الأربعاء، 4 يوليو 2012

راجى عفو الخلاق


  • عرف نفسك ؟
  • ابراهيم رزق بنى ادم غلبان كان عايز يبقى صعلوك و لم ينجح بكالوريوس تجارة عين شمس عملت شوية فى الصحافة وخدت دبلومة فى النقد الفنى ليا فيلمين تسجليين كتبت السيناريو ليهم اول ما اتخرجت و اخرجهم الدكتور سمير نصر فيلم شجرة مريم  و فيلم ناس و ناس و التانى ده خد جوائز فى كندا و اوربا و ياريت اعرف اجيبه و انزل اللينك بتاعه ليكو الغريب رغم انى اكثر شخص مفضوح فى عالم التدوين الا ان فى اسئلة كتير كانت بتجينى من عينة من انت و اخرها امس

  • ما اكثر ما يميز شخصيتك ؟
  •  بجد والله مش لاقى فيا ميزة كتر خير زوجتى انها مستحملانى انا كلى عيوب

  • ما هى اهم نقطة تحول فى حياتك ؟
  •  لا يوجد لان حياتى ليس بها نقط تحول لكن ممكن يكون نقط تحول لتحت الزواج مثلا هههههههه لكن ممكن يكون نقطة التحول فى حياتى هى تركى عمل الصحافة و المجال الفنى بقرار منى لان اكتشفت انه عالم مزيف و مصالح و ان 95% من اللى بنشاهده من اسماء كبيرة كذب و زيف وان الصحفى الحقيقى تقريبا غير موجود وما يحركهم المصالح

  •  كيف دخلت الى عالم التدوين ؟
  •  انا كنت مكتفى من عالم التدوين بالتعليق فقط و الغريب الذى لم اكن اتخيله ان الجميع عرفنى من تعليقى حتى الاشخاص الذين لم اكن اعلق عندهم وطلب منى الجميع ان اعمل مدونة خاصة كارولين فاروق و نوران سراج الدين ورغدة صفوت و غيرهم و انا كنت برفض حتى قامت الثورة ومع قيام الثورة لم اجد بد من ان انشىء مدونة وكانت الفكرة ان تكون مؤقتة فترة الثورة فقط لكن نداهة المدونة و التدوين نادتنى و مقدرتش اخرج

  • ما اسم مدونتك و لماذا اخترته ؟
  • اسم مدونتى سالزيادسو و هو مقاطع من اسماء اولادى زياد و ساليناز و سولينا

  • صف مدونتك ؟
  • افضل ان تتفضلوا بزيارتها و انتم تصفوها لكن باختصار مدونتى بتتبع اخر خطوط الموضة مرة بمبى مسخسخ و مرة اسود و مرة خضراء حسب الموضة بتلاقيها و اوقات بتبقى كاروهات ومقلم لكن الموضة حاليا فى الصيف المشجر
  • من هم اكثر ثلاث شخصيات اثروا بك من داخل عالم التدوين؟ 
  • كثيرون جدا و لكنى ساختار ثلاثة لانهم يمثلون نماذج مختلفة للمدونين جميعا كل شخصية منهم بتعبر عن مجموعة من المدونين
    روح قلب ماما فاتيما قلب كبير جدا بيجمع الكل حواليه حاجة كده تقدروا تقولوا الدموع فوق شفاه تبتسم و اللى معرفش فاتيما فاته الكثير و ياريت يا فاتيما تعيدى نشر التغريبة مرة اخرى
    بت خيخة واى كلام قلب كبير ايضا متمردة و موهوبة و متميزة لها اسلوب فريد صعب تقليده محبة لكل من حولها و متعبة ايضا لمن حولها
     شمس النهار قلب كبير ارستقراطية بمفهوم هوانم جاردن ستى و ليالى الحلمية و متواضعة تواضع بنات الدرب الاحمر قلب كبير ايضا يجمع حوله الكثيرين  ام جميلة لزهرات جمال
اما الشباب الصاعد فكثيرون و انا لا اريد انا انسى احد
شرين سامى بعفويتها وطبيعيتها و سيف باسلوبه المميز و ريماس بشلال ابداعها و ريماس نور بخفة الدم و نوران سراج الدين بثقافتها و معلوماتها و عائلة الفاروق  و دعاء العطار و كاندى و دينا بنت من الزمن ده و دينا نبيل و رؤى و رحاب صالح وليلى الصباحى ورونا و أيه و ازهرى خطيب بنتى ومارو و كارمن وسواح و نهر الحب و زيزى و فافى و العرب شجن البنفسج و زينة زيدان و  حنين نضال و نيسان و نسرين ام سما و هديل و دودو و فارس و كريمة كثير جدا انا خايف انسى حد لكن فى واحد بيكتب بقلبه و انا نفسى يرجع تانى لو كتب  كلمة واحدة بحسها رامى بابى  

