الأحد، 10 مارس، 2013

ايها التجار هل راجت سلعتكم





قد يكون هذا البوست هو الاخير لى او قد لا يكون الى ان يغير الله وضعا كان مفعولا اتذكر انى كنت فى منتهى السعادة و انا انشأ هذه المدونة المتواضعة و كان يملئنى الحلم نعم كان يملئنى الحلم لم اشعر بسيرى على الاقدام يوم جمعة الغضب من منزلى لمصر الجديدة ثم الى التحرير لم اشعر بنومى فى العراء فى البرد القارس بالتحرير لم اشعر لان الحلم كان يملكنى كان يخدرنى كان يقوينى كان كتف الملاصق لى يقوينى كان الجسد الملاصق النائم بجوارك ولاتعرفه يدفئك و يشعرك بالونس كانت عزيمة البنات تزيدك تصميما كانت الاغانى تبعث فيك الامل كنا نتقاسم اللقيمات و لم نرى احد ممن يسمون انفسهم النخبة الا فى الحوارات التلفزيونية او على المنصات و شهادة حق الوحيد الذى رايته يفترش الارض ليلا هو علاء الاسوانى اما من يفلقوننا الان فلم يكن لهم دورا بل هم تجار الوهم و سارقوا الحلم نعم سارقوا الحلم فهو حلم كل البسطاء الذين ليس لهم وطن الا هذا الوطن فانا من تراب هذا الوطن واتحول الى ملح اذا بعدت عنه

و حتى اكون محايدا سابدء بحمدين صباحى هو لا يملك الا حلم مساعدة البسطاء و الفقراء و لا يملك اليات الوصول الى هذا الحلم كما انه فى طريق الوصول للرئاسة نسى ان مهامه قبل الرئاسة هى الحفاظ على مكاسب الثورة ثانى التجار هو محمد البرادعى اكثر شخصية مؤهلة لرئاسة مصر من خلال خبرته الدولية و دراسته ومكانته العالمية لكنه لا يبيع الا شعارات و تنظير ولا يجهد نفسه او يتعبها وينزل الى ارض الواقع ثم عمرو موسى الطامع فى العودة للاضواء اما حازم ابو اسماعيل فاستاذ فى الكذب و اشعال الحرائق ثم استاذ فى التهرب و التنصل منها يتخفى خلف ذقن و يتكلم عن دين هو ابعد شىء عنه و طنطاوى سلم البلد تسليم مفتاح للاخوان كما انه مسئول عن كثيرا من المذابح و اعمال القتل والترويع بداية من ماسبيرو مرورا بمجلس الوزراء و محمد محمود ثم العباسية و نهاية بمجزرة بورسعيد و نأتى الى الاخوان وضعوا هدفهم من البداية السيطرة على السلطة بينما الشعب يسحل ويقتل فى محمد محمود كانوا يستعدون للانتخابات و بينما كان الشهيد الشيخ عماد عفت والشهيد الطالب بالطب علاء عبد الهادى غارقين فى دمائهم الطاهرة كانوا يغنون احتفالا بكراسى البرلمان يا صلاة الزين على المرشد يا صلاة الزين هم انفسهم الذين ثاروا على وثيقة السلمى وتظاهروا ضدها بسبب بعض البنود التى تعطى الجيش بعض المميزات و هم انفسهم الذين اهدوا الجيش دستورا به مميزات اعلى و لكن حين كانت تتفق مع مصالحهم هم انفسهم الذين اصبغوا حمايتهم على المجلس العسكرى بل و كرموهم فى صفقة دنيئة تفوح منها رائحة كريهة . رائحة الطرمخة عن مسئولية المجلسة العسكرى عن مذبحة راح ضحيتها اربعة و سبعين زهرة من ازهار شبابنا ثم اعلنوا عن عدم دخولهم الانتخابات ثم تراجعوا عن وعدهم و لم يرشحوا رئيسا بل رئيسا و استبن و وقعنا فى الاستبن و فاق الرئيس الاستبن كل التوقعات فى سوء الادارة للبلاد اداء اقتصادى مهتز و اداء امنى مهرتل و رئيس وزراء ضعيف ملك يمينهم و تدخل فى اعمال القضاء و اخيرا تصريح من سعد الكتاتنى ان مرسى هو مسئول الملف الرئاسى للاخوان يا الله هل انتخبنا مسئولا عن ملف ام رئيسا لمصر و لعلى لم استغرب من هذا التصريح لان سبقه تصريحا لخيرت الشاطر بان وصول مرسى لكرسى الرئاسة كلفهم ملايين من الجنيهات لا اتذكر عددها لم يهمه شىء سوى تنفيذ مخطط الجماعة و اصبح عصر مبارك الكريه هو حلم للكثيرين من المصريين يا الله الهذه الدرجة اوصلنا حكم الاخوان اصبحنا نبكى على ما كنا نبكى عليه 
ايها التجار انا لا اعرفكم
انا لا اعرف سوى وجوه البسطاء
اقسم بالله ان الشهيد عماد عفت صديقى ورفيقى
كان يداعب ساليناز ويتصور معها كما يتصور مع كل الاطفال
اقسم بالله انى لم اعرف اسمه الا حين استشهد
عرفت وقتها اسمه
منتهى انكار الذات لم يتقدم لى الا ببطاقة مواطن مصرى
تكرر هذا مع كل الشهداء من عماد عفت ونهاية بمحمد الجندى
مجرد وجوه مصرية كلها امل فى الحرية
ايها التجار
انتم تتاجرون فى الوهم و الاكاذيب
ونحن نشترى الامل فى الحرية
انتم تتاجرون فى الدماء
و نحن ندفع دموع الثكلى من الامهات
انتم تتاجرون فى المناصب و الكراسى
 و نحن ندفع بشبابنا ليسيروا على كراسى متحركة 
 انتم تتاجرون فى احلامنا
و نحن ندفع احلامنا البسيطة لتسرقوها وتنهبوها
انتم تتاجرون فى الدين
و نحن ليس لنا الا منزل هذا الدين 
ارحمنا يا الله 

