السبت، 24 سبتمبر 2011

بيت المدونيين ام مجلس امن السلفيين

سألنى كثيرين عن السجال الذى حدث امس فى بيت المدونيين بينى و بين احد المشرفين على بيت المدونين و قبل أن ابدء حديثى اقر لكم انى احترم و اقدر جميع المشرفيين على البيت و خاصة الاستاذة ايمان الحب الجميل كما أن علينا جميعا ان نتقبل النقد و لعل اسوء خصال المخلوع انه لم يكن يتحمل النقد نهائيا
لى كثير من التحفظات على عمل بيت المدونين من حيث الاداء
اولا  لم نسمع عن تبنى بيت المدونين اى مسابقة او احتفالية للمدونين و جميع التجارب مبادرات فردية من المدونين مثل كتاب المائة تدوينة و مدونة معطف من قيود
ثانيا لم يقم بيت المدونين باى بادرة لتنمية مهارات المدونين مثل دورات فى اللغة العربية على سبيل المثال لرفع مستواهم
ثالثا لم يقم بيت المدونين باى خطوة او بادرة لعمل اتصال مع المدونيين العرب مثل السعودية و سوريا و فلسطين و المغرب للتعرف على افكارهم  و ابداعاهم و زيادة التواصل بينهم و بين المدونين المصريين
رابعا لم يقف بيت المدونيين اى موقف ايجابى تجاه اى مدون مصرى او عربى تعرض للتنكيل و الحبس بل و القتل و الامثلة كثيرة
خامسا لا يوجد تحديث لاخبار المدونيين و توجد اخبار كثيرة عن وفيات لاقارب المدونين و البيت فى غيبوبة و لا نعرف بالاخبار الا من مدونة فاتيما روح قلب ماما  و الجزئية الوحيدة النشطة هى اعياد الميلاد بمجهود من الاستاذة ايمان الحب الجميل و بخفة ظل منها
هذه بعض من تحفاظاتى على اداء عمل بيت المدونين و لكن طالما المدونين راضين و طالما بقيت تلك هى وجهة نظرى الشخصية فلا بأس تلك مقدمة قد تكون طويلة قليلا لكنها مطلوبة

نعود لموضوعنا بداية القصة بتاريخ 19 فبراير 2011 بعنوان تجمع سكندرى + تحديث  التجمع السكندرى معروف قصته اما التحديث فهو اعلان اقسم بالله اعلان و هذا نصه 

