الثلاثاء، 16 يوليو 2013

قطايف 7

طلبت اية محمد ان اكتب عن الف ليلة و ليلة
لذا اهديها هذا البوست
ارجو ان تنال اعجابكم

حكايتي مع " ألف ليلة و ليلة "تبدء من طفولتى قبل السحور بقليل كان الراديو يذيع الف ليلة و ليلة ارتبط اللحن باذنى رغم عدم معرفتى بما يدور داخل المسلسل و قصة الف ليلة  هي قصة المصادفة التي تنقلب إلى واقع ، فقد أهدى الأستاذ " برانق " و زميل له كتاب " ألف ليلة و ليلة "  ، إلى مدير الإذاعة في الخمسينات و ما كاد يقرأها حتى خطر بباله أن يجعل منها برنامجاً إذاعياً ، و وقع اختياره على الشاعر الكبير طاهر ابو فاشا و طاهر ابو فاشا لمن لا يعرفه شاعر كبير جدا و هو مؤلف اغانى فيلم رابعة العدوية مثل الرضا و النور و حانة الاقدار و احبك حبين .و قد اختلف مع مخرج ألف ليلة و ليلة و صديقه محمد محمود شعبان حول نهاية الحلقات فقد كانت نهايتها عبارة عن موسيقى تقول : جونج ، و لكنه ظل يكتب الحلقات حتى الفجر و قد أذن الديك ففكر ان يكون صياح الديك هو ختام الحلقات  رغم أن بابا شارو تظاهر بتردده في الموافقة إلا أنه فاجأه بتنفيذها ، و أستكمل كتابة الحلقات ، و كان يتقاضى عن الحلقة خمسة جنيهات ، و كتبوا معه عقداً بخمس عشرة حلقة بخمسة و سبعين جنيهاً ، و يقول كنت راضياً و سعيداً و قريراً بل كنت أرى أنهم مبذرون فكيف يدفعون لي هذه المبالغ الطائلة .
و بعد إذاعة الخمس عشرة حلقة تهافتت على الإذاعة ، التليفونات و الخطابات يطلبون المزيد من ألف ليلة و ليلة فزيد العقد من خمس عشرة حلقة إلى ثلاثين و استمر النجاح و يقول طاهر ابو فاشا  شدَّت " ألف ليلة و ليلة " الجماهير أكثر حتى أنني بعد انتهاء كل حلقة كنت أنظر من الشباك فإذا بي أسمع الناس في البيوت و المقاهي يقولون مغنين : ألف ليلة و ليلة يعني " حاجة لها العجب " فكان يرضيني و يشعرني بالزهو ، و ظللت في كتابة المزيد من الحلقات حتى ثمانمائة حلقة حتى ارتفع أجري خلالها من خمسة جنيهات إلى عشرة جنيهات . ورغم ان الذى كتب الف ليلة وليلة التلفزيونية الكاتب الكبير احمد بهجت الا انه يبقى لى الف ليلة و ليلة الاذاعة البريق و الاصل و الذكريات


حكاية الملك لقمان
بطولة زوزو نبيل
عبد الرحيم الزرقانى

ما اسم هذا الممثل

حل فزورة امس
دينا ممدوح
اية محمد
الحل هو فهمى امان

هناك 13 تعليقًا:

Bent Men ElZman Da !! يقول...

الف ليله وليله دي احساس خاص جدا
بيتهيألي مهما اتقدمت علي مر السنين هيفضل صوت زوزو نبيل بيرن في ودان كل واحد فينا مع الموسيقي المميزة جداً لألف ليله وليله

رائعه من روائع الزمن الجميل حقيقي

الفزورة
زكي إبراهيم

aya mohamed يقول...