  • ثلاث شخصيات اثروا فى من خارج التدوين ؟
  •  صلاح جاهين فيلسوفى فى الحياة لا يوجد موقف فى حياتى الا واقول فيه هو صلاح جاهين قال فى كده ايه
  • فيروز نفس ما ينطبق على جاهين ينطبق على فيروز
  • يوسف شاهين و قد تشرفت بمقابلته مرتين
  •  فى رايك ما اهم ما يميز تدويناتك ؟
  •  من وجهة نظرى لا اجد ميزة لكن ممكن الاخرون يجدوا ميزة وان كنت اعتقد انه لا يوجد

  • ما هو تقيمك لعالم التدوين فى الفترة الاخيرة ؟
  •  ابتعد البعض عن عالم التدوين لكن فى الفترة الاخيرة نشط واكتسب ارضية و وجوه جديدة مبشرة وجميلة فالتدوين يختلف عن الفيس و تويتر فهو التاريخ لان الفيس و تويتر يشبه الصحيفة التى تفقد قيمتها بعد قرائتها اما بلوجر فهو الكتاب الذى تحتفظ به فى مكتبتك
  •  اختار اقرب تدويناتك الى نفسك و ضع رابطها و حدثنى عنها ؟
  • ذكريات رجل على شفا الانتحارهى ليست اقربها الى نفسى ولكن اصدقها وعندما كتبتها اتصل بى كثيرون يستفسرون فاضطريت ان اكتب تحديث لها و انا لا احب ان افسر كتابتى
  •  و بما انها نكد فى نكد فانا ارشح معها تدوينة اخرى اكثر نكدا و هى ذكريات حزينة جدا جدا جدا جدا

  • اختر اى مدون و وجه له سؤال ؟
  • بت خيخة انتى بتعملى فينا كده ليه احنا لو شاغلين عندك مش هتعذبينا كده ههههههه لكن برضه بنحبك و بنستناكى لان احنا عارفين ان قلبك ابيض زى الفل و انك موهوبة و متميزة جدا 
  • و استاذ فاروق فهمى اقول له احنا مفتقدينك جدا
   

هناك 24 تعليقًا:

aya mohamed يقول...

افلام تسجيلية واووو ده اكتر مجال بحبه من ايام الكلية
كان نفسى اعمل ماجستير فى السينما التسجيلية بس مش كملت بقى للاسف
نقط تحول لتحت الزواج مثلا
هههههههه ليه كدا بس ما انت لسه قايل من شوية كفايا انها مستحملاك ولا ايه هههههه انتوا كدا دايما يا معشر الرجال
واسمى مكتوب غلط وانا اهم حاجة عندى الهمزة ههههههه ازعل انا دلوقتى مثلا
بجد استمتعت جدا بالاجابات كلها
ربنا يسعدك دايما يارب ويخليلك اولادك ويبقوا هما نقظة التحول اللى فى حياتك بإذن الله

Bent Men ElZman Da !! يقول...

