الجمعة، 13 يناير 2012

خطاريف ابراهيم رزق 2

اهدى هذا البوست الى ملاك نافذتنا ريماس يارب يتم شفاءها على خير و تعود لنا بكامل ابداعها

سبق و كتبت خطاريف ابراهيم رزق و قلت انى ساعرف فاتيما انها لم تكن تكتب خطاريف و لا تعرف حاجة عن الخطاريف و بما انها قرات الخطاريف و عرفت حقيقة ما كانت تكتبه هى و اللى طالع فى المقدر جديد رامى فانى اكتب خطاريف ابراهيم رزق 2  


لو كل واحد ساكنه تحتيه رقاصة فى البلد عزل البلد كلها هتعزل
عادل امام مسرحية شاهد ما شافش حاجة

فى مناقشة الخلافات الزوجية الزوج المهذب لا ينطق العيب ابدا اما الزوج العاقل لا ينطق اطلاقا
الكاتب الكبير احمد رجب

فى بلدتنا
يذهب ديك
يأتى ديك
و الطغيان هو الطغيان
يسقط حكم لينينى
يهجم حكم امريكا
و المسحوق هو الانسان
 الشاعر نزار القبانى   

دعو صلاح الدين فى ترابه و احترموا سكونه
لانه لو قام حقا بينكم سوف تقتلونه
احمد مطر

علشان خاطرك يا حلاوة نقتلك الورد نقاوة
و انا جبتلك عقدين ياسمين و برده بتزيدها قساوة
اجيب كازوزة يا سكرة لا لا مبشربهاش
طب تفاحية مقشرة       لا لا مبحبهاش
يا غزال الدرب الاحمر نتفاهم بالهداوة
ولا  الدرب الاحمر ده فرع من الشقاوة
المطرب الكبير كتكوت الامير

مازلت مصرا على ان التماثيل حرام و يجب تكسير رؤس التماثيل او تغطيتها بالشمع
الفقيه العلامة الشحات 

يا ستة على ستة يا شمعدان الحتة
يا حلوة ياللى التورتة رقصت علشانك عشرة
صقف صقف للتورتة يا صغير و انت الاسطة
اسمالتين وحتة ومبروكين وعشرة يا ستة على على على ستة
 اغنية المطرب الشعبى احمد عدوية لعيد الميلاد

لماذا نزلت البنات الى التحرير و لماذا تنام بجوار الشباب بالخيام يجب ان تظل ببيتها
فقيه خالد (قرنى) عبد الله الذى لا يسىء الظن ولا يغتب ولا يبهت 

و مادام معاى اللى بحبه و بريده و مادام معاى
و بنقسم اللقمة و نضحك و بنشرب شاى
ميهمنيش مهما قالوا 
ما اهو دول عوازلى و عزاله
بيقولوا داير على حاله
مع انه كان فى الساعة دى قاعد معاى 
قاعد معاى قاعد معاى 
الست فايزة احمد تشكو سؤ ظن الناس  

فتشنى فتش طب ما تفتشنى فتش و لا فتشنى فتش
اسماعيل ياسين فيلم ابن حميدو اهداء للمجلس العسكرى

اقوال ابراهمية


الرجل الذى يضرب انثى لامواخذة عربجى و الانثى التى التى تقبل ان تضرب لامؤاخذة حمارة

تحتفظ المراة بانوثتها لكى تتزوج و تنجب اطفال ثم تفقدها مع  اطفالها و بسببهم 


الاطفال مثل الملابس اذا التصقوا بك بشدة تضايقت و اذا بعدوا عنك تشعر كأنك عارى

احيانا تكون المراة مثل الموزة سهلة التقشير و لكن يجب ان تحذر من قشرتها حتى لا تتزحلق بعد ان تأكلها

عندما تبتسم المراة يحتار الرجل هل هى ابتسامة حب او ابتسامة غيظ او الابتسامة الفخ التى يجرى اليها الرجل كى يدخل المصيدة ثم لا يراها مرة اخرى


   

هناك 38 تعليقًا:

reemaas يقول...

سالخير


عجبتنى الاقوال الابراهيمية جدا وخصوصا موضوع الانوثة المفقودة ده :)

Casper يقول...

مقولات كلها جميلة ومعبرة
وخصوصا فتشني فتش :))

وربنا يشفي الأخت ريماس
وتقوم بألف سلامة

========

تقبل مروري
وبالتوفيق

Unknown يقول...

