الثلاثاء، 17 يوليو 2012

الوزير يدخل الحمام

مقدمة
هذا بوست قديم وجدت انه مناسب هذه الايام مع قرب تشكيل الوزارة الجديدة
 
اتذكر اثناء شهورى الاولى بعملى بالشركة اثناء انتظارى المصعد لمحت رئيس مجلس الادارة ينزل مسرعا و هو يجرى على السلم فاستغربت و بعد وصول المصعد فتحت الباب و ركبت و اثناء غلقى الباب وجدت يدا تمسكه فاذا بها يد رئيس مجلس الادارة و معه وزير البترول السابق المهندس حمدى البمبى و بما انى موظف جديد و باترعب من رئيس القسم الخاص بى اللى هو مثل الباشكاتب زمان فما بالك و انا بين الوزير و رئيس مجلس الادارة و هممت بالنزول الا ان يد الوزير امتدت لى و قالت خليك يا ابنى وبما ان مكتب رئيس مجلس الادارة فى الدور الثانى فقد وصل المصعد ففوجئت بالوزير يمد يده بالسلام فمددت يدى و كانت هذه اول مرة امسك يد وزير و لم تتكرر الا بعدها بسنوات عديدة ان امسكت يد وزير الثقافة السابق فاروق حسنى و الحقيقة و جدتهم مثل ايادينا اى نعم ناعمة و يظهر عليها العز و لكن فى الاخر ايد مثل ايادينا


تذكرت هذا الموضوع بمناسبة قرب تشكيل الوزارة و علاقة الوزراء و المحافظين بالشعب اعرف وزيرا يسكن باحد الشوارع التى يقطنها احد اصدقائى  سيادة الوزير  لا يرتاح الا فى حمام منزله لانه بياخد فيه راحته كما ان اخراجه من الاخراجات الثمينة التى لا يجوز اخراجها فى حمام الوزارة مثل باقى الموظفين سيادة الوزير عندما يريد دخول الحمام يترك الوزارة و يذهب الى حمام منزله و ما ادراك ما يترتب على ذهابه الى منزله يغلق الامن المنطقة و يمنع دخول السيارات الشارع الذى يقطنه و تتعطل مصالح الجيران لدرجة ان دعوات السكان قبل و بعد كل صلاة واثناء الحج  و العمرة ان يصاب سيادته بالامساك و الحزن يتملكهم لو اصيب بالاسهال بل ان بعضهم فكر تفكير شريرا وقرر تكوين منظمة سرية لاستقطاب الطباخ الخاص بسيادته ورشوته حتى يضع حبوب خاصة بالامساك لسيادته فى الاكل فبحثت عن ما هو الوزير و ما هو وظيفته فى اوربا و الدول المتقدمة فوجدت ان الوزير موظف فى الدولة مهمته خدمة الشعب فى مجاله و ليس مهمته ان ينكد على الشعب و يتعامل من فوق و كانه طبقة غير الطبقة


اقول ذلك بمناسبة قرب تشكيل الوزارة الجديدة نريد ان تختفى مواكب الوزراء و ان تختفى السيارات السوداء الفارهة و الموتسكلات الكبيرة و ارهاب الحراسة الخاص بالمواكب و امره السيارات بالوقوف لاجل خاطر سيادته وان يركب سيارة عادية صناعة محلية فاذا اراد ان يركب سيارة فاخرة فتكون من بيت امه وليس من قوت الشعب وان يكون الحد الاقصى لمخصصاته لا يتجاوز عشرون الف جنيه شهريا فليس من المعقول ان يتقاضى وزير ملايين بينما يتقاضى العاملين معه ملاليم  نريد من الوزير الجديد ان يكون عمله تكليف لا تشريف و فوق كل هذا نريد منه اولا ان يدخل حمام وزارته الخاص بالعاملين معه 
                                                           بلد مجانين صحيح

هناك 31 تعليقًا:

Bent Men ElZman Da !! يقول...

ده على كده الوزير ده بقى ضيع الكام سنه اللى قضاهم فى الوزاره ما بين الوزاره والبيت
بس نفسى افهم ليه فعلا الوزارء مش يمشوا زيهم زى البنى آدمين الطبيعين؟
ليه مش يحسوا بالزحمه والحر زينا كده
ياريت فعلا يكونوا اللى جاين افضل
مش نسخه مكرره !

دمت بخير :)

غُفرَانْ يقول...

هههههههههههههههههه مزعلك الحمام هو لازم الموكب و يوقف الشارع و الناس تتزاحم دا شيء لابد منه يعني بس الله ييسر الامور و لسا عايشين ^^

faroukfahmy يقول...