ايها التجار انتم تتاجرون بنا و بحريتنا و بمستقبلنا و امالنا
فهل راجت تجارتكم
  
        

هناك 16 تعليقًا:

Mahmoud Bahgat يقول...

رغم صعوبة الكلام على أى أحد إلا ان النهاية هى كبد الحقيقة هى تجارة و كل يبحث عن مكسبه و ليس لنا نحن اللذين لا نملك غير حب الوطن إلا ان نعزى انفسنا على أرواح ماتت و تموت صباح كل يوم
ربنا يقدرك و تفضل تكتب و تعيش و تشوف اليوم اللى مصر تنهض فيه بجد

شمس النهار يقول...

ايه كل المراره دي ياابراهيم

وخصوصا لمااتكلمت عن الشيخ عفت

اوعي تهجر المدونة
اوعي تسيبهم يسرقونا

L.G. يقول...

هناك تدوينات تقف امامها بلا تعليق
لا تعليق رحم الله مصر

موناليزا يقول...

بغض النظر عن إنى مش فاهمة ايه وجه العلاقة بالتدوينة وبين قولك بأنها قثد تكون الأخيرة
إلا أنى أتفق معك كثيرا
بل وجال بخاطرى فى آخر فقرة فى التدوينة مشهد ابن مرسى وهو ينهر الظابط ويتعامل معه باستعلاء
وجدت نفسى أقوله" لما الشباب مات واتصاب بعاهات مستديمة سيادتك كنت فين؟

محدش فعلا حس بمعاناة الثوار الحقيقين اللى واجهوا الموت والاصابات بكل بسالة
واللى بلدنا مانصفتهمش لغاية دلؤتى

كنا زمان بنقول الكل عايز ياخد حتة من التورتة اللى انا شايفاه دلؤتى ان اللى اخدوا التورتة معندهمش نية يدوقوا منها حد

حاسة ان الكلام خلص واتمنى ان وجع الوطن جوانا هو كمان يخلص بقى

ليلى الصباحى.. lolocat يقول...

اكون كدابة لو قلت لك انى قرأت البوست كله ...اخبار الناس دى بقت تتعبنى اوى


بصراحة استاذ ابراهيم قلبى تعب ومل ويمكن حالة الاحباط اللى عندك وصلتنى :) مش هقول غير حسبى الله ونعم الوكيل فى كل من يعمل على خراب مصر

اسأل الله تعالى ان يحفظ مصر وشعبها ويارب يارب تمر الازمة بخير

تحياتى بحجم السماء

faroukfahmy58 يقول...

