الثلاثاء، 31 يناير 2012

ابراهيم الرومانسى 8


تنشر شرين سامى كتاب و حفل توقيع و تضحك على الناس و تقول رومانسية لا تأكل معنا يلحق بها مصطفى سيف لا تؤثر فينا تحاول ريماس بعد عودتها ان توهمنا من بعيد لن نتوقف يحاول السابق ذكرهم ريماس بنوتة و منى ابو السعود و دعاء العطار  و كاندى شمعة بكتابها العيش الحاف و كارولين فاروق بخواطرها و افكار مبعثرة و بنت من الزمن ده و نسرين و حنين و زينة و امتياز و كارمن و كاسبر غيرهم ان يوهمونا بانهم يكتبون رومانسية سنظل انا و هبة فاروق اوفياء على الرومانسية الحقيقية الرومانسية المعتقة تعتق الجبنة الرومى و الجبنة البراميلى احضروا الخبز و كلوا سندوتشات الرومانسية الحقيقية  

وقفت تستمع لعزفه و تنتقل الى عالم اخر من الاحلام لم تسمع لمثل هذا العزف من قبل انها دقات تأتيها من الخيال تشبه دقات الزمن لدرجة انها لم تتمالك نفسها فدنت و اقتربت من رباطة عنقه الحرير و بكل نعومة اخذتها من رقبته ثم ابتعدت بكل انوثة و دلال  و تحزمت بها و رقصت انها الراقصة اما هو فالطبال

اعدت العشاء الملكى و اطفئت الانوار و اشعلت شمعة ما اجملها اوقات تقضيها فى انتظاره و تسرح بخيالها للقائه لكن دائما الاوقات الجميلة قصيرة فقد خطر ببالها بعض الخواطر التى اضاعت جمال اللحظة ماذا لو تأخر اكثر من هذا ماذا تفعل ان لحظات انتظاره لحظات خاسرة تكلفها الكثير هل تستبدل الشمعة التى اشعلتها ان ثمنها حوالى عشرة جنيهات و تاخيره سيضطرها لتغييرها

وقفت بكل لهفة فى انتظاره تترقب كل ما هو قادم رغم حرارة الشمس الا ان اصرارا داخليا يجبرها على الانتظار فهو رغم عدم احترامه للمواعيد الا انها لا تستستغنى عنه ابدا فدائما ما يتأخر و دائما ما تتحمل تأخيره و عيوبه لانها دائما معه بين ترقب و امل ترقب وصوله و امل مجيئه ثم خيبة امل لتأخره انه اتوبيس 152 مظلات

وقف يتاملها و يتلمسها انها باردة كلوح الثلج لم يكن يتخيل منذ ان تعرف عليها ان تكون بمثل هذا البرود لقد كانت معه نعم الانيس و نعم المعين لقد كان يتباهى بها و يستمد جماله من دفئها له لقد تعود عليها و لن يستطيع الاستغناء عنها يتوسل اليها ان تعود معه لسابق عهدها و لكن يبدو انه عهد تولى و اصبح ماضيا و الماضى لا يعود لقد تعطلت المكواه و لا يستطيع كى ملابسه 

 


هناك 22 تعليقًا:

Carmen يقول...

^_^ بوست لذيذ

والف مبروك عليهم يارب دايما فى تقدم :)

تحياتى لك استاذ ابراهيم

بسمة الورد عطر المشاعر يقول...

مساؤك هنا استاذ ابراهيم

وها انا هنا على موعد جميل برومانسية ساخرة ما اجملها

راقت لى دقائقى التى قضيتها بين احرفك الرشيقه
دام الابداع والجمال والرومانسية الخاصة

احترامى ومودتى

رؤى عليوة يقول...

مرحبا أستاذ إبراهيم
كان نفسى أقابلكو يوم حفلة توقيع شرين لكن قدر الله وماشاء فعل ... كنت هناك قبلها بيوم :((

مبسوطه كتير لفرحتكم بجد ولعل الله يحدث بعد ذلك أمرا :))

اما عن البوست فجميل اوى فيه حاجة ورا الحروف تتحس

دمت بخير

مصطفى سيف الدين يقول...

ههههههههههههههه
والله العظيم يا ابوساليناز هاموت من الضحك و الله بوست من الآخر انت كاتب تدوينة من عالم آخر
على فكرة بحب نظرتك الدقيقة اوي دي و بتعرف تطلع من موقف بسيط زي تلف المكواة خاطرة ممتازة
تسلم ايدك بجد

rona ali يقول...

انا عمرى ما تخيلت انها مكوى هههههههههههههههههههه قولت ازازة حاجه ساقعه يمكن هههههههههه

لاء بيجد هموت من الضحك يا ناس الحقونى ببقي ميه بقي

ليلى الصباحى.. lolocat يقول...

