الثلاثاء، 10 مايو 2011

تعيشى يا بلدى

                               كلمات بلا معنى

نجيب جبرائيل يطالب بدولة مدنية و حقوق المواطنة ثم يطالب فى نهاية كلامه بكوتة للاقباط  حد يقله حاجة
الخوف ليس من السلفيين و لكن الخوف ممن يحركهم اعترض ايضا على استخدام كلمة سلفيين لاننا كلنا سلفيين و لكنه فكر وهابى نعرف كلنا مصدره
حد يقولى مايكل منير ده شغال ايه يفطر فى امريكا يرجع يتغدى فى مصر من اجل ان يتعشى فى امريكا و بعدين يفطر فى مصر من اين ينفق كما انه يفتقد الكياسة و الثقافة و مستفز و لا يظهر الا فى المصائب
لا اعرف سببا لعدم ظهور الاصوات المصرية القبطية المعتدلة مثل د ميلاد حنا و الدكتور الكبير شريف باشا و هانى عزيز و غيرهم هل من اجل الشو الاعلامى و السبق بالتصريحات المستفزة هل من اجل هذا المايكل
السلفيون موجودون فى مصر من العشرينات منذ تم انشاء الجمعية الشرعية و كان لهم دور و عندما تركوا الدعوة و اتجهوا لبزينس المشروعات الخيرية فتحوا المجال للمتطرفين ارجو مراجعة بيزنس الاعمال الخيرية
                    
                     تعيشى يا بلدى

تعيشى يا بلدى يا بلدى تعيشى
تعيشى يا بلدى و زرعك اخضر و مندى
تعيشى يا بلدى و علمك مرفوع على يدى

تعيشى و اسمك فى الكون بيلالى
تعيشى و ماكنك شغال طوالى

ولدك و ناسك دهب يا بلدنا
رملك و طينك دهب يا بلدنا
عنبك و بلحك دهب يا بلدنا
قمرك و شمسك دهب يا بلدنا
عقلى و روحى و دمى فدا بلدنا
عرقى و فنى و علمى فدا بلدنا
جسمى وزرعى و قلمى فدا بلدنا
ده انتى ابويا و امى يا بلدنا

ياقلة العطشان يا بلدنا
يا ضلة الحران يا بلدنا
يا شمسة البردان يا بلدنا
يا جنة الانسان يا بلدنا
تعيشى يا بلدى يا بلدى تعيشى
                                  كلمات حسين السيد


يا مهبط الاديان يا بلدنا يا بلدنا




 
  

هناك 37 تعليقًا:

Ramy يقول...

الواحد تعب من الكلام

يا أستاذ ابراهيم

مصطفى سيف يقول...

حين يصمت العقل فأن اصوات المتطرفين تعلو
فجبرائيل يطالب بحماية اجنبية لهو مجنون حقا
وساويرس الذي يطالب بتسليح كل مسيحي انما يريدها حربا
انهم يثيرون الكراهية ويزيدون الجروح عمقا
يبحثون عن مصالح شخصية فوق جثث القتلى المسلمين والنصارى
فالنيران التي اطلقت في امبابة لم تفرق بين دماء مصري وآخر
فلتذهبوا للجحيم و دعونا نحيا في سلام عشناه منذ قرون
تحياتي لك اخي العزيز واشكرك

وجع البنفسج يقول...

المشكلة عندنا هو تشويه المصطلحات ،، يعني لما حد يسمي نفسه سلفي ويتصرف تصرفات عشوائية غوغائية لا تمت للسلف الصالح ، يكون في نوع من التجني على المسمى ..وهكذا .. وطني وليس به رائحة الوطنية .. الكلام كثير والواحد تعب عن جد .. على قولة الاخ رامي ..

اما بالنسبة للاخوة المسيحيين يبدو انهم مش راح يجيبوها البر .. ربنا يهدي يارب ويصلح الحال ..

ساسو يقول...

ايه الجمال دا
بجد انت عبقري
دام قلمك مبدع
ودمت بخير يا استاذي

Shaimaa يقول...

