الاثنين، 6 يونيو، 2011

اتصل فورا

زعلان و مضايق لا يوجد ما افعله ليس لى رغبة بالجلوس امام الكمبيوتر او مشاهدة برامج التوك شو او اى فيلم او حتى قراءة كتاب امسكت بالريموت كنترول و بدأت ابحث فى القنوات

مذيعة تقف و تقول بصوت لا استطيع و صفه تتكلم بطريقة متقطعة اتصل فورا و فوز بجائزة عشرة الاف دولار الحق اتصال
ما هو الشىء اللى عامل زى الكورة و لونه اخضر و من جوه احمر و لب اسود و اول ثلاث حروف منه ب ط ي
المذيعة      معانا اتصال مين معانا
المتصل     معاكى احمد
المذيعة      منين يا احمد
المتصل     من شبرا مصر
المذيعة      يا اهلا باهل مصر و يا اهلا باهل شبرا تعرف الحل 
المتصل     بطارخ
المذيعة     غلط يا احمد حاول تتصل تانى عشان تكسب عشرة     الاف دولار
امسكت الريموت بسرعة الى قناة اخرى قبل ان اصاب بالبلاهة
وجدت اخت هذه المذيعة بنفس الطريقة السابقة امامها صورة لهيفاء وهبى واحدة بشنب و واحدة من غير شنب و تقول تعرف تفرق بين الصورتين اتصل و هتكسب عشرين الف دولار
المذيعة     معانا اتصال مين معانا
المتصل    معاكى ابو صقر
المذيعة     منين   يابو صقر
المتصل    من السعودية
المذيعة     يا اهلا بالسعودية و كل اهل الخليج تقدر تجاوب يا ابو صقر
المتصل   دى سامية جمال و ده رشدى اباظة
المذيعة    غلط يا ابو صقر حاول تتصل مرة اخرى 



بالطبع حولت القناة بسرعة قبل ان تدخل زوجتى و تشاهدنى و تشاهد المذيعة و تتهمنى اتهامات اخلاقية و اسرعت الى المطبخ ابحث عن السلطانية و اسرعت بوضعها على راسى ونزلت الى الشارع  و انا اصيح بلد مجانين صحيح
 






هناك 37 تعليقًا:

افكار مبعثرة يقول...

ههههههههههه
تحفه بجد
تصيبني نفس الحالة و انا اقلب قنوات التليفزيون واللي يفقع مرارتي اكتر ان في ناس بتتصل
ايه الهيافة دي فعلا مجاااانين
تحياتي ليك على البوست الجميل

وجع البنفسج يقول...

تصدق اني كنت راح اكتب تدوينة عن الشيء هذا ، المشكلة انه اللي بتصلوا مش اغبياء ولكن اكيد متفقين معهم على هيك ، اصل مش معقولة الكلام هذا ، مافيش واحد اهبل مايعرف شو هي الكورة الخضراء ولا هيفاء بشنب ولا بدون ..
بس في ناس طيبة وعلى نياتها ـ تقول طيب والله السؤال سهل ماالحق اتصل علشان افوز .. وطبعا كله ع راسه .. بيفتحوا عليه الخط وبينطعوه وبيستنى والحسابة بتحسب وفي الاخر يضيع الخط ولا طبعا يفوز ويكون خسر اللي في جيبه من عبطه طبعا .. الناس طيبة وبتصدق الهبل هذا .. ربنا يخفف عنا .. اللي بده ينجلط يفتح ع هيك قنوات ..

zizi يقول...

انت جيت فعلاً على مفتاح سراية المجانين وعلى رأي المثل ::إذا كان اللي بيتكلم مجنون يكون اللي بيستمع عاقل..لكن الواحد ساعات بيحس ان الاتنين مجانين اللي بيتكلم واللي بيسمع ...وكان الله في العون وانا اقول السلطانيات شحة الأيام دي ليه في البلد ...اتاري ياضنايا اللي زيك كتير ..ربنا يكون في العون ..