السلام عليكم

زى ماقال مصطفى سيف
تدوينة من عالم اخر هههههه

كتاباتك كتير بتفكرنى بصلاح جاهين
اسلوبه الساخر لكن فى معناه بعد كبير ...... قمة الرومانسية والدفء العاطفى هههههه

تحياتى لابداعك المتدفق

دمت بخير استاذ ابراهيم

ليلى الصباحى.. lolocat يقول...

هدية منتدى المدونون العرب لشيرين
ارجو مشاركة التهنئة هنا

http://bloggers.rigala.net/t1165-topic#5182

reemaas يقول...

اولا يا حلولى انا اسمى مكتووووووووب


ثانيا انت كل مرة بتعيشنى فى حالة ازبهلال مصاحبة لحالة من الضحك بالمفاجأت اللى بتفاجئنى بيها فى اخر كل موقف رومانتيكى

مكواه؟.ههههههههههههههه

حنين محمد يقول...

صباح الغاردينيا أستاذ ابراهيم
انت حتقطع رزقي انا وشيرين هههههههه نعمل ايه بقى انت وهبه ماشاء الله تبارك الرحمن عليكم رومانسية ماحصلتش دنا لسى خارجة من عند هوبا معيطه على الست الي خرج زوجها زعلان عشان كبريت وزعلت على الكبريت هههههههه واجي هنا الاقيك بتشرشح في خواطري انا وشيري اعمل ايه بقى ياعم ابراهيم مش بعرف اكتب زيك دنا لسى يادوب بفك الخط ههههههههه بس حاكل سندويش رومانسية بالجبنة الرومي هههه"
؛؛
؛
اما ننزل بقى للخواطر الرومانسية ..
ههههههههههه تصدق بالله تخيلت الدلع وهي بترقص وطبعاً خيالي الي مش رومانسي راح لبعيد افتكرت انه حيجي جنبها ويقولها وحشتيني حتى وانتي بترقصي هههههههههه وفي الاخر طبال ورقاصة :( "
_________________________
ههههههههههههه
يخرب بيتها دي رومانسية بتفكر في العشر جنيهات ربنا يرحم حبيبها "
__________________________
اتوبيس ياستاذ ابراهيم ههههههههههه حرام عليك رومانسيتك مخليانا داخلين جو تاني "
_________________________
ههههههههه حلوة يتأملها ويتلمسها لا بجد رومانسي اوي هو فيه ادفا من المكواه هههه "
؛؛
؛
نعمل ايه يااستاذ ابراهيم عليك رومانسية ماحصلتش سيبك من ريماس وشيرين وغيرنا بجد ماحدش يجي جنبك <<< بكاشة ههههههه
بس عارف اجمل حاجة هي روحك الجميلة وبنخرج من هنا ندعيلك ربنا يسعد قلبك وايامك والف الف سلامة عليك ويارب تكون بقيت احسن دلوقتي "
؛؛
؛
لروحك عبق الغاردينيا
كانت هنا
reemaas

Bent Men ElZman Da !! يقول...

ههههههههههههههههههههههههه
انا مت من الضحك بجد

"الرومانسية المعتقة تعتق الجبنة الرومى و الجبنة البراميلى احضروا الخبز و كلوا سندوتشات الرومانسية الحقيقية "


انا اصلا فى الجملتين دول جعت
جعت رومانسيه حقيقيه طبعا :)))

نسرين شرباتي "أم سما" يقول...

أول مرة أعرف إني أكتب رومانسية :)
ده الرومانسية بتهرب من كتاباتي
أو حتى بقفل عليها في الدولاب خوفاً عليكم من أن تصطدموا من أنكم لا تجيدوا الرومنسية ولا حتى حضرتك
فيتم تصنيفي ككاتبة رومانسية
ههههههههههههههههههههههه
دي جديدة عليا
،،،،،،،،،،،،،،،،،،

مكواة وراقصة وطبال،، وعشرة جنيه،، ههههههههههههه،، لا والأتوبيس كمان
هههههههههههه
ضحك من هنا لحد الصبح
ملكش حل بصراحة
بس ع فكرة الشمعة لو كانت بعشرة جنية مش حتخلص في ليلة أو حتى ساعة
الشمع الرومنسي بيعيش كتير،، علشان عارفين إن البشر لياليهم الرومنسية كتيرة وإنهم بيولعوا شمع كتير كتير كتير،، فبيعملوا الشمعة تخينة وطويلة شوية وريحتها لذيذة علشان تاخذ البشر لأجواء غير اعتيادية.

افكار مبعثرة يقول...

