الثلاثاء، 7 يونيو 2011

البوز المصرى

   تتميز مصر بجو و طقس جميل كما تعلمنا فى الجغرافيا حار جاف صيفا دفىء ممطر شتاء و تتميز ايضا بانتاج القطن طويل التيلة و تتميز بوجود الاهرامات و ابو الهول و المتاحف الخ الخ الخ لكن لم يذكر فى اى من الكتب اختراع تتميز به الزوجة المصرية عن بقية زوجات العالم و هو البوز المصرى و هو عبارة عن ضرب بوز فى وش الزوج بدون اى مقدمات و يتميز البوز المصرى بعديد من الامتيازات تختلف عن البوز الخارجى بصفات عديدة اهمها
البوز المصرى سريع الخروج و بالذات فى الاوقات الاستراتجية قبل الخروج الى العمل او عند العودة مباشرة
سريع التاثير يمكنك قراءة تأثيره بسهولة مثلا على مديرك فى العمل او موظف فى جهة حكومية تتعامل معه او مدرس او استاذ فى الجامعة او حتى قائد سيارة يسير بجوارك تستطيع ان تجزم ان البيه المحترم واخد بوز قبل الخروج
سريع التاثير و الاستجابة لانه فى الغالب لا يستطيع رجل تحمله اكثر من خمس ساعات لكن يقال ان رجلا استطاع تحمله خمس ساعات و اربعون دقيقة و قد سجل هذا فى موسوعة جينس للارقام القياسية
اشهر استخداماته فى الخروج للمصايف و شراء ملابس جديدة و زيادة مصروف البيت و الخروج للتنزه
يورث من ام الى ام كما انه موجود فى الجينات الوراثية لزوجات  المصرين القدماء  و ان اول من اكتشفه منهم هو العالم الفرعونى بوز رع و قد سمى بذلك نسبة له و قد وجد مرسوما على المعابد القديمة و على ورق البردى
اختفت اشياء كثيرة من المجتمع المصرى حتى ان القطن طويل التيلة يكاد ان يختفى لكن يمتاز المصريين بالحفاظ على هذا البوز جيل بعد جيل متخصصين
لاتستنى طبقة من الطبقات من هذا البوز من الغفيرة للوزيرة مدرسات صحفيات طبيبات مهندسات كلهم لهم نفس هذا البوز
حاولت دول خارجية و استعمار اجنبى الاستيلاء على جينات هذا البوز لكن تمسك الزوجات المصريات به لم يمكنهم منه
بلد مجانين صحيح
 ملحوظة كبيرة يستثنى من هذا البوز زوجتى و ذلك لعدة اسباب بعضها امنى لى و الثانى خوفا من ان تعاقبنى ببوز 

هناك 25 تعليقًا:

ريــــمــــاس يقول...

مساء الغاردينا استاذ ابرهيم
هههههههههههههههه
هههههههههههههه
ورب السموات عماله اضحك وضحكتي جايبة اخر الصالة ايه البوز ده بجد اول مرة اسمع عنه طب بلعكس المصريين عليهم خفة دم تجنن يبقى بيبوزو ازاي ؟؟
الا بقى لو البوز ده بتشتهر فيه الزوجة بس طبعا الا زوجة حضرتك لانك حتنضرب بوز يخليك تاخد المخدة وتنام في الصالة وابقى خلي مذيعات القنوات ينفعوك اهو يمكن تلاقي فرق بين نانسي بدقن ونانسي بدون دقن لان هيفاء وهبي كانت بشنب هههههههههههههه
بس عارف واللهي لسى عماله اضحك بجد بجد اسلوبك يجنن وبقيت مدمنة على مدونتك
اممم بس بصراحة في واحد من قرايبنا غاوي جواز مجوز الاولى سعودية والتانية كويتيه والتالتة مصرية الي بسمعه انه بينسى همومه عند المصرية هي دي ماعندهاش بوز مصري زي مرات حضرتك كدا :)
؛؛
؛
طبعا بليز وصل سلامي لام زياد
وربنا يخليكم لبعض وماتشوفش بوزها المصري ابداً هههههههههه
؛؛
؛
لروحك عبق الغاردينيا
كانت هنا
reemaas

موناليزا يقول...