يا جماعة العيال بتوع التصويت على المادة التانية من الدستور تحت بالاحمر اهه يا ريت ننقله فى مدوناتنا  علشان يوصل لاى عدد يصوتوا عليه لان للاسف العيال العلمانيين عمالين يعملوا تصويتات مش صح للتأثير على الراى العام 
التصويت ده مقفول على الاى بى بتاع كل واحد مهما تصوت و يقبل دا لو قبل مش بيتحسب الاسكربت
بغض النظر عن تدنى الاسلوب و لفظ العيال الذى تكرر قلت فى عقل بالى ربما يعانى الاخ من عدم الاقبال على مدونته و يريد ان ينشر اعلان مجانى ليس له اى علاقة بالبوست و سكت و لم اعلق
 امس تم نشر بوست عن الحملة النسائية للتبرع بالدم  طبعا لهم كل الحرية فى الحملة النسائية للتبرع بالدم او الحملة الاطفالية او الشيوخية كل له الحق لاى حملة لكن تمت مقدمة للبوست من بيت المدونين هذا نصها
 بناء على طلب الاخت نوران الشاملى صاحبة مدونة هذه انا هذه حياتى لنشر هذا البوست
و بما ان فكرته مرحب بها لدينا تماما و اننا نتبنى فكرة فصل القوات هذه بشدة لذا نتمنى لها فيها التوفيق و النجاح انشاء الله
استفزتنى المقدمة و شعرت بالمهانة ما هذا الذى يكتب هل وصلت الحرب بين المدونين و المدونات الى هذا المدى لدرجة تدخل مجلس الامن اقصد بيت المدونين لدرجة فصل القوات  و ما هذه الديكتاتورية فى ان يؤيد بشدة طبعا عبرت عن وجهة نظرى فى صفحة التعليقات و بما ان تعليقى قد يبدو حساسا للبعض و بما ان صفحة التعليقات تعطى الحق لغير المعرف بالتعليق فقد علقت و ابديت وجهة نظرى انا فقط بأنى مدون وان  هذه المقدمةلا تليق فما كان غير من الاخ المشرف على البيت ان علق بأن هذه سياسة البيت و انه سيتركنى فريسة للمدونين لكى يفترسوننى
فعلقت عليه بأن اى سياسة يتكلم عنها و ان لعبة تحريض المدونين لعبة قديمة و بايخة و من الافضل ان يلعب غيرها
فلما فقد الحجة و المنطق بحث عن اى حجة فقال انها دعابة
ثم اتبعه بتعليق بأن نوران الشاملى صاحبة البوست اعجبها المقدمة و انهم يديروا البيت بكل احترافية و حياد فرديت عليه مع احترامى الشديد جدا لراى المدونة نوران الشاملى فانها لا تمثل الا نفسها كما انى لا امثل الا نفسى كما اين الاحترافية و الحياد فى عبارة اؤيد بشدة هنا كشف عن وجهه الحقيقى وجهه السلفى انه يتحدث بأسم الشرع الذى يؤيد هذا فرديت عليه بأنه باى حق يتحدث بأسم الشرع  و هنا ظهر المتحدث الحقيقى بأسم بيت المدونين الاخ ويكا ويكا ويكا يتهمنى بأنى غير مدون فرديت عليه بأنه سيتم التعرف على ببوست اكتبه فى مدونتى فرد بأنى غير موجود على الريدر الخاص ببيت المدونين الذى يملكه الاخ ويكا ويكا ويكا و تدخل بعض المدونين الذين اعتز بهم فدخلت بالاكونت الخاص بى فعلق بعض المدونين بالاعتذار لى لكن الاخ ويكا ويكا ويكا خرج بالتعليق الذى اسكت كل خطيب و هو
ههههههههههههههه
مش قلتلك انك مش على الردير
هههههههههههه
اقسم بالله العظيم ان هذا التعليق لو خرج من زياد ابنى الصغير صاحب الثمانى سنوات لتعرض للتوبيخ منى و العقاب و لكنه خرج من احد المدونين يتهكم من انى  لست على  الريدر الذى يملكه هذا هو فكر احد المشرفين على بيت المدونين
ان بيت المدونين هو بيت امة المدونين اى مجلس الشعب و يجب على المشرف عليه ان يدير البيت لا ان يفرض رايه و ديكتاتوريته اى مثل رئيس مجلس الشعب يدير فقط و عندما يريد ان يقول رأيه ينزل الى مقاعد النواب و هنا فى بيت المدونين مقاعد النواب هى صفحة التعليقات هذا ما افهمه  هل فرض الراى و الدكتاتورية هى سياسة البيت و هل كانت الحملات المشتركة السابقة للتبرع بالدم  حملات ضد الشرع  و ان من اشترك فيها قد ارتكب اثم  و هل يتبنى البيت الشرع و ما هو موقف المدونين المسيحين اصدقائى الاعزاء مثل رامى و عادل صليب و فينوس من البيت
هل هى بداية سيطرة الفكر السلفى على بيت المدونين هذا هو سؤالى و لكم جميعا مطلق الحرية فى الاجابة
                         تحديث لابد منه
اسلوب من معى فهو مع الشرع و من هو ضدى فهو ضد الشرع  و ستنزل عليهم قارعة من السماء  لا تبقى احد اسلوب كوميدى و فكاهى و عفا عليه الزمن
ايضا اسلوب التهديد و الوعيد و الابتزاز و الادلة التى سوف نسعق منها اقصد نصعق اصلى انا لا اجيد الكتابة مع انى اكرر الكلام فمن معه ادلة فليظهرها  و ان كنت خائف من الصعق علينا اعتقد انها فرصة لكى تتخلص مننا 
مواجهة الفكر يجب ان تكون بالفكر لا  بالتهديد و الوعيد فهذا امر غير مقبول و يدل على انعدام الفكر و المنطق ان كان اصلا موجود
نقطة اخرى تمكين الاشراف على التعليقات فى بيت المدونين هو قمع لحرية الراى و اشراف على ما لاتملك و كان يمكن ان يكون عدم السماح بالتعليقات المجهولة ان كان يوجد شىء فى بيت المدونين يخشوا عليه على العموم اعرفكم انى ارسلت ردا على ما يدعيه المشرف و لهم كل الحق فى نشره او عدم نشره اصل البيت بيتهم
يبقى سؤال و ارجو الاجابة عليه
ماذا لو قال لك احد يلعن ابو مصر ماذا تجيب عليه 
  
     
   
 

هناك 33 تعليقًا:

reemaas يقول...

بيت المدونين؟
انا اخر من يعلم هنا ولا ايه


اللى اعرفه ان فيه مدونة اسمها بيت المدونين بتجيب اعياد ميلاد المدونين وكنت بسال نفسى ياترى هيعرفونى ازاى يوم عيد ميلادى:)

لو كان فيه كيان بالصورة اللى حضرتك فرضتها دى يا استاذ ابراهيم والمفروض تكون له الوظايف دى ليه انا كمدونة ماعرفش عن نشاطه حاجة؟

هل لانى مش بتابع ولا النشاط مش معروف؟

Unknown يقول...

أستاذ إبراهيم هتكلم عن نقطه واحده و هي التبرع بالدم النسائي و طريقة الإعلان عنه...منتهى الإهانه للرجال و للمدونات كمان اللي راحوا قبل كده و كأنهم كانوا بيرحوا يعاكسوا و يتعاكسوا...بجد أنا قررت عمري ما هروح تجمع للمدونين تاني...عشان عيب كده إحنا مش معرفة شارع.
بس خلاص

شمس النهار يقول...

