الاثنين، 23 مايو 2011

اعلاتات مبوبة احزاب للبيع

            شركة المقاولات المصرية لانشاء الاحزاب

تعلن الشركة عن توافر مجموعة من الاحزاب بجميع المستويات
  (احزاب سوبر لوكس . احزاب مميزة . احزاب عادية)
          
الاحزاب اللوكس تتضمن
مقارات فيلات مزودة بحمام سباحة و جاكوزى  مع هيلثى كلوب و قاعة اجتماعات مكيفة مزودة بقسم للترجمة الفورية و روستران فاخر مزود بكافة الماكولات الفرنسية و الايطالية و الصينية و تلفريك يتنقل بك على ملاعب الجولف
مقرات بالاسكندرية و الساحل الشمالى صيفا و الاقصر و اسوان  شتاء 
فيو مناظر طبيعية و بحيرات صناعية
اعضاء مؤسسين VIP


الاحزاب المميزة
تتضمن شقق مجهزة مزودة باجهزة تكييف و مفروشة بمكاتب حديثة
دوبلكس ارضيات رخام مزودة بحجرة استراحة لزوم نوم السيد رئيس الحزب
حمامات فاخرة جميع المقاسات حريمى و رجالى و اطفال 
شاشات تلفزيونية بلازما 42 بوصة

احزاب عادية تتضمن
ثلاث غرف و صالة
ارضيات سيراميك
حمام لوكس مزود بقاعدة تواليت و شطاف
تليفون مشترك مع الكشك الذى على ناصية الشارع

كما تعلن الشركة عن توافر برامج مستوردة من كافة انحاء العالم
برامج (امريكية - ايرنية - تركية)
كما توجد برامج وارد الصين باسعار مخفضة

عرض الكومبو
الحزب + المقر + البرنامج + بالاضافة الى اختياراتك من الاعضاء المؤسسين بتخفيض 25 %

بادر بالحجز لتحصل على الاسماء المميزة للاحزاب

                       ملحوظة هامة
جميع المبانى مزودة باجهزة انذار الحريق و الخامات المصنعة ضد الحرق 

ملحوظة اخرى
هذه العروض لا تشمل مرشح رئيس جمهورية للحزب و فى حالة الرغبة باتفاق خاص    






هناك 39 تعليقًا:

دعاء العطار يقول...

هههههههههههه

هى دى الأحزاب ولا بلاش

كده أه ممكن أفكر انى أنضم لحزب

أحجز فى الاحزاب اللوكس طبعاً والسعر هنتفق فيه بعدين D: D:

أم هريرة (lolocat) يقول...

السلام عليكم

تعلن الشركة عن توافر مجموعة من الاحزاب بجميع المستويات

انت حالة خاصة جدا من المدونين هههههه
مش ممكن كمية السخرية الهادفه هنا :)

حقيقى اصبحت انتظر اعلاناتك هذه

ولا اجد اى تعليق يليق بها

سامحنى فيكفينى الاستمتاع بها :)

فى انتظار جديدك من الاعلانات

تحياتى لك
دمت بخفة ظل

محمد الجرايحى يقول...

والأسعار أخبارها إيه ؟
والدفع بالتقسيط ولا كاش.....
واقع مضحك ...ومؤلم
أحييك ا/ ابراهيم
على قدرتك فى تحويل الواقع المخزى إلى طرفة مبكية ومضحكة فى نفس الوقت .....

faroukfahmy58 يقول...

