الاثنين، 16 مايو 2011

الدعامة لا تزال فى جيبى

نحن شعب طيب و نالف الاشياء كل الافلام العربى القديمة كانت تنتهى البطل يتزوج البطلة و قبلة او فرح فى نهاية الفيلم و مع ذلك نشاهد الفيلم و لا نمله اسماعيل ياسين مثل عشرات الافلام بداية من اسماعيل ياسين فى مستشفى المجانين مرورا بالطيران الى الجيش حتى اسماعيل ياسين فى القمر و كلها نفس الحركات و نفس المشاهد و مع ذلك نضحك و مازلنا نشاهد هذه الافلام حتى هذه الايام نجح محمد سعد فى اللمبى ثم تبعه باللمبى 2 ثم وصل الى اللمبى 8 جيجا و سنصل معه الى اللمبى 1000 جيجا دون ملل حتى المحروس تامر شعر الصدر مطرب الجيل ابو صوت حنين مثل عمر و سلمى 1 و عمر و سلمى 2 و فى الطريق عمر و سلمى 3 الى ان نصل الى 100 اذا نحن شعب يألف الاشياء و لا يمل و لا يتعلم من الماضى
الرئيس المخلوع صدر حكم بحبسه خمسة عشر يوما على ذمة التحقيق و حينها الدنيا انقلبت راسا على عقب الرئيس الذى كان منذ ايام يتحدث فى قناة العربية و يهدد و يتوعد الرعاع الذين يهاجمونه اصبح مريض و لا يستطيع نقله الى القاهرة بل ان المستشفى العالمى فى القاهرة بجلالة قدره نقرا يوميا انه يتم تجهيزه لاستقباله و الى الان لم يتم تجهيزه و هو حتى الان مقيم فى شرم الشيخ لا اعلم على حساب من و اطباء مسافرة و اطباء تعود و الفيلم مستمر بل ان الفيلم حدث به تطويل و تم اضافة المادة 2011 من قانون العقوبات التى تنص على ارحموا عزيز قوم ذل و صاحب اول طلعة جوية مع ان فى عهده تم حبس قائده و قائد الاركان العسكرية فى حرب اكتوبر البطل المرحوم الفريق سعد الدين الشاذلى و لم نسمع ان احدا ينادى بتطبيق هذه المادة بل ان من كان يجروء و يساله ان يعفو عنه كان يقول انه لا يتدخل فى سلطات النيابة و احكام القضاء هذا هو التصريح الشهير الذى يفتخر به فى عهده

نأتى الى ستو سوزان بمجرد ان سمعت بخبر حبسها امسكت بقلبها نفس الفيلم السابق اطباء يذهبون و اطباء ياتون و تقرير عن قياس الضغط للهانم و تقرير عن وجود سكر فى البول للهانم طبعا بول الهانم يجب ان يكون زى العسل طبعا انا لا اشكك فى التقارير الطبية و لكنى اتذكر تحقيق صحفى قامت به صديقة صحفية فى سجن القناطر نسبة عالية من المسجونات هناك هم من كبار السن تركوا اولادهم و احفادهم و الجريمة هى شيكات بدون رصيد و ايصالات امانة بعضهم يقضى سنيين عديدة من اجل بوتاجاز اشترته بالتقسيط لكى تستر ابنتها و تزوجها و عجزت عن سداد القسط و بعضهم اشترى بالقسط و باعه اقل من سعره لكى تاكل لم نسمع من يطالب برحمة تلك النساء مع ان المسئول الاول و الاخير هو الرئيس المخلوع و عصابته الذى نهب البلاد و تركهم يعانون شظف العيش و الم الجوع

خلاصة القول يجب الانتهاء من هذا الفيلم الهابط المكرر بسرعة قبل ان يطالب احدهم باضافة المادة 2011 مكرر التى تنص على
ارحموها دى زى امكم

     

هناك 40 تعليقًا:

Ramy يقول...

الواحد تعب يا أستاذ أبراهيم

من كتر الكلام و من كتر ما قلنا و من كتر ما سمعونا

مش عارف هتنتهى على ايه

على فكرة كلام مش أستسلام أكتر منه أرهاق

ريــــمــــاس يقول...

مساء الغاردينيا استاذ ابراهيم
وبشكرك من قلبي على دعوتك ليا لزيارة مصر بجد انا فاكراها زي الحلم لما كنت بسافر وانا صغيرةوالحمدالله عندي صور كتير لذكرياتي هناك اما دلوقتي حستنى اما اجوز يعني المسكين الي حجوزه واجننه حطلب شهر العسل في مصر هههههههه
وماتنساش توصل سلامي لسالينار وزياد ربنا يخليهم ليك
؛؛
؛

اما موضوعك
عجبني جداَ إحساسك الجميل وانه بلاش نضعف ونستسلم ويكون لكل حاجة حجة ماهو زمان لارحم ولا عمل بلي يقوله بس عارف ماما لما تشوف الاخبار بتحزن جداَ على حسني مش عشانه هو انما بتقول بعفويتها معقولة دي اخرت حاكم يبقى يتحاكم :)
عشان كدا لما قريت تحليليك عن الست سوزان افتكرت مامتي حتقول ايه ؟
انا حديها مدونتك تقرأ موضوعك ده ايه رايك ؟ :)
؛؛
؛
لروحك عبق الغاردينيا
reemaas

أم يقول...

والله معاك حق تحياتي

كريمة سندي يقول...

ما أكثر الأفلام الهابطة والمكررة ذهقنا منها خلاص

فاتيما يقول...

أعصابك يا ابراهيم

يا ابو العيال اخواتك ف التدوين عاوزينك ...
هدى نفسك

والنهاردة قريت مقالة بنفس المعنى
-----------------------
http://www.youm7.com/News.asp?NewsID=412809
-----------------------
اقراها عشان تعرف انك
لست وحدك يا عزيزى اللى بتنادى

بص م الآخر

انا بنظرة متفحصة ع الكام شهر اللى فاتوا دول أقدر بمنتهى الإطمئنان اقولك ان الغباء فى هذه الأيام دتحديداً بيبقى نتيجته فورية
يعنى الغلطة م اللى ماسكينها
بفورة
وتاكد ان أى حركات بلفلفات
بتنكشف علطول
عشان احنا قاعدينلهم اصلا
وعينا عليهم مفنجلة وسع كدا

طب بس يدلعوها
ويفكروا يخرجوها
او يتسامحوا ف حقوق الناس
وشوف الميدان يبقى شكله عامل ازاى
وشوف الرد هيكون بأى حسم

الناس خلاص يا ابراهيم
مش هتسكت تانى
ولا تسيب حقها
يتبقى بس نقولهم ونشرحلهم
ان الحقوق لا تساهل فيها
مش عشانا احنا
عشان اللى جاى بكرة يحكمنا
وعشان عيالنا ..تعيش احسن مننا
لو احنا ملحقناش نعيش كويس
كفاية فرطنا ف اللى فات
وشوفنا الخساير رهيبة ازاى
مش هنفرط ف الحاضر واللى جاى


ثق ف الله اولا
وف الناس ثانياً
العقلاء والشرفاء والواعيين المصحصحين منهم تحديداً ...
وسيبها على الله وروق


خالص ودى يا ابو العيال
:)

آخر أيام الخريف يقول...

على فكرة من الناحية العلمية وفى السن ده وارد جداً شدة الانفعال تؤدى فعلاً لنوبة قلبية أو ما أشبه خصوصاً للمرأة لأن الهرمونات فى فترة ما قبل سن اليأس بتبقى حامياها ... و نفس الشىء ممكن لمبارك خصوصاً مع ما أشيع عن مرضه بالسرطان ... لكن يظل المبدأ إن ده لا يمنع أبداً حجزهم فى مستشفى السجن زى أى حد مسجون مريض . ده تمييز غير مقبول خصوصاً ودول جرائمهم مش أى جرائم .

موناليزا يقول...

سؤال وجيه فعلا على نفقة من هذا العلاج الفاخر؟؟

د/دودى يقول...

بدايه اعترف بانى ممن وقعن فى فخ التعاطف هاعمل ايه ببساطه على راى ام كلثوم "و لى بين الضلوع دم ولحم" يمكن احنا معشر الستات كده فمتخدتش على كلامنا كتير....

لكن اللى متاكده منه ان الطريقه اللى هتجيب لنا الفلوس باكبر قدر و اقصى سرعه ايا كانت هى الطريقه الافضل ...هما كل الاحتياطى 36 مليار صرفنا فى 3 شهور 8 مليار فاضل منه 28 مليار و استلفنا 12 مليار من البنك الدولى بفوائد...

مصطفى سيف يقول...

فعلا هي زي امنا المادة مكدبتش
بس زي امنا الغولة
استاذ ابراهيم انا عن نفسي اثق في القضاء واثق في رأي الاطباء الذين اظنهم شرفاء
ربما اكون غبيا لكنني ما دمت لا املك دليلا على تكذيبهم فتصديقهم واجب
اما ان كان هناك امرا معينا وان حالتهم الصحية جيدة فعندها يكون تقرير الاطباء بامر من المجلس العسكري
وهذا ليس وقت التشكيك فيهم
لأن اي طبيب سيرى ان حالة سوزان تستدعي بقائها في المستشفى وهي متمارضة فان المجلس العسكري سيكلف طبيبا اخر
حتى تتضح الصورة
تحياتي لاسلوبك الرائع وانا مثلك اتمنى ان اراهم في طرة والقناطر

Tears يقول...

المصيبة انهم بيكتبوا على قناة العربية دلوقتى ان مبارك ح يبث خطاب صوتى يعتذر فيه للشعب ليعفو عنه و اسرته

reemaas يقول...

يا استاذ ابراهيم انا واحدة من الناس مش فارق معايا على فكرة القبض عليه وعليها من عدمه وشايفه ان البلد فيها حاجات وبلاوى اهم كتير من فكرة ان كان ده فيلم ولا لاء

Carmen يقول...

المادة دي عملو عليها استفتاء ولا اتحطتت كده ^_^ والله الواحد تعب زهقنا من قولة امتي كل واحد ياخد جزاءه وشكلها كده هتكون في الاخرة مش في الدنيا

سواح في ملك الله- يقول...

لو متحاكموش زيهم زي اي مواطن
بسيط يبقي غليه العوض في العدالة

zizi يقول...

هي طبعاًالرؤية لأول وهلة بتخلينا

نتساءل ..اشمعنى ..ولحد امتى؟؟

لكن لو بصينا بوجه عام حا نلاقي إن

وجودهم في هذا الوضع فيه برضه من

الذل الكثير..ولو كان القفص من ذهب


فهو في النهاية قفص ..ويكفيهم الذل


والتجريس ..ولعل محاولة سوزان ثابت


لرد كل ما اكتسبته من كسب غير مشروع


هي محاولة يائسةلتخفيف الحكم ..


ولكن ستبقى الفضيحة والخزي ..


وسبحان المعز المذل ...وماذا كان


سيفرق مع مبارك لو اكتفى بأربع أو


خمس مدد..ولكنها هي إرادة الله الذي


يمهل ولا يهمل ..فقد اراد الله لهم ان

يخرجوا مكلبشين بالخزي...


بدلاً من أن يخرجوا مكللين بالزهو


الكاذب ...أليس في ذلك كله ما يجعلنا


نتغاضى ولو على مضض عما هم فيه الآن .


ولعلمك التحقيقات تجري معهم بكل ما

لدى المحقق -أياً كان- بكل مالديه من


قرف..لايقل عن قرف كل المصريين من


هؤلاء ..وليس في قوانينهم جدو مبارك


ولا ستو سوزان...وطالما العجل وقع ..


تفتكر حايحصل ايه بعد كده؟؟؟؟

أبو حسام الدين يقول...

كلامك منطقي أخي ابراهيم
الحق حق، وهو أولى أن يتبع.

وجع البنفسج يقول...

والله لو كان في اعتذاره للشعب فايدة ،، ولو انا مصرية راح اقبل اعتذاره بشرط انه يكفر عن خطاياه بأي طريقة مرضية وان يبعد عن البلد وتتوقف اعمال الفتنة الطائفية وترجع مصر اقوى من قبل .. ليش لأ ؟؟ طالما فيه مصلحة لمصر .. بعدين بصراحة انتم وقفتم نمو الثورات العربية ، كل رئيس خايف يسيب الحكم ونازل مذابح في شعبه علشان خايف يتنحى ويصير فيه زي اللي صار في مبارك .. محاكمة وخلافه .. خلاص بقى المسامح كبير ، خلي عجلة الثورة دايرة بهدوء .. بيكفي والله تعبنا .. في عندنا امور اهم من مبارك وسوزان .. الطريق لسه بأوله ..

faroukfahmy58 يقول...

حبيبى ابراهيم
انا خايف عليك ابراهيم حبيبى من الزهق بالنسبة لما يحدث لحسنى وسوزان
وتعالى نتكلم شويه لما اثرته عن الافلام القديمة والحديثة
وذلك فيما يخص اسماعيل ياسين ومحمد سعد
بالنسبه لمحمد سعد فهناك قهوة فى الهرم بجوار مسرح الزعيم يجلس فيها حفنه كبيرة من الفنانين المشهورين والمغمورين وكان من بينهم محمد سعد قبل ان يدخل عالم الشهرةوكان ينعى حظه من عدم التفات المخرين لخريجى معهد الفنون المسرحية مع انه لم يكمل دراسته فى ذاك المعهد الى ان ضحكت له الدنيا وضمته الى احضانها...
حظوظ وسعد يستحق ما وصل اليه لما يملكه من ادوات فنية ولياقة بدنية
ولكن الفن اخى ليس له كبير فقد مات اسماعيل ياسين وقد انفق كل ما يملك على مسرحه ومات فقيرا
والامر بالمثل للمرحوم الكسار الذى مات فى القصر العينى ولا يملك حتى نفقات العلاج
مش بصراحة الحكايات ديه احسن من حكايات جسنى وسوزان

re7ab.sale7 يقول...

انا واله دمي بيتحرق كل يوم اتكلم مع اي حد واتناقش معاه بنفس الموضوع
يقوللي ييا بنتي عفي الله عما سلف
والمسامح كريم
والعفو عند المقدرة
ومش عارف اية؟؟؟
والله العظيم دي مهزلة
اللي بيحصل من قبل الثورة واثناءها مهزلة
واللي حصل بعدها بقي مش مهزلة...لاء ده فيلم عبيط وكدبة صدقوها وعايزينا نصدقا
وللأسف الشديد ان كتير من الناس صدقوها

someone i don't know يقول...

تم إضافة المادة ،

واااحسرتاااه !

ابراهيم رزق يقول...

رامى

والله العظيم فعلا الواحد تعب

منورنى
خالص تحياتى

ابراهيم رزق يقول...

ريماس

طبعا لن ننتظر حتى الزواج يا ريت تشرفينى مع بابا و ماما

اما شهر العسل فبأذن الله يكون اسطورى
انا مش عارف انتى كتبتى اسم بنتى سالينار تقصدى و لا خطأ كيبودى بنتى اسمها ساليناز
سلامك وصل لساليناز و هى قاعدة جنبى دلوقتى
اما الموضوع فيشرفنى جدا جدا ان السيدة الفاضلة والدتك انها تقراه و تتابع مدونتى المتواضعة
اخيرا حاولى تقنعى بابا بزيارة مصر فى الصيف و لن تندموا
ارق تحياتى لكى و للعائلة

ابراهيم رزق يقول...

ام

كل التحية لكى و التقدير

نورتينى
خالص تحياتى

ابراهيم رزق يقول...

كريمة سندى

نعم معكى حق ما اكثر الافلام الهابطة

نورتينى
تحياتى

ابراهيم رزق يقول...

فاتيما
روح القلب الملائكية

كان نفسى يبقى الكلام كده لكن تم اخلاء سبيلها و جم على الجرح اللى مش ممكن نقول عليه حاجة القانون القانون

هاكتفى بردى هذا
سلامى الى جو و سلامى لكى
تحياتى يا ام يوسف

ابراهيم رزق يقول...

اخر ايام الخريف

اختى الغالية

انا ذكرت انى لا اشكك فى التقارير الطبية لكن المريض يتعالج مثله مثل الاخرين فى نفس المكان
اما المعلومة الطبية فمش جديدة عليكى يا متعددة المواهب

نورتينى و شرفتينى
خالص تقديرى و احترامى

ابراهيم رزق يقول...

موناليزا

سؤال وجيه
تفتكرى على حساب مين ؟؟؟؟؟

نورتينى و شرفتينى
خالص تحياتى

ابراهيم رزق يقول...

د دودى

متفقين فى موضوع الفلوس
طب نعمل ايه فى موضوع الدم و الشهداء

نورتينى
خالص تحياتى

ابراهيم رزق يقول...

مصطفى سيف

اخى العزيز

فعلا هى امنا الغولة

طبعا انا لا اكذب التقارير الطبية

لكن لو مريضة مكانها مستشفى السجن

منورنى دائما
خالص تحياتى

ابراهيم رزق يقول...

Tears
العزيزة تيرز


المشكلة انهم اخلوا سبيلها

خالص تحياتى
نورتينى

ابراهيم رزق يقول...

ٌreemaas

متفق معكى انه يوجد اشياء مهمة لكن دم الشهداء و الاموال المنهوبة يجب القصاص له و الا بنضع سابقة جديدة ستؤث على المستقبل

نورتينى
خالص تحياتى

ابراهيم رزق يقول...

كارمن

اختى الرقيقة

هذه المادة لم يستفتوا عليها و لكنهم طبقوها

نورتينى
تحياتى

ابراهيم رزق يقول...

سواح فى ملك الله

نعم اخى العزيز عليه العوض فى العدالة
نورتنى
خالص تحياتى

ابراهيم رزق يقول...

zizi

امى العزيزة

طبعا لا استطيع ان اتكلم او اضيف لكن لى ملاحظة بسيطة هل من قانون العقوبات ما ينص على الحكم على قاتل بالذل
الذل و الندم عواطف و مشاعر داخلية لا علاقة لها بالقصاص و هى عالبا تنتاب كل مجرم
موضوع النقاب و النوادى العسكرية طبعا انا عندى فكرة به و انا مع حقها فى الدخول لكن توفير موظفة فكرة صعبة لكن من الممكن عن طريق بطاقتها الشخصية و بطاقة الزوج او الاب او الاخ
دايما بتنورينى
تحياتى و حبى و تقديرى

ابراهيم رزق يقول...

ابو حسام الدين

اخى العزيز

نعم الحق احق ان يتبع

خالص تحياتى
نورتنى و شرفتنى

ابراهيم رزق يقول...

شجن البنفسج
اختى العزيزة

ابتسمت لتعليقك
اقبل اعتذاره لو غلط فى لكن كيف تقبلين اعتذار الدم و الامهات الثكلى و الاموال المنهوبة اليس و لكم فى القصاص حياة

اما موضوع الثورات العربية فهم متمسكون لانهم يحبون الكرسى و لو كانوا خائفون من مصير حسنى لهربوا الى الخارج مثل على زين العابدين
اما تمسكهم فبدافع شهوة الحكم
من يقتل شعبه لا عفو عنه

خالص تحياتى
نورتينى

ابراهيم رزق يقول...

فاروق فهمى
استاذى العزيز

للاسف هذا هو الواقع الذى نعيش به

و الله يا استاذى الحكايات هذه احلى لذا من موقع هذا ارشحك بديلا للمؤرخ غبدالله احمد عبدالله ميكى ماوس

اسعدتنى جدا بتعليقك و شرفتنى
دايما منورنى
خالص تحياتى

ابراهيم رزق يقول...

رحاب صالح

للاسف بعض الناس يصدق

للاسف بعض الناس يردد
وبعضهم لا يفهم

بعد الشر عنك من حرقة الدم

نورتينى و شرفتينى
خالص تحياتى

ابراهيم رزق يقول...

someone i don't know

نعم بكل الاسف تم اضافة المادة

تحياتى

zizi يقول...

بأدعوك انت وكل عشيرتك لتنورني في :
القلب الأخضراني لتحضروا معي عرس المعطف 15 [ب[..تحياتي

دعاء العطار يقول...

انا والله مفروووووووووووووسه زيك بالظبط

مااعرفشى ايه الاستهبال والاستخفاف بينا ده

وكأن القانون فيه ماده بتقبل الاعتذار

او له استثناءات

أنا بجد مش عارفه ليه مش عايزين يسيبوا مصر فى حالها مش كفايه اللى عملوه فيها

بجد والله فعلاً أفلام ممله وهابطه وبتتكرر كتير اوى

تحياتى لقلمك