لكل فعل رد فعل
وهذا البوز الأصيل نتيجة تصرف غير متوقع وصادم من الزوج الذى يتعامل فى الغالب بلا مبالاة مع أى طلب من الزوجة له

reemaas يقول...

ههههههههههههههههه الاستثناء الاخير منعنى من قول تعليق معين
ههههههههههههههههه

بالنوسبة للبوز المصرى فده ظلللللللللللللللم

مصطفى سيف يقول...

النكد عادة مصرية تتوارثها الاجيال
والست اللي متنكدش على جوزها متبقاش مصرية :)
اكيد طبعا بنستثنى مرات حضرتك برضه من حكاية النكد والسبب امني برضه :)
ربنا يكون في عونكم يا متجوزين
تحياتي

zizi يقول...

ايوه يا ابراهيم باشا ..سمعني سمع ..كنت بتقول ايه ؟؟؟شنف آذاني

بكلامك اللي عداه العيب إلا من نقطة صغيرة برضه في كل الرجالة باستثناء اي راجل معانا على المدونة هنا ..إيه رأيك انت في نفخة الراجل في ظهر مراته اذا ماعجبوش كلامها في أي موضوع ولتكن هذه المواضيع اللي قلت عليها ..

تلك النفخة التي تحس بها الست الغلبانة من دول وقد احرقت رداءها من الخلف ..مع بعض التمتمات التي هي في الغالب :كان يوم كحلي يوم ما اتجوزت والا قلت ياجواز ..

كفاية كدة والا اقول كمان ..وياستات

ياللي انتم على المدونة دلوقتي قولولي ايه رأيكم في اللي قلته ..عشان يكون الرد على ابراهيم في عقر داره ..احم احم هو احنا بيهمنا حد ؟؟؟ما خلاص ..

تحياتي وبجد بجد سيبك انت انت رائع يا هيما ..

دعاء العطار يقول...

احم احم

احنا شكلنا كده بنتشتم ولا ايه ؟

اه اه حضرتك قولت الزوجه المصريه ... اما أنا بنوته مصريه فلسه معرفتش البوز ده

أعتقد ان الواحد قبل الزواج لازم ياخد كوووورس عشان يعرف يبوز كويس

أصل لو طلع البوز أى كلام هنسىء لسمعة مصر وتاريخها العريق

اسلوبك كالعاده يموت من الضحك (:

وجع البنفسج يقول...

والله حرام عليكم ، انا باحب الستات المصريات كثير ، عندهم طيبة قلب مش طبيعية وهذه عن عشرة عمر يعني ، اما بالنسبة للبوز ، بتهيألي انه الوضع العام للبلد هو اللي بيخلي للواحدة او الواحد على حد سواء له بوز يعني مش بس الستات .. ده تجني يا استاذ ابراهيم على فكرة ,, واكيد المدام مايرضهاش الظلم ده ؟؟

كريمة سندي يقول...

هههههههههههههههههههههههههههههههههه


بس بوز حلو خالص مالص

شيرين سامي يقول...

نعم نعم نعم بوز إيه ده حتى ثبت علمياً و بالتجارب ان الرجل المصري هو اللي نكدي و بيحب يتحكم في الست و يطلع عليها غضبه من أي شئ حصل بره البيت عشان عارف انها آخرها بوز هههههههههههه
كده بردو يا أستاذ إبراهيم بس بصراحه عندك حق أنا بشوف بنات و ستات بوزهم فظييييع و ببقى نفسي أضربهم عليه عشان غالباً اللي بتبوز في وش جوزها قدام الناس بتبقى قوية و مُفتريه.
تحياتي ليك و لزوجتك البطله بردو :)

Carmen يقول...

:‏)‏) صح والله ده بقي جزء من حياتنا
تسلم ايدك

ياسمين يقول...