انا عايزه اشوف الافلام التسجيليه دى بقى

انا لسه فاهمه حكايه اسم مدونه حضرتك دى قريب جدا كان شكلى وحش اوى قدام نفسى انى مش جبتها من الاول ^_^

المدونه هنا بتتميز بأن اسلوبك اللى ماحدش يعرف يكتب زيه ابداااا وخصوصا فى الرومانسيه طبعا ههههههههههه

ومبسوطه بجد ان حضرتك افتكرتنى :))

صلاح جاهين ده عبقرى

بلوجر كتاب طالع من القلب عشان يفضل جوه القلب :)

دايماَ بخرج من هنا وفى ضحكه على وشى :))))

حنين محمد يقول...

صباح الغاردينيا أستاذ ابراهيم
اممم طيب اقول ايه في حضرتك مدونتك محطة أبتسامة وخفة دم وروح حلوة وقلبك حنين بتحب الجميع والدليل ذكرت أغلبنا عشان مش بتحب تزعل حد ههههه بالنسبة ليا عمري ماهنسى تدويناتك أيام ماتعبت ودخلت حالة خطرة ودعواتك الي كنت بحسها من قلب أخ بجد خايف على أخته دا مش كفايا يعرفنا على قلب ابراهيم رزق مدونتك دي لازم تفضل دايما وتجمعنا بيك عشان عاوزين نحس بالطيبة والنقاء والعفوية والصدق وخفة الدم الي بحبها في المصريين :)
خلاص كفاية انا رغيت اوي وربنا يخليلك ام زياد وسوزي وسولي وزوزو :)"
؛؛
؛
لروحك عبق الغاردينيا
كانت هنا
reemaas

aya mohamed يقول...

طيب هو آية همزة مد
بلوجر شكله زعلان منى ولا ايه هههههههه
وفى سؤال عندى مش اتجاوب عليه
هعملهم يوم تدوينى موحد تانى بالشكل ده
هههههههههه

سواح في ملك اللــــــــــــــــــه- يقول...

انا معنديش وصف ليك

غير لقب المصري

نظرا لآنك مصري صميم وبتحب بلدك

وأنسان بمعني الكلمة

تحيتي ياابراهيم

الازهرى يقول...

هى كلمة واحدةو اسمى يطللع من وسط الناس
ويتحط مع التكريم والتعظيم لوحده

وإلا يا عم الحاج بنتك عندك وفضها سيرة

إنت عايز تساوينى بالناس كده واسكت
وكمان اشمعنى فاتيما وشمس وأان لأ يعنى
هى كوسة ولا كوسة سيادتك

rona ali يقول...

الخال ابراهيم
المصري الاصيل
ضحكتنى وزعلتنى وفوقتنى واكدلى
كل دة في اجاباتك

بس المهم انا اسمى مكتووووووب ههههههههههههههههه

والله انت اكثر شخص اعتزيت بمعرفته يعنى من غير مجامله اهو

ونفسي تجيب لينك الفلمين التسجليين انا بحب الافلام التسجيليه جدااا اللى بتحمل فكرة من نوع خاص :)))

ربنا يوفقك دايما وارجو الا تتوقف النداهه عن النده لحضرتك والا ساعتها هزعل اوى :)

ظلالي البيضاء يقول...

يعني يا إبراهيم لو جالك ولدلين تلاتة .. تعمل إيه في تسمية المدونة ؟؟
لازم قبل ما تسمي الولاد تفكر في اسم المدونة علشان تكون المقاطع متناسبة .. ههههه

سعيد بحضرتك .. مع تمنياتي لك بالتوفيق ..

مصطفى سيف الدين يقول...