ايه ده ياشباب انتوا بتلعبوا والا بتتخنقوا
:))
علشان كده بقا لما رحت البوست مالقيتش التعليقات متاحة وانا اقول في ايه
:))
الحقيقة لما لاقيت التعبيقات مغلقة استغربت ازاي بيت المدونين والتعليقات مغلقة
!!؟؟؟
بالنسبة لتحفظاتك انامعاك فيها
ويجب علي القائمين علي بيت المدونين يحاولوا يتفاعلوا معاها وخصوصا انها بنائه
وخصوصا موضوع اللغة العربية دي
وانا اول الناس اللي هتشترك
بدل مانص البوست عندي مابيبقا كله غلطات نحوية واملاء
:)))))))))
كمان ماعملوش ليه عيد ميلاد اشمعنا بقا
:)))))
لأ بجد عجبتني تحفظاتك وياريت تتحقق
بالنسبة للبوست اللي لاقيت التعليقات فيه مغلقه
ورحت عند خيخا لاقيتها برضوا قافلة التعليقات
بصراحة ماعجبنيش الدعوة والا طريقة عرض الموضوع
ده تبرع بالدم مش درس دين واخلاق
طيب انتوا لما هتبقوا هناك مش هيبقا في رجاله والا ايه؟؟
وايه موضوع رجالة وستات ده
وبعدين طريقة المصادره علي المدونين في موضوع التعارف
انتوا كده بتدخلوا في النيات
ماينفعش حد يعمل خير واقوله تعمله وللخلف در امشي لحسن كده مش هيبقا خالص لوجه الله
دي مصادره علي الحريات وعلي علاقة العبد بربه
وباب التبرع موجود ومش محتاج منظرة
مش لازم يعني يوم مخصوص
مااللي عايزة تروح تروح من غير بروبجندا ولا من شاف ولا من دري ويبقا خالص مخلص لوجه الله بقا!!!
وايه لزمت انه يكون يوم مخصوص للمدونين؟؟
وماعجبنيش مافيش واحدة جوزها يوصلها ويدخل!!!!؟؟؟؟
افرض مدونة مابتتحركش غير بجزوها
لأ
ياجماعة الموضوع غريب ومش لطيف
وماينفعش نتعامل كده مع بعض
المفروض اننا مميزين
والعقل زينة برضوا
والا هفتح بلوجر مره الصبح الاقي مدونات للنساء فقط ومدونات للرجال فقط
:))))
واللي يدخل هنا من اللي هناك
يبقا عليه اللعنة وثكلته بوستاته
وغطي راسك ياحلوة وانتي بتكتبي البوست ماتضمنيش مين معدي علي الريدر
:)))))
يخرب عقلكم ضحكتوني وانا كان عندي يوم مرهق جدااااااا
وكمان المشير بدهولي بداية امنيييييلة بنيييييلة بطين
عييييييييب
حبوا بعض

عالمى ازرق يقول...

توقفت امام العنوان والصاق الامر بالسلفيين وكل فكر تشدد اختلفنا معه اصبح سلفى .. كنت اتمنى الا تقع فى نفس الخطأ الذى عانيت منه وهو تقبل رأى الاخر وان اختلف

اتفق معك ان الاسلوب لايليق بالحوار بهذا الشكل



ملحوظة

بجد ضحكنى التعليق بتاع انك مش موجود فى الريدر وفكرنى بمسرحية شاهد مشفش حاجه " هو انا اسمى مكتوب ؟"
اهو الحمدلله طلع اسمك مش مكتوب

عمرو يسرى يقول...

احيك على هذا البوست
واعتذر لك على اى اساءه حصلت
لكنى اعاتبك انك دخلت بغير معرف لان شئ بيستفز الواحد لما بيلاقى غير معرف داخل بيت المدونين بيعترض عليهم حتى لو كان مؤيده لانه خاص بالمدونين وليس غير المعرفين لكن ده غلط من الاداره
انا شفت البوست دعوه نسائيه للتبرع فمررت عليه مرور الكرام ماركزتش اوى فى فصل القوات والاسلوب وبصتلها انها دعوه نسائيه وخلاص
بس احيك على البوست
عندك حق
تحياتى

مصطفى سيف الدين يقول...