تحياتي وشكري

faroukfahmy58 يقول...

اخى ابراهيم
اللى انت بتقوله ده اشبه بقوازير طفولة زمان التى تهدف الى التسلية الراقية والجائزة حبة بنبوبىولكنها قريبة الى النفس محببة الى الكبار والصغار
وكانت الفزورة مثلا على شكل اغنية وليس عمل تجارى يبتز ضعاف العقول
ومثال ذلك اغنية يعدك صاحبها بان يقص عليك حدوته فى الزيت ملتوته ويقسم الا يقولها الا لما ييجى صاحبها
وصاحبها هذا فوق السطوح
والسطوح عاوز سلم
والسلم عند النجار
والنجار عاوز مسمار
والمسمار عند الحداد
والحداد عاوز بيضه
والبيضه ف بطن الفرخه
والفرخه عاوزه قمحه
والقمحه فى الطاحونه
والطاحونه عاوزةلمونه
زهكذا ...... فين زمان وكل حاجة حلوة من زمان واهل زمان

مصطفى سيف يقول...

اعصابك يا استاذ ابراهيم
لو كل يوم اتعصبت بسبب الحاجات دي هتروح فيها
التفاهة بقت ركن من اركان حياتنا ولو ماحسيناش اننا تافهين ممكن ميجلناش نوم
تحياتي

دعاء العطار يقول...

بيستفزووووووووونى جدااااً

بس بصراحه اللى بيستفزنى أكتر الناس البسيطه اللى بتصدقهم وتلاقيها بتحاول تتصل والنتيجه ان محدش يرد عليهم ويضيعوا رصيدهم وعندهم أمل انهم يكسبوا D: D:

سكندري يقول...

ازيك يا ابو سالزياد

انت عارف انا مرة قعدت اتابع الناس دي و كان بالليل اوي يجي الساعة 2.00 كده المهم لاقيت ان اللي بيتصل هو كل شوية هو نفس الشخص و كل شوية بيغير صوتة و بيبقي مش عارف الاسماللي هيقول بيه و بيقعد يخترع و يقعد يقول اجابات ملهاش اي دعوة ببعضها
المهم اكتشفت ان الغلط مش علي الناس دي الغلط علي اللي سمح لهم يطلعوا و اتصل بيهم علي امل الغني السريع و علي رأي محمد صبحي

هوب هوب هوب فوق

ابقي هاتلي معاك سلطانية

سلام

زينة زيدان يقول...

قصدك عن قنوات التفاهة

ومواضيع السذاجة

اعجبتني جدا كلماتك "امسكت الريموت بسرعة الى قناة اخرى قبل ان اصاب بالبلاهة"

حقيقي أنا أمر على مثل هذه التفاهات

أشعر بأنني قد أصيب بالتفاهة..

جميل ما قرأت

زينة زيدان يقول...

أخي
فارق فهمي

لقد قرأت الآن بوستك الأخير الخاص بالتدوينات.. وحقيقة انتلبني شعور مرير
ولكن واجب علينا احترام رغبتك ...
أنا حديثة المعرفة بمدونتك وكذلك حديثة
الوجود في عالم بلوغر... لكني سعيدة جدا بانضمامي لعائلتكم واعتز بصداقتكم

لم أتشرف إلا بكتابة تعليقين عبر مدونتك
وكنت اتمنى مواصلة التعليق على كل ما تمتعنا وتزدنا به حكمة
لكني سأكون هناك دوما وسيكون لنا تواصل من خلال مدونتي ودونات الأصدقاء إن لم يكن لديك ولديهم مانع

أخي ابراهيم أشكرك لمنحي هذه المساحة
أتمنى الا أكون أطلتُ عليكم

لك مني كل الاحترام

لـــولا وزهـــراء يقول...