بحسك يا ابراهيم انك عامل زي شيخ العرب
تعرفه؟
مجمع دايما الكل حواليك و بتمد دراعاتك علشان تضمهم
السؤال كان عن تلاتة و انت كتبت كتير لدرجة اعتقد انه كان فاضل تكتب و من تانت سناء لماما نجوى و الحلوين تيتو و سوسو و طالبين اغنية التيتة في النأنا
جميل جدا قلبك يا ابراهيم كبير اوي كده و كلنا قاعدين واخدين جواه قصور ده و لا مارينا يا حاج :)

;كارولين فاروق يقول...

ابراهيم
حبيب الكل فرحانه قوي علشان اسمي موجود
وكما قال مصطفي سيف مجمع الناس حواليك
والتعليق اللي جاي ده من بابا فاروق يا
ابراهيم
هزتني عبارتك الرشيقه بأفتقادكم لي لا أفقد الله عزيزا لديكم ...
يغفر ابتعادي بصفه مؤقته عن التدوين واقع عمري حيث الباقي لم يعد له باق
ومع ذلك احاول جاهدا ان اسرق ولو ساعات من عمر الزمان لألتقي واعانق فيها احضانكم
اخوكم الفاروق

كريمة سندي يقول...

والله جميل جدا أن نتعرف عليك عن عمق .. فواقعك مثل المدونة صريحة ومريحة تحياتي الصادقة

موناليزا يقول...

عجبنى أوى تشبيهك ده
" الفيس و تويتر يشبه الصحيفة التى تفقد قيمتها بعد قرائتها اما بلوجر فهو الكتاب الذى تحتفظ به فى مكتبتك"

عندك حق ومتفقة معاك جداً

رؤى عليوة يقول...

كلام جميل :)

نسعد دائما بمرورنا هنا

متهيألى لو اترشحت فى اى مجلس :) هتفوز المشكله الوحيده هتبقى دايرة ايه ؟؟

دمت بخير

نيسآان يقول...

اهلا وسهلا يا عمو راجي ...تشرفنا بحضرتك وطبعا انا ابتسمت ابتسامه عريضه جدا عشان اسمي مكتوب...ربنا يخليك يا رب ويجبر بخاطرك:)
تدويناتك تتميّز بالعفويه الصادقه جدا فأنت تعبر عن رأيك بدون اي تزويق وهذا جميل جداً...
اما المفضلات لدي فهي النقد الساخر وخصوصا للزوجات الفاضلات الغلبانات وكمان ذكرياتك ممتعه جدا ولها نكهه ابراهيميه رهيبه ...حاجه كده زي الطرشي والشطه بسندويتش الفلافل :))

Unknown يقول...

أستاذ إبراهيم

البلوجر إتشرف بيك :)
بحب لما تتكلم عن نفسك
و بحب الذكريات الحزينه جدا جدا جدا جدا :))
و بحب البمبى المسخسخ على فكره ههههههه

دائماً مبضحكش قد ما بضحك هنا

يا رب منورنا و مجمعنا دائماً

تحياتي أستاذي العزيز

ليلى الصباحى.. lolocat يقول...

من قبل ما أقرأ تعليقات الاصدقاء علشان ما أتأثر بها اقول لك اخى ابراهيم :

اهم واجمل مايميزك بعد خفة الظل التلقائية هى ( تعليقاتك ) فى مدونات الاصدقاء لانك بتكون بطبيعتك جدا وكلامك عميق وتناقش الموضوعات باسلوب متميز انتظرها كلما دخلت مدونة صديق دائما

اما مواضيعك ففيها من الجرأة والحيوية ما يكفى احيانا اتفق معها واحيانا لا لكنها دائما صادقة وتنبع من افكارك وقناعاتك دون خوف او تصنع وهذا اهم مافيها

اما مواضيعك خفيفة الظل وبلد مجانين صحيح فلك فلسفة عميقة ودائما اقول لو قرأ احد المفكرين الجادين كتاباتك بالتأكيد ستروق له جدا

انسان طيب القلب محب لاصدقاؤه واجمل مافيك كأبراهيم هم اولادك وحبك لهم واحترامك الواضح لامهم الذى يختفى وراء مواضيعك الساخرة التى لاتخلو من ذكرها

بارك الله فيك اخى العزيز وبارك فى اسرتك الطيبة ودام الله الود والمحبة بين كل الاصدقاء

واضم صوتى لصوتك ونعلو بالنداء لاستاذنا الغالى فاروق ليعود الينا سريعا سريعا سريعا والا هنعمل اعتصام عند قصر الفاروق ونطالبه فيه بحقوقنا الاخوية :)


تحياتى ولك وباقات ياسمين تعطر يومك

zeze يقول...