اذا دخلت علينا بالكتابه فى السياسة كنت الاعظم
الا اننى دهشت من اهتزاز هذه العظمةلو عقدت النية الى مغادرة منبر مدونتك العالى وتخليت عن مدفعها الواقى وساترها الشافى والعافى لنا جميعا
نحن وراءك يا ابراهيم فى الصمود وامامك فى الصدود

richardCatheart يقول...

حسرة وجع ندم كراهية شديدة :(

ظلالي البيضاء يقول...

أخي إبراهيم ..
سأكتفي بما قالته أختنا سماح ..

"هناك تدوينات تقف امامها بلا تعليق
لا تعليق رحم الله مصر "

اللهم فرج عن مصر ما نزل بها ..
والله إننا لنخشى على مصر وأهلها خشيتنا على بلدنا وأهلنا ..

وأقف كذلك غير مدرك لسبب نيتك بالتوقف عن التدوين ؟؟؟ !!!!

كل التحية والتقدير ..

amiraali يقول...

للاسف هي دي الحقيقه

افكار مبعثرة يقول...

حاسة اني مش عارفة اتكلم و الكلام اتخنق جوايا من كتر الوجع
حسبي الله و نعم الوكيل هو وحده القادر على ان يزيح الغمة دي
حسبي الله ونعم الوكيل

آخر أيام الخريف يقول...

صعب جدا جدا إنى أشوفك انت بالذات بتصل للمرحلة دى يا ابراهيم ... انت اللى كنت بتلوم عليا هذا المسلك والتسليم بالأمر الواقع بكل مرارته .

بصراحة أؤيدك تماما بقرار التوقف عن التدوين وانت عارف إنى سبقتك ف اتخاذه وعدلت عنه عدة مرات انتهاء بالتوقف النهائى والأخير . الكلام بيفقد معناه يا صديقى ف بعض الأوقات , منها وقتنا هذا . حاول تعمل زيى وتبقى عملى فقط , خد أجازة من كل اللى آمنت به ف حياتك عشان تقدر تعيش , أو على الأقل عشان تقدر تعد ولادك يكملوا اللى انت بدأته بتضحياتك النبيلة .كنت لسه بقول لماما قدر جيلنا إننا نزرع وما نحصدش , لكن حصاد الزرع ده هيبان ف حياتنا بإذن الله . أزهى عصور تاريخ مصر سبقتها فترات اضمحلال واحنا دلوقت بندفع فاتورة ستين عاماً من العسكر لآخرها . وبعدين هنبدأ بإذن الله على نضافة .

الصبر يا إبراهيم ... الصبر . سيب كل حاجة للزمن وهو كفيل بهم كلهم زى ما تكفل اللى قبلهم كلهم برضه.

آخر أيام الخريف يقول...

على فكرة ما تحذفش المدونة ... خليها صدقة جارية . أنا دخلت التدوين صدفة من مدونة شريف نجيب قبل ما يقفلها رغم إنه حذفها بعد كده للأسف

;كارولين فاروق يقول...

شوف ماتقررش حاجه وانت في الظروف
دي لان احنا كلنا في هذه المحنه
ولو سألت كل واحد فينا حايقولك
انا مش عايز اقفل المدونه بس
انا عايز اقفل من كل حاجه
تحياتي

نسرين شرباتي "أم سما" يقول...

:((((((((((((((

Bent Men ElZman Da !! يقول...

بخاف اراجع كل الكلام ده جوايا عشان بتوجع
كنت خايفه وقت اللى فات
ودلوقتى خايفه أكتر بكتير من اللى جاى
و مش شايفه أى شخص فى المشهد السياسى كله يقدر يبقى رئيس ويتحمل مسئوليه مصر
ده غير إنى مش شايفه إن فى رئيس دلوقتى أصلاً !!!
أنا مش محبطة .. بس عينى مش قادرة تشوف هنوصل لفين تانى سواء كويس أو وحش !
ربنا يستر

فافى يقول...

لا حول ولا قوة الا بالله
كلنا مكتئبين بس ماينفعشى نخرس نفسنا بإيدينا
لو سمحت ماتبطلشى تكتب وربنا يصلح الحال