ههههههههههههههه تصدق جعت على سيرة الجبنة الرومي المعتقة :)))
ايوا بقا لازم تفوق كل حد فينا و طبعا ليا الشرف ان اسمي مكتوب لازم تفوقنا و تحطنا في مكانا الطبيعي :)
هي دي الرومانسية العاطشفية الحقيقية اللي تشبع هههههههههههههههههه
كله كوم و المكواة دي كوم تاني الصراحة انا افتكرته بيتكلم ع الدفاية ههههههههههههههههه
تحياتي ليك و لروحك الحلوة اللي بتخللي كل واحد فينا يخرج و على وشه ابتسامة اااااااااد سندوشت الجبنة الرومي :))))

هبة فاروق يقول...

ههههههههههههههه
مساء الجبنة الرومى المعتقه و الجبنة البراميلى الطعمه احلى كلام رومانسى هادف سمعته فى حياتى
كل مره تخدعنى واقعد افكر يا ترى حيبقى ايه فى الاخر ويغلب حمارى
وتفأجئنى
بوست دمه شربات وزى العسل
هيه دى الرومانسيه والا فلا
دام ابداعك الجبناوى اللذيذ

zizi يقول...

برهوم حاكينا ..

أولاً:ألف سلامة ليك وإنشاء الله تكون الآن في أحسن حال ..

ثانياً:ما أجملها رومانسيتك يا هيما وبالفعل أنت تأخذنا معك لبعيد ثم ترسيناعلى مرسى لايخطر على بالنا ...وما أجمله الأمل والترقب في إنتظار الحبيب حتى ولو كان اتوبيس ..هو حد لاقي الأيام دي ؟؟

سلمت وسلمت رومانسيتك ومكوتك ..

نهر الحب يقول...

:))
ببقي بقرأ اول الجزء ومبتسمة كدة وعايشة الدور وبعدين فجاتن
اقوم ضاحكة اووووووووي

بس بيعجبني جو الرومانسية ده اوي
ما زال بيفكرني ب
بحبك يا بقرة
:DDD

ريماس يا عيني
ولا رومانسية ولا حاجة
هههههههههههه

:))
عجبتني بتاعة الراقصة والطبال دي

;كارولين فاروق يقول...

هههههههههههههه
خفه دم مش ممكن
حتي الرومانسيه عملتها بخفه دم
ما شاء الله عليك

faroukfahmy يقول...

تعرف ياابراهيم دا تانى تعليق اكتبه ليك ولا يظهرشى نهايته
اقول تانى وثالث انا ليه مين غيرك ولا حب مين غيرك يا ابراهيم على رأى ورده انت الاول والاخير
وبمناسبة الاخير حقا يا هيما انا بقرا البوست بتاعك من الآخر لان الحلاوه كلها بتبقى فى آخر جملنين
وعشان مانساش المكوى دى رجل والا يد
تعرف يا ابراهيم انا كنت من يومين فى باب الشعرية ولقيت عمى اسماعيل فى شارع الصبان لسه بيكوى بالمكوى الرجل ويتفخ فى الملابس بفمه ولما سألته ليه لا يسنخدم المكوى الحديثة قاللى اشغلها بايه انا لسه ماركبتش عداد كهرباء
مكوى رجل شغاله بالباجور وبتفخ بفمه رزاز الماء
البلدى يؤكل ويوكل يا باب الشعرية
سامحنى انا خرجت من الموضوع بدون تعليق لانى عارف انك بتدوب فى البلدى وحب البلدىرقصتى ياجدع رقصة نعيمة عاكف وطلب بعيد عن الرومانسية
وسلملى على الترمواى ابوسنجه اللى هيوصلنى وخرى يوم الحد عشان اشوفك يوم عرس ابن النيل حبيب قلبى سيف المدونين

Tarkieb يقول...

هههههههههه رومانصي اوووي

نيللى على يقول...

مبرووووووك ليكم كلكم

والبوست جميل:)

richardCatheart يقول...

هههههههههههههه صباح الخير بقالى فترة طوووووووووووووويلة جدا عايزة اجاى هنا وديما الظروف بتعطلنى ليه ؟؟ظ ماعرفش ؟؟؟ جميل البوست اوى بس زعلت ان المكواه ماشتغلتش دا بيكون حاجه رخمه فحتتتتتتتت

اتمنى تكون ديما بخير

فافى يقول...

هههههههههههههههههههههههه احلى حاجه عجبتنى اتوبيس 152 مظلات
ايوه كده بحبك وانت رايق سياسه ايه وبتاع ايه يا شيخ
خليك فى الرومانسى

ابراهيم رزق يقول...

اخوتى الاعزاء
اعتذر عن الرد على تعليقاتكم نظرا للظروف التى نمر بها جميعا رغم انى كنت اريد ان ارحب و ارد بزوار اعزاء زارونى لاول مرة الا ان الظروف صعبة و ربنا يصبرنا جميعا

تحياتى لكم جميعا