هههههههه
وتتميز بأن البوز يطلع من علي اول باب السلم لحد المطبخ هههه وهذا البوز يتمدد بالحرارة ولا ينكمش بالبرودة ههههههه
التعميم لا اتفق عليه..اومال فين الزوجة اللي هي حمالة الأسية غير المصرية ...المصرية اكيد لها الجنة هههههه
شكراا

Ms Venus يقول...

ههههههههههه يا سلام

على اساس ان انتوا بقى ملايكة وكلكم بشاشة كده وبتضحكوا طول اليوم ؟

ابراهيم رزق يقول...

ريماس
مساء الورد و الفل و الياسمين

يا ماما البوز المصرى ده مش بيطلع فى اى وقت ده اه توقيته

سلامك وصل الى ام زياد و بتسلم عليكى

تحيات معطرة بالمسك و العنبر

ابراهيم رزق يقول...

موناليزا

اختى العزيزة

اهو اعترفتى انه بوز مأصل اب عن جد

نورتينى
خالص تحياتى

ابراهيم رزق يقول...

reemaas

هههههههههه
يا ريت تقولى التعليق
انا فى انتظاره

نورتينى
خالص تحياتى

ابراهيم رزق يقول...

مصطفى سيف

اخى العزيز

متفق معك تماما

احنا مستحملين و ساكتين

نورتينى
خالص تحياتى

ابراهيم رزق يقول...

zizi

امى العزيزة

ليه كده الثورة دى ضدى
محسوبك غلبان مش قدكم

طبعا التمتمات و الزفرات دى شىء طبيعى

عصفور طليق اتحط فى القفص هههههههه

نورتينى
خالص تحياتى

ابراهيم رزق يقول...

دعاء العطار

هو انا اقدر اشتم ده انتو ايديكم جامده

الحقى و خدى الكورس
و طبيعى هو موجود فى الجينات

نورتينى
خالص تحياتى

ابراهيم رزق يقول...

شجن البنفسج

اختى العزيزة

البوز ده مالوش علاقة بحتاة البلد ده له علاقة بحالة البيت
ده من ايام الفراعنة
طبعا الست المصرية طيبة و حنونة لكن البوز ده سلاح من اسلحتها

نورتينى
خالص تحياتى

ابراهيم رزق يقول...

كريمة سندى

ياريت تيجى مصر و تتعلميه اكيد هينفعك

نورتينى
خالص تحياتى

ابراهيم رزق يقول...

شرين سامى

نعم نعم نعم
البوز اللى قدام الناس ده عادة سيئة جدا

انا كلامى على البوز اللى محدش شايفه
البوز بتاع المصيف
البوز بتاع الخروج
البوز بتاع شراء الملابس
البوز بتاع مصروف البيت
طبعا مفهوم ههههههههههه

نورتينى
خالص تحياتى

ابراهيم رزق يقول...

Ms Venus

طبعا احنا مش ملائكة لكن البوز ده له مفعول السحر

هههههه

نورتينى
خالص تحياتى

ابراهيم رزق يقول...

كارمن
اختى الرقيقة

بقى جزء من حياتنا

نورتينى
خالص تحياتى

ابراهيم رزق يقول...

ياسمين

ما انتى عارفة البوز اهو ههههههههه
طبعا الريحة بتبقى طالعة على السلم

انا لااعمم مانا استثنيت زوجتى اهو
من خاف سلم

سعيد بتعليقك
نورتينى
خالص تحياتى

منيرة سوار يقول...

اضحكني مقالك كثيراً يا أخي الفاضل..
وفي الحقيقة..طوال ما كنت اقرأ الموضوع وانا افكر في زوجتك.. وأتساءل.. ترى ما موقفها بعد قراءة هذا المقال؟
وعندما وصلت في قراءتي للسطر الاخير من موضوعك الظريف, فؤجئت كيف استطعت إخراج نفسك من هذا المأزق.. كما تقولون في مصر:
زي الشعرة من العجين.. ههههه
تقبل مروري سيدي..