فلول النظام واسرائيل وأيادى داخلية وخارجية من مصلحتها ان مصر تحصل فيها فتنة وحرب أهلية هما اللى بيعملوا ده.. وعرفوا يختاروا صح .... اختاروا أضعف حتة فينا ألا وهى الدين ... سواء مسلمين أو مسيحين ... اطلع كدة وقول قالى تعالى وقال الرسول ... أو قول "يرشدنا الرب" وهتلاقى الناس نكست الرؤوس ورفعة الراية البيضاء من قبل حتى ما تكمل كلامك

دخلوا من أضعف منطقة فينا ... بس يارب نبقى واعيين ونفوق

الأخ مايكل ده بقه زبالة من زمان وهوه عميل للى يدفعله ... لا يعرف مسيحية ولا غيره هوه عميل اللى يدفع اللى هما الأمريكان طبعا

أم هريرة (lolocat) يقول...

تعليق رامى وبعده مصطفى يأكد ان مصر بخير رغم كيد الكائدين ومكر الماكرين

كلنا نعرف ان مصر مستهدفه لكن اعداءنا تقريبا ماعرفوا الى الان ان شعب مصر مش سهل هضم لحمه

فتنة وهتمر بسلام ان شاء الله لاننا فى النهاية بيجرى فى عروقنا نهر النيل كلنا مسلمين ومسيحيين

زى مافيه تعصب من كلا الطرفين فيه ايضا عقول مستنيرة من الطرفين

كل من هب ودب يرمى اللوم على المسلمين طب مايشوفوا الحقيقة فين والمهجر بيعملوا ايه وعايزين ايه من امريكا

لا كاشف لها الا الله
شوية عقل من الجميع على شوية صبر وهدوء هتمر المحنة بسلام


شكرا على حسن الاختيار لكلمات شاعرنا الجميل حسين السيد

تحياتى لك

كريمة سندي يقول...

المواضيع كلها مشربكة ببعضيها الله المستعان

د/دودى يقول...

تعيشى يا بلدى من احلى الاغنيات القريبه لقلبى يمكن لان صوت المجموعه فيها ممتاز حرفيا ...بتتدينى احساس مدد بالظبط (واضح ان انا وانت عندنا اكتئاب بنحاول نكافحه)

الاصوات المسيحيه المعتدله مختفيه لان الاصوات المسلمه المعتدله برضه مخفيه ...احمد كمال ابو المجد مستحى , فهمى هويدى بيحاول على خفيف , العوا يعنى ,,,

لا الوم اخوانا المسيحين فى خوفهم ..دا انا مسلمه و خايفه ...

Ms Venus يقول...

استاذ ابراهيم

معلش لانى حاليا مشوشة الفكر

انا مش بتعمد طبعا انى مش اتابع مدونة حضرتك

هو بس لانى فى حالة ذهنية ونفسية مش سامحة ليا بمتابعة اى مدونة

بكرة هرجع ان شاء الله وهقراء البوست ده واللى قبله بذهن صافى واقول رأئى

تحية ليك

سكن الليل يقول...

كتير أوضاع محل انتقاد خاصة الأيام دي
وللأسف ناس كتير أصواتها عليت
وراكبة الموجة
بتقول كلام كفيل بإشعال فتيل حرب عالمية خامسة
فين الناس العاقلة صاحبة الرأي الرزين؟
فين الوقائع والدلائل؟
أحداث امبابة سببت لي صداع فكري
وكتير من الآراء اللي ظاهرة على الساحة
سببتلي غثيان
محتاجين ناس عاقلة لا ينتمون إلى أي فئة..ولا يتكلمون بصوت الجماعة
فقط صوت ضمائرهم الحية
ومتابعتهم الجادة
ورؤيتهم الموضوعية
لم لا يبحثون عن أولئك الذين يغلون على جمر مستعر..حقدا على تلك الثورة النبيلة
يريدون أن يذهبوا نورها
لم لا يبحثون عن أولئك محدثي الشغب
عن فلول المفسدين الذين لم تات الثورة على هواهم
وقضت على مصالحهم
خاصة بعد سقوط رؤووسهم ومموليهم؟!!
لم لا يسمعون صوت العقل والحق والعدل؟
هم الآن يسمعون ما يحبون سماعه
هم الآن يحاولون تسخير الأحداث لمصالحهم فقط...
--
هم يطالبون بدولة مدنية مفصلة على مزاجهم
ينكرون وجود طوائف أخرى في المجتمع
من حقها التواجد
من حقها ان تعبر عن نفسها دون تعصب أو إفساد في الأرض
الأقباط والسلفيين والإخوان
وغيرهم من عامة الشعب عانوا لزمن من تزييف الحقائق وتشويه لصورتهم
أليس من حقهم جميعا الآن وبعد سقوط رؤووس الفساد
وبعد ثورة بيضاء نزيهة
أن يعيشوا جميعا في جو ديموقراطي دافئ آمن مستقر ؟؟
أرى الآن ومنذ إندلاع الثورة
خوف وقلاقل واتهامات للإخوان
ثم تبعها السلفيين
والدور على مين بعدها؟؟