ميرسى جدا جدااا على البوست
ربنا يخليك ليا يا خالو :)
انا بحب الاميرة وردشان
وصوت زوزو نبيل الجاد جدا على عكس الدلال المبالغ فيه من شهرزاد فى التليفزيون
بس لما شريهان قدمت الف ليلة وليلة فى التليفزيون فى حكاية حليمة و فطيمة و كريمة كانت شهزراد هى زوزو نبيل كشخصية كارتونية
بعد كدا بقت الف ليلة وليلة دفيليه يومى لشهرزاد وكله مستنى يشوف فستان شهرزاد شكله ايه هههههههههه
لحد ما اختفى المسلسل بسبب التكلفة الانتاجية العالية
امممم طولت جدا بس مستمتعة جدا بقطايف النهاردة بقى ^___^
الفزورة كمان هرغى فيها شوية
ابراهيم زكى كان ظابط وبعدين بقى ممثل وليه بنت ممثلة بردو اسمها هدى
عملت دور جلبهار هانم فى سيدتى الجميلة

Unknown يقول...

ألف ليلة و ليلة مرتبطه عندي برمضان
تقريبا مبدأتش أسمع الراديو غير من 10سنين يعني ماعنديش ذكريات قديمه له
طبعا فوازيرك استحااااله هعرف أحلها :)

aya mohamed يقول...

انا كنت عملت كومنت بليل موصلش ؟

ابراهيم رزق يقول...

Bent Men ElZman Da

فعلا يا دينا ليها احساس خاص
و ختفضل ليها احساي خاص

حل الفزورة صحيح

تحياتى

ابراهيم رزق يقول...

Bent Men ElZman Da

معلش التعليق لم اشاهده وذهب مباشرة الى غير المرغوب فيه و احضرته
العفو يا ايه

ايه يا بنتى المعلومات دى
ده انتى بقى تيجى تكتبى القطايف و انا اقعد فى البيت
هههههههههههههههه

حل الفزورة صح
و معلوماتك صح
هدى زكى احتمال اجيبها فى فزورة
و هى اشتهرت فى برنامج تلفزيونى قديم اسمه عادات و تقاليد باسم الهم التقيل و هى ام الفنانة المعتزلة تحية حافظ
ايه يا بنتى المعلومات دى ده انا اقعد معاكى واستفيد
تحباتى

ابراهيم رزق يقول...

شيرين سامي

الراديو له مذاق جميل
و فعلا الف ليلة و ليلة مرتبطة برمضان

ركزى و انتى تحلى الفزورة
اية و دينا شاغلين مناشير فى الحل
عقدونى خلاص
بس انا حاسس انهم بيغشوا غش جماعى
هههههههههههههههههه

تحياتى

أمـانـى عـادل يقول...

اكيد طبعا كلنا فاكرين ألف ليلة وليلة
ومدى ارتباطها برمضان
سواء كانت فى الراديو أو التليفزيون.

على فكرة..انا اتبع هذه القطايف يوميا
لكن للأسف مش عارفة احل ولا فزورة:(
وحرام اغش وانا صائمة:)

دمت طيباً استاذى الفاضل

فتــافيت (رحاب الخضري) يقول...

صوت زوزو نبيل.. وصوت الموسيقى بتاعة ألف ليلة وليلة... بيخلوني ابتم بمجرد ما اسمهعم....

دايما الحاجات اللي بترتبط معانا بالمضاي
بتكون لها سحر خالص.... سحر ممتع
ما يعرفهوش صخب الحاضر!

ابراهيم رزق يقول...

امانى عادل

سعيد بمتابعتك للقطايف

و الغش فى الفوازير يجوز
هههههههههههههههههههههه

تحياتى

ابراهيم رزق يقول...

فتافيت

ازيك عاملة ايه
خطوة عزيزة يا مرحبا يا مرحبا

فعلا للماضى و الذكريات
سحر لا يقاوم

تحياتى

ابراهيم رزق يقول...


Aya Mohamed

معلش التعليق لم اشاهده وذهب مباشرة الى غير المرغوب فيه و احضرته
العفو يا ايه

ايه يا بنتى المعلومات دى
ده انتى بقى تيجى تكتبى القطايف و انا اقعد فى البيت
هههههههههههههههه

حل الفزورة صح
و معلوماتك صح
هدى زكى احتمال اجيبها فى فزورة
و هى اشتهرت فى برنامج تلفزيونى قديم اسمه عادات و تقاليد باسم الهم التقيل و هى ام الفنانة المعتزلة تحية حافظ
ايه يا بنتى المعلومات دى ده انا اقعد معاكى واستفيد
تحباتى

رحاب صالح يقول...

وتعليقي رااااااااااااح