اخى ابراهيم رزق
للاسف انا لم اقرأ مدونتك وكان همى الاول ان اشكرك على خالص عزاءك للشهيدة المرحومة المذيعة اللامعة صفية صلاح الدين زوجة اخى الدكتورعماد فاروق فهمى الاستاذ بكلية الزراعة جامعة اسيوط بنت باب الشعرية التى اتشرف بانى تربيت بين احضانها وانا الى الآن لاانسى طفولتها وقد تربت وتزاملت مع ابنتى الكبرى الدكتورة جيهان وكانت كارولين لازالت ترضع من ثدى امها وهبه تلعب فى تراب حارة درب المحكمة بباب الشعرية بالقرب من جامع العدوى شالله ياعدوى، وكان لاستشهادها شرف كبير لاسرتى وكما قلت يااخى فقد افردت لها اللامعة منى الشاذلى برنامج عزاءلها وفاءا لصداقتها وزمالتها كماذكرت فى ردك على تعليقى وكانت اقرب الاقربين الى قلبها كما استضافت اخى عماد واولادها معلش انا مش قادر اركز فى كلامى ولا سياقه متلغبط ياابراهيم
والحقيقة ان وجودها فى التليفزيون يرجع الفضل فيه الى الله والى المرحوم احمد سمير زوج المذيعة سهير المذيع الذى لن يعوضه التليفزيون
اقوللك على حاجة غريبة لازال اخى يحتفظ بموبايلها فى جيبة ويشحنه يوميا وكلما اشتاق اليها يدوس على رنته اخى تاه عندما تاهت عن الوجود ولم ترجع
وللاستفاضة اخى ولو انك ملم اكثر منى عن اسرتى يمكن الرجوع الى صفحة المرحومة صفية واخى فى النت
ارجع اليك اخى اخى بحق انا مبهور بك ابهارا لدرحة ان غير مستقر على كرسيا وانا اسطر لك هذه السطورفانت نعم المسجل الى شهداء الواجب ومحبى مصر وكيف تستأذن منا فى امر لنا فيه التشريف والاجلال فى تسجيله وانت احق به منا
وسوف اكتب واكتب انا ايضا مشاركة معك فى هذا الامر الاشهم والسامى سمو نفسك الوطنية الفريدةوسوف اعلق عاى مقالك الاخير ولكن اعذر سرعتى فى الرد على عزاءك وجمايلك التى لاتحصى ولا تعد والسلام عليك ورحمته ا

faroukfahmy58 يقول...

اخى ابرهيم لازلت عند مدونتك مش قادر اتركهاوتهت فى طريق عودتى ، لاطلب منك ان تدعو لجلال الشرقاوى شيخ مخرجى مصر حيث تعرض لازمة قلبيه كفاية اللى شافه مع محافظ القاهرة السابق اللى مش وزير والعايق المتضايق حبيب مامته فاروق حسنى فى منازعاتهم معه حول مسرح الفن بشارع رمسيس بجوار معهد الموسيقى العربية ، الذى انشأه وكبره بعرقه الفنى وعمره الطويل فى خدمة الفن وابناء الفن ولى معك حديث طويل عن الفن واهل الفن ربنا ينجيه منها كفاية علينا قوى رحيل استاذ اساتذة الفن سعد اردش وعلامة الفن العالمى يوسف شاهين ...آه منك يادنيا!!!!!!!! فيها فنائنا واللى غيظنى اكتر وفرسنى ان اللى بيروح لا بيرجع ولا يقول ايه اللى حصلله رحمة على امواتنا والعمر المديد لاحبابنا

faroukfahmy58 يقول...

ارجع اليك للمرة الثالثة لرغبتى ان اكون على صلة هاتفية بك ولااطلب منك ارقام ولا حاجه لحساسية الطلب واللى بيحب واحد هيوصلله بس هجيبك هجيبك يا ابرهيم كما وصلت لمحمد ابو داوودالشخصية البريئة براءة الطفولة وفقه الله فى تجارته ويخللى اولاده

مصطفى سيف يقول...

بصراحة كل اتنين دلوقت بيعملولهم حزب
التعددية حلوة
بس المفروض اهداف الحزب نفسه ومبادئه
وعلشان الاحزاب تبقى قوية المفروض يجتمعوا مع بعض في عدد اقل علشان تبقى قوى قوية قدام اي غزو فضائي من فلول الحزب الوطني
لكن التفرق والتشتت والعدد الكبير من الاحزاب ممكن في الانتخابات نلاقي لا قدر الله الفلول بقوا اغلبية
ربنا يستر
كالعادة اسلوبك الساخر مبهر
تحياتي

zizi يقول...

يعني دلوقتي اعمل فيك ايه يا ابراهيم انا قلت افوت اشوف عامل ايه النهاردة عشان طول النهارمش فاضية..

