الاثنين، 16 يناير، 2012

على الارض من اجل الحرية

 البط شال عدى الجبال و البحور
ياما نفسى اهج احج و يا الطيور
اوصيك يا ربى  لما اموت والنبى
متودينش الجنة للجنة سور
عجبى
طبعا عمى الكبير صلاح جاهين

بعد وقفة قصيرة امام دار القضاء العالى للتضامن مع احمد دومة شارك فيها بعض القضاه المعتصمين امام دار القضاء العالى توجهت الى نقابة الصحفيين لحضور مؤتمر اعده المخرج خالد يوسف و المنتج محمد العدل طبعا ذهبت بصحبة صديق لى طبيب و مخرج  سينمائى و صديقى الاخر الممثل شبه الشهير طبعا وجدت القاعة كومبليت الصالة و البلكون وجدت اغلب المبدعين من جميع الطوائف ممثلين و مخرجين و ادباء و فنانيين تشكليين و صحفيين  مثل حسين فهمى و ليلى علوى و محمود ياسين و محمود حميدة و محمد عبلة و فتحية العسال و المخرج محمد عبد العزيز و جمال بخيت و ايمان البحر درويش طبعا بحثت عن كرسى فلم اجد 
و بما انى دائما اتقدم الصفوف فبحثت عن مكان يليق بى طبعا بحثت عن الارض امام الكراسى و جلست فالمؤتمر من اجل حرية الابداع فيجب ان اجلس براحتى بعد قليل وجدت من يخبط على كتفى وجدتها الفنانة فردوس عبد الحميد تطلب منى ان ادخل قليلا لكى تجلس بجانبى انا اطول ان فردوس عبد الحميد تجلس بجانبى و لم تكن فردوس فقط التى جلست بل زوجها المخرج الكبير محمد فاضل ثم وجدت رانيا محمود ياسين و بنت خالتها منة تيسير تجلس ايه الهنا اللى انتى فيه يا واد يا ابراهيم انت علمت الناس كلها تجلس على الارض و يبقى البساط احمدى فتشجعت المذيعة نانو حمدى ام منة و خالة رانيا و قالت انا كنت عايزة اجلس و اتشجعت لما شفتكوا ثم حضر فاروق الفيشاوى و جلس ثم عضو مجلس الشعب الدكتور محمد ابو حامد ثم عمرو حمزاوى لكن بسمة وجدت كرسى ثم تشرفت و اى شرف ان وجدت ماما خديجة التى سحلها العسكر تجلس بجانبى ثم المخرج الكبير محمد عبد العزيز فعلا شعرت بالشرف ان كل هؤلاء جلسوا على الارض من اجل حرية الابداع جلسوا معى على الارض كان ناقص فقط ارسل لعم عبدة دولار يحضر لى اطباق فول لنجلس و نأكل
تكلم حشد كبير عن حرية الابداع و ان مصر التى عرفت بأدباها و فنانيها و مبديعيها ترفض اى وصاية على حرية الابداع و ان الشعب المصرى العريق قادر على التمييز بين الغث و الثمين و هو الوحيد القادر على التفاعل مع حرية الفكر و الابداع و انهم يرفضون وصاية اى تيار لان الشعب المصرى ثقافته و تدينه لا يقبل اى مزايدة عليها و الشىء الهام كلمة الشيخ جمال قطب و هو من كبار علماء الازهر الذى ايد المؤتمر و قال ان الاسلام مع حرية الفكر و ان القران الكريم به ايات تتحدث عن الكفر و الالحاد على لسان فرعون  قال تعالى  "انا ربكم الاعلى" سورة النازعات
و غيرها من العبارات طبعا افاض الجميع و اتفق المؤتمر على كتابة توصيات و تسليمها لمجلس الشعب فى مسيرة يوم 23 يناير تخرج من دار الاوبرا الى مجلس الشعب
 طبعا انا مع حرية الابداع فاول شعب نادى بالتوحيد و اول شعب وضع بصمته على حضارة العالم فمصر ليست ام الدنيا قولا فقط بل قولا و فعلا فستجد اى شعلة للحضارة خرجت من مصر فمصر العقاد و طه حسين و احمد شوقى و حافظ ابراهيم و نجيب محفوظ و يوسف ادريس و عبد الرحمن الشرقاوى و صلاح جاهين و بيرم التونسى التونسى و فريد الاطرش السورى و نجيب الريحانى العراقى و فايزة احمد السورية و يوسف وهبى و يوسف شاهين و صلاح ابو سيف و فاتن حمامة و ام كلثوم و عبد الحليم حافظ مصر خان الخليلى و الاهرامات مصر التى يعرفها العالم باثارها و فنانيها و الادباء و الشعراء ترفض ان يفرض عليها اى وصاية و ان يقودها اى فكر فلكم فكركم و لنا فكرنا
                                                      بلد ام الدنيا بصحيح
 

هناك 11 تعليقًا:

أم هريرة.. lolocat يقول...

السلام عليكم

الشعب المصرى معروف ببساطته فى كل شىء وفطرته المتواضعه ...

