الاثنين، 3 يونيو 2013

سر الوجبة


تحذير + 18
لاصحاب القلوب الضعيفة برجاء الامتناع عن قراءة تلك القصة التى جرت احداثها المرعبة بالفعل
  
هى فيلا ضخمة جدا فى شارع من الشوارع العتيقة كانت تعرف بفيلا ابراهيم افندى و ابراهيم افندى هو مالك الفيلا رجل كبير فى السن كان موظفا فى السكة الحديد من عائلة ميسورة و بما انه لم يحصل على لقب البهوية فقد اطلق عليه الجيران لقب ابراهيم افندى وكان ابراهيم افندى يقيم فى الفيلا المكونة من دورين يقيم هو فى الدور العلوى اما الدور السفلى فقد قسمها لعدة شقق قام بتأجيرها وهو رغم عمره الذى تعدى الثمانين كان محافظا على صحته وكان يشاع انه كان يفطر بكوب من اللبن مضروبا بثلاث بيضات و فى يوم صحا الشارع الهادىء على صوت جريمة قتل فقد فوجىء الجميع بابراهيم افندى مقتولا بعدة طعنات ولم تصل الشرطة الى الجانى و قد قام الورثة ببيع الفيلا الى احد المقاولين الذى قام باغراء السكان بالنقود لكى يتركوا الفيلا وقد استجاب كل السكان الا عفاف و هى فتاة فى العشرين من عمرها توفى ابيها و امها و تركوها فى هذه الشقة العتيقة رفضت كل اغراءت المقاول
اغتاظ المقاول من عفاف وقام بتكسير الدور العلوى من الفيلا و باقى الشقق و ترك عفاف لوحدها فى الشقة و لزيادة مضايقتها قام بترك عدة كلاب فى حديقة الفيلا مما ضايق عفاف و جعلها شبه مقيمة بالفيلا تجد صعوبة كبيرة فى احضار متطلباتها و خاصة الطعام
شعرت عفاف ليلا بالجوع القارس حاولت الخروج ولكن نباح الكلاب والظلام الدامس منعها وفى احدى اللحظات شعرت عفاف بطرقات عنيفة على باب الشقة خافت ان تفتح باب الشقة و بعد لحظات اختفى الطرق من باب الشقة فتحت الباب فوجدت فراخا مشوية وصينية من البطاطس مازالت ساخنة خافت ان تاكل منها و لكن الجوع القارس اجبرها على تناول الطعام الذى وجدته شهيا و لذيذا
فى اليوم التالى وجدت نفس الطرقات ليلا نظرت من العين السحرية وجدت شخصا يرتدى ملابس بيضاء يضع لها الطعام امام باب الشقة وغادر المكان فتحت باب الشقة وجدت عددا من الطواجن الساخنة تناولت الطعام و حمدت الله
تكرر موضوع الطعام يوميا و مع جودة الطعام ولذته لم تسأل نفسها من يضع لها الطعام و الشىء الذى لفت نظرها هو تنوع الطعام واختلافه حتى غالبها حب الاستطلاع لتخترق ذلك العالم المجهول الملىء بالكثير من الاسرار والالغاز واهمها من هذه المخلوقات النى تضع لها الطعام وكيف دخل الى الفيلا و الحديقة مليئة بالكلاب المسعورة و لماذا تتوقف الكلاب عن النباح اثناء قدوم ذلك المخلوق وكيف يظل الطعام ساخنا مهما تركته من الوقت و لماذا هى بالذات يضع لها الطعام هل هى مخلوقات من العالم الاخر ام ان الطعام به سم بطىء وضع لها فيه حتى يتم التخلص منها بسهولة وبدون اى شوشرة اسئلة كثيرة قررت عفاف ان تزيح عنها الستار مهما حدث لها و مهما تعرضت لمخاطر
ترقبت عفاف الطرقات التى تأتى على الباب وفى لحظة قدوم المخلوق الذى يرتدى الملابس البيضاء فتحت باب الشقة وامسكت به بعنف و قالت له من انت و ما سر الطعام الذى تضعه كل يوم
استسلم المخلوق و قال لها ان السر فى الطعام هو انى كلفت من بعض وفجاة توقف عن الكلام وسال عفاف انتى عندك بوتجاز اى كوك ابو مروحة فاجابت بالنفى قال لها مش هقدر اقولك هاتى بوتجاز اى كوك ابو مروحة و انا اقولك



بلد مجانين صحيح         

هناك 22 تعليقًا:

نسرين شرباتي "أم سما" يقول...