ابص الاقيك نازل كالعادةبقنبلة الموسم ..وايقنت انك النهاردةمش شارب مية ساقعة لأدانتَ شارب عصير قصب من الراجل اللي على الناصية اللي قلتلك ماتشربش من عنده ...كده برضه اخلاقك باظت يا ابراهيم على كبر ..وانا حاسة المرة الجاية حاتقولها بصراحة وتفضحنا ..عارف حاتقول ايه:اناجدع .ههههههههههههههههه
اقولك على حاجة تانية انا حفيدي بايت عندي النهارده ..وهو قاعد جنبي لقاني فطسانة من الضحكفبيسألني ايه اللي ضحكك اوي كده ففقعدت احكيله وهو
فطسان من الضحك وخصوصاً على التواليت اللي بالقاعدة والشطاف

والأجمل انه خد مني ورقة وكتب الآتي :صالون بالشطاف-تواليت من غير باب أو جدران ..ياللا ياعم

فيه ملاحظة يا ابراهيم انت ليه مابتعلقش على تعليقي باللي انت شايفه اوعى تكون بتتعامل عل اساس القانون اللي بيعاملوا بيه ماما سوزان وبتكسب فيّ ثواب ..ما قلنا ميت مرة ان احنا هنا زي يوم القيامة ..
كلنا عبيد الله لاهي بالسن ولا بالأقدمية ..يعني قول رأيك بالفم المليان ولايهمك :قول كلامِك(يعني كلامي) كله جميل وايه العظمة دي والرقة والعذوبة اللي بتنقط من كل كلمة بتكتبيها..

ولك عليّ ياسيدي حاتقبّل كل كلامك بصدر رحب وان فتحت بقي والا نبست ببنت شفة يبقى لك عندي حق عرب ...لالالا..انا في الحاجات دي VERY EASY ..واحب قوي الديموقراطية في ابداء الرأي

تحياتي

ستيتة حسب الله الحمش يقول...

ههههههههههههههههههههه
مع اني مفروض ابقى ناصحة وألحق لي كرسي في الحزب ابو جاكوزي
بس ياأخي الأهبل لا يتغير
عبلة الهابلة تكره الأحزاب
وترفض ان يملي عليها بني آدم ما يسمى بالإلتزام الحزبي
محلاها عيشة الحرية
بس طالع من عيني الهيلث كلوب:)
تحياتي أخي العزيز

faroukfahmy58 يقول...

هذه هى زيارتى الرابعة بعد ما روحت من عندك امبارح وكنت منفعل بس نمت برضه ياابرهيم انا من عادتى انام بدرى واذا اتأخرت عن نومى ساعة واحدة الاقى سريرى يقلبنى على جنبى شمال ويمين ويقوللى كنت فين ياخلبوص وافضل اصالحه واحايل فيه الى ان يهدأ واهدأ معه وينام وانام
انا خلاص هقفل المدونه بتاعتى ولابد عندك او عند اخى محمد ابو داوود مع انى بكتب موضوع تحليلى حى عن واقع ارتفاع نسبة الاناث عن الرجال التى وصلت الى الضعف فى مصر واثرها على الزيجات

ارجع الى الاعلانات المبوبه
الاعلانات دى يا ابرهيم ناقصها حاجات كتيره ، لم تشر الى رسم الاشتراك فى الحزب هل هندفع فلوس والا هناخد فلوس ومن هو المؤسس وصحيفته الجنائية هل هو حرامى ارح وقديم يعتمد عليه والا هوه مبتدئ ، ومستجد ويخيينا معاه والمقرات هل هى مضمونة والا على حساب الخواجه خضرة صاخب المخل اللى ناهبها من المحروسة مصر السايبه واللى ملهاش صاحب ، وما هى مدة الاشتراك والضمان ، هل المدة محدده وبعدها العضو يدخل السجن ام مفتوحة وينفتح العضو دماغه بعد دخولها ، وعن الخدمة والرعاية الخاصة مانوع الخدم من الجنس اللطيف اللى يسر النفس ام المريض اللى ..........
وعلاقة المؤسس بريس الليلة السوده هل علاقة هات وخد وشيلنى واشيلك والا فيها لاخفيها
وانا منتظر الرد عشان اجهز سشنطة سفر اللى يروح مايرجعشى وأجيب مراتى وعيالى ولك قبلاتى ياابراهيم ياخويا

كريمة سندي يقول...

عايزة نوعية الاتفاق الخاص لأني حابة اترشح حتى لو ماكنتش مصرية يمكن تزيد الطين بله

وجع البنفسج يقول...

الله يبعد عنا شر الاحزاب كلها ..

كنت هنا وحبيت اترك بصمة ..

دمت بخير..

Ramy يقول...

