الثلاثاء، 9 يوليو، 2013

قطايف 1

كل سنة و انتم طيبين
رمضان كريم عليكم
طبعا انا لست مشاركا فى الحوليات
هحاول اطل عليكم يوميا فى فقرة 
اسمها قطايف رمضان
هحاول اغوص معاكم 
فى رمضان زمان
قراء القران زمان
المبتهلين
الاغانى الدينية
يا رب يا رب تعجبكم
لو عجبتكم قولوا
لو معجبتكوش بردوا قولوا
و دى اول حلقات قطايف
و الله العظيم بحبكم كلكم فى الله

الشيخ محمد أحمد عمران
ولد في مدينة طهطا محافظة السوهاج في 15/10/1944م و بعد عام واحد كف بصره.
أتم حفظ القرآن الكريم في سن العاشرة على يد الشيخ محمد عبد الرحمن المصري ثم جوده على يد الشيخ محمود جنوط في مدينة طما.
عند بلوغه أحد عشر عاما سافر إلى القاهرة والتحق بمعهد المكفوفين للموسيقى حيث تعلم أصول القراءات والإنشاد وعلم النغم والمقامات الموسيقية وفن الإنشاد على يد الشيخ سيد موسى الكبير.
سجل في الإذاعة عددا كبيرا من الأناشيد والابتهالات منها أسماء الله الحسنى وابتهالات أخرى عديدة.
يتميز الشيخ محمد عمران إضافة إلى صوته الرائع والإحكام بأداء متفرد يستطيع من خلاله التعبير عن معنى الآية.
كان رحمه الله مثلا أعلى لكثير من قراء اليوم وحتى من المشهورين،كما كان مرجعا لكبار الموسيقيين وذلك لشدة اتقانه وإحكامه لفنون المقامات والنغمات ولكن في حدود المباحات.
كان من أوائل الذين أحيوا الأفراح بقراءة القرآن والابتهالات.
توفى رحمه الله تعالى يوم 6/10/1994م
لو نال اعجابكم
اوعدكم بحلقة ثانية فى نصف رمضان الثانى


تسجيل نادر له

الهى

توجه الى الرحمن

هناك 11 تعليقًا:

شيرين سامي يقول...

عايز الحق
أنا بحب كل حاجت زمان بسسس..
مبحبش الإبتهالات
و لا بحب القطايف هههههههههههه
بس بحب كتاباتك و روحك الحلوة اللي بتخلي اي حد يقرالك يبتسم :)
كل سنة و إنت طيب و بألف خير و هنا إنت و أُسرتك الجميلة :)

نيسآان يقول...

ﻛﻞ ﺳﻨﻪ و ﺣﻀﺮﺗﻚ ﻭﻋﺎﺉﻟﺘﻚ ﺑﺄﻟﻒ ﺧﻴﺮ ﻳﺎ ﺍﺑﻮ ﺯﻳﺎﺩ .,.ﺭﺑﻨﺎ ﻳﻬﺪﻱ ﺍﻟﺒﺎﻝ و ﻧﻌﺮﻑ ﻧﺴﺘﻤﺘﻊ ﺑﺎﻟﻘﻂﺎﻳﻒ ﺍﻥ ﺷﺎﺀ الله

Aya Mohamed يقول...

الله بقى ^___^

ايه الجمال ده يا مفاجآتك ;)
كل سنة وحضرتك طيب وبالف خير يارب
متابعة باستمتاع كل تدوينات قطايف ان شاء الله :)

amiraali يقول...

كل سنه وحضرتك طيب ودايما بخير.. :)

مصطفى سيف الدين يقول...

يا سيدي يا سيدي على القطايف
شكلي هابقى زبون هنا
انا مشارك في الحوليات بس في مدونة مخصوصة
كل سنة و انت طيب يا كبير و رمضان كريم

faroukfahmy يقول...