على فكرة بقى المرأة لا تفقد أنوثتها بسبب أو مع أطفالها...لكنها أنثوتها تصبح أكثر نضوجاً و قلبها يصبح أكثر رقه و جمالها يصبح أكثر وضوحاً :)

إزيك يا استاذ إبراهيم وحشتني مدونتك و بوستاتك جداً جداً و مدونتي كمان وحشتني عارفه إني مقصره بس ربنا يسهل لي عوده قريبه :)

أرق تحية لأستاذي العزيز

دعاء العطار يقول...

حلوه جدا اقوالك الابراهيميه

وعجبنى اوى التسبيه ده

" الاطفال مثل الملابس اذا التصقوا بك بشدة تضايقت و اذا بعدوا عنك تشعر كأنك عارى "

ربنا يتم شفاء ريماس ياارب وترجعلنا بالسلامه :)

فاتيما يقول...

:)

هتبطلوا تحديف طوب امتى ؟!!!

طب انا هفوتها النوبة دى
اكراما لعيون ريماس
عشان رجوعها بالدنيا
ومفيش داعى نطربق البوست
ونعكنن عليها


عموما
تسلم الخطاريف
واكتر ما عجبتنى حكاية الاطفال
و التشبيه بتاعهم

اما بخصوص حتة الأنوثة الضائعة دى
اللى بتتلاشى بعد العيال
فاختك فاتيما يا ابراهيم عندها وجهة نظر متواضعة ف الحكاية دى
وصحيح انا عمرى ما كنت راجل
ولا هكون يعنى
بس أتصور
ان الست اللى متحبش بيتها وعيالها
متبقاش ست
ومتبقاش أنثى حقيقية
وتملى عين الراجل

جايز تكون مملة
بتهمله شويتين
مبقتش زى الاول مغرية

بس هوه بيبقى فاهم ان حبها اتغير وخد شكل مختلف واتوزع عليه وع العيال
واللى هما حتة منه ...

متهيألى الست الانانية
واللى آخر همها عيالها
متبقاش ست بجد

ولا إيه ؟


لو جاى بكرة حفلة التوقيع
يبقى اشوفك على ألف خير

لو مش جاى
برضو اشوفك
على الف خير ف التحرير


جزئية أخيرة بقى
انا ممكن أعدى كل البوست
وعشان خاطر عيون ريماس
وساليناز
وكل الحبايب

انما السطر الخاص برامى
انا لا أسمح بيه متلقا بوتيتاً
و مش هيعدى بالساهل
وحسابك معايا هيكون كبير قوى


هه

مصطفى سيف الدين يقول...

اول ما قريت البوست عرفتك بتجر شكل الستات و حيفتح عليك ابوا الليمان
ربنا معاك يا هيما وبادعيلك البوست ده متقرهوش ام زياد والا هتنام في الشارع

faroukfahmy يقول...

الاقوال المأثورة لا تعليق عليها
اما الاقوال الابراهيمية فلى وقفة امام الرجل الذى يضرب مراته
الرجل الذى يضرب انثى ليس عربجى فقط ولا ينتمى اصلا للانسانية من قريب او بعيد فهو بالقطع حيوان وكان بالاحرى ان يتزوج حيوانه وليست انسانه
والانثى التى تقبل ان تضرب من رجل حتى ولو كان زوجها فهى انسانه وليست حمارة كما تقول يا ابراهيم هى انسانه حقا وبسمو انسانيتها تتحمل مثل هذا الحيوان التى بليت به
وحشنى يا ابراهيم واوصيك وصية خطيرة سوف تحاسب عليها ان لم تنفذها وهى """"سلملى على الترمواى ابو سنجه تمره خمسة اللى خطه من العباسية الى الاهرام
بوست اكثر من رائع كعادتك

;كارولين فاروق يقول...

عجبتني اقوال ابراهيميه
احنا كده حنافس بعض في الخواطر يا ابراهيم هههههه
جميله ورائعه جدا جدا
والاغاني وردها علي كل موقف في الجول
تحياتي
قاعد معاي وبيشرب شاي
علي فكره انا بحب الاغنيه دي جدا

بسمة الورد عطر المشاعر يقول...