تصدق بالله يا ابراهيم انا اتكلمت مع خيخة امبارح في جروب على الفيس بوك وقولتلها الىتي
قلتلها من حقك تعملي حملة نسائية ومن حقك تطلبي من اللي ييجي بس للتبرع مش التعرف
انتي صاحبة الفكرة ومن حقك تنفذيها زي ما شايفاها في دماغك
واسمع بقى الباقي ومعرفش اللي حصل امبارح في بيت المدونين بينك وبين وئام لكن قلت نفس كلامك تقريبا
قلت الآتي
اللي كتب المقدمة وهو بيمثل بيت المدونين المفروض يكون محايد يقدم الاعلان زي ما هو ميتبناش فكرة عن فكرة تانية
قلت لما ييجي يقول فصل قوات يحسسني لا مؤاخذة اننا مش ناس مثقفة لكن وحوش بشرية مش مدونين ابدا
ولما ييجي يقول نتبنى وهو بيحضر تجمعات للمدونين فيها الجنسين يبقى بيزايد وانا مش بحب المزايدة
الكلام ده قلته بالنص لنوران واكيد وصل لوئام
واقسم بالله ما شفت حرف من التعليقات بتاعتك بس حسيت بالنرفزة من الاسلوب انا يمكن معاه في الفصل وتطبيق الشرع بس مش بالطريقة دي وزي ما قلتله ان كلامي مش معناه انه منافق لا سمح الله لان ربنا قال (يا ايها الذين آمنوا لم تقولوا ما لا تفعلون كبر مقتا عند الله ان تقولوا ما لا تفعلون ) فوصفهم الله في بداية الآية بالمؤمنين ولكن وضح ان من يقول ما لا يفعل بانه كبر مقتا عند الله
كلنا نريد تطبيق شرع الله ربما تختلف اجتهاداتنا في تطبيقه لكننا كلنا نريد ذلك فلا يحق لاحد ان يزايد على احد
تحياتي لك

zizi يقول...

جماعة الخير ..اولاً يعلم الله اني اقدم رجل وأؤخر الأخرى وانا اكتب في هذا الموضوع الشائك ..ولآخر وقت قلت ما اكتبش ولا أعلق ولا حاجة .زلكن للأسف هو "الكبير"في أي موقف لازم يدلي بدلوه وإلا الناس حايروحوا يشترولهم كبير وده الأيام دي غالي قوي لأنه "شاحح"في السوق "لو سمحتم اقروها صح :شاحح بالحاء وليس بالخاء"
وحيث اني الزمن مارضيش يكسر لي خاطر وجعلني كبيرة هذه القعدة "سناًبس والله" مع الإحتفاظ بالمقامات لأصحابها..
حيث ذلك ...إذن:بناءً على العرض الذي عرضه ابراهيم رزق عن بيت المدونين "الذي اسمع عنه لأول مرة "ربما لتقصير مني انا لأني افضل الدخول على المدونات بأسم اصحابها لكن ما باحبش نظام الجمعيات التعاونية واسأل والنبي عندك ايه النهاردة وممكن في الآخر مالاقيش حاجة ..لكن يعجبني النظام ..وانا عن نفسي الحمد لله الكام عضو الفعالين اللي معايا ودايماً سائلين عليا دول بالدنيا بحالها يبقى ليه اسيبهم واروح ادور على فراخ والا حتى بط الجمعية ؟؟؟؟نيجي بقى لموضوع التبرع بالدم المرادي ؟انتم ليه كلكم عملتوا منه مشكلة ماتيجوا سوا نحط النقط على الحروف ونشوفه من الأول :
1- البت خيخة واي كلام سابقاً اللي بقت دلوقتي هذه انا ...هذه حياتي اكيد كلكم تعرفوها اكتر مني بحكم تعاملكم معاهاوبقالها حوالي تلات سنين معاكم بخيرها وشرها .زبضحكها احياناً ونرفزتها احياناً اخرى ..لكن انا با أذممكم ذمة عمرها كسرت بخاطر حد فيكم "عنوة "..ما تردوش دلوقتي ..حا سيبكم لآخر التعليق وبعدين ردوا ..
البنت دي والا الست دي لما نيجي احنا نحس ان اسلوبها في الكتابة معانا اتغير واسلوبها في الحياة اتغير واحوالها الإجتماعية بتمر بظروف صعبة وخارجة من تجربة صعبة ومش عارفة ترضي مين والا مين وبتعمل خير ولكن في نفس الوقت كل يوم عايزة تتقن عمل الخير ده عن اليوم اللي قبله .وفي وسط كل الظروف دي البنت من كتر تشويشها اتكلمت بحدة شوية يمكن من فرط انفعالها..(يوجد تتمة)

zizi يقول...

