الخميس، 2 يونيو، 2011

يا حلاوة الكرش

استيقظت فى الخامسة و النصف صباحا فتحت الثلاجة اخرجت زجاجة المياه الغازية اللتر و ذهبت الى شاشة الكمبيوتر و جلست امامها قليلا و تنقلت بين المواقع المختلفة بعد قليل شعرت بالعطش فوضعت يدى على الزجاجة فاذا بها خالية هل تناولتها كلها يجوز ذهبت الى الثلاجة مرة اخرى ابحث عن زجاجة ثانية لكنى لم اجد و لكنى وجدت دورق من العصير فاخذته و ذهبت لاشاهد التلفزيون و كعادتى اتفنن لكى يفوتنى اتوبيس الشركة طبعا فاتنى الاتوبيس كالعادة نزلت من المنزل ابحث عن تاكسى لم اجد معظم التاكسيات تنقل دورات المدارس لا بأس لعب الشيطان براسى و قال لى ان طريق الشركة قريب حوالى عشرة دقائق و استطيع ان اخذها سيرا حتى اقف على الطريق لاركب مع احد اصدقائى و لكن بسرعة تغلبت على الفكرة الشيطانية و قلت اعوز بالله من الشيطان الرجيم و استعدت قوتى و باعلى صوت قلت توك توك فاذا التوك توك يقف امامى و على انغام اربعة سماعات من الحجم الكبير واغنية شربت حجرين على الشيشة ذهبت الى عملى بالتوك توك دخلت الى الشركة رايت تجمعات و زحام شديد و طوابير و طالما يوجد طابور يوجد مصلحة بدون نقاش وقفت فى الطابور مفيش حاجة بتخسر طبعا بما انها شركة بترول تخيلت انهم يوزعون اسطونات غاز و لكنى تذكرت ان شقتى يوجد بها غاز طبيعى قلت يمكن بيوزعوا بنزين 80 فقلت فرصة اهو الواحد يوفر ارخص من البنزين 90 و 92 و لكنى تذكرت انه فى الوقت الحالى لا امتلك سيارة و لا يوجد معى جركن لكى اخزنه فحزنت لعدم استفادتى من الطابور و هممت بالخروج و لكنى قبل ان اخرج بدافع حب الاستطلاع سالت من امامى من السيدات هو الطابور ده عشان ايه فنظرت لى باستعلاء وقالت ده طابور الاسانسير طبعا الشيطان لعب براسى مرة اخرى و قال المكتب بالدور الرابع يعنى دقيقة و ابقى بالمكتب و لكنها لحظات قليلة و قلت اعوز بالله من الشيطان الرجيم و جاهدت و بعد ما يقرب من نصف ساعة تقريبا وصلت الى الاسانسير بنجاح و صعدت الى المكتب و نظرا للمجهود الكبير الذى بذلته فى الوقوف فى الطابور تلاشت انفاسى و شعرت بالعطش و قبل ان ادخل المكتب مررت بالبوفيه و طلبت لتر مياه غازية لكى اعوض المجهود الكبير الذى بذلته فى الوصول للشركة و المحافظة على قوامى الذى يميزنى و بالذات الكرش الجميل رمز العز و النعيم و يا حلاوة العز قصدى يا حلاوة الكرش بلد مجانين صحيح

هناك 19 تعليقًا:

مصطفى سيف يقول...

ههههههههههه
وماله الكرش بس ده حتى تحس انك ماشي بعزوة وانت شايله كده
ههههههههه
قصة جميلة رسمت على الشفاه البسمة بالرغم من وجود حكمة خفية بين السطور
تحياتي لقلمك الرائع

ريبال بيهس يقول...

ههههههههههههههه

صباحك فل يا ابرهيم

وماله الكرش مش بيقولوا بيزيد

الهيبة عند الرجل الشرقي !!

يوم عادي من بقية أعمارنا نفس

المشاكل ونفس التفاصيل المملة

حد القتل لكل موظف بس لو كنت

طلعت السلم مش كان أسرع لك من

الإنتظار ؟؟

قصة جميلة ويوميات مهما كانت

تبقى ذكراها في النفس

تحياتي وإحترامي

ريــــمــــاس يقول...

صباح الغاردينيا
ههههههههههههه
هههههههههههه
ااه يابطني مش كرشي بسم الله عليا
دي تبقى مصيبة لو عندي كرش
عارف والله مت ضحك على افكارك دي
وكمان واقف طابور عشان الاسانسير
طب ماكنت طلعت السلم اوفر في الوقت
وافيد في نزول الكرش ههههههههه
شفت بقى الكرش عملك ايه
هههههههههههه
على فكرة انت فضحت مصطفى وريبال
عمالين يمدحو الكرش :)

؛؛
؛
صباح الابتسامة بجد يومي كان حلو
تصبحت بضحكة من هنا على فكرة
اوعى تدعي الدعوة الي دعيتها
في البوست الي راح ماتخليش ام زياد
تكرهني ربنا يخليهالك يارب
واشوفكم دايماً زي العصافير على غصن الحب :)
؛؛
؛
لروحك عبق الغاردينيا
كانت هنا
reemaas

وجع البنفسج يقول...

