الأربعاء، 15 يونيو 2011

مبروك المدام حامل

مشاهد كثيرة فى الدراما المصرية تتكرر كثيرا و نشاهدها كثيرا دون ان نتوقف امامها مع انها قمة فى السذاجة و مع ذلك تتكرر و نشاهدها هل التعود ام التعود او التعود و ربما التعود
جميع اللصوص فى الافلام يجب ان يلبسوا تشيرتات مقلمة تقريبا يونفورم موحد كما ان جميع اللصوص يجب ان يقيموا بمكان ملىء ببراميل الطرشى و كاوتش السيارات ما علاقة اللصوص بالبراميل و الكاوتش و لماذا يلبسون تيشرتات مقلمة
تنزل البطلة لتجرى و راء البطل لتراقبه و بمجرد ان تنزل يسير بسيارته تنظر و تقول تاكسى ليقف التاكسى فى التو و اللحظة لتقول له وراء هذه العربية يا اسطى ليسير سائق التاكسى دون ان يستغرب او ينطق بكلمة
لو الفيلم بوليسى نجد ان ظابط وحيد طوال الفيلم يحقق فى الموضوع كل البلاغات فى كل الاقسام لا يوجد الا هذا الظابط
كل الممثلين يجلسون فى المنزل بكامل ملابسهم و طالما شاهدنا ماجدة و فاتن حمامة و شادية و هند رستم يجلسون فى المنزل بالفساتين السواريه كما ان الممثلات يصحون من النوم ميك اب كامل
فى كل الافلام تشعر البطلة بالدوار ثم تنقل الى غرفة النوم و يستدعى الطبيب الذى يخرج من الغرفة مخاطبا الزوج مبروك المدام حامل دون تحاليل او سونار اقطع دراعى لو اعرف هما بيعرفوا المدام حامل ازاى
بلد مجانين صحيح 

هناك 21 تعليقًا:

حَـبآيـۃْ.بـטּـدۉڷ يقول...

هههههههه ..

قد ايه البوست ده ضحكني :DD !

بالنُّوسبه للحوامل ..

الدكتور اللي بيجي ده دايماً وأبداً

مَكشوف عنه الحجاب ..

فـ مش محتاج يمخمخ .. :DD

..
بُوست رائع :)

ايام الضحك والدموع يقول...

السلام عليكم
صباح الخير...سعيدة جدابوجودى هنا ...واسمح لى اضافة بعض المشاهد:
1 البوليس دائما يأتى ف النهاية وهمايدوبك ظابط وكم عسكرى
2 القهوة وهى بتفور والشبابيك وهى بتخبط والموج بيخبط الصخر
3الخناقات من فترة ال 30 وانت طالع عبيطة جدا وتضحك
4 جملة "احنا عملنا اللى علينا والباقى ع ربنا" اللى المفروض تطمن
5 السينما الهندية فترة اميتاب بيتشان وهو بيقفز من اعلى مكان ويقوم عادى جدا والمشهد الاسطورى وهو بيفتح بق التمساح
تحيتى لحضرتك

faroukfahmy58 يقول...

حبيبى اللى بيسأل عنى دائما بالتليفون وآخر اتصالاته بالامس
انت حبيبى بحق وحقيقى ولكن لى عندك تساؤل
_انت زعلان ليه من اللى بنشوفه فى الافلام القديمة فاحيانا سذاجة ما يتم عرضه تدخل السرور وتنتزع الضخكة التى طالما نبحث عنها فى صدورنا ولا نجدها ونجد بدلا منها زفرة نارية ساخنة تكاد تحرق الضلوع المجاورة لهذا القفص الصدرى والحمد لله اتها بتخرج اخيرا
بينى وبينك يا ابراهيم لولا بعزك وبحبك كنت اقوللك انت مش لا قى حاجة تتريق عليها الا الافلام القديمة اللى فضْلَلْنا من هذه الحياة الكئيبة
هذه الافلام القديمة ومعها الاغانى القديمة التى تشجينا بالحانها الساحرة والتى اجد نفسى وانا اشاهدها واسمعها باننى وجدت فعلا نفسى الضالة التائهة الهائمة الشاردة الواهمة الغارقة فى ظلم الواقع ومن اوقعونا فيه ما كفاية حبيبى ابراهيم انت واحبابنا الافاضل كلامكم فى السياسة والدين الذى وحياتك لن يصد او يرد واللى همه عاوزينه هيحصل والايام بيننا احنا مصريين يا ابراهيم ياخوياولوقامت مئات الثورات التى احببناها واحبتنا وسوف تظل معنا ونظل معها الى ان ينتهى العمر !!!!! انتظر فرعوننا الجديد الذى لم يظهر بعد ولكنه سوف يظهر وان كان مختبئا الآن وراء ستائر كثيفة وسوف يظهر بثوب خارجى براق لامع سوف تطمسه وتمزقه ممارسته معنا ومع الايام اوعى تقول على انى متشائم ولكننى ارى بعين الواقع وليس بعين الخيال من خلال مزاملتى وممارستى وخبرتى الطويلة مع الايام هههههههه
انتظر ياابراهيم ما ساكتبه اليوم وسوف اشير اليك والى احبائى الكبار والعظام بكل الخير

مصطفى سيف يقول...

