المشاركات
سكسوكة للاستيراد و التصدير يعلن توافر احدث موديلات من الذقون استك و لاصق و ذاتى كما تتوافر جميع الانواع افغانى و باكستانى و اجلاسيه و سكسوكة يناسب جميع الاذواق السلفية و الاخوان وارد من الصين كما ان هناك ذقون وارد الولايات المتحدة الامريكية
الان عرض خاص اشترى 2 ذقن افغانى تحصل على جلابية باكستانى هدية
اشترى 3 ذقن افغانى احصل على جلابية باكستانى و سروال هدية
الان بكل المكتبات القذاف فى فن الهتاف الكتاب الذى جمع كل الهتافات بانواعها فئوية - عامة - دينية - سياسية عسكرية مرتبة طبقا للحروف الابجدية النسخة اللبنانية التى تحتوى على هتافات + 18 سنة
عرض خاص اشترى الكتاب الان و احصل على هدية نسخة من دليل المشى فى المسيرات و كيفية شراء الكانزى والسندوتشات
محلات الملتوف لمستلزمات جماعات النهى عن المنكر والامر بالمعروف تعلن عن ورود احدث انواع الخرزانات الخرزانة السحرية الالمانى مرسيدس
تمتاز الخرزانة مرسيدس السحرية بالاتى
- تتمدد الى طول 10 امتار مما يمكنك باستخدامها و انت على دراجتك البخارية
- بها شريط كاسيت يحذر الجميع بالبعد عن المنكر
- مزودة بعين سحرية تستطيع كشف الفاحشة و المنكر والوصول اليها بسهولة
- بها كشاف مزود بمصباحين يمكنها ان تنير لمسافة 20 متر
- يمكنها التحول الى كتر اذا تطلب و ذلك لزوم المشاجرات
- بها اوبشن يمكن تحولها مسدس او رشاش الى
هناك 11 تعليقًا:
يا خبر هو الموضوع وصل لكده
لا انا احضر شنطتى بقى من دلوقتى
بجد موضوع ساخر بس مؤلم ومخييييييييييف
صحيح انا ضحكت بس شر البليه ما يضحك
الابجدية النسخة اللبنانية التى تحتوى على هتافات + 18 سنة
هههههههههههههه يلهوى
انا عايزة الاله الاخيره دة عجبنى التحديث بتاعها ههههههههههه
انا موت ضحك
نسيت اخى ابراهيم ارقام التليفونات طيب اروح مواصلات ولا اشترى ازاى
جميله كتاباتك بخفة الظل الرائعه
تحياتى ابوداود
و الله مبقيناش فاهمين دول امن دولة و لا متطرفين و لا ايه بالظبط
بصراحة مبقتش فاهم مصر اليومين دول
ههههه ..
لا حول ولا قوة إلا بالله ..
كأني مخطئ بالعنوان .. فقد بحثت عن ختم التدوينة المعتاد "بلد مجانين صحيح " ولم أجده ..
لعلي أخطأت بالعنوان وتشابهت علي الأمكنة .. رغم أن الروح الساحرة نفسها ..
هههههههههههههههههههههههه
لا لا ماتقولش اهو ده اللى كان ناقص
بس استغرب ليه هيحصل قريب
انا بدور على التدوينة اياها اوك
بقالى 4 ايام ماسكة الجرايد وعماله
ادور فى اعلانات مبوبة فلما دخلت ولقيت العنوان
قلت اقفشك ولا ايه ههههههههههههه
بس بجد شر البلية ما يضحك
تسلم ايديك وافكارك :)
ههههههههههههههههههههه
اجمل حاجه بجد
رغم انك بتناقش موضوع مهم ان ماكنش مؤلم
بس خليت ضحكه على وشنا كده
اهو ده الهم اللى يضحك :D
تعرف يا ابراهيم انا مش خايفه
علي حاجه قد ماخايفه علي مصر
انا مش عارفه احنا رايحين علي فين
البلد خلاص
عليه العوض ومنه العوض
بس مبسوطه انك تحررت وبقيت تتكلم براحتك
ايوه كده
احنا عمرنا ماحانسكت
تحياتي وسلامي لأولادك
:))
انت عايز تخوفنا
بس احنا مابنخافش
:))
هههههههههههههههههههه
والله ريماس عندها حق لما بتقول اننا نيجي هنا عشان نضحك من قلبنا بجد
عاجباني الدقن دي انا بس والنبي لحق يضفرها امتي
:DD
إرسال تعليق