شعب مابيستحيش يعمل اى شىء هو عايزه حتى لو كان شىء مش كويس ساعات هههه

عمرك شفت شعب يبدع حتى فى ثورته ضد حكامه ..الشعب المصرى مبدع بالفطرة

رحلة موفقه استاذ ابراهيم و جميل الوصف التفصيلى المرفق بالبوست للأحداث :)

جزاك الله خيرا اخى وبارك فيك
ودعاءنا لكل مصر وشعبها بالرقى والتفوق دائما فى كل المجالات
تحياتى لك

مصطفى سيف الدين يقول...

نعم لحرية الابداع فما حضارة الامم الا عصارة عقول مبدعيها
والعقول لا تبدع الا اذا احست بالحرية
تحياتي لك

نسرين شرباتي "أم سما" يقول...

انت شفت كل دول؟؟
إيه الهنا اللي انت فيه !!!
يا بختك يا عم ابراهيم يا بختك
،،،،،،،،،،،،،،

بجد بتمنى الأزمة دي تعدي بأسرع وقت،، ونشوف القادم إيه

faroukfahmy58 يقول...

فعلا ياهيما ان مصر ترفض اى وصاية على حرية الابداع وان يقودها اى فكر
تعرف يا ابراهيم مقالك ده اداتى وهبدى كل اللى هيقرأه امل فى بكرة .. مصر الغذ كما كانت مصر الماضى بفنانيها وادبائها وعظمائها، اجملت فى مقالك كل جميل وعزيز واحسست اننى كنت معك مع هذه الكوكبة اللآمعة من جنود فنانينا الذين يتواجدوا ويظهروا وقت اللآزم وانت معهم وبهم يا ابراهيم

لـــولا وزهـــراء يقول...

و بما انى دائما اتقدم الصفوف فبحثت عن مكان يليق بى طبعا بحثت عن الارض امام الكراسى و جلست فالمؤتمر من اجل حرية الابداع فيجب ان اجلس براحتى بعد قليل وجدت من يخبط على كتفى وجدتها الفنانة فردوس عبد الحميد تطلب منى ان ادخل قليلا لكى تجلس بجانبى انا اطول ان فردوس عبد الحميد تجلس بجانبى و لم تكن فردوس فقط التى جلست بل زوجها المخرج الكبير محمد فاضل ثم وجدت رانيا محمود ياسين و بنت خالتها منة تيسير تجلس ايه الهنا اللى انتى فيه يا واد يا ابراهيم انت علمت الناس كلها تجلس على الارض و يبقى البساط احمدى فتشجعت المذيعة نانو حمدى ام منة و خالة رانيا و قالت انا كنت عايزة اجلس و اتشجعت لما شفتكوا ثم حضر فاروق الفيشاوى و جلس ثم عضو مجلس الشعب الدكتور محمد ابو حامد ثم عمرو حمزاوى لكن بسمة وجدت كرسى ثم تشرفت و اى شرف ان وجدت ماما خديجة التى سحلها العسكر تجلس بجانبى ثم المخرج الكبير محمد عبد العزيز فعلا شعرت بالشرف ان كل هؤلاء جلسوا على الارض من اجل حرية الابداع جلسوا معى على الارض كان ناقص فقط ارسل لعم عبدة دولار يحضر لى اطباق فول لنجلس و نأكل
.............................
- هههههههههههههه عم دولار معندهوش دليفري


- حرية الابداع له اطار لازم منتخطهوش لاما هيبقى فوضى الابداع (:

- نجيب محفوظ وطه حسين والعقاد وووو ونسيت الاستاذ ابراهيم رزق (:

لولا

Bent Men ElZman Da !! يقول...

ختامها مسك
بلد ام الدنيا بصحيح
يارب كل الواقفات والمظاهرات تكون تمهيد وطريق ان اللى جاى احسن وافضل من كل اللى فات
يابخت حضرتك والله انك كنت فى الواقفه
يابختك عشان الواقفه وعشان الناس اللى شوفتهم كمان :))

candy يقول...

أنا قلبى كان شخشيخة اصبح جرس
جلجلت به صحيوا الخدم والحرس
أنا المهرج ..قمتوا ليه ؟ خفتوا ليه ؟
لا فى أيدى سيف ولا تحت مني فرس
عجبي

جاهين برضو :))

عاشت مصر منارة فى الأدب والفن والجمال بنكهتها الخاصة الرائعة ..

هبة فاروق يقول...

لا يستطيع احد ان يكون وصى على الابداع كما ذكر ابى الحبيب
وعجبنى انك قعدت على الارض وشجعت غيرك انه يقعد جنبك هو ده اللى كنت بتكلم عنه البساطه والعفويه وخلع قيود البرستيج
تحياتى لملك البساطه استاذى ابراهيم

افكار مبعثرة يقول...

متعرفش اد ايه البوست ده اداني امل بعد ان كنت وشكت ان افقد اي امل
اد ايه حسسني بالفخر بجد
مصر ولادة طول عمرها و عمرها ما هتخضع قدام اي تيار او اتجاه يفرض عليها فكره او يخنق ابداع
بس قوللي بس ايه الناس الجامدة اللي انت قعدت جنبها :))))))))))))
تحياتي

reemaas يقول...

بدايتهم كتبت نهايتهم يا ابو زياد

المصريين شعب مسلم وسطى ضد الكلكعة والى كل المكلكعين اقول مصر حرة ولن تقيدوها

دى ام الدنيا

موناليزا يقول...

على الأرض يا أستاذ ابراهيم :)
بس بجد حركة تلقائية مصرية جميلة