عندنا في فلسطين بنقول عن الكرش ..
" الكرش وجاهة " يعني تضيف على الرجل سمة الرجولة والجمال ؟؟ مش عارفة مين اللي اخترع هالمثل ؟؟ اكيد راجل بكرش !

reemaas يقول...

هههههههههههههههههههههههههه
اعوذ بالله من الشيطان الرجيم يعنى

بس حلوة فكرة استغلال اى طابور دى انا حاسة ان فيه علاقة اديمة بين الطوابير والمصريين


تحياتى وبلاش منه الكرش

شيرين سامي يقول...

هههههههههه
لأ يا أستاذ إبراهيم انت كده كل عاداتك بتجيب كرش مينفعش كده و بعدين ماكملتش وملاءك في الشغل عملوا إيه لما شافوا التوكتوك.

تحياتي ليك جامد كالعاده:)

دعاء العطار يقول...

ههههههههههه

ضحكتنى كالعاده ياأستاذ ابراهيم

هو ليه كل التكاتك بتشغل نفس ذات الأغنيه

وبنفس الطريقه كأنه عامل فرح

مالاقيش توكتوك يشغل فيروز ياربى D: D:

Tears يقول...

الكرش الجميل!.......هههه

و الله الكرش ده اكبر كارثة بتواجه الناس و تخرب الشكل العام اوى و الغالبية بتعتقد انه من كثرة الاكل مع انه بالاساس من الاسلوب الخطأ فى طريقة الاكل..يعنى المشروبات الغازية..المياة المثلجة او الفاكهة او النوم بعد الاكل على طول

ابراهيم رزق يقول...

مصطفى سيف

طبعا اى عزوة ده عزوة كبيرة قوى

نورتنى
خالص تحياتى

ابراهيم رزق يقول...

ريبال هيبس

طبعا الكرش بيزيد الهيبة عند الرجل الشرقى

انت عايزنى ابذل مجهود و اطلع السلم

نورتنى
خالص تحياتى

ابراهيم رزق يقول...

ريماس
صباح الفل
عايزانى اطلع السلم و ابذل مجهود
شوية كمان تقولى ليا نزل الكرش
اهو ده اللى فاضل

مصطفى و ريبال بيدافعوا عن المظهر الجمالى للكرش

نورتينى
تحية معطرة لكى

ابراهيم رزق يقول...

شجن البنفسج

ربنا يكرمك زى ما فرحتينى
خليكى ماسكة على كده الكرش وجاهة

نورتينى
خالص تحياتى

ابراهيم رزق يقول...

Reemaas

طبعا الانسان اصلا مخلوق لكى يعيش فى طابور

انتى عايزانى اتخلى عن الكرش
ميهنش علي

نورتينى
خالص تحياتى

ابراهيم رزق يقول...

شرين سامى

كل عاداتى فعلا بتجيب كرش بالذات ادمان المياه الغازية

انا ركبت التو توك لحد طريق الشركة ثم ركبت مع احد اصدقائى


نورتينى
خالص تحياتى

ابراهيم رزق يقول...

دعاء العطار

فعلا كل التكاتك بتشغل الاعنية دى و كمان السماعات اللى اكبر من التوك توك

نورتينى
خالص تحياتى

ابراهيم رزق يقول...

Tears

محسوبك مدمن مياه غازية و بعمل بعض اللى بتقولى عليه

نورتينى
خالص تحياتى

Carmen يقول...

ليه بنربط دايما الكرش بالعز رغم ان في ناس مستواهم عادي وعندهم كرش :))

ابراهيم رزق يقول...

كارمن
اختى الرقيقة

مشيها عز عشان خاطرى
ههههههههههههههه

نورتينى
خالص تحياتى

zizi يقول...

ا براهيم ...بتسعدنا دايماً بحكاياتك..ولعلمك انا باقرا مدونتك عشان اغير مزاجي للأجمل ..وحلوة حكاياتك..ومتهيألي ان اصحاب الكروش

لو كروشهم راحت شخصياتهم حاتتغير..ودايماً اصحاب الكروش دمهم خفيف ..وعندهم حب للفكاهة وادينا

شايفينك قدامنا اهو منتهى خفة الدم ..بوست جميل كالعادة وفي انتظار المزيد ..تحياتي ..