والله??!!!!!
حرقت دمي
ههههههههه

richardCatheart يقول...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههه احييييييييييييييييييييييييية عليك ههههههههههههههههههههههههههه يا جمالوااااااااااااا سا جماااااااااالواااااااااااااا
ههههههههههههههههههههههههههههههههههههههههههههههههه انا عارفة من الاول ان فيها ان واخوتها بس ماجتش فى دماغى انها توصل لابوا مروحة ههههههههههههههههههه

رؤى عليوة يقول...

هههههههههههههه انا خفت فى البدايه
بس طلع الخوف اوت :)

انا كنت بفكر اجيبه على الله اعرف اسرار كتير غايبه عنى :)


دمت بخير

رحاب صالح يقول...

هههههههههههههههههههه
بقي انا منسجمة منسجمة منسجمة اوووووووووووووي
وبعدها الاقيها اي كوك
الحمد لله مش بحب المطبخ يعني مش هحب البوتاجاز ههههه
بجد تجننن

النسر المهاجر يقول...

دا كده إعلان على فكره مش قصة أنا صدقت لحد إن واحد بيجبلها أكل فكرته من الجيران وفى الأخر يطلع ممثل إعلان

الـسـيـدة نـون يقول...

السؤال اللي ناطط في دماغي
إيه علاقة الصورة بالموضوع ؟!!!!!

حرف ال A الناري ده بيشير إلى إيه بالظبط ؟!!!

ابراهيم رزق يقول...

نسرين شرباتي "أم سما

هههههههههههههه
الف سلامة عليكى
سلمياى على زهراتك

تحياتى

ابراهيم رزق يقول...

richardCatheart

هههههههههههههههههههههه
يعنى عرفت العبها

ههههههههههههه

تحياتى

ابراهيم رزق يقول...

رؤى عليوة

تجيبيه عشان تعرفى اسرار
و بالذات السر ده
هههههههههههههههههههههههههه

تحياتى

ابراهيم رزق يقول...

Gamal Abu El-ezz

ههههههههههههههههه
هو متقدرش تقول اعلان قوى
بس هو رد على الاعلان المستفز بتاعهم


تحياتى

ابراهيم رزق يقول...

re7ab.sale7

بكرة هتخشى المطبخ اجبارى
مجبر اخاك لا بطل

هههههههههههههههههه

تحياتى

ابراهيم رزق يقول...

بـت خـيـخـة وأي كـلام

ههههههههههههههه
و لا حاجة
هو نوع من السسبنس
يشغل البال قليلا اثناء قراءة القصة
و يفتح ابواب جديدة لشغلهم و تشويقهم
زى افيشات الافلام
و بما ان البطلة اسمها عفاف
فاخترت حرف A

و بما انك خيخة و بتقفى عند حاجات الناس مش بتقف عندها فخدتى بالك و ركزتى
ههههههههههههههههههههه
سلامى لشريف و نورتينى

تحياتى

أمـانـى عـادل يقول...

استطعت انك تضحك علينا وكمان تضحكنا يا أستاذ إبراهيم:))

reemaas يقول...

ياحركاته يا تركاته هههههههههههههههههههههههههههههههه
انا بدور على المقلب من ساعة ما بدأت

aya mohamed يقول...

ههههههههههههه
تحفة

faroukfahmy يقول...

هناك سؤال يلح عليا هذه الفترة اين ذهب مدونينا يا ابرهيم
هل صدت نفسهم ام هربوا عن التدوين
فعلا البوست كله جنان فى جنان هههههههههه

الازهرى يقول...

:)

وكفى

rona ali يقول...

هههههههههههههههه
ههههههههههههههههههه

انت بهجه الحياه يا خااال اة وربنا :)

افكار مبعثرة يقول...

هههههههههههههههههههههههه
بونو بونوووووووو
جامدة جدا و انا اقول بقا هيطلع عفريت و عووووو و عواصف واعاصير و افلام و جهزت القعدة على اني اخاف بس ضحكت و مخفتش ف الاخر
ههههههههههه
تحياتي

zeze يقول...

ربنا يسامحك استاذ ابراهيم انا قلت من الاول انك مش بتاع افلام الرعب دي بس هي حصلت لااي كوك هو انت منهم ولا ايه هههههههههههههه
ربنا يبارك فيك
تحياتي

gogo!sf يقول...

هههههههههههههههههههههههههههههه
والله انا قولت انه جامد وعملت فيها جريئه بسبب تنبيهاتك ليا هو ده الموضوع المرعب
بس حلو على فكرة شدنى جدا

ايه رأيك فى المكرونه يا عم

Do3aa El_attar يقول...

هههههههههههههههههه

عارف وربنا قلبي كان حاسس قلت مادام تنويه يبقى هلاقي حاجة فشنك في النص

بس بصراحة والحق يتقال اندمجت وصدقت وقلت أستاذ إبراهيم قلب على ساسبينس بقى ورعب وكده .. طلع أستاذ إبراهيم زي ماهو :)