تحتفظ المراة بانوثتها لكى تتزوج و تنجب اطفال ثم تفقدها مع اطفالها و بسببهم


الاطفال مثل الملابس اذا التصقوا بك بشدة تضايقت و اذا بعدوا عنك تشعر كأنك عارى

اجمل ما قرات اليوم فى خطارفك اخى الكريم

بجد ولا اروع راق لى تواجدى هذا المساء
بين جميل ابداعك وانتقاءك
مساؤك خير وسعاده دائما

ستيتة يقول...

بوست جميل بجد
وخاصة الأقوال الإبراهيمية
واضم صوتي لصوت مصطفى سيف
ونرجو لك سلاما مع الحكومة
تحياتي

Bent Men ElZman Da !! يقول...

يا سلام على الخطاريف :)

عجبتنى اوى الاقوال الابراهميه
ووقفت عند جمله فقد الانثى لانوثتها بوجود الاطفال
واللى حاسه انه ظلم الموضوع ده
الحكايه كلها ان الانوثه بيختلف شكلها مش اكتر

rona ali يقول...

اخيرآ الحمد الله استاذنا راق كدة

ورجع لحاله مزاجيه رهيبه

الاقوال الابرهيميه خطيرة جدآ ^_^

تسلم ايدك بوست من بتوع حضرتك اللى كنت مفتقداه الفتره اللي فات :)

هبة فاروق يقول...

اولا ببعت سلام كبير لريماس واتمنى لها الشفاء التام باذن الله
ثانيا عجبتنى اغنيه كتكوت الامير اخر روقان وسلطنه
ولا الخطاريف الابراهيميه اخر تمام ..عجبنى الموزه وقشرتها ههههههههه حلوه اوى
تحياتى

افكار مبعثرة يقول...

عود احمد :)))))
رائعة طبعا و خاصة اقوال الاستاذ كتكوت الامير :))))))))
اعجبتني جدا اقوال ابراهيمية و خاصة الابتسامة هههه
ربنا يتم شفاء ريماس على خير يا رب و يرجعها لينا بالسلامة و يديم لنا خطاريفك :)
تحياتي

رؤى عليوة يقول...

ايه الجمال ده تحفففففه وضحكت بجد

حمدالله على سلامة البوستات الجميله دى

تحيييييييياتى

حنين محمد يقول...

صباحك غاردينيا أستاذ ابراهيم
بجد بجد أنا طلعت ماعنديش دم هههههههه بيني وبينك كل يوم سحب دم يبقى خلص ههههه الحمدلله على كل حال لا بجد انا بعتذر عن التأخير يعني البوست اهداء لحضرتي وحضرتي لسى جايه يادي الكسوف بس معليش عديها ليا عشان عيون ساليناز حبيبة ريمسو :)ومع اني مش بزور مدونات الفترة دي ويادوب برد على التعليقات وبما اني خلصت النهردةقلت اشوف استاذ ابراهيم كاتب ايه خفت تكون كاتب حاجة من رومانسيات ابراهيم وتكون فاتتني :)
__________________

أستاذ ابراهيم حمارة مرة وحدة ههههههه ليه كدا بس مش ضرب الحبيب زي اكل الزبيب ولو اني مش بحب الزبيب ولا بحب افتح جبهة على الستات بس نيجي للجد الراجل الي بيضرب ست مابيبقاش راجل والست الي بتقبل تبقى تنازلت عن إحساسها "
؛؛
؛
ليه كدا بس ايه الي تحتفظ بـأنوثتها وتفقدها بعد الزواج بس الست الشاطرة هي الي تزيد أنوثتها بعد الزواج صحيح الحياة بتبقى صعبه اوي ومسؤلية وحمل وولادة بس الست الي عاوزة تحافظ على زوجها تحافظ على انوثتها عشان مايحسش انها كانت اجمل قبل الزواج بس هو يطول باله شويا هههههه ماهي برضو بتصبر على كرشه الي بيكبر بعد الزواج هي تحمل وتولد وهو يكبر كرشه هههههه "
؛؛
؛
ههههههههههههههههههه بجد ضحكت حرام عليك ماتسيبهم لازقين دول اجمل حاجة في الدنيا "
؛؛
؛
بس عاوز الحق دي اجمل زحلقة بيتمناها كل راجل بيفضل عايش عمره يدور على الي تزحلقه وتقطم رقبته هههههه عشان بس يقولها حبك جاب اجلي ياروحي :) ومن الحب مازحلق ههههههه "
؛؛
؛
ههههههههههههههه لايراها مرة أخرى مش هتبطل ياأستاذ ابراهيم اديك ياسيدي دخلت المصيدة وام زياد عماله تبتسم كل يوم لعينيك بجد الابتسامة دي بوابة عبور لحب أبدي أفهموها كدا احسن :) "
؛؛
؛
صباحك غاردينيا
بجد أبتسمت وضحكت من قلبي بس بلاش ملاك نافذتنا دي احسن اصدق اني ملاك وافضل طايره في السما ومانزلش ابداً لعربة الفول هههههه ربنا يخليك ياأستاذ ابراهيم ولايحرمني ابداً من وجودك بينا "
؛؛
؛
لروحك عبق الغاردينيا
كانت هنا
reemaas