على كل مواطن مصري أن يعمل من أجل البلد
وعلينا أن نصحح المفاهيم
وأن نعمل من أجل الحق والعدالة
أهل الدين يستمروا في دعوتهم
ولا مانع من مشاركتهم في الحياةا لسياسية
فلا أرى حاجزا يفصل الدين والسياسة
فالدين مبادئ وقيم ومعاملة
نسير عليها في كل الشئون
وليس في دور العبادة فقط
**
نعم لمشاركة الكل مشاركة بناءة
شرط ألا يلوثوا أيديهم ويشوهوا صورة الدين بألعاب سياسية بعيدة عن النزاهة

والكلام ليس لفئة معينة
بل لكل المصريين
**

ويلا بقى يا جماعة نبني بلدنا
ونعمرها
ونحاوطها برعايتنا ونراعي مصالحها
البلد دلوقتي مليانة جراح
عايزين نداويها بدل ما تسيب آثار غائرة تشوهها طول الزمن

**

أستاذ إبراهيم
اعذرني طولت عليك
واعذرني لعدم متابعتي كتاباتك الفترة الماضية
**

تسلم

**

شيرين سامي يقول...

اللي مش عاجبه منظر الكنايس يروح يعيش في السعودية. واللي عايز وشايف إن أمريكا هتحميه يروح يقعد عندهم. واللي بيترحم على أيام مبارك يروح يقعد معاه في طره

تعليق قريته على الفيس بس معبر أوي
ان شاء الله بلدنا هتعيش.
تحياتي الخالصه لك

Tears يقول...

شوف كل اللى بتقوله كويس بس الحل فى القانون و الحزم

اقرا مقالى علاء الاسوانى و بلال فضل بتوع النهاردة لان فيهم ملخص

zizi يقول...

ماتخافش على مصر يا ابراهيم ..مصر ربنا اللي حاميها وياما مصر دي اتعرضت لفتن وضغوط واجندات(بلغة العصر)وبتقوم تاني لإن فعلاًناسها متمسكين بدينهم اذا كانوا مسلمين أو مسيحيين وربنا رب قلوب أما مايكل منير ده فهو شخصية استفزازية بإجماع الأراء...بس تصور يا ابراهيم اللي مخليني سعيدة في وسط كل الزحمة دي اني باسمع واشوف آراء..من شباب ...زي الفل..وخاصة اللي بيفرحني اكتر ان معظمهم او عشان ماحدش يزعل نصهم بنات في عمر الزهور

وتلاقيهم البلد والسياسة شغلاهم اكتر بكتير من اهتمامات اللي في سنهم ..وفعلا ً هي ّ دي مصر..تحياتي وعلى فكرة رفعت الموضوعات التانية مؤقتاً لحد ما الناس تشوف المعطف بتركيز زي مانصحتني..والى اللقاء

غير معرف يقول...

انا كتبت تعليق قبل كده ومانزلش ..عموماً اللي عايزه أقوله إننا لازم نطمن على مصر لأن ربنا سبحانه وتعالى حاميها من فوق سبع سماوات وفعلاًلو تتبعنا تاريخ مصر عبر القرون اللي فاتت حا نلاقي انها بتطلع من كل محنة بمنحة الهية عظيمة ودايماًمصر في ازدهاروفيه دليل قوي قدامنا انتم مش حاسين بيه لكن انا حاساه قوي لأني شايفة الدنيا من منظور جيل اكبر من جيلكم بكتير ...الشباب كله هنا بيتكلم في احوال البلد والسياسة يعني الشباب مش شباب قهاوي زي ما كانوا بيحاولوا يظهروه واللي بيفرحني اكتر اني بالاحظان نسبة البنات كمان بقت كتيرة قوي يعني مش بس اهتمامات البنات الكوافير والعريس والذي منه لأ...النهارده الزوجين حايكونوا بيتكلموا في حاجات اغنى بكتير من اللي الناس متصوراه ودي متهيألي لوحدها قيمة كبيرة تدل على ان مصر لسة بخير وحاتبقى بخير طول مافيها شباب زي الورد زيكم ...تحياتي ليك يا ابراهيم ولكل اخواتك المحترمين بنات وبنين اللي بيثبتوا كل يوم ان مصر مازالت بخير..ماما زينب

موناليزا يقول...

