السبت، 23 مارس، 2013

خذ الحكمة من افواه المساطيل


تصدقوا الراجل توفيق عكاشة بيتكلم صح طالما قال ان الاخوان ميهمهمش الا مصلحتهم يبقى بيتكلم صح

الحب زى الحشيش الاخضر تقعد عليه و تستمع لكن لو دبل و نشف يوسخ هدومك

هم الناس بيشتروا السجاير الاجنبية الغالية ليه طالما فى الاخر بيولعوا فيها صحيح الناس ملهاش عزيز

بقى اللى لبس مصر السلطانية الهنود يقدروا عليه و يلبسهاله

مين اللى قال انك بعيده عنى و انتى اللى ساكنه فى الشقة اللى جنبى

لو وصلت المراة لدرجة الاشتعال قد تاخذك وتحترقوا معا او لن تنفعك مرة اخرى بعد ان تصير رمادا 

كل اللى بيتكلم عن الشعب و باسم الشعب لابس بدل سينيه ده على كده الشعب ده عايش فى نعيم

انتوا متاكدين ان الراجل ده واخد دكتوراه من امريكا اصله شكله كده يدى انها من سرس الليان

ممكن تدمن الهيروين و تتعالج منه لكن تدمن حازم و تتعالج منه مستحيل

الراجل اللى اسمه جمال صابر ده مش متدين ده عنده حساسية فى وشه فمبيحلقش دقنه

هو ليه مش موجود انفلونزا الخرفان

لا يمكن ان يختلط الزيت بالماء لكن ممكن يختلط مع السكر  

طبعا فى فرق بين السيسى و طنطاوى بس الاثنين فى الاخر بيلبسوا بدل عسكرية   

كن لها فحمة مشتعلة تكن لك معسل      

تقول نظرية نيوتن لكل عنف رد عنف مضاد له فى الاتجاه و قد يزيد عنه فى المقدار

هناك 19 تعليقًا:

شمس النهار يقول...

صباح الروقان

:)

مش بس اللي بيتكلموا باسم الشعب لابسين سينيه
لأ
دول لسه فاكرين ان الشعب وراهم
دول اول ناس اتكشفوا

مصطفى سيف الدين يقول...

احم احم
هي مين حضرتك اللي ساكنة في الشقة اللي جنبك :)

انا مش قصدي حاجة يعني بس احب اخرب البيوت بس
قصدي اهدي النفوس

ابراهيم رزق يقول...

شمس الشموس

فعلا يا شموسة

مش فاكرين انهم انكشفوا
قد تستطيع ان تخدع الناس بعض الوقت
لكن المستحيل خداعهم طول الوقت

تحياتى

ابراهيم رزق يقول...

مصطفى سيف

ايه يا عم مصطفى انت هتفوقنا ليه
ده احنا ما صدقنا عملنا دماغ

هى فى غيرها الحرية يا عم
دماغك متروحش بعيد

تحياتى

faroukfahmy58 يقول...

اقسم باغلظ الايمان واعترف وانا يكامل قواى العقليه وقد بلغت سن الرشد وتخطيت سن المراهقةوبشهادة جميع آل الفاروق وتوقيعهات مليونية من المدونين وامكان شهرهم فى الشهر العقارى بان
حروفك تؤثــرنا
كلامك يســـحرنا
نعبيراتك تخدرنا
خواطرك تخاطرنـا
قلمـــك يجذبنــا
توقيع الفاروق

رؤى عليوة يقول...

مساء الخيييييييير

هو واضح يعنى ان المساطيل لو قالوا الكلام ده يبقى اعقل من فى البلد مساطيلها

توفيييييييييق ياما قال كلام صح بس مين اللى يسمع :)

دمت بخير

doaa elattar يقول...

هههههههههههه

والله اللي بيحصل يااستاذ ابراهيم يجنن العاقل ويسطل الفايق

Gamal Abu El-ezz يقول...

زمان قالوا خدوها من أفواه المجانين وكنت بحس ان الى بيقول كده انسان بيقلل من قيمة الى قدامه بس بجد المجانين ساعات بيقولوا كلام موزون جدا. زى توفيق عكاشه قال الإخوان هيبيعوا الاهرام وأبو الهول والناس كلها سواء بيحبوه أو بيكرهوه إتريقوا عليه وقالوا وسعت منه وانا كمان قولت كده إنه شكله مسلطن دماغه وطلع هو الوحيد العاقل لما حبوا يأجروا الاثار .

بس بجد بعد كده مش هنسمع حكم غير من المساطيل لان المخدرات والقتل وقضايا الشرف كترت جدا فوق التخيل وربنا يحمى مصر من كل معتدى

شكرا لحضرتك على الموضوع وعجبتنى فكرة البوست دى جداجدا

SHARKawi يقول...

ما لوش حل الكلام دا . والدماغ دي . صباح او مساء الدماغ العالية .المتكلفة . يموت الكلام ويفضل زي دا كلام .
لك كامل احترامي وتقديري . تشكراتي ودعواتي . لك مني تحياتي

zeze يقول...

آآآآآآآآآآآه فعلا اللي بيحصل
دا يوجع اوي والواحد مش عارف يقول ايه
ربنا يرحمنا
بارك الله فيك

افكار مبعثرة يقول...

عليا النعمة بيتكلم صح
طالما قال سلطانية مرسي يبقى بيتكلم صح :)))))))))))))
ههههههههه
تحياتي

ابراهيم رزق يقول...

الفاروق ملكا
ملك الزهرات
و ابن بطوطة المدونين

اقسم باغلظ الايمان واعترف وانا يكامل قواى العقليه وقد بلغت سن الرشد وتخطيت سن المراهقةوبشهادة جميع آل الفاروق وتوقيعهات مليونية من المدونين وامكان شهرهم فى الشهر العقارى بان
حروفك تؤثــرنا
كلامك يســـحرنا
نعبيراتك تخدرنا
خواطرك تخاطرنـا
قلمـــك يجذبنــا

هذا التعليق وسام اضعه على صدرى
لما لا و هو الفاروق

تحياتى

ابراهيم رزق يقول...

رؤى عليوة

هههههههههههههههه
طب خلينا مع المساطيل احسن

تحياتى

ابراهيم رزق يقول...

دعاء العطار

خلينا من السكة ادى
مع المساطيل احسن
ههههههههههههههههه

تحياتى

ابراهيم رزق يقول...

Gamal Abu El-ezz


سعيد بوجهة نظرك و بمرورك

شرفتنى

تحياتى

ابراهيم رزق يقول...

شرقاوى

صباح الدماغ العالية

نورتنى بزيارتك

تحياتى

ابراهيم رزق يقول...

zeze

الف سلامة عليكى من الوجع

نورتينى

تحياتى

ابراهيم رزق يقول...

افكار مبعثرة

و انتى طالما قلتى مرسى تبقى بتتكلمى صح
هههههههههههههههههه

تحياتى

Wohnungsräumung wien يقول...

تسلم ايديك على الموضوع الممتاز
Wohnungsräumung
Wohnungsräumung
Wohnungsräumung wien
Wohnungsräumung wien
Wohnungsräumung wein