الأربعاء، 11 مايو، 2011

اعلانات مبوبة ( اكاديمية الخبراء )

     الاكاديمية المصرية لتخريج و توريد خبراء الاعلام
         اول اكاديمية متخصصة فى خبراء الاعلام

تعلن الاكاديمية عن قبول طلاب جدد فى التخصصات الاتية
    
  1  خبير فى الدراسات الاستراتجية
  2  خبير فى الدراسات العسكرية
  3  خبير فى شئون البورصة
  4  خبير فى الشئون الفنية    ( رقص شرقى فضائح فنانين نميمة فنية )
  5  خبير فى الرياضة         ( اسرار اللاعبين - شئون لاعبين - الفيفا )
  6  خبير فى التغذية            ( دايت - نحافة - اغذية طبيعية  )
  7  خبيرة فى الازياء           ( سواريه - لانجيرى - محجبات - لفات طرح ) 
  8  خبيرة فى التجميل           ( مانكير - بادكير - وشم - تاتو )
  9  خبير فى الابراج             ( كوتشينة - مندل - ودع )
 10 خبير فى الحياة الزوجية    ( زواج - طلاق - عرفى - حميمية - مشاجرات )
 11 خبير فى اللياقة البدنية      ( تخسيس - عضلات - بلطجة)
12 خبير فى الشئون الاسلامية
13 خبير فى الشئون الايرانية
14 خبير فى الشئون الاسرائيلية
15 خبير فى الشئون الافريقية و منابع وادى النيل
16 خبير فى مباحث امن الدولة
17 خبير (ممارس عام تحت الطلب)

احدث الاقسام
خبير فى احداث امبابة
 

كما تعلن الاكاديمية عن منحة مجانية لمن يبتكر تخصص غير موجود بالاكاديمية
مع ملاحظة ان الاكاديمية ليس لها علاقة بمجالات التعليم و الصحة و الزراعة و الصناعة و النقل و التجارة حيث ان هذه المجالات لها المختصين بها 
كما تعاهدكم الاكاديمية انها سوف تظل دوما كما عاهدتم بها سوف تبذل قصارى جهدها فى سبيل رفع عدد الخبراء من 79 مليون خبير الى 80 مليون خبير
والله المستعان


مصر ياام الدنيا يا حبيبتى  يا بلدى
قلبى و روحى و عقلى يا حياتى يا بلدى
يا غنوة المسافر لما يكون بعيد
يفتكرك فى الغربة و يقرب البعيد
بنلف الموانى و بنرجعلك تانى
تاخدينا باالحضن و دايما لابسة توب جديد
ارض الخير يا بلدى يا وطنى الحبيب
بنحب اللى يحبك مهما يكون غريب
يا ام القلب الطيب فيكى الصبر طيب
و مهما ليلك طال شمسك عمرها ماتغيب
وحدتنا الوطنية سماحة و سلام
يحتار اللى يشوفها يجيب منين كلام
فى الشدة بنشارك فى الفرح بنبارك
و ده كله من حبك انتى يا مصر السلام ؟؟؟؟
يا مصر الحبيبة يا نبع الامان
الله يزيدك عزة و يزيدك امان
بحياتى احميكى و بروحى افديكى
خدى من عمرى و عيشى و عيشى و وراكى شجعان
                                               كلمات حسين السيد














هناك 24 تعليقًا:

كريمة سندي يقول...

فكرة الأكاديميات جميلة بس مافيش أكاديمية لأكاديمين عشان يتفقوا على الأقل

faroukfahmy58 يقول...

ابراهيم باشا
ارجو قبول عذرى لتأخبرى فى التعليق فالخبيث جهازى كان السبب وعليه اللوم
ارجو ترشيحى فى وظيفة فى خبراء الابراج
فانا اجيد قراءة الابراجمن تواجدى الطويل مع سحرة الهندعلمونى الكوتشينه والمندل والودع وانت نسيت باب قراءة الفنجان والذى اجيده بجد واللى عاوزيشوف فنجانه يقوللى بس يجيب معاه البن وعليا السكر والا هشوفة من غير بن

آخر أيام الخريف يقول...

هاهاهاهاهاهاهاها حلوة أستاذ إبراهيم

Ramy يقول...

(:

(:

دى أكاديمية رهيبة

كانت فين من زمان (:

مصطفى سيف يقول...

معك حق اخي العزيز
انه بالفعل هم مضحك
ما اكثر الخبراء في بلادنا في كل المجالات
ما اكثر الفقهاء والمفتين في كل المجالات
في المقاهي والاعلام والانترنت والصحافة وغيرها
كثيرون كثيرون كثيرون لكن الواعيين للحقيقة اقل القليل
وهكذا تضيع الحقيقة كدخان الشيشة الذي يتطاير مع نسمات الهواء بعيدا بعيدا بعيدا فلا نعرف ولا نفهم ماذا يحدث حقيقة رغم كثرة الخبراء
تحياتي لك

أم هريرة (lolocat) يقول...

السلام عليكم

والله اخى الفاضل هم يضحك وهم يبكى

جامدة اوى فقرة امبابة :)

اسأل الله السلامة لبلادى دائما

شكرا لك اخى وبوركت دائما

لك ارق تحية

zizi يقول...

