الأربعاء، 20 مارس، 2013

اتنفس حبك


فاطمة حسين سيدة مصرية بسيطة جدا كانت زوجة لظابط فى الجيش شاء حظه العسر ان يخوض اغلب حروبنا و تم اسره و اصابته ثم توفى متأثرا باصابته توفى و تركنى طفل يتيم يتذكر ملامح والده بصعوبة و ليس لها فى الدنيا الا معاش بسيط تحملت المسئولية بكل شجاعة عنى و عن اخواتى كان كل همها الا نشعر باليتم لحظة واحدة فملابس العيد تشتريها لنا قبل ان يفكر احد فى شرائها وادواتنا المدرسية وكتبنا تشتريها لنا بمجرد طلبها اما الرحلات المدرسية فتحجزها لى حتى لو لم اطلب او ارغب تعلقت بها و وصل حبى لها الى حد الحب المرضى فانا اتنفس حبها و اعيش على رضائها اتذكر ايام المذاكرة انى كنت اسهر و اقرأ الكتب و الروايات و المجلات و للتمويه اضعها بداخل الكتب المدرسية افاجىء بها ساهرة بجانبى و تعد لى السندوتشات و كوب اللبن فيؤنبنى ضميرى بعد اكل السندوتشات و اذهب لانام حتى لا تكمل السهرة بجانبى و فى احد الاعوام جهزت اموال الحج ثم خطبت اختى فضحت بالحج من اجل تجهيز اختى على اكمل وجه تلك هى فاطمة حسين التى مازلت حتى الان مدمن لحضنها القى نفسى وانام على قدمها و تداعب خصلات شعرى وسط ضحك اولادى زياد و ساليناز
 عندما تعرضت لازمة صحية نصحنا الطبيب بأن نجرى الاشعة فى مستشفى 5757 و ذلك لتقدم الاجهزة بها و عندما ذهبت لاحضار الاشعة و عرفت انها مصابه بالكنسر و ركبت المترو فغلبتنى دموعى دون ان اشعر ففوجئت بسيدة تجلس امامى شاهدت دموعى و ممسك بالاشعة فتطوعت وقالت لى معلش انا عارفة ان الضنا غالى ظنت ان الاشعة خاصة باحد اطفالى ثم قالت ربنا موجود هو اللى بيشفى و دخلت شقتى و انا منهار وارتميت فى حضن زوجتى و انا ابكى بشدة ثم جاء الصعب على تبسيط الامر لها و انا بداخلى اغلى ثم فترة رفض كبار اطباء مصر القيام بها نظرا لكبر سنها ثم جاءنا ملاك من السماء دكتور مهاجر قرر ان يختتم حياته بمصر وافق على اجراء العملية لها و الحمد لله نجحت العملية بتوفيق ربنا
تلك هى فاطمة حسين حبى الاول فى هذه الدنيا تلك السيدة التى لا اتخيل الحياة بدونها فانا اتنفس حبها واعيش على زاد رضاها وافرح واطير بابتسامتها وتضيق الدنيا فى وجهى اذا غضبت منى 
فطومة
 طمطم
 طماطيمو
 ام عادل
 كل سنة و انتى طيبة  

هناك 24 تعليقًا:

ظلالي البيضاء يقول...

ذكريات وإن كانت بعضها مؤلمة .. إلا أن أثرها الطيب في حبٍ عميق وبرٍ رائع واعتراف بالفضل لا ينتهي ..
زهرة أنبتت زهرات .. هنيئاً لكم بحدائق الأزهار أخي إبراهيم ..
كل عام وأمهاتنا بألف خير ..
وكل عام والسيدة الوالدة بألف خير وعافية ..
أطال الله لكم في حياتها ..
ورزقكم الله تعالى برها ورضاها ..
كل التحية وارق الأمنيات .. مع المودة والمحبة ..

wohnungsräumung يقول...

موضوع مميز جدا .. شكرا لكم
wohnungsräumung
wohnungsräumung
wohnungsräumung
wohnungsräumung

بـت خـيـخـة وأي كـلام يقول...

:))
حلو البوست ده يا ابراهيم

ربنا ميحرمكوش من طمطومة بتاعتكم ابدا

وكل سنة وهى و كل امهاتنا طيبين



سلام
اختك خيخة

ليلى الصباحى.. lolocat يقول...

تلك السيدة التى لا اتخيل الحياة بدونها فانا اتنفس حبها واعيش على زاد رضاها وافرح واطير بابتسامتها وتضيق الدنيا فى وجهى اذا غضبت منى


لأول مرة ادخل مدونتك ولا اضحك او ابتسم بل ابكى من كلماتك الرقيييييييييقة الجميلة واحساسك الرائع وحبك العظيم لوالدتك السيدة فاطمة الططيبة الاصيلة
ربى يبارك لك فى عمرها اخى ابراهيم ويجعلك لها الابن البار الصالح وتكون لك باب للجنة ان شاء الله

ارجو ان تهديها قبلة على جبينها هدية منى وتطلب منها ان تدعو لوالدتى بالصحة والعافية

وكل عام وهى بخير وستر وصحة وعافية وسكينة وسلام ياااااااااارب

تحياتى لك اخى العزيز بحجم السماء

اتشرف بزيارتك هنا :

http://solamnllsmaa.blogspot.com/2013/03/blog-post_6183.html

ياسمين يقول...