جميع المبانى مزودة باجهزة انذار الحريق و الخامات المصنعة ضد الحرق


كده هتجيلك عروض كتير للشراء (:

هم يبكى و هم يضحك (:

شيرين سامي يقول...

هههههههه
أنا كمان مبحبش الأحزاب بس نقول إيه شر لابد منه و بصراحه الحكاية ظاطت أوي و بقى كل فاضي يعمل حزب أو يشترك فيه...بس الاعلانات تُحفه كالعاده أسلوب مميز جداً.
تحياتي أستاذي العزيز

ريــــمــــاس يقول...

http://wwwdodo25-dodoo.blogspot.com/2011/05/blog-post_24.html

صباح الغاردينيا استاذ ابراهيم
بعد اذنك دا رابط مدونة دعاء
النهردة عيد ميلادها ويارب تنورنا هنا
عشان نكون حوليها في اليوم الجميل ده
ويارب ايامك اعياد
؛؛
؛
لروحك عبق الغاردينيا
reemaas

ريبال بيهس يقول...

صباح الورد ابراهيم

بالفعل شر البلية ما يضحك

أصبحت الأحزاب مناظر وفئات

بدل أن تكون أهداف وتنفيذ

أعمال تخدم البلد ....

للأسف سنشهد في مصر تعددية

حزبية مع نجاح الثورة ولكن

هل ستنجح الأحزاب أم سنشهد إغلاق

لغالبيتها بسبب فشلهم لعدم تبنيهم

سياسة حزبية حقيقية ؟

أسلوبك ساخر وجميل يحكي الواقع

المؤلم ببسمة أمل ..

تحياتي ابراهيم وعذراً على تأخري

بسبب العمل

Carmen يقول...

:‏)‏)) جامدة

Tears يقول...

حلووووة الاحزاب دى و مستنيين الائتلافات :)

ابراهيم رزق يقول...

دعاء العطار

ههههههه
تحت امرك يا فندم اعتبريه اتحجز لوكس اللوكس

نورتينى
خالص تحياتى

ابراهيم رزق يقول...

امى هريرة

تعليقك اسعدنى جدا جدا

بأذن الله الجديد قادم

يكفينى و يشرفن متابعتك فقط

نورتينى
خالص تحياتى

ابراهيم رزق يقول...

محمد الجرايحى
استاذى العزيز

بالنسب للسوبر لوكس الدفع كاش لحسن يهربوا اما العادية فطبعا بالتقسيط

سعيد جدا بشهادتك الغالية

دايما منورنى
خالص تحياتى

ابراهيم رزق يقول...

فاروق فهمى
استاذى العزيز

لا شكر على واجب انا لم اعطيها حقها و لم اتكلم عن حاتم الجبلى
جميل جدا وفاء اخيك
سارد على كل تعليق من تعليقاتك التى زينت بها صدرى منفصلة

نورتنى
تحياتى و تقديرى

ابراهيم رزق يقول...

فاروق فهمى
استاذى العزيز

ربنا يشفى الفنان الفنان الفنان جلال الشرقاوى الذى طالما استمتعت للذهاب الى مسرحه و انا بالاعدادية و ثانوى مثل البغبغان و على الرصيف و دستو يا سيادنا و افرض و المسرحية المظلومة انقلاب لمحمد نوح و حبيبى جاهين و الانون و سيادته لاسامة عكاشة و غيرهم
لو يسعدنى الحظ مشاهدة مسرحيته الاخيرة عالم ارجوزات رغم ان لى صديقة دعتنى لها و لكن ظروفى لم تسمح
اتمنى ان يشفيه الله و ان تنتج الدولة مسرحيته رحلة الى الجنة و النار
شفاه الله و عفاه

تحياتى و تقديرى

ابراهيم رزق يقول...

فاروق فهمى
استاذى العزيز

يسعدنى و يشرفنى ان اكون على اتصال بك فقط ارسل لى رقم تليفونك و يسعدنى ان اتصل بك

تحياتى و تقديرى

ابراهيم رزق يقول...