تعيشى يا بلدى يا بلدى تعيشى

دى الخلاصة بجد وياريت الناس تفهم بقى وتقدر توازن الامور

افروديت يقول...

بالفعل بعض ممن يطلقون علي أنفسهم سلفيين لا يمتون للسلف الصالح بصلة مطلقآ

وهذه الكلمة لا يجب أن تطلق عليهم لأن منهج السلف مغايرتمامآ لبعض الأفعال الخاطئة والتصريحات التي يطلقوهابدون وعي


أما جبرائيل ومايكل لا أعلم ماذا يريدون هل يريدون شهرة أو ظهور وأضواء ..تأكد انهم حتي لوكانوا يريدون أكثرمن ذلك فلم ولن ينالوه ...لأن مصر ستكون دولة مدنية مرجعيتهاالأسلام لأن هذاهوالدين الرسمي للدولة ودين الأغلبية والذي أيضآ لن يأمرنا بأن نعامل الأقلية "المسيحين" سوي بكل الخير
فمن أين يأتي القلق أذن .

الدين الأسلامي لن يظلم أحدآ ولن يجور علي أحد وعلي من يسعون للأستقواء بالخارج أن يدركوا أن هذاعلي جثثناجميعآ ولن يحدث بأذن الله

تحياتي لك

لـــولا وزهـــراء يقول...

"
نجيب جبرائيل يطالب بدولة مدنية و حقوق المواطنة ثم يطالب فى نهاية كلامه بكوتة للاقباط حد يقله حاجة

نو كومنت!!! "


"الخوف ليس من السلفيين و لكن الخوف ممن يحركهم"
هي المشكلة ان عندهم بس شوية صغيرين فكر غير متطور وربنا هما كويسين انا مش منهم بس عارفة دا فيهم ناس ما شاء الله







اعترض ايضا على استخدام كلمة سلفيين لاننا كلنا سلفيين و لكنه فكر وهابى نعرف كلنا مصدره"


الله ينور كل من اتبع هدى رسولنا الكريم صلى الله عليه وسلم فهو سلفي


رجااااااااااااء بطلوا ياناس اي مشكلة للاقباط تقولوا السلفيين ... في موضوع عبير عرفنا الحقيقة فين ..ز سبتوا السلفيين ومسكتوا في الراجل اللي بيقول هنحرق الكنائس ... اشمعنى مقولناش الكاهن اللي عايز يقتل كل مسلم!!!

لاننا عارفين ان القسيس ده مش بيمثل كل اخواتنا الاقباط كذلك ذلك الشيخ ... ياناااس من فضلكم انت مصري مهما كان ديانتك بلاش ننقااااااااض

لولا

ابراهيم رزق يقول...

رامى

يجب ان نصر على الكلام حتى لا نيأس
منورنى
تحياتى

ابراهيم رزق يقول...

مصطفى سيف

اخى العزيز

المكيدة و المؤمرى واضحة

و لكن الا تفهمون يا اولى الالباب

منورنى

خالص تحياتى

ابراهيم رزق يقول...

شجن البنفسج

اختى العزيزة

معكى حق يجب تحديد المسميات و عدم اطلاقها على عواينها

منورانى
خالص تحياتى

ابراهيم رزق يقول...

ساسو

متشكر على ذوقك الرفيع و مجاملتك الرقيقة

دايما منورانى
خالص تحياتى

ابراهيم رزق يقول...

Shaimaa

متفق معكى عارفين ان السلفيين سريعين فى الحشد مع اعتراضى على تعبير سلفى اى انى اضطر اليه لتوصيل المعلومة
الاخ مايكل ده لا ثقافة و لا كياسة و لا معلومة عنده واضح انه عميل و لو تجاهله الكل لن يصبح له قيمة

منورانى
خالص تحياتى

ابراهيم رزق يقول...