الاحلام يقول...

يالها من خطاريف لذيذه تمتعنا بها دائما اخى الغالى ابراهيم
دائما نستمتع هنا باسلوبك الساخر الرائع تمنياتنا لك بالسعاده كما تسعدنا دائما
تحياتى ابوداود

نسرين شرباتي "أم سما" يقول...

"تحتفظ المراة بانوثتها لكى تتزوج و تنجب اطفال ثم تفقدها مع اطفالها و بسببهم"

سأصيغ هذه العبارة بشكل آخر:
الأنوثة صفة ملازمة للمرأة،، هي مثل الوردة الفوّاحة بالعطور،، تجذب الرجل،،، وما إن يحصل عليها حتى يدّمرها


"الاطفال مثل الملابس اذا التصقوا بك بشدة تضايقت و اذا بعدوا عنك تشعر كأنك عارى"
ابتسامة هنا :)

"عندما تبتسم المراة يحتار الرجل هل هى ابتسامة حب او ابتسامة غيظ او الابتسامة الفخ التى يجرى اليها الرجل كى يدخل المصيدة ثم لا يراها مرة اخرى"
عليك أن تكون فطناً أكثر لابتسامة المرأة،، فعندما تحب امرأة تفهم كل نظرة من عينينها،، فما بالك بالابتسامة :)
إن لم تفهمها،، فأنت إذاً لم تحبها!!
،،،،،،،،،،،،،،،،،،،،

سؤال جانبي: ما معنى "خطاريف"؟؟

،،،،
الموضوع جميل جداً وكان سبب في تغيير حالتي المزاجية للأفضل
:)

ابراهيم رزق يقول...

reemaas

متشكر يا افندم

نورتينى
تحياتى

ابراهيم رزق يقول...

كاسبر

متشكر جدا
نورتنى بمرورك
تحياتى

ابراهيم رزق يقول...

شرين سامى

هههههههههههههههه
مين ده اللى يقدر يقول المراةتفقد انوثتها ده كلام
دى كلها عوامل تعرية بحكم الزمان فقط

بجد نورتينى
و فى انتظار جديدك

نورتينى
تحياتى

ابراهيم رزق يقول...

دعاء العطار

متشكر يا دعاء
من بعض ما عندكم

يارب يتم شفاء ريماس

نورتينى
تحياتى

ابراهيم رزق يقول...

فاتيما
روح القلب الملائكية

احنا نقدر نحدف طوب يا افندم
احنا بنحدف بونبون زى شفيق
احنا بنحدف ورد زى تامر شعر الصدر
احنا بنحدف دباديب زى كاظم الساهر

بجد يا فاتيما انا كاتب البوست ده عشان الناس تعذر بس يظهر ان انا عندى مشكلة فى التوصيل
تقريبا هاروح للراجل يصلحلى التوصيل بتاعى

هو فين بس رامى هو قرب و لا عمل حاجة
جايز خايف من الشحات او بكار
رامى اظهر و بان عليك الامان
صرفنا بكار و الشحات
تحياتى و تقديرى

ابراهيم رزق يقول...

مصطفى سيف
اخى العزيز

ده كلام محسوبك صعيدى ميتخافش عليه
مين ده اللى يبات على السلم
انا عملت حسابى و غطيت البوست بشمع
اهو استفيد حاجة من الشحات

نورتنى
تحياتى و تقديرى

ابراهيم رزق يقول...