ضحكتني يا ابراهيم جدأ جدأ جدأ ..إيه يابني ده انت جبت كل الهيكل الخابوري ده منين ...بس على فكرة فيه واحد كبير قوي انت ناسيه ..اللي هو خابور الخبرا يعني دلوقتي مين اللي حيشرف على الخبرا دول كلهم وييجي مع طلعة كل مكتب يشوف مين فيهم اللي ماوصلوش حقه تالت ومتلت واللي يلاقيه ناقص عن زمايله ربع مليون والا حاجة بسيطة زي كده يمسكه ويبهدله ويقولهّ مش حرام عليك حق ولادك كده انت ماحضرتش انهي مكتب فيهم بالضبط ...وقديماًقالوا :ولابد من يوم معلوم تترد فيه المكاتب ..ابيض على كل مكتوم ..اسود على كل كاتم... تحياتي

ريــــمــــاس يقول...

مساء الغاردينيا ابراهيم
اكاديميه مميزة هههههههههه
يبقى انا مع استاذ ابراهيم
اصلي بحب اقرأ الابراج <<< :)
لروحك عبق الغاردينيا
كانت هنا
reemaas

نور يقول...

مساء الخيرات
إعلان رائع وفي مكانه وأكيد بعد دراسات مستفيضة وتحديد احتياجات للمنطقة .. فكما تعرف لدينا شح في الخبراء وعلى كافة المستويات والتخصصات المتداولة وكذلك التخصصات المبتكرة التي لم يهتدي إليها أحد بعد ..

*
إذا احتجتم خبير في إدارة الخبراء أنا على استعداد ومجاناً ....

أخي ابراهيم كل الشكر للفكر الذي ينجب هذه الأفكار الرائعة .

وجع البنفسج يقول...

وليش لا .. مش عيب و لا حرام لما نعمل اكاديمية ونعلن عن خبراء .. بس كل الاقسام هذه قديمة وموجودة من زمان ،، من يوم ما تولد التلفزيون .. بس الجديد ..
بدنا خبراء اثارة الفتنة ..
خبير في تحليل وسط البلد !
خبير في اثارة النعرات القبيلية والعصبية الجاهلية..
خبير في في النكد والانزحة اللي مالهاش لازمة ..
بدنا وبدنا وبدنا ..

عموما اعلاناتك مسلية بس الله يبعد عنا هيك اكاديميات ..

تقبل تحيتي ..

Carmen يقول...

‏^‏_^ فكرة لذيذة تحمل مغزي رائع تحياتي لفكرك

reemaas يقول...

عجبتنى خبير فى احداث امبابه دى جدااااااااااااااا


اقترح عليكم اكادمية الفوضى الخلاقة

Tears يقول...

حلوة اوى :))

على فكرة ممكن كمان تتطور الانتاج ده بانه يبقى فيديوهات على يوتيوب

أم يقول...

نرجوا المشاركة في الحملة الرمزية - حملة الجسد الواحد - ليتوحد صف أمة محمد التفاصيل في جانب المدونة وشكرا

دعاء العطار يقول...

هههههههههه

حلوه أكاديمية الخبراء دى

الاعلام بتاعنا عايز اعادة هيكله

بقى لفظ اعلامى يطلق على كل من أمسك بالقلم وكتب كلمه ... أوى كل من عمل برنامج أسموه اعلامى

والاعلام برىء منهم

سخريه لازعه مره ولكنها حقيقيه

دمت بكل خير (:

ابراهيم رزق يقول...

كريمة سندى

نفكر فى الموضوع ده

نورتينى و شرفتينى

تحياتى لكى

ابراهيم رزق يقول...

فاروق فهمى
استاذى الكريم

لا اعتذار بيننا و انا جهازى تعرض لوعكة

الوظيفة تحت امر سيادتك و ممكن سيادتك تدرس كمان ههههههه

دايما منورنى و مشرفنى

تحياتى و تقديرى

ابراهيم رزق يقول...

اخر ايام الخريف
اختى الغالية

سعيد جدا جدا بتعليقك
و فى انتظار وسام عجبنى و نقلته هههههه

نورتينى و شرفتينى

خالص تحياتى و تقديرى

ابراهيم رزق يقول...

رامى

كانت موجودة من زمان بس مكناش شايفنها

دايما منورنى

خالص تحياتى

ابراهيم رزق يقول...

مصطفى سيف
اخى العزيز

نعم تحولت مصر الى مجموعة خبراء كيف تستقيم مملكة النحل اذا اختفت الشغيلة

دايما منورنى
تحياتى و تفديرى

ابراهيم رزق يقول...

ام هريرة

اختى الفاضلة

نعم هم يبكى و هم يضحكك

سعيد بتعليقك و دايما منورانى

خالص تقديرى و احترامى

ابراهيم رزق يقول...

zizi

امى العزيزة

والله الهيكل موجود و انا لغيت كثير من التخصصات لان المبنى لا يتسع قصدى بلغة السينما فى المونتاج خوفا من الاطالة

اليوم ابتدى و يارب نوصل لاخره

تقديرى و حبى و احترامى

ابراهيم رزق يقول...

ريماس

و انا تحت امرك الاكاديمية كلها ملكك

دايما منورانى

ارقى تحية معطرة بعبير الزهور

ابراهيم رزق يقول...

نور

والله احنا اللى نتشرف بكى اختى الكريمة
اعتبرى الوظيفة تحت امرك هههههه


منورانى دائما
خالص تحياتى