تتمة ..اتكلمت بطريقة زي اللي راحين ..شايلين في ايدنا سلاح..راجعين حالفين لنجيب رايات النصر..وبصراحة في وسط كل الظروف دي ولاننسى ماتعرضتله هي شخصياً وانا وكذا كام واحدة من المدونات المحترمات من حملات لا ندري مصدرها لفرض النقاب من خلال المدونات بالرغم من ان القائمات على هذه الحملات بالتأكيد لم يرونا ولهذا كان الإستغراب ؟؟ألا يجوز ان تكون منا المنقبة بالفعل او من لا تريد النقاب او من ترى ان ما بينها وبين الله وهي في هذه السن "متهيألي كلنا كده اكبر من 25 ماعدا انا طبعاًاقل من هذا بكثير "واقول ان نوران الشاملي قد كانت من ضمن المعرضات لهذه الحملة وهي يادوب خارجة من تجربة انسانية المت بها ..اي انها في مرحلة ضعف انساني كلنا يمر بها في بعض الأحايين ..
الا يستحق كل ما يمر بنوران من "لخابيط " تنوء بحملها الجبال أن نلتمس لها عذراًلو لسانها "زلف "معنا ببعض الكلمات التي هي بالفعل لاتقصدها
لكنها زلفت منها وحتى رأيها في ان تقسم الأيام لستات فقط او مشتركماذا يضير في ذلك لكن قد يكون التشدد الوحيد الذي آخذه عليها ان هذا التجمع النسائي للتبرع فقط وممنوع منعاً باتاً وجود ستات للتعرف هذا هو التشدد الوحيد الذي لا اوافقها عليه والذي يمكن ان يهدم نظرية التبرع بالدم رأساً على عقب وفي هذه الحالة ستقول الكثيرات نحن كنا نتجمع للتعارف فلماذا نضطر للذهاب في يوم واحد مادام الغرض هو التبرع بالدم فقط وستقف لنا ابلة نورة بالكرباج اللي حايتبرع وبعد مايتبرع حايتعرف ياويله ويا سواد ليله ..لا يا إبنتي ..اوغلي في الدين وفي الخير برفق ..
2- شيرين سامي ..بين نارين ومية عشقتكم عنيه ..صعب هنا الحكم لأن الإثنتين بناتي..بس يمكن شيرين دخلت عند نوران متأخر شوية فلسة مش عارفة قلبها الأبيض ومتهيألي يا شيرين بعد ما "فصصت "نوران قدامكم روحي وقوليلها انا جاية النهارده مخصوص عشان اتعرف عليكي ..وشوفي حاتعمل معاكي ايه ؟؟؟؟؟؟؟؟؟؟؟؟؟"متهيألي اقرب قسم هو مديرية امن الجيزة "اهو انتي وحظك اذا لقيتي لسه فيه امين شرطة والا حاجة اهو ينفع .والله حاتدعيلي .."للحديث بقية "

زينة زيدان يقول...

ليس لدي اي فكرة عن بيت المدونين ونشاطه
ولكن اي كان يجب ات تتقبل الآراء وتناقش بشكل حضاري..

تحيتي

zizi يقول...

تتمة ..3- فاتيما :ربما لا تعرفينني لكنني منذ فترة اسمع عن زهرتيّ التدوين "في مجموعتكم " معلش عشان في مجموعتنا فيه زهرات وفراشات ودكاترة للتدوين علشان بس الأمور ماتختلطش اما انتما فأنا اعرفكما منذ زمن "قبل ان انشيء مدونتي "وقبل ان ينشيء ابراهيم رزق مدونته .وكنتما انتي يا فاتيما ونوران الشاملي زهرتي هذه المجموعة ومنذ تمت حملة التبرع بالدم وانتما معاً "مش المهم مين صاحبة الفكرة " المهم انك اعنتيها عليها ..جاية النهاردة يا طمطوم وانتي اللي باقول عليكي العاقلة الراسية وتتنحي ..زهو التحرير اثّر عليكي والا ايه ده بدل ما تطلبي من نوران انك تقابليها فوراً في أي مكان وتقعدي معاها وتقترحوا مع بعض انسب حاجة ترضي كل الناس وتهدي من نوران وتقوليلها انا معاكي في كل حاجة بس شايفة كذا حايبقى افضل ..مش برضه الصداقة بتفرض علينا حاجات ياجميل انت ...انا اعاكس براحتي انا اصلي في سن حرج احترسوا مني ..قلتي ايه يا طمطوم لو انا غلطانة في حاجة قوليلي لا يا زيزي دي غلط وانا مش حاقبل كلامك على طول "ديموقرطية بقى "
لها تتمة4

zizi يقول...

تتمة 4- ابراهيم رزق :الله يا ابراهيم تصدق انا حاسة ان احنا في بيتك وانت عاملنا شوية شاي مضبوطين "بس مش زي اللي عملته لأخو زوجتك "ههههه..

انا باكلمك دلوقتي وانا عارفة ان الليلة دي كلها قايمة عليك ..بص يا ابراهيم عايزاك تعمل زيي انا احياناً بيجيلي تعليقات من ناس لسه مش عارفين يعني ايه تدوين وعلى فكرة التدوين مش قبول الرأي المطابق لرأينا وتدمير الرأي الآخر ..فأنا بادخل المدونة من دول اللي اسلوبه يعجبني واعرف ادون عنده ادون وفيه ساعات زي مدونة الأستاذ حمدي جعوان اسلوبه لما يعلق عندي او عند غيري بيعجبني قوي وآجي اروح ارد الزيارة ما عرفش ابداً التعليقات عنده بتتكتب ازاي وفين وغالباً مابتقلب معايا على رايق كول "لو سمحتوا جربوا انتم وقولولي كيف ادخل مدونة الأخ الفاضل "حمدي جعوان"فباقولك يا ابراهيم المدونةدخلتها عجبتني علقت فيها وطلعت ..عجبتني قوي علقت فيها وما طلعتش ...عجبتني جداً جداً علقت فيها ثم علقت عليها بعد ذلك في مدونتي عشان اللي يحب يستمتع يروح المدونة الفلانية ويمكن ده بيخلي بعض ابنائي المدونين الصغاراو بمعنى اصح الشباب اللي لسه فاتحين جديد بيلجأ اليّ لغرض تعريف جمهور المدونين بيه وهذا شيء يسعدني ...
فاضل مين بقى يا ابراهيم ؟؟؟؟؟؟؟؟؟؟؟؟؟؟؟؟قول انت بقى النوع الرابع الذي لايروق لي :في اي حاجة :في اسلوبه في طريقة عرضه ززدمه تقيل على قلبي زززمدونته تقيلة على معدتي ...