فاروق فهمى
ملك الزهرات
و ابن بطوطة المدونين

معك يا استاذى ان من يضرب انثى هو عربجى و انا لم اقصد ان اقلل من المراة التى يتم ضربها بل انا استفزها ان تثور على القهر و ان تعرف انها انسانة و ليست حيوانة و الا تقبل با الظلم و القهر

حاضر استاذى هاسلملك على الترماى ابو سنجة
صحيح يا استاذى لم ترد على بخصوص التدبيسة اللى دبستها ليك فى بوست اعرف بلدك

نورتنى
تحياتى و تقديرى

ابراهيم رزق يقول...

كارولين فاروق
كلارينيت الفاروق

انا اقدر انافسك
ههههههههههه
دى حاجات على قدى

انا كمان بحب الاغنية دى و فكرتها على قد ما هى بسيطة لكن عميقة

نورتينى
تحياتى

ابراهيم رزق يقول...

بسمة الورد

الارق و الاجمل هو زيارتك و تشريفى بتغليقك

نورتينا
تحياتى

ابراهيم رزق يقول...

ستيتة

بجد يا دكتورة تعليقك و شهادتك شرف لى

متخافيش عليا من الحكومة
انا غطيت البوست بشمع
هههههه

نورتينى
تحياتى

ابراهيم رزق يقول...

بنت من الزمن ده

سعيد جدا انها عجبتك

بجد شرفتينى بتعليقك

نورتينى
تحياتى

ابراهيم رزق يقول...

rona ali

الحمد لله على سلامة ريماس
ههههههههههه
و مبسوط ان البوست عجبك

نورتينى
تحياتى

ابراهيم رزق يقول...

هبة فاروق
هبة الفاروق

اجدع سلام طاير حاير من هبة الفاروق لريماس بتهنى و بتمسى و بتقول لريماس حمدا الله على السلامة و بتهديها اجمل نغمات من احلى عود و سمعنى

اما الاستاذ كتكوت فسعيد ان فيه حد يعرفه و فعلا الاغنية جميلة و دمها خفيف

نورتينى
تحياتى

ابراهيم رزق يقول...

افكار مبعثرة

الحمد لله على العودة
و ربنا يتم شفاءها على خير
اما اغنية كتكوت فعلا جميلة و بسيطة

كويس ان الاقوال الابراهيمية عجبتك
ههههههههههه

نورتينى
تحياتى

ابراهيم رزق يقول...

امة الرحمن

ههههههههههههه
ده بجد من ذوقك الجميل
بجد سعدت بتعليقك
نورتينى
تحياتى

ابراهيم رزق يقول...

ريماس

ريمسو الجميلة

بجد بجد بجد
مش عارف ارد
تسمحى لاخوكى الكبير
يقول بدون تعليق

يارب يسعدك و يخليكى للجميع

نورتينى يا احلى ريمسو
تحيات معطرة ببرفن فرنسى

ابراهيم رزق يقول...

الاحلام
استاذى العزيز
القلب الجميل


بجد بجد اخجلت تواضعى
ربنا يخليك ليا

نورتنى
تحياتى و تقديرى

ابراهيم رزق يقول...

نسرين شرباتى
ام الزهرات

طبعا لن اعلق على وجهة نظرك و ان كنت اتمنى ان اعرف سبب الابتسامة فى مقولة الاطفال

طبعا خطاريف هى من وحى فاتيما انا بس بحاول انكشها فقط لكن خطاريف فاتيما حاجة تانية ادعوكى للذهاب الى مدونتها لتشاهدى خطاريفها اللى بحق و حقيقى

طبعا هى اللى تقدر تقولك معنى الخطاريف لكن انا هقولك المعنى الحرفى للخطاريف
الخطاريف هو كلام الهذيان الذى يخرج من الشخص اثناء النوم او عقب النوم او اثناء الالم او لا قدر الله عملية جراحية و هذا الكلام فى الغالب يحمل قدرا من الحقيقة ان لم تكن الحقيقة مجردة

تحياتى و سلامى لزهراتك

نسرين شرباتي "أم سما" يقول...

الابتسامة يعني موافقة ورضا :)

Ramy يقول...

ههههههههههههه

خطاريفك ليها طعم تانى يا استاذ ابراهيم

(:

بجد

و بعدين انا ابقى مع فاتيما فى ميزان واحد فى الخطاريف
دا انا كدة ابطل اكتب حاجة تانى بقى (:

ربنا يخليكى لينا يا فاتيما يا مامت يوسف الغالية

دايماً كده تخلينا نبتسم و نضحك

يا استاذ ابراهيم