الأحد، 29 مايو، 2011

اعلانات مبوبة ائتلافات حديثة

                       المركز العالمى للائتلافات
            اعرق المراكز المصرية لتسويق الائتلافات

يعلن  عن وصول عدد من الائتلافات وارد الخارج تمتاز بالاتى

1 سهلة الفك و التركيب

2خفيفة مما يمكن حملها و التنقل بها بين المحافظات

3 مزودة بمتحدث رسمى بثلاث لغات

4 مبرمجة ب 6 برامج
   سلفى - اخوانى - علمانى - ليبرالى - شعبى - العفو يا ريس

5 سهلة الغسل و الكى و ضد الحرق

6 تمتاز بسهولة الحل و التحول بسهولة الى البرنامج الثانى

عرض الكومبو
            الائتلاف + المتحدث الرسمى + اختيارتك من البرامج
                      تخفيض 25 % 
 بادر بالحجز لتحصل على الاسماء المميزة


   

هناك 19 تعليقًا:

لـــولا وزهـــراء يقول...

"
ابراهيم رزق يقول...
اعتذر اعتذر اعتذر على التاخير فى التعليق

جميلة هادئة رومانسية
جو اسطورى من الاحلام
شىء اخر عنما قرات الشعر تذكرت اغنية فيروز احنا و القمر جيران و لكن موسيقاها ايقاعها سريع لا تتناسب مع ايقاع الشعر
لكن توظيف الاغنية رائع رائع رائع
اشكرك على تعاونك و على استجابتك الجميلة

تحياتى و تقديرى

29 مايو, 2011 12:52 ص
"

انا جاية ارد على حضرتك هنا ... اشكرك جداً جداً جداً على تشريفك وتعليقك ... انا كنت زعلانة ازاي البوست يبقى تقديمته لحضرتك وماما زيزي ومتجيش تشوفه!!! (: بس خلاص سماح ... نورت يا فندم
بالنسبة لاغنية فيروز معلهش بقى حاجة على قدي كدا (: والمرة الجاية تبقى افضل في الاعمال القادمة ان شاء الله
انا لسة بتعلم منكم


لولا

لـــولا وزهـــراء يقول...

"
يعلن عن وصول عدد من الائتلافات وارد الخارج تمتاز بالاتى

1 سهلة الفك و التركيب

2خفيفة مما يمكن حملها و التنقل بها بين المحافظات

3 مزودة بمتحدث رسمى بثلاث لغات

4 مبرمجة ب 6 برامج
سلفى - اخوانى - علمانى - ليبرالى - شعبى - العفو يا ريس

5 سهلة الغسل و الكى و ضد الحرق

6 تمتاز بسهولة الحل و التحول بسهولة الى البرنامج الثانى

عرض الكومبو
الائتلاف + المتحدث الرسمى + اختيارتك من البرامج
تخفيض 25 %
بادر بالحجز لتحصل على الاسماء المميزة


"

نضحك؟ ولا نعيط؟ احوالنا كانت تسر بعد الثورة دلوقتي صراعات صراعات صراعات
لكِ الله يامصر
لولا

ريبال بيهس يقول...

صباح العطر ابراهيم

بالفعل جميلة تلك الإئتلافات فهي

مفيدة وقت الأزمات والإضطرابات فقد

نجد فيها ملاذ مناسب إذا كنا من

أصحاب الهوى الغربي الذي لا مصلحة

فوق مصلحته ...

ابراهيم رائعة جداً إعلاناتك فهي

تحمل نقد لاذع بأسلوب ساخر وضعته

في قالب من الإبداع لم يسبقك عليه

أحد ...

تحياتي وإحترامي

مصطفى سيف يقول...

وهكذا صارت ثورتنا التي تجمع فيها الملايين الى مجموعة ائتلافات يفرقها الخلافات ويشتتها تخوين كل فريق للاخر
حفظ الله مصر
وربنا يستر
تحياتي

zizi يقول...

صباح الفل يا ابراهيم ..تصدق انت اللي فاضل لي ..البلوجر عندي بايظ ومش عارفة ارد على حبايبي ولا حتى اعلق عندهم وبالصدفة انت الوحيد اللي بلوجرك مازال يستقبل ..ربنا يديمه نعمة ويحفظه من الزوال ..

أجمل حاجة في اللي انت كاتبه انها تمتاز بسهولة الحل والتحول بسهولة الى البرنامج التاني ..منتهى الجمال في النقد اللذيذ ..تحياتي واعتذاراتي للجميع من منبرك ..

;كارولين فاروق يقول...

الأخ ابراهيم
سامحنى انا لازلت استخدم مدونة كارولين لضياع مدونتى ضمن المفقودين فى ميدان التحرير وارجو ان تعلن عن فقدها فى اعلاناتك المبوبة ومن يجدها له مكافأة كبيرة قدرها قبلة على الجبين من الفاروق ملك مصر والسودان رحمه الله ملك بحق وحقيقى انت عارف الفاروق ده كان عامل مطعم فى شارع الجيش قرب العتبه الخضراء للغلابة طول العام مش فى رمضان بس وغيه كتير من اعمال الخير عملهارحم الله الفاروق
بالنسبةلعدد الائتلافات الوارده من الخارج فهناك عدة اسلة هامة قبل ما نتورط فيها
ماهى اللغة التى تتكلم بها هل هى لغة الضاد او لغة الصاد من غير نقطة تصيب صاحبها بالشلل
هل تسمح للكلاب الوولف الاشتراك فيها لان عندى كلبى الخاص يريد الاشتراك وهو يجيد الهوهوة بصوت عالى ويزوم فى الهايفة والمليانة
ماهى الشارة المميزة لكل ائتلاف والمكان التى تعلق فيه من الامام ام من الخلف
بالنسبة لغسلها هل الغسيل بالمياه العادية ام من مياه المجارى
هل لها صيانة وخاصة صيانة العرض والجاه والمال
ما هو عمر المشترك هل تقبل الصبية والشباب والشيوخ والموتى الذين لهم حق الانتخاب
هل تقيل العوانس والارامل اللاتى امتلأت مصرنا بهم
اسئلة كثير وكثيرة تعجز هذه الصفحات عن حملها
اعلاناتك يا ابراهيم غير مكتملة ولا شافية عيب كده يا ابراهيم
من اخيك فاروق فهمى

ريــــمــــاس يقول...

صباحك غاردينيا ابراهيم
انتلافات حقاً مختلفة قد نحتاجها وقت الازمات ولازال قلم رائع مبدع ساخر بقالب مختلف مميز "
؛؛
؛
لروحك عبق الغاردينيا
كانت هنا
reemaas

Ramy يقول...

لو كانوا شافوا البوستات دى

أعلانات مبوبة

مكنش الأحزاب اتحرقت و لا ضاعت (:(:

أستاذ أبراهيم

كدة بتديهم أفكار مبتكرة (:(:

خلى بالك

زينة زيدان يقول...

أخي ابراهيم أحب الاسلوب التهكمي الساخر في نقد الواقع..
أشكر مرورك عبر مدونتي
وأشكر اهتمامك


تحيتي

افكار مبعثرة يقول...

تحياتي لك و لنقدك اللاذع بصورة مبتكرةساخرة غاية في الابداع
تقبل مروري :)

Tears يقول...

مازالت اشعر ان الامور تمثيلية و مش قادرة اتفاءل حتى بنجاح الجمعه الماضية

احنامكسوفين نقول ايوه عندنا اربعين مليون أمى و بيتم التدليس عليهم باسم الدين و ايوه عندنا اكتر من نصف الشعب تحت خط الفقر و بيتم استغلال ده و رشوتهم و ايوه اللى عمل الثورة مش اكتر من 18 مليون و ايوه العسكر اللى وقفوا يتفرجوا واحنا بنقتل تحالفوا مع التيار الدينى اللى جزء منه رفض المشاركة فى بداية الثورة و جزء منه كان بيحرم الخروج على الحاكم و ايوه مصر لو فضلنا ماشيين فى الطريق ده داخلة على مصير ايران و طالبان او السعودية فى افضل الاحوال و يبقى رجعنا للعصور ما قبل الوسطى

وجع البنفسج يقول...

سلسلة من الاعلانات المبوبة .. وجديدة والله الفكرة ، كل مرة بتتحفنا بالجديد والممتع .. بس عندي سؤال يعني شو مبوبة .. اصلي باسمعها وانا صغيرة وعمري ماعرفت شو يعني .. يرجى التوضيح لضعاف اللغة العربية !!

تحياتي .

Carmen يقول...

كم اعشق الاسلوب الساخر حينما يكون من قلمك
يسلم فكرك

شيرين سامي يقول...

أنا عايزه واحد إئتلاف بس يكون من غير أوبشنز عشان أنا هشكله براحتي من شباب الثوره النقي الطاهر هههههه
شر البلية ما يضحك...أهو إئتلاف ده بقى عامل بالظبط زي منظومه...كلمة مش عايزه أسمعها تاني أبداً.
تحياتي ليك و طبعاً حسك الساخر روعه

zizi يقول...

معلش ياابراهيم الظاهر انا والأستاذ فاروق -وما يستجد -حا نلجأعندك لجوء سياسي ..ومن فوق منبرك بأوجه عناية كل الأخوة والإخوات اللي علقوا عندي على بوست (السعادة ) واللي لسه ناويين يعلقوا انا حارد عليهم باسم القلب الأخضراني عشان يعرفوا اني انا ..لأن البلوجر عندي ما بيتعاملش مع حساب جوجل حالياًوباشكر كل الناس الحلوة ودعواتكم لي ان البلوجر ينضبط..

محمد الجرايحى يقول...

أخى الكريم : أ/ ابراهيم
إنه حديث ذو شجون .....
سعدنا بالثورة فى بدايتها .. وخشينا عليها بالأمس ، وأسبحنا نحزن عليها اليوم ....

كريمة سندي يقول...

جات في وقتها بجد نفسي أضحك من أول هههههههههههههههههههههههههههههه
مودتي

دعاء العطار يقول...

مبرمجة ب 6 برامج
سلفى - اخوانى - علمانى - ليبرالى - شعبى - العفو يا ريس

مش وحش انا نختلف ... لكن الوحش ان كل حد يبقى عايز يثبت انه الصح من غير مايبص لمصلحة بلده

لو فكروا فى مصر ... مكنش هيبقى شكلنا كده

دمت بكل خير (:

ابراهيم رزق يقول...

اخوانى الاعزاء

اشكركم جميعا على تعليقاتكم الجميلة و تشريفكم لمدونتى المتواضعة
شكرا
لولا و زهراء

ريبال بيهس

مصطفى سيف

zizi

استاذى فاروق فهمى

ريماس

رامى

زينة زيدان

افكار مبعثرة

Tears

وجع البنفسج

كارمن

شرين سامى

محمد الجرايحى

كريمة سندى

دعاء العطار

لكم منى كل الحب و التقدير