استاذ ابراهيم بجد مدونتك جميلة وبحب ادخلها
لانها بتوصف حاجات كتيرة من الواقع ولو حتي بشكل ساخر
واتمني السنة الجاية يكون اسمي مكتوب ولا مش هاجي هنا تاني "تحذير" ههههههه
تحياتي وتقديري

شمس النهار يقول...

:))

يانهار انا كل ده
:)

ده بس من ذوقك ياابراهيم
انت فعلا مدون موهوب واكيد كنت صحفي موهوب

ودايما بستني تدويناتك الرائعة

ويارب ماتشيب بلوجر وتمشي زي اللي بيمشوا من هنا

ربنا يديم المعروف والصداقة
ويكون في عون مراتك:))

شمس النهار يقول...

ياريت ياابراهيم تعمل لينكات لمدونات الاصدقاء علشان فيهم ناس مااعرفهاش
واكيد ناس جميلة
احب اتشرف بيهم

زينة زيدان يقول...

قلب طيب كبير
وشخصية جميلة تعطي الجميع دون اسثناء دعوة لمحبتك وصداقتك
روح المرح تغمرنا جدا كلما جابت عيوننا
صفحتك


بالمصري كده
المدونة دي كلنا بنحسها بتعتنا

فافى يقول...

مدونتك جميله طبعا ودايما بكون حريصه انى ادخلها واقرالك
بس انا زحلانه عشان انت بالرغم من انك بتعلق عندى باستمرار لكن نسيتنى وانت بتعد مدوناتك المفضله :((

ابراهيم رزق يقول...

اخوتى الاعزاء

اشكركم جميعا

الفاروق تعليقك عندى بالدنيا
زيزى
فافى

و الله انا مش نسيتكم بس تقدروا تقولوا غلطة مطبعية
ههههههههههههه

تحياتى لكم جميعا

richardCatheart يقول...

اييييييييييييييييييييه دااااااااااااااااااااااا تمثيل واخرج وخاجات اول مرة اعررررررررررررررررف ههههههههههههههههههههه انا كانت امنية حياتى ادخل معهد التمثيل عاااااااااااااااااااااااا بس ابويا لحقنى من طريق الانحراف على اخر لاحظه ههههههههههه دانت فنان بئا من يومك يا ابوزياد وربنا كنت عملت شغل فلة وانت شبة سى رشدى اباظة كدا لالالالالا بس ابو الرشد احلى اه ان مابكدبش ههههههههههه

ربنا يديك الصحة وطولة العمر يا فنان ويخليك اسرتك الجميلة كلهاااااااااااااااااا يارب والله انت يا ابراهيم من الشخصيات اللى اتشرفت بمعرفتك وبأخوتك وصداقتك والله ربنا يديم المعروف والود بنا وبينك وبين كل حابيبك يااااااااااارب لما الحق اروح البوست الجديد:)

reemaas يقول...

انا مش فاهمة ازااااااااااااى انا ماقرتش ده انا عاوزة الضرب على فكرة

اسمى مكتوب :D

عارف انا كمان كنت من المحتارين ازاى بيعلق عندنا ومدنته فاضيه وفاكرة اول تدويناتك تقريبا كانت المعطف او او ماتعرفت على مدونتك بمعنى اصح

ايييييه كانت ايام

كنت هتبقى سناريست مالكش حل على فكرة