ...ان شاء الله هكون اتعلمت..

;كارولين فاروق يقول...

رمضاااااان كريم
احنا حانبتدي من دلوقتي
كفايه اللي عندي
حظر تجول دااااائم في المطبخ
والاشراف علي كل شئ واجب
ومفيش غير كلمه وجب يا معلمي
لأما يبقي نهاري زي البتاع
بتاع واي بتاع
تحياتي وكل سنه وانت طيب وبشويش ع المدام

Bent Men ElZman Da !! يقول...

هههههههههههههههه
اجمد حاجه الملاحظه دى
وفظيعه حته اختفاء الطبق فى ظروف غامضه

والله انتوا اللى فعلا مش بيعجبكم العجب
وبعدين الستات فعلا الحاله النفسيه بتأثر عليهم جدا فى حكايه النفس وهى بتعمل الاكل
فـ انتوا لو تراعوا الستات اكيد الموضوع هيبقى افضل بقى
ما هو كل واحد لازم يقول اللى ليه واللى عليه بردو

richardCatheart يقول...

ههههههههههههههههههههههههههه الستر حلو بردووووو ههههههههههههههههه

وانا ليه اختلق مبررات لبوظان الكيك انا مابهملهوش من اساسة ههههههههههههههههه

وبعدين اه انتم ناكرين جميل ومابيعجبكمش العجب ولا الصيام فى اشهر

وبعدين الست الفاضلة ام زياد امرأة اه انت استثنتها بس هى هتنتقم منك طار لكل مرأة مصرية عربية مكافحة امام البوتجاز :)

رؤى عليوة يقول...

بيقولو وحبيبك يقرقش الظلط ومتهيألى حتى لو الكيك مش مظبوط مش هتبقى ظلط


اصلا الستات هما اللى غلطانيني بجد

الست العاقله متخسرش جوزها ابداااا كل ما تعمل حاجة متعجبوش معدتش تعملها ابداااااااااااااا :)

شكرا عل البوست :)

ريـــمـــاس يقول...

مساء الغاردينيا ابوزياد
هههههههههههههههه
مافيش فايدة أبداً مش هتبطل دا لسى رمضان على الأبواب امال الاسبوع الجاي حتعمل في الستات ايه ههههههههههه
بص انا عندي حل طالما مش عاجبك شغل الستات ماتدخل تعمل الكيكة الي على مزاجك بس بشرط تصورها وتجيبها هنا وكمان موقعه من ام زياد بطعمها الحلو احنا ناخد على الصورة ولازم نعرف الطعم هههههههههههه
عجبتني الملاحظة ..اممم مش هقول جبان عيب عشان البرستيج بتاعك << خبيثة :)"
؛؛
؛
كل سنة وانت طيب
لروحك عبق الغاردينيا
كانت هنا
reemaas

سواح في ملك اللــــــــــــــــــه- يقول...

والله ياأراهي يااخويا

كن تقول دي د يكتاتورية المرأة

بس معلش

انا لو معجبنيش الآكل بروح اكل برة

واريح دماغي

سندس يقول...

أهم حاجة آخر كلمة في البوست ,,مفيش مانع ان الواحد يحرز قبل رمضان بردو
بس انا فعلا بعمل كدا لما الأكل يطلع حلو بقعد مستنية كلام حلو بصراحة النفس البشرية تعشق المديح ,بس مش النفاق
يعني ممكن نقول الأكل حلو بس لو كان عليه شوية ملح زيادة كان هيبقي اجمل فن بئاا تذويق الكلام

re7ab.sale7 يقول...

انا المقصودة بقي
ماااااااااااااشي
انا مش بعرف اطبخ
ومحدش يقول ربع كلمة