النوع ده يا ابراهيم ويمكن ده عشان انا عندي السكر بس ومش عايزة يبقى عندي المتلازمتين السكر والضغط ..في الحالة دي باعمل للخلف در وتوبة والنبي توبة ..وهذا بالنسبة لما حدث معك بالأمس لو انا مكانك كنت حاعمل كده ولا ليا بيهم دعوة خالص عملوا ماعملوش اذاعوا ما اذاعوش ولا اشغل بالي بيهم لأن اللي انا اعرفه عن نوران انها لديها من الأنياب ماتكشر بها اذا احست ان في الموضوع ثمة دعاية عن السلفية او اي منهج آخر يمكن ان يخرج بدعوتها للتبرع عن منهجها الأصلي وليس للدخول بها في منزلق آخر لا أظنها تبغيه .ز(هناك بقية )

zizi يقول...

5- ويكا ..مع انني لا ادخل هذه المدونة الا قليلاً جداً ومع انني احس وانا اتحدث عنها انني امشي فوق الأشواك لكني مضطرة طالما تحدثت عن كل الأطراف ان اتحدث عن هذا الطرف :عرفت من ابراهيم بالأمس ان هناك شبه منازلات تدور فيما يسمى ببيت المدونين (وهذه اول مرة اسمع عنه ربما لجهلٍ مني ) وان هذه المنازلات تتناول مسألة التبرع بالدم الحريمي الذي نادت به المدونة نوران الشاملي وان هذه الحملة قد انتقلت اخبارها الى بيت المدونين بإعتبار نوران مشتركة فيه ..واشياء بالتأكيد انتم سمعتوها وذهبت ولم اجد التعليقات وكأنهافص ملح وذاب ووجد ابراهيم نفسه وكأن احداث الأمن الوطني تتكرر والمستندات كلها قد احترقت فماذا يفعل فعل هذا الذي نقرأه حالياً وهو رغم حدته فيه شيء من الصدق والحقائق والرغبة في الأفضل ..وذهبت الي هناك الى مدونة ويكا ولأن الفجر قد أذن فاسمحوا لي ان اعتذر ولتكملوا انتم الذهاب لمدونة ويكا لتقرأوا ماكتبه اليوم حتى تكون كل الخيوط امامكم ولتحكموا على كل الأحداث بطريقة متحضرة فيها وستبقى فيها ماحييت انا "لما اموت ابقوا اعملوا اللي انتم عايزينه "فيها روح الأخوة التي كانت تقسم بها نوران ومازالت ..ماذا حدث يانوران ..افتحي قلبك لهؤلاء الذين ينتظرون منك الكلمة الطيبة افتحي وقولي ..وانتم جميعاً اسمعوا واحسوا بمن امامكم حتى اطمئن انا على نفسي بينكم الست بشر وقد تلم بي الأحداث فأتنفس بينكم ماذا تفعلون بي وقتها اتفصلونني من بينكم ؟؟؟؟؟؟؟بعدُكم

تحياتي ولتقرأوا جميعاً التعليق من اوله اما انا فاتركوني مع اصدقائي على الفيس بوك ..تحياتي وشكري

The illusionist يقول...

سالخير يا سالزياد

تحب رأيى

ده مش تدنى اسلوب

ده تدنى فكر

ده مش بيت مدونين

ده تقدر تقول لعب وفرفشه

تزبيط

تهييص

الناس التافهه ما اكثرها

والناس الاتفه ما اكثرهم

هناك بقى فى بين المدونين

هتلاقى الاتنين

يا سيدى الفاضل

تلت ارباعهم اطفال

فكريا

خساره انك كتبت بوست عليهم

ده مش بيت مدونين

دى مدونه عاديه للتهييص والوفيات واعياد الميلاد والكومنتات وخلاص

عرب ايه ورفع ايه ومستوى ايه

يا استاذى العزيز مش هيحصل الكلام ده منهم

اذا كان هما نفسهم القائمين مستوى اللغه عندهم متدنى اكتر من طلبه الاعدادى

مع احترامى لبعض الشخصيات هناك

بس صباح الخير يا سالزياد

متحطش امل كبير على حاجه زى دى

ده مش بيت مدونين

ده بيت ناس رايقين

وفاضيين

وعجبى

Emtiaz Zourob يقول...