بالنسبة للسينما حدث وبلا حرج كل مخرج بيقلد المخرج اللي قبله ونفس المشاهد بتتكرر
ده حتى افام كتيرة نفسها بتتكرر
في عقم ابداعي في السينما
تحياتي

دعاء العطار يقول...

هههههههههههه

والله عندك حق كأننا عبط وسذج

نفسى أشوف سينما زى السينما العالميه بتحترم عقل المشاهد وثقافته

مش مبروك المدام حامل

ههههههههههههههههه

دمت ساخر (: (:

هبة فاروق يقول...

شغل سيما بقى لان اهل زمان كانو على نيتهم ومحدش كان بيأخد بالو زينا من التفاصيل الصغيرة دى
بس ميمنعش ان افلام زمان لايمكن تكررها من اخراج وتمثيل
الله يرحم ليلى مراد وانور وجدى
تحياتى

كريمة سندي يقول...

بوست مشاغب وجميل وحصلت معاياه نفس الحركة بس ما جبتش دكتور ههههههه تحياتي

وجع البنفسج يقول...

المشكلة انه احنا بنصدق الافلام العبيطة دي وبنحبها وبنشوفها عدة مرات بدون ملل ولا كلل .. مش عارفة ليش .. يمكن بتفكرنا بزمن جميل وراقي .. كان لكل شيء معنى .. لزمن هادئ ورصين ومحترم .. بعكس الزمن اللي احنا عايشين فيه .. ربنا يتوب علينا من الافلام الحديثة .. على الاقل القديم بيجمع كل العيلة ، دلوقتي اقطع ذراعي لو حد بيستجري يحضر فيلم حديث هو وعائلته .. نحن في زمن المسخ للاسف .. هو في أحلى من السذاجة ..؟؟ لا والله .

افكار مبعثرة يقول...

هههههههههه
اه والله حاجات تحرق الدم
والجمل المعروفة زي اما البطل تجيله مكالمة تليفون تحمل مفاجأة فيقول (ايه بتقول ايه ...طيب انا جاي حالا)
ولا اما الدكتور يخرج من اوضة العمليات و يقول جملته المعهودة (احنا عملنا اللي علينا و الباقي على ربنا)
حاجات تجنن بجد
تحياتي

Dr Ibrahim يقول...

بالظبط والغريب عند الولادة برده
كله بيحتاج ميه سخنة على الرغم ان علميا وعمليا حالات معينة اللى بتحتاج ميه سخنة

تحياتى لك اخى الكريم

ابراهيم رزق يقول...

حباية بندول

سعيد ان البوست عجبك

كل الدكاترة فى الافلام نفس الطبع

نورتينى
تحياتى

ابراهيم رزق يقول...

ايام الضحك و الدموع

انا ذكرت على سبيل المثال و ليس الحصر

السينما الهندية مليئة و لما الطيارة تمشى و يمسكها بالحبل

نورتنى
خالص تحياتى

ابراهيم رزق يقول...

فاروق فهمى
استاذى العزبز

اولا حمد الله على السلامة شرفتنى
سيادتك فهمتنى غلط انا مش زعلان انا مجرد بارصد حالة
لكن الافلام دى جزء من تكةينى و فى افلام كثيرة رغم سذاجتها الا انى مرتبط بها جدا مثل افلام على الكسار
اتمنى ان تتفائل اكثر لانك الابتسامة التى تشع علينا و نستمد منها الامل
فى انتظار حكاياتك بكل لهفة و شوق

نورتنى و اسعدتنى
خالص تحياتى

ابراهيم رزق يقول...

مصطفى سيف
اخى العزيز

متفق معك تماما

نورتنى
خالص تحياتك

ابراهيم رزق يقول...

دعاء العطار

ههههههههههههه
مبروك المدام حامل فى كل الافلام

نورتنى
خالص تحياتى

ابراهيم رزق يقول...

هبة فاروق

معاكى حق السينما المصرية القديمة جزء من تكوينى
لكن انا بانظر بنظرة خارجية

نورتينى
خالص تحياتى

ابراهيم رزق يقول...

شجن البنفسج

اختى العزيزة

متفق معكى تماما و ابصم عليه

بالذات المقطع الاخير احنا فى زمن المسخ

نورتينى
خالص تحياتى

ابراهيم رزق يقول...

كريمة سندى

متأسف على الخطأ فى الرد

متشكر جدا و سعيد بتعليقك

نورتينى
تحياتى و تقديرى

ابراهيم رزق يقول...

افكار مبعثرة

معاكى حق تماما

الف سلامة عليكى من الجنان هههههههه

نورتينى
خالص تحياتى

ابراهيم رزق يقول...

Dr Irahim

تصدق انا كنت هاكتب ده و بعدين اكتفيت بما كتب

سعيد بتعليقك
نورتنى
تحياتى

Carmen يقول...

واحنا عبط وبنصدق :d