ياابراهيــــــــم رزق
اولا وقبل كل كلمة اننى اشكر كلمتك الهاتفية بسؤالك عنا عشية استقبالنا جميعا لهلال شهر كريم من شخصك الكريم والذى كان فى استقبالنا لها مسحا لكل حمل هم وشكوى غم علقت فى نفوسناكما علقت فى نفوس المصريين جميعا فى الايام الفائته مما لم تسمح فى رغبة لاقلامنا فى متابعة ما نكتب كما امتد اثرها على ما كنا حريصين عليه من واجب التعليق على ما يرسله احبائنا فى عالم التدوين
واود ان اشير الى ما استقر عليه رايئ ورأى نجلتى الفنانه كارولين التى تشرفت بحديثك معها ليلة الامس انك اعليت ووطدت واوصرت من حبال الصلات التى فاقت صلات الرحم
وان حان التعليق على بداية فقراتك الغالية التى اسميتها قطايف رمضان وكيف لا تعجبنا وهى منك وعنك نقرأها يا بديع الكلمات ويا حلو الفقرات
وفى انتظار المزيد والمزيد من قطايفك المحشوة بجوز رمضان ولوزه وما لذ وطاب من طعام الكلام وشراب البيان
وقبل ان اغادر هذه المدونة العالية الغالية اود ان اشكر الاستاذه مارو ابنة بحرى صاحبة مدونة ريتشارد عن سؤالها الحريص عن زملائها، ذات القلب الطروب
ولا يفوتنى ايضا ان اكرر العزاء للاخت الفاضلة ليلى الصباحى فى وفاة والدتها راجيا ان يكون هذا آخر الاحزان
والى لقاء قريب مع مدونات آل الفاروق
الفاروق

ابراهيم رزق يقول...

شرين سامى

هههههههههههههه
مش مشكلة بكرة نجيب كنافة و مش كل يوم ابتهالات

نورتينى
تحياتى

ابراهيم رزق يقول...

نيسآان

كل سنة و انتى طيبة
كل سنة و انتى نيسان
كل سنة و اولادك طيبين
كل سنة و زوجك طيب

بجد بجد نورتينى
تحياتى

ابراهيم رزق يقول...

Aya Mohamed

ههههههههههههههههه
سعيد انها عجبتك
زورينى يوميا تجدى ما يسركم
نورتينى

تحياتى

ابراهيم رزق يقول...

مصطفى سيف

ههههههههههههههههه
بس كده انتى تشرف و تنور
تعالى بس لقمة هنية تكفى مية

نورتنى
تحياتى

ابراهيم رزق يقول...

فاروق فهمى
مللك الزهرات
و ابن بطوطة المدونين

و الله زمان و بعودة
هلولك مع هلول شهر رمضان الكريم
بجد بجد وحشتنى جدااااااااااااااا

ياابراهيــــــــم رزق
اولا وقبل كل كلمة اننى اشكر كلمتك الهاتفية بسؤالك عنا عشية استقبالنا جميعا لهلال شهر كريم من شخصك الكريم والذى كان فى استقبالنا لها مسحا لكل حمل هم وشكوى غم علقت فى نفوسناكما علقت فى نفوس المصريين جميعا فى الايام الفائته مما لم تسمح فى رغبة لاقلامنا فى متابعة ما نكتب كما امتد اثرها على ما كنا حريصين عليه من واجب التعليق على ما يرسله احبائنا فى عالم التدوين
واود ان اشير الى ما استقر عليه رايئ ورأى نجلتى الفنانه كارولين التى تشرفت بحديثك معها ليلة الامس انك اعليت ووطدت واوصرت من حبال الصلات التى فاقت صلات الرحم
وان حان التعليق على بداية فقراتك الغالية التى اسميتها قطايف رمضان وكيف لا تعجبنا وهى منك وعنك نقرأها يا بديع الكلمات ويا حلو الفقرات
وفى انتظار المزيد والمزيد من قطايفك المحشوة بجوز رمضان ولوزه وما لذ وطاب من طعام الكلام وشراب البيان

بس خلاص خلص الكلام و عاجز عن التعليق امام جميل كلماتك

تحياتى