ريدر مين والناس نايمين ، بعدين شو هذا بيت المدونين ؟؟ اول مرة اسمع به .

بالنسبة للمناقشة كان لازم تكون بشكل حضاري اكثر من هيك ومش باللهجة الواردة وفيها نوع من التهكم والسخرية ، فالكل يعرف من هو الاستاذ ابراهيم رزق وكتاباته التي نستمتع بقراءتها ومدونته التي نتشرف بزيارتها والتعليق فيها .

كان يجدر بالقائمين على بيت المدونين ان يتسم بالحيادية والنزاهة والشفافية وان لا يتنبى رأي أحد على حساب رأي احد اخر او طرف عن طرف اخر .. فالبيت للجميع بدون استثناءوعلى اختلاف مشاربهم ..

انا معاك في رأيك ومتفقة جدا ولا اشك بكلمة واحدة مما قلت .. وبناقص بيت للمدونيين .. خلي كل واحد في بيته قصدي مدونته وخلاص ..

افكار مبعثرة يقول...

انا اول مرة اسمع عن بيت المدونين ده و كل ملحوظاتك عليه انا معاك فيها لازم يكون ليه دور بين المدونين و يكون دور ايجابي
اما بقا بالنسبة للموضوع اللي انت كتبته فده ما يبقاش بيت مدونين يقبل الرأي و الرأي الاخر ده كده يبقى فرض رأي رسمي و اللي مش عاجبه يمشي
حاجة تقلق فعلا
تحياتي ليك

Ramy يقول...

أستاذى العزيز جداً

أستاذ ابراهيم

أولا أريد أن أتكلم عن نوران الشاملى من الشخصيات المحترمة جداً حتى لو كنت مختلف

انا شفتها مرتين مرة فى يوم أبو الريش و أفطار جماعى

و يوم تبرع بالدم و كانت بتتبرع و بتمشى علطول

هل ده معناه اللى قعده وحشين و هى كويسة

مأظنيش هى فكرت بكده

ممكن هى قالت الفكرة دى علشان بعض المدونات الستات يكونوا طلبوا كدة مفيش مشكلة

عادى يعنى

بس الموضوع خد أكبر من حجمه يمكن

بس لما روحت و قريت عند بيت المدونين

ليا ملحوظة ليه يا ويكا لما قالوا هنعمل لقاء و كان فيه ستات و رجالة جيت مادام تُفضل فصل القوات

ما أظنش ان المبدأ و لا الشرع يجزأ

و كمان هل اللى مش هيشركوا ف الحملة غير فاضلات

معلش يا ويكا انت خرجت الحملة عن اطارها خالص و جبت مواضيع ملهاش لازمة أساساً

أنا كان عندى تعمل تنويه او تنزل البوست بتاع نوران و بس

علشان محدش يفهمنى غلط

لأنى مع استاذة شيرين ف تعليقها

طب روحت أول لقاء ليا أبو الريش للمستشفى و كمان للتعرف بالناس اللى كتبت عندهم فترة و كتبولى كتير و مشفتهمش

هل دة ينقص من أنى رايح لشيىء كويس

و لا أنى أسأت لأى شخص فى اليوم

لالالا بس كدة مش كويس أننا نحمل الأشياء أكتر من حجمها

لازم لما نقول أراءنا منجرحش اللى حوالينا

فاتيما يقول...

ممكن مبدئياً اقول حاجة ؟

يا جماعة
ممكن منكبرش الموضوع عن كدا
لأنه ميستاهلش
اننا نخسر بعض
ونغّلط بعض
و نزعّل بعض كدا ؟


كل واحد حر


إبراهيم رزق
-----------

بص يا ابراهيم
انا متفقة معاك ف ان بيت المدونين مقصّر فى بعض الأشياء
بس على فكرة
دا كان رأيى من قبل ما يتعمل
زماااااان لما الباشمهندس ويكا جه وبلغنى بإفتتاح المدونة وساعتها أنا قولتله ..انها فكرة كويسة لكنها عادة لا تنجح لأنى شفتها فى اكتر من محاولة سابقة وعادة لا تستمر او يخفت بريقها بعد وقت ...
لأن صعب حد يجمع هذا الكم من المدونات
ويلاحق على اخبارهم
و مناسابتهم

ولكن افترض ان البيت ..
بيت المدونين فى دايرة معينة ..
ولذلك لهم حق الإجتهاد
وكتر خيرهم

اتفق معاك كمان
ان فيه سياسة معينة للبيت ولا تتفق مع الاغلبية ولهذا برضو ارجع واقولك ..
هذا البيت لا يتحدث بالنيابة عنا جميعا
يعنى مش نقابة ولا كيان رسمى
وزمااااان برضو لما عملوا البتاع اللى اسمه اتحاد المدونين .. اغلبنا طلع ف اللى عملوه اكلوهم لإن التدوين مبنى على الحرية مش التقيد ...
ولهذا أى شىء كنت بشوفه ف بيت المدونين مبيعجبنيش
مكنتش باخده على أعصابى يا ابراهيم
وبطالبك بكدا يا غالى
عشان متضايقش نفسك ...