وربنا قنوات تافهة تجيب التخلف العقلي بتغاظ جدا من القنوات دسي بحس اني عايزة امسك مسدس واقتل المذيعة بس الخسائر لن تتعدى سوى تلف التلفاز هههه

القنوات دي بتعكس استهزأهم بالمشاهد
لانها كلها اتصالات غير حقيقة ومدبة بغلاسة

لولا

بسنت يقول...

ههههههه
الحقيقه انك قلبت القناه قبل ما تصاب ببله دماغى حاد وتخلف عقلى واسع المدى
وكل الامراض النفسيه والعصبيه
اللى الاشكال دى عايزين يخلونا نفضل نتعالج منه طول العمر
مش هقولك قلب المحطه
لا اعمل زيي اقفل التليفزيون علشام تكسب نفسك وتخليك بعقلك

أم هريرة (lolocat) يقول...

السلام عليكم

قبل ان اصاب بالبلاهة

هههههه والله اخى الفاضل انت عبرت عن حالنا كلنا تقريبا او على الاقل اللى مش مجانين :)


حقيقى استمتع وانا اقرأ موسوعة
(بلد مجانين ) ههههه

شكرا لك اخى واسعد الله قلبك دائما
لك ارق تحية

موناليزا يقول...

اللى بيبقى صعبان عليا بجد المذيعة.. وياسلام لما ينزل أغنية على ما حد يبقى يتصل وهى ماتبقاش عارفة هل تغنى معاها ولا ترقص ولا تعيد فى السؤال ولا تعمل إيه

موناليزا يقول...

أدعوك للاشتراك فى جروب مدونين على الفيس
http://www.facebook.com/home.php?sk=group_150308615029590

reemaas يقول...

ههههههههههههههههههههههههه

مالكش حل والله يا استاذ ابراهيم

فعلا لما يبقى فى اكتر من 60 قناة على نفس المنهاج تبقى دى بلاد مجانين وماتستغربش من الرقم اصلى كنت فاضية فى يوم برده واقعدت اعدهم

Tears يقول...

للاسف دى مش قناة واحدة لكن فيه كذا قناة ماشيين بنفس الاسلوب و مش فاهمه بيكسبوا ايه..ده انت ترنلهم و همه يتصلوا بيك

ريــــمــــاس يقول...

صباحك غاردينيا أستاذ ابراهيم
ههههههههههههه
ربنا يسعدك ولايحرمك السعادة والابتسامة على قد ماتخليني ابتسم في كل بوست عارف والله حاجة تافهه بجد والمصيبة استخفافهم بعقول المشاهدين افتكر مرة كنت جالسة مع ماما وبنبص على التلفزيون حطت على وحدة من القنوات اياهم المهم تقولي بصي مش فاهمه يعني ازاي مش عارفين الفرق واضح انه المطربة الي في الصورة الفرق انها مش لابسة ساعة في ايدها التانية جابت ولد اختي عمره 5 سنين وجاوب على الفرق هههههه بس بيني وبينك ياستاذابراهيم هو انت بتبص على القنوات ولا المذيعات انا شامة ريحة خيانة هوا موبايل ام زياد كام ؟ هههههههههه
حتنطرد برا المدونة النهرده
:)
ابقى بص على قنوات الكورة وشوف متش للاهلي احسن ههههههههه
؛؛
؛
لروحك عبق الغاردينيا
كانت هنا
reemaas

كريمة سندي يقول...

المجانين في نعيم بجد تحياتي

ابراهيم رزق يقول...

افكار مبعثرة

اللى بيشلنى ان اللى بيتصل بيضحك عليه و بعد الانتظار طويلا يقال له سنتصل بك اذا فزت فى القرعة

نورتينى
خالص تحياتى

ابراهيم رزق يقول...