ربنا يخليهالكم

re7ab.sale7 يقول...

يا الله عليك بجد حرام عليك خليتني اعيط
ربنا يخليهالكم يا رب ويشفيها ويعافيها دايما
وبوسة مني ليها بس اياك متوصلهاش ازعل بجد ^_^

SHARKawi يقول...

ربنا يخليها ليكم يارب .
الحمد لله على كل شيء .
ربنا بيحبك . وبيحبها .
بوجودك . ووجودها .
شيء جميل جدا احساسك . جميلة جدا كلماتك . هذا كالعادة .
وانا كمان حقي اقول لطمطومة . كل سنة وانتي طيب . وربنا يديكي الصحة يارب .

لها مني دعواتي . لك تشكراتي . لها كامل احترامي وتقديري . لك ايضا ذلك . لك تحياتي .

;كارولين فاروق يقول...

كل سنه وهي طيبه
وكل سنه وكل ام بخير
شفاها الله وعفاها
تحياتي

ريهام المرشدي يقول...

السلام عليكم
حفظ الله والدة حضرتك من كل سوء و رزقها الصحة و بارك في عمرها هي و كل أمهاتنا جميعا يا رب العالمين .
أدمعت عيناي لكلماتك أ/ابراهيم ، و لا أجد ما اعلق به غير رغبتي الشديدة أن تبلغها تحياتي و كل عام و هي بخير .

مصطفى سيف الدين يقول...

ربنا يحفظها و يبارك فيها و ميحرمكمش من بعض ابدا
و تفضلوا دايما متجمعين في الخير

لــــ زهــــــراء ــــولا يقول...

كل عام وست ام عادل الجميلة الرائعة بخير وسعادة وحب وبصحة وعافية ..تأثرت كثيراً برحلة عطاءها ربنا يديها العافية ويخليهالكم ياااااااااااااارب


لولا

زينة زيدان يقول...

حفظ الله سيدتك الجميلة وعافاها
وأبقاها بينكم ولكم
وبارك الله لها فيكم وبارك لكم فيها


على فكرة اسم والدتي فاطمة
وأضف لذلك أخي رزق

لدينا قواسم مشتركة (* _ *)

موناليزا يقول...

:)
مش عارفة أقول حاجة تانية
ربنا يخليهالك

شمس النهار يقول...

كل سنه وهي طيبه وربنا يبارك في عمرها ويحفظها

هي دي الام المصريه

وربنا هيكرمك لكرمك معاها


وكل سنه وام ساليناز وزياد وسولينا بخير:)

افكار مبعثرة يقول...

كل سنة و هي طيبة و كل ام طيبة و بخير
ربنا يخليهالك و يتم شفاها و يبارك في امهاتنا يارب
بوست من القلب فوصل للقلب
تحياتي

ستيتة يقول...

يارب يخليها يا ابراهيم ويبارك لك فيها
كده تعيطني
اصلها زي صافيناز اللي رايحة اتغدى عندها محشي دلوقت
وبالنسبة للقصة اللي جوا كتاب المذاكرة
كانت روايات عبير سعادتك:)

كل سنة وانتم طيبين وربنا ميحرمكوش من بعض

بسمة الورد يقول...

هذه هى الام وهذا هو نبض قلبها الحانى الملىء بالحب والفطرة

فالحمد لله حمداكثيرا على نعمة الام واساله سبحانه ان يباركم فى امهاتنا

احترامى

Aya Mohamed يقول...

الكلام صادق اوى لدرجة مش لاقيه تعليق
ربنا يخليهالك ويشفيها ويعافيها يارب

eng_semsem يقول...

كل سنه وهي طيبه وربنا يخليها ويحفظها ليكم
تحياتي

faroukfahmy58 يقول...

آسف يا من يحمل القلب الكبير عن تأخيرى فى التعليق حيث كان اصاب بلوجرى مرض فى نظره واصبح فاقد البصيرة عديم التمييز فى وقت ما اريده ووقت ما لا اريده
عموما يا ابراهيم الحنان ليس مرتبطا بقرب او بعد ليس مرتبطا بكون المحن اما او اختا او بنتا ولكن شئ لا يكتسب انما يولد به الشخص ينثره على الآخرين القريب منهم والغريب
هذا سرد كان له عظيم التقدير لشخصك القدير

zeze يقول...

ربنا يباركلك فيها ويجعلك من البارين بيها امين

رؤى عليوة يقول...

السلام عليكم
الله يحفظها ويخليها يارب
لكل ام حكاية
ولكل حكاية طعم ولون

كلهن متميزات ورائعات الله يحميهن لنا

كل سنة وكل ام
وحضرتك بخير

doaa elattar يقول...

:)

ربنا يخليهالك يارب ياأستاذ إبراهيم ويديها الصحة وطولة العمر

اللهم آميين :)

الفاطِمَة يقول...

كل سنة وهي طيبة وبخير وصحة وعافية وربنا ما يسيئك فيها أبدا
صحيح الأم حياة :)