الناس الطيبين هناك بيحاولوا يجاملوا و يعاملوا واجب قدر امكاناتهم
وكل حد بيكتب هناك
بيكتب بشخصيته
ولهذا انا بتقبلهم على هذا الأساس
وبهتم اقرى مين اللى كاتب البوست المرة دى عشان اعرف هقراه بأى روح ...
قلب القطة ليها طريقة
و ايمان الحب الجميل ليها اسلوبها
و الباشمهندس ويكا له فكره ونهجه
وانا من غير ما اشوف الإسم ..
عرفن من المقدمة ان دا بوست الباشمهندس
لأنى عارفة طريقة تفكيره نوعا ما
وعشان كدا معلقتش ....

علقت عند نوران لأن العشم بينى وبينها كبير ويسمح أقولها رأيى من غير ما أقلق او اخاف تفهمنى غلط ولاّ حاجة

بس زى ما كتبت عندها
ف بوست اعتذارها لشرين ...
انا اخترت التوقيت الخطأ يمكن ...
بس معلش


بإختصار يا ابراهيم
متكبروش الحكاية كدا
هيا أبسط مما يجب

و خالص ودى ليك يا غالى

فاتيما يقول...

شيرين سامى
---------

اولا
انا بشاطر خيخة ف الإعتذار ليكى يا شيرين ...
وبتمنى أنك متزعليش
وفعلا زى ما مكتوب ف التعليقات
خوخة ليها طريقة جايز متكونش صادمة احيانا بس انتى فعلا لما تعرفيها او قابلتيها هتكتشفى انها انسانة اطيب مما تتخيلى و انها متعرفش تأذى نملة عمدا ...

انا عاتبتها بالنيابة عن الجميع بما فيهم انتى ...
وهيا طلعت أجدع منى ومن أى حد
واعتذرتلك علنا
واتمنى تقبلى دا
وتدينا فرصة تانية
فى أى لقاء قادم وتشرفينا
ومتزعليش

ممكن ؟

فاتيما يقول...

zizi
----

انا معرفش حضرتك قوى
بس أظن ان حضرتك علقتى عندى زمان
فى بوستين سابقين
وواحد فيهم كانله علاقة بخيخة برضو
وكان بوست الجمعة العظيمة أظن ...
و اسمحيلى أكرر لحضرتك
ان حضرتك مديانى أكبر من حجمى جدا
ومن تأثيرى على نوران
نوران أقوى من أى حد يتدخل ف قرارتها
و دايما أؤكدلها ان التبرع بالدم دا مشروعها وابنها ...
ومحدش فينا من حقه يعدل عليه
وانا لما لقيته واخد شكل مختلف تماما عن اللى انا متعودة عليه كان لازم اعتذر عن الحضور عشان اللى جاى و متصور انى جاية يفهم اسبابى ويعرف فيه ايه ...
لكن انا مش من حقى أعدل على خيخة
ومن حقها تختار لفكرتها الغطار المناسب
انا قولت اسبابى وفقط
ومعتمدة على ما بينى وبين نوران من عشم وتجارب سابقة ف عرض رأينا بصراحة ف صفحة التعليقات ومبيحصلش حاجة غير كل خير ف الآخر ...
والحمدلله

ثانياً
مين قال لحضرتك انى هذوها العاقلة الراسية ...
والله حضرتك مديانى فعلا اكبر من حجمى


ثالثا بقى
حضرتك تقصدى ايه بزهو التحرير عشان انا حاسة انها حاجة مش حلوة
ولا أنا متهيألى ؟

ثالثا دى تُقرأ
مع الأخذ ف الاعتبار ثانياً ...
بإنى مش عاقلة راسية ولا حاجة ..
(وش مبتسم )
وانى شخصية عادية يا مدام زيزى
بتغلط وتشيل على قدها
يا ريت وهطلب حضرتك
الطلب دا رجاءاً ...
انك لو سمحتى متحملنيش أرجوكى
اكبر من اللى أقدر أشيله
واعمله



وانا شاكرة ليكى جدا
على رأيك

فاتيما يقول...

The illusionist
---------------

يا باشمهندس
اسلوب حضرتك محزن جدا
مع كامل الإحترام لشخصك ولرأيك

فاتيما يقول...

واخيراً يا إبراهيم
انا أسفة لأنى إحتليت الصفحة بتعت تعليقاتك كدا

بس انا مع رامى قلبا وقالبا
يفترض ودا أساسى الا يكون هناك توجه سياسى او دينى او عرقى أو أى شىء على مكان يفترض بيه انه يكون للجميع ...


ومدوناتنا الخاصة كفيلة بذلك



وتحياتى ليكم كلكم

ويا