الاثنين، 16 يوليو 2012

ابراهيم الفيلسوس

ابراهيم الفيلسوس



جزء جديد قررت ان اكتب فيه ليعرف بتوع الفلسفة انهم ميعرفوش فلسفة و لا عمرهم سمعوا عنها

كان لى صديقا فيلسوس باقوال الفلافسة مهووس سالته يوما عن التعمق فى اختيار اسماء الالوان قال
نجد تحيز لاختيار بعض الالوان و تفرقة عنصرية فى اشياء اخرى و لعل من تاملى فى 
الفواكه نجد الاختيار هكذا برتقالى مشمشى بينما لم نجد مثلا اختيار خوخاوى او موزاوى او برقوقى هذا فى مجال الفاكهة
 نجد فى الخضار اضطهاد تام فلم نسمع عن اللون القرنبيطى او الكوساوى او الملوخاوى بانواعها ناشفة و خضراء
ناتى للمخللات فبينما نجد الالوان الليمونى و الزيتونى نجد انه لا يوجد جزراوى او لفتاوى
نجد ايضا فى المشروبات من يقول كاكاوى بينما لا يوجد من يقول سحلباوى او قرفاوى
الحيونات نجد من يقول فئرانى او جملى بينما لا يوجد من يقول حصانى او حمارى
ايضا فى الجماد و الاشياء نجد من يقول سماوى بينما لا يوجد ارضاوى و نجد ايضا ن يقول نيلى بينما من لا يوجد من يقول بحرى وفى النهاية نجد التفرقة فى الالوان مثل حظوظ البشر كل لون و حظه نجد من يقول الرمادى ارق الالوان بينما لا نجد احد يتكلم عن لون الطين الا و هو الطيناوى 
       فعلا فلفسة
                     

هناك 13 تعليقًا:

هبة فاروق يقول...

هى فلفسه فعلا ههههههه
حلو اللون الملوخاوى حبقى استخدمه بعد كده ادخل اى محل اقوله انا عايزه فستان ملوخاوى فيقوم يقولى تعالى معايا اوريك مستشفى قريبه مننا بتفرق قماش ملوخاوى
تصدق احيانا اشياء بتمر علينا مر الكرام لكن الفلسفه بتعمل ششغل حلو التعمق هذا هو التعمق

مصطفى سيف الدين يقول...

محدش بيقول طيناوي علشان كلنا غرقانين فيه فبالتالي نقول ازاي طيناوي و كل حاجة طيناوي علشان كده بنقول اسم اللون و بنميزه بالغريب
فلسفة جديرة بالاحترام اوافقك الراي
الالوان حظوظ و الاسامي حظوظ
تحياتي

افكار مبعثرة يقول...

ما اجمل الفلفلسة اللي بتوسع مدارك الواحد برضه
يعني مثلا ليه صحيح بنقول لون بترولي و مش بنقول لون غازي طبيعي
وليه بنقول لون خمري و مش بنقول لون عرقسوسي
ايه التفرقة العنصرية دي
ههههههههههههه
تحياتي :)

richardCatheart يقول...

ههههههههههههههههههههههه

اه وفى بطيخى وشمامى ومافيش تفاحى ادينى 6 كيلو بس وش قفص يسترك يا ابنى


والله حتى العنصرية فى الالوان من صنعنااحنا

والنبى السيدة فى ضهرك ابقى كتر الشطة فى المخلل

تحياتى يا فلسفة :)

Unknown يقول...

فعلاً عندك كل الحق .....

rona ali يقول...

واعتبر البوست دة احد البوستات التى لا تكتب من فراغ هل هذا البوست موجهه لامثالي من محبي الفلسفه

زمان اول ما درستها كنت بقول فلفسه فعلا هههههههههه

كنت دايما اسئل مافيش لون زفتاوى انت اثبتلى ان ممكن يكون فيه

ولو في لون بصلي مافيش لونى بطاطساوى او فلفلااوى كده علي اصفر او احمر :)

والاغرب بقي يا خالو اللون البتنجانى طيب مقالواش بنتنجانى ابيض ولا عروسي ولا ايه هههههههههههه

وبعدين لو عملت لون ملوخاوى فين الجرجراوى بقي ههههههههههه

لاء احنا ممكن نقعد هنا كتير لو عايز

بوست في الجون يا معلمى :)))

Bent Men ElZman Da !! يقول...

ههههههههههههههههههههه
تفرقه عنصريه حتى فى الالوان
جميله الفلسفه دى اوى والله

غُفرَانْ يقول...

منطق برضو هههههههههههه
على قول الاستاذ مصطفى الالوان حظوظ و الاسماء حظوظ ^^
طبت

نيسآان يقول...

هههههههههههه ....نسيت البطيخي والكموني
ويا ساتر من اللون الكموني ....بشع جداً
...اما البرتقالي فهو اجمل الالوان :)

سواح في ملك اللــــــــــــــــــه- يقول...

والله ياابراهيم يااخويا

هو بوست مضحك بس فيه فلسفة برضوا

هههههه

تحيتي

reemaas يقول...

اوبااااااااااااااا
لا الكلام ده كبير جدا واكي وراه ان

ايه بقى هى الان دى ااعترف

بس عجبتنى حصانى او حمارى دى ههههههههههههههه

غير معرف يقول...

ملاحظات كويسة جدا بس كان الاهم انك تحاول تعرف السبب وتخمن
تم جميلك واعملها في بوست تاني

aya mohamed يقول...

ههههههههه لا وجهة نظر بردو
عجبنى جدا يمكن لان الحكاية دى بتضايقنى
طيب ما تقولوا الالوان باسمها الحقيقى
لازم تربطوا اللون بحاجات تانيه
مع مراعاة انك نسيت اللون البترولى اللى نفسى افهم سموه بترولى ليه
علشان البترول شاحح فى السوق مثلا هههههههههه
ولا لعظم شأن اللون مش فاهمة
المهم يعنى بوست تحفة وقلت لازم اثبت وجودى فيه :)