شجن البنفسج

اولا فى انتظار هذا البوست لخصوص الموضوع
ثانيا انتى سالتينى مرة عن معنى كلمة مبوبة و نسيت اجاوب
مبوبة مشتقة من كلمة باب اى ان الاعلانات مقسمة الى ابواب كل باب نوعية باب السيارات باب المزادات باب المناقصات و هكذا

سؤال لى انا على جنب
يعنى ايه ينجلط ههههههههه

نورتينى
خالص تحياتى

ابراهيم رزق يقول...

zizi

امى العزيزة

معندكيش سلطانية لى مدكناها عى جنب بس تكون مقاس XL
هههههههه


نورتينى
تحياتى و تقديرى و حبى

ابراهيم رزق يقول...

فاروق فهمى
استاذى العزيز

و الله معك حق تماما
عايزنا نرجع زى زمان
قول للزمان ارجع يا زمان

نورتنى بتعليقك
خالص تحياتى

ابراهيم رزق يقول...

مصطفى سيف
اخى العزيز

لقد جاوز التافهون المدى
فحق التصدى و حق العدى

نورتينى
خالص تحياتى

ابراهيم رزق يقول...

دعاء الغطار

سلامتك من التفاهة
سلامتك من الاستفزاز

نورتينى
خالص تحياتى

ابراهيم رزق يقول...

سكندرى
اهلا اخى العزيز
فينك من زمان وحشتنى

هم بيلعبوا على وترين مشاعر الناس و حلمهم فى الغنى
و بساطة السؤال لدرجة التسطيح
حاجة كمان المزيعات

نورتنى
خالص تحياتى

ابراهيم رزق يقول...

زينة زيدان
اختى الفاضلة

سلامتك من التفاهة
متشكر لمجاملتك

نورتينى
خالص تحياتى

ابراهيم رزق يقول...

زينة زيدان

اولا بيتك و مطرحك
ثانيا انضم معكى و اؤيدك فالاستاذ فاروق قيمة كبيرة

تحياتى

ابراهيم رزق يقول...

لولا و زهراء

وصلتى الى لب الموضوع
هى فنوات نصب

نورتينى
خالص تحياتى

ابراهيم رزق يقول...

بسنت

و الله الحل ده كويس ممكن اجربه
هههههههههه
بس انتى كده طمنتينى ان الصعايدة مش مممكن يضحك عليهم

نورتينى
خالص تحياتى

ابراهيم رزق يقول...

ام هريرة

اختى العزيزة

سعيد جدا جدا بتعليقك

اسعد الله قلبك و اسعد عائلتك و انار حياتك

نورتينى
خالص تحياتى

ابراهيم رزق يقول...

موناليزا

اختى العزيزة

يا سلام على سماجة هذه المزيعات

نورتينى
خالص تحياتى

ابراهيم رزق يقول...

موناليزا
يشرفنى الانضمام

تحياتى

ابراهيم رزق يقول...

reemaas

سعيد بتعليقك

ستين قناة

طالما فى مغفلين و طماعين
طالما فى هذه القنوات
سعيد بتعليقك و اعجابك

نورتينى
تحياتى

ابراهيم رزق يقول...

Tears
العزيزة تيرز

طبعا لانهم لو سمحوا بارتصال فسيتم الاجابة بسهولة

نورتينى
خالص تحياتى

ابراهيم رزق يقول...

ريماس

صباح الورد و الفل و الياسمين

سعيد جدا بتعليقك و سلامى الى ماما

مش خيانة و لا حاجة دول بيصعبوا عليا

موبايل ام زياد 011 صفرين ثلاث لصفلر صفرين

سلام حاير طاير معطر بالفل و الورد
نورتينى
خالص تحياتى

ابراهيم رزق يقول...

كريمة سندى

فعلا المجانين فى نعيم و نعيم

نولاتينى
خالص تحياتى

شيرين سامي يقول...

ههههه هو بصراحه الفرجه على البرامج دي تشبه:)
تحياتي ليك يا أستاذ ابراهيم
أجزاء مميزه جداً