الأربعاء، 12 يونيو 2013

خذ الحكمة من افواه المجانين

اتمنى ان اذهب لقبر ناصر و اكتب عليه قوم يا وحش شوف الجحش بيعمل ايه

فى حين غفلة عندما اصبح الجحش ملكا للغابة اختار الحمار رئيسا للوزراء والقرد وزيرا للاعلام و الكلب وزيرا للثقافة بينما التف حوله البوم و الثعالب و الذئاب و الثعابين تصفق و تهلل له 

صرح وزير البترول ان ازمة البنزين الاخيرة سببها المواطنين الذين يفرطون فى استخدام الولاعات التى تعمل بالبنزين و على المواطنين ترشيد استخدامهم بأن يشعل المواطنين سجائرهم من بعضهم 

يتسائل الجميع و يبدون الدهشة من اين تأتى تصريحات قيادات الاخوان الاخيرة و لكن سرعان ما تزول الدهشة اذا علمنا ان كل قيادات الاخوان مصابون بالبواسير 

هاجم حازم ابو اسماعين حملة تمرد و اتهمها بأنها امريكية و انا اقول له هل يصح ان تهاجم خالتك

خدعوكى فقالوا ان الطريق لقلب الرجل معدته الطريق لقلب الرجل عينيه

الطريق لقلب المراة اذنيها

شعار الرجل قبل الزواج اقوال لا افعال اما شعاره بعد الزواج افعال لا اقوال

الحب هو


ان تكون لها دائما حمل وديع

ان تسير لها باقصى سرعة

 واخيرا و ليس اخرا
شمس الشموس و جوجو
استمتعت و تشرفت  جدا فى هذا اليوم
و بعيدا عن التشريد الذى شردوه لى
كل الشكر لشمس النهار و جوجو ونادر و ازهرى و اسامة و شاب فقرى

شمس الشموس 

و جوجو
      
بلد مجانين صحيح 

هناك 16 تعليقًا:

ستيتة يقول...

ضحكتني ربنا يكرمك
وتخيلت نادية الجندي بتقول لابو اسماعيل
سلم لي على خالتك:)

;كارولين فاروق يقول...

هههههههههه
والله صدقت
ضحكتني في وقت صعب فيه الضحك
تحياتي

الازهرى يقول...

سيبك إنت
مفيش أحسن من لبن الأم

صباحك ثكر :)

شمس النهار يقول...

لما يبقا اليوم ابتدي بتدوينة جميلة كده
ان شاء الله يومنها هيبقا زي الفل

ضحكتني جدااااااااااا

وبعدين احنا ماعملناش لك حاجه
كل الحكاية قلنا كلمة حق
الست رقيقه جميلة هادية
وقلنا انت العكس
قلناش حاجه احنا :)

افكار مبعثرة يقول...

ههههههه ضحكت اوي بجد :)))
تحياتي

reemaas يقول...

انا مابطلتش ضحك لما عرفت ان وزير الداخلية هيقفل مداخل ومخارج سينا قبل 30 علشان العناصر المندسة طيب مش هيقفلها ليه قبل 21 ولا هى هتندس وسطينا احنا بس ;)

richardCatheart يقول...

:) :)

اى مجانين بئا تقصد دا كلام مجانين ؟؟؟

ممكن لان كلامهم هما كلام ولاد وسخة مش كلام مجانين :)

يسلم لسان السبع

نيللي علي يقول...

الأخوان من الجمهورية الثانية..

مورسي أساسا ومن معه من الأوغاد..مصابون بالتوحد..

ربنا معنا

ابراهيم رزق يقول...

د ستيتة

سعيد انها ضحتك
اصل شر البلية ما يضحك

تحياتى

ابراهيم رزق يقول...

كارولين فاروق
كلارينت الفاروق

فعلا الوقت ده اصبح الضحك عملة نادرة

تحياتى

ابراهيم رزق يقول...

ازهرى

فعلا
مفيش أحسن من لبن الأم

صباحك عسل:)

تحياتى

ابراهيم رزق يقول...

شمس النهار
شمس الشموس

الاجمل هو مرورك و تعليقك

و بعدين انا اقدر اعمل ايه
ما انا وقعت لوحدى فى وسطكم
ههههههههههههههههههههه

تحياتى

ابراهيم رزق يقول...

reemaas


ههههههههههههههههههههههه
مش بقولك رزق الهبل على المجانين

تحياتى

ابراهيم رزق يقول...

افكار مبعثرة

ههههههههههه
سعيد جدا انها عجبتك

تحياتى

ابراهيم رزق يقول...

richardCatheart


هههههههههههههههههههههههههههههه
و الله العظيم عندك حق
بس الواحد لو متجننش هيموت مفروس

تحياتى

ابراهيم رزق يقول...


Blogger Nelly Aly

مورسي أساسا ومن معه من الأوغاد..مصابون بالتوحد..

هما كانوا مصابون با التوحد
حاليا مصابون بالتوحد و امراض اخرى لا تصيب الا الاطفال

تحياتى