مصطفى سيف

اخى العزيز

هذا هو ما اقصده بالظبط الناس مش عارفة يعنى ايه حزب و ايه مقومات الحزب و اصبح فى كل شارع حزب تحت التأسيس اخشى ان يصبح مصطلح رجل اعمال يتحول الى رئيس حزب و سبوبة

دائما مشرفنى
تحياتى و تقديرى

ابراهيم رزق يقول...

zizi

امى الغالية

انتى مش عارفة انا مع عصير القصب ادتها واحد فخفخينا ظبط الدماغ على الاخر

اما سعادتى الاخرى فهى سعادة حفيدك و سعيد انها اعجبته و بلغيه سلامى و ردى عليه

عزيزى العميل الجميل الصغير
عشان خاطر سيادتك هنضيف اوبشن صغير صالون بشطاف مزود بمراجيح و حصان

سلامى لك

اما عدم تعليقى فيرجع لاستمتاعى بتعليقاتك

يعنى بتسمعى فيروز او ام كلثوم و مسلطنة رد فعلك ايه غير السكوت و الاستماع و الانصات

فعلا يا ماما كلامك من القلب عشان كده بيوصل القلب

دايما منورانى
خالص تقديرى و احترامى و حبى

ابراهيم رزق يقول...

ستيتة حسب الله الحمش

ازيك يا دكتورة نورتينى بزيارتك الاولى و ارجو ان تتكرر

من غير اى التزام حزبى اعتبرى الهلثى كلوب تحت امرك

نورتينى و شرفتينى و ارجو استمرار التواصل

تحياتى و تقديرى

ابراهيم رزق يقول...

فاروق فهمى
استاذى العزيز

ملك الزهرات

طبعا يا استاذى فى احزاب هتدفع لها و احزاب هتاخد منها بس المواضيع دى خارج نطاق عمل الشركة

اما مؤسس الحزب فكل لبيب بالاشارة يفهم انت عارف سيادتك ان الحرامى الكبير بيروح فين لا مش السجن الحرامى الكبير بيروح الساحل الشمالى صيفا و الاقصر و اسوان شتاء
طبعا الهلثى كلوب الجنس اللطيف فيه من روسياو اوربا الشرقية و تايلاند طبعا سيادتك فاهم هههههه

دايما منورنى
تحياتى و تقديرى و احترامى

ابراهيم رزق يقول...

كريمة سندى

يشرفنى يا فندم وجودك و اسعار خاصة لكى بس ده مجرد ترشيح ههههههه

سعيد بتشريفك
نورتينى
خالص تحياتى

ابراهيم رزق يقول...

شجن البنفسج
اختى العزيزة

شرفتينى ببصمتك الجميلة

شرفتينى
خالص تحياتى

ابراهيم رزق يقول...

رامى

اخى العزيز

طبعا الكل خايف من الحرق هههههه

نورتنى
خالص تحياتى

ابراهيم رزق يقول...

شرين سامى
اختى العزيزة

اصبح فى كل شارع حزب و الكل مش فاهم

سعيد انها اعجبتك و متشكر لمجاملتك الغالية

نورتينى و شرفتينى
خالص تحياتى

ابراهيم رزق يقول...

ريماس

علم يا فندم

ارق تحية معطرة لكى بالياسمين و الفل

نورتينى
خالص تحياتى

ابراهيم رزق يقول...

ريبال بيهس

اخى الفاضل

متفق معك تماما و هذا ما كنت اقصده

يجب ان نفهم معنى الحزب و ان نعى تأثيره لكن العملية زادت

سعيد بزيارتك
نورتنى
خالص تحياتى

ابراهيم رزق يقول...

كارمن
اختى الرقيقة

متشكر لمجاملتك الجميلة
نورتينى
تحياتى

ابراهيم رزق يقول...

Tears

العزيزة تيرز

قريبا الائتلافات انتظرونا

نورتينى بزيارتك
تحياتى

zizi يقول...

لو سمحت يا إبراهيم ..من فضلك انت ومتابعينك الكرام حد بس يقوللي اعمل ايه ..انا في مشكلة جامدة كل ماآجي ارد على التعليقات مايعلقش معايا حسابي في جوجل وتظهر صفحة بلوجر كيف تنشيء حساباً في جوجل وبعدين يتمسح الرد وهكذا فأعمل ايه والنبي دلوني

زينة زيدان يقول...

أخي ابراهيم

احزاب احزاب في كل بس هالمرة الاحزاب
مقدمة شغلات مغرية بس ما وضحت طريقة الدفع ومين غلي حيدفع,...


مررت هنا

تحيتي

سكن الليل يقول...

هههههههههه
واللي مايشتري يتفرج