هيما حبيب قلبى
ما زلت يا ابراهيم تجذب القلب قبل العين ليزدادا طربا وشجنا
لماذا يا ابراهيم تريد ان يصيب الوزير امساكا الا يكفينا امساك اى وزير الذى تعود عليه عن عدم اشباع الناس عن طريق ما توفره اجهزته فى
اشباع الخلق
كفانا ما تعود عليه الوزراء من نغمة الامساك فقد يكون فى اسهاله اسهال لامور الناس !!!!!!!
اما عن هذا الوزير فانا اقدره لانه اراد ان يكون اخراجه لنفسه بعيدا عن الناس وليس اخراجا يوذى به الناس فقد يكون عن اكل اصابه الحرام
وحلال عليك وعلينا هذا البوست الرائع
الفاروق

مصطفى سيف الدين يقول...

طيب ما يعمل مكتب الوزارة في بيتهم و يريحنا بلا قرف
كنت باقول يا ابراهيم بعد الثورة هيبقى في امل نعتبر الرئيس مجرد موظف عندنا اكتشفت بعد ما نجح مرسي ان البعض لسه معتقد ان مصر موظفة عند مرسي
و عجبي

غير معرف يقول...

شكل الحمام فيه ان ..
انا بجد اؤيدك جداا ف البوست..يعنييي ايييه وزير؟ هوا مجرد موظف في الحكومة زينا ..فميصحش كل الهليلة تتعملوا عشان نعيش احنا بنص المرتب عشان هوا ياخدو...

richardCatheart يقول...

ههههههههههههههههههههههههههههههههههههههههه يععععععععععععععععععععععععع


ماكان يلبس بامبرز ويريحهم هههههههههه بجملة المصاريف


والله بجد ياريت نشوف حاجة ملموسة فى موضوع المراكب دا ايوان المراكب دا \


صباحك فل

هبة فاروق يقول...

اعتقد ان آن الاوان بقى اننا ننسى موضوع المواكب دى خلاص بقت موضه قديمه
الوزير مجرد موظف فى الدوله بلاش بقى شغل البروبجانده وتسليط الاضواء علشان مش ناقصين نفخ على الفاضى
اسلوبك الساخر دائما يمتعنى يا استاذ ابراهيم

هيام يقول...

ايها الغواص في بحر المعنى
اللهم يسر له امره هذا الوزير وغيره - كان هناك نماذج لوزراء شرفاء يشعرون كثيرا بأن عليهم واجب وأن الوزارة لهم عهن وثقل... نتمنى من كل فرد يتولى موقع للمسئولية أن يكون على قدر المسئولية .... (تعرف ؟ كنت زمان بأقول اخطر من الرئيس الوزراء- والله ولاأبالغ حينما قلت : كنت اتمنى ان يكون هناك وزارة اسمها وزارة الحالمين: تضم اعضاء من كل الوزارات وأهل الفكر والمخترعين ومن له قدرة على التخيل والحلم- فنتخير النطف من الأحلام ونرصد لها الميزانيات ونطبق الأحلام وننفذها لتصبح وافع تمخض من رحم الحلم... (ايه رأيك؟ بأهيسسسسسسسسسسسسسس)-جميلة رؤياك

بسمة الورد عطر المشاعر يقول...

كله له اوان اكيد وربك يصلح الحال يااستاذ ابراهيم ويمن علينا برجال بمعنى الكلمة تكون من شيماهم الصدق والامانه نقول يارب

كل سنة وانتم بكل خير وصحة ورمضان كريم

حنين محمد يقول...

مساء الغاردينيا أستاذ ابراهيم
هههههههههههههههه
والله انا مع ميرو مايلبس بامبرز ويريحنا
بدال الموكب والازعاج الي بيحصل وتعطيل أمة محمد
بس عارف الوزير لو مش بيمشي بالموكب دا يبقى ناقصه حاجة
يلا ربنا يصبر الشعب لو جاله إسهال :) "
؛؛
؛
لروحك عبق الغاردينيا
كانت هنا
Reemaasd

zizi يقول...

يا ابراهيم صدقني مش الوزرا والا المسئولين همّ اللي بيعملوا في نفسهم كده لأ الناس هي اللي بتألههم ..وبتخليهم عمرهم مابيغلطوا وبيضحكوا على النكتة البايخة قبل ما يقولها سيادته وياسلام لو دخلوا معاهم من البوابة في نفس الوقت ..وياسلام اكتر واكتر لو كانوا بالصدفة يعرفوا اهل بيته دا يبقى ربنا فتحها على هذا المرؤوس فتوح العارفين ..يعني احنا اللي بنعمل التمثال ونسجدله ودي عادة فرعونية مش حانبطلها صدقني ..تحياتي

الازهرى يقول...

يااااااااااه

أعرف س من النظام السابق

كان الشارع بتاعه مقفول أساسا ليل ونهار

ربنا يسامحهم بقى

aya mohamed يقول...

المصريين هما اللى اتعودوا يدوا كل حاجة اكبر من حجمها
ثقافة التهويل من ارسخ ثقافات الشعب المصرى
لو حس اى مسؤل انه شخص عادى من غير امتيازات عن باقى الناس
هيراعى ربنا فى شغله ويهتم بمهامه
ربنا يصلح الحال يارب

ابراهيم رزق يقول...

بنت من الزمن ده

الوزير هيقعد فى مكتبه فى حالة الامساك
ههههههههههههه

نورتينى
تحياتى

ابراهيم رزق يقول...

Miss Mystery

اللى مزعلتى تعطيل الطريق
ههههههههه

نفسنا يحصل تغيير
نورتينى
تحياتى

ابراهيم رزق يقول...

الفاروق
ابن بطوطة
و ملك الزهرات

اولا وحسنا تعليقك جدا جدا جدا
من جمال تعليقك لن اعلق عليه
و لكن اقول لك فقط اسعدتنى جدا ونورتنى
عليك واحد يا فاروقنا
لم تعلق على بوست عبد المطلب

نورتنى
تحياتى

ابراهيم رزق يقول...

مصطفى سيف

مينفعش
امال سيادة الوزير راح
سيادة الوزير جى
يوقف الدنيا ازاى لو قعد فى مكتبه فى بيته

نورتنى
تحياتى

ابراهيم رزق يقول...

امينة

شكله الحمام فيه انه باين
هههههههههههههه

سعيد بتعليقك

نورتينى
تحياتى

ابراهيم رزق يقول...

مارو

والله فكرة
هههههههههههههههههههههه
و على حسابنا مش مشكلة

نورتينا
تحياتى

ابراهيم رزق يقول...

هبة الفاروق

فعلا لازم نتغير و نغير المسئول
لازم يشعر انه موظف عند الشعب
و خادم للشعب

نورتينى
تحياتى

ابراهيم رزق يقول...

لجين الغيوم
الف حمد اللللللللللللله على السلالالالالالالالالالالالالالالامة يا دكترة

بجد وحشتينا
لا مش تهيس ده حلم مشروع

بجد نورتينى ومتغبيش عننا

نورتينا
تحياتى

ابراهيم رزق يقول...

بسمة الورد

دايما تعليقك يمر مثل البسمة
معكى كل الحق

نورتينى
تحياتى

ابراهيم رزق يقول...

zizi العزيزة الذيذة

ايه النور ده
انا زارنا النبى بزوار النبى
يارب يخليكى و تروحى و تيجى بالسلامة

تعليقك فى الصميم

نورتينى
تحياتى

ابراهيم رزق يقول...

الازهرى

انا اعرف سينات كتير
ههههههههههههههههههههههه

نورتنى
تحياتى

ابراهيم رزق يقول...

آية محمد

الهمزة اهى بس متتعوديش على كده
معندناش وقت
هههههههههههههههه

متغق معكى تماما

نورتينى
تحياتى

ابراهيم رزق يقول...

ريماس

انا خليت تعليقك الاخير ليكون مسك الختام
انا متفق مع مارو
هههههههههههههههههههه

مش عارف الوزراء فى السعودية بيعملوا ايه
هههههههههههه

نورتينى
تحيات معطرة بابداعك

reemaas يقول...

هههههههههههههههههههه
اى الفضايح دى

اولا اديهم زى ادينا عادى ولازم يعرفوا كده
بالنوسبة للمواكب فانا اينعم مابعنيش منها بس شفت المحافظ بتاعنا ماشى من غير موكب واعتقد الكل هيبقى كده

زينة زيدان يقول...

الوزير

هو برضه إنسان

له احتياجات سيكولوجية متلنا
وأيدين متلنا

بس له مواكب وحراسة في هاي هو مو متلنا

بلد مجانين بصحيح

مبدع دوما

شمس النهار يقول...

طيب مايعملوا لكل وزير كوبي من حمام المنزل في مكتبه في الوزارة
:))

rona ali يقول...

خالوا
مش معقول كده يعنى انا نزلت بوست عن المعكف وحضرتك سيبنى كده مش تيجى تنقدنى وتقولى ايه الاخطاء اللغويه :)))

بالنسبه للوزير كان بيجى لماما بقي في المحكمه بيهد الدنيا راسا علي عقب والدنيا تتكنس وتتظبط علشان يحس ان المكان مش محتاج حاجه ودى تيجى :)

نيسآان يقول...

معلش يا ابراهيم ! الوزير لازمه برستيج وموكب وتشريفات ....واللا حيخرب بيت البلد بقراراته ازاي ؟؟؟ لازم يخربها ببرستيج عالي ومحترم .

المهم....كل سنه وحضرتك طيب واحبتك وعائلتك طيبين وبألف خير يا رب....رمضان كريم عليكوا كلكوا, شعوباً ووزراء :)