ام هريرة

معكى حق كل شخص لا يمثل الا نفسه

اما بتوع المهجر فدول حدوتة

سعيد ان الاغنية عجبتك

منورانى
خالص تحياتى

ابراهيم رزق يقول...

كريمة سندى

نعم تشابكت المواضيع

منورانى
خالص تحياتى

ابراهيم رزق يقول...

د دودى

كويس ان فى اختيار من اختيارتى عجبك ههههههه

احمد كمال ابو المجد ظهر مع عمرو اديب فى حوار ممتع عقبال فهمى هويدى

ربنا يستر
منورانى
خالص تحياتى

ابراهيم رزق يقول...

د دودى

كويس ان فى اختيار من اختيارتى عجبك ههههههه

احمد كمال ابو المجد ظهر مع عمرو اديب فى حوار ممتع عقبال فهمى هويدى

ربنا يستر
منورانى
خالص تحياتى

ابراهيم رزق يقول...

Ns Venus

انا فى انتظار تعليقك
و يارب الفترة تمر بخير

نورتينى
خالص تحياتى

ابراهيم رزق يقول...

سكن الليل

براحتك انت لم تطيلى لكن عبرتى عن راى الاغلبية

تعليقك يحتاج الى بوست و متفق معه تماما

منورانى
تحياتى

ابراهيم رزق يقول...

شرين سامى

اختى العزيزة

متفق معكى
مصر هى مصر باقباطها و يهودها و مسلميها
بأذن الله ستعيش رغم كيد الكائدين

دايما منورانى
تحياتى و تقديرى

ابراهيم رزق يقول...

zizi

امى العزيزة
تعليقاتك وصلت و هى تحمل خبرات السنين و ذكريات مصر الجميلة الطيبة مصر الحب و الجيرة و العشرة الطيبة مصر التى نتمناها
دائما تعليقاتك اعجز عن الرد عليها
لذلك ساكتفى
بدون تعليق

دايما منورانى
خالص تحياتى و تقديرى و حبى

ابراهيم رزق يقول...

موناليزا

نعم اختى العزيزة
هى الخلاصة و هى ما نتمناه و ما نحلم به

منورانى
خالص تحياتى

ابراهيم رزق يقول...

افروديت

هؤلاء لا يمثلون الا انفسهم كانوا مائة او مائتين هم يمثلون انفسهم فقط

اما جبرائيل و مايكل فدول حكاية
هؤلاء لا يتغذوا الا على المصائب لانه لو لم يكن هناك مشكلة بين الاقباط و المسلمين لان يعبرهم احد لذا هذا اكل عيشهم لكن العيب فى من يستضيفهم

منورانى
خالص تحياتى

ابراهيم رزق يقول...

Tears

العزيزة تيرز
اولا اعتذر عن الخطأ فى ترتيب الردود

هذا ما انادى به انهاء سياسة الطبطبة و فرض سياسة القانون

منورانى
تحياتى و تقديرى

ابراهيم رزق يقول...

لولا و زهراء

بصى انتى وصلتى الى الخلاصة

كل من يفعل شىء لا يمثل الا نفسه هو الامريكى لما بيقتل بيقولوا امريكى قتل

كل شخص متعلق من عرقوبه زى المثل الشعبى ما بيقول
زمان كانوا بيقولوا على الرجل القريب من الله رجل سنى اى على سنة رسول الله صلى الله عليه و سلم

منورانى
خالص تحيانى

model يقول...

فينك يا ايام مبارك ما كان في مسلم و مسيحي ، متدين و غير ، كان مكفر الجميع و مطلع دينه
يعني
هما ليه زودوها كده

موديل

ريــــمــــاس يقول...

مساء الغاردينيا أستاذ ابراهيم
كل مايحدث الان ليس الا تفرقة وزرع بذور الكراهية ورغماً عن كل هذا ستبقى مصر آمنه بإذن الله حفظ الله مصر وجميع بلادنا العربية من تللك السوسة التي تنخرجسد الوطن "
؛؛
؛
كـ عادتك فكرك راقي
لروحك عبق الغاردينيا
كانت هنا
reemaas

Carmen يقول...

كلمات جميلة واحساس راقي عبر عن مشاعرنا جميعا
الجميع يعرف من في صالحه مايحدث عذرا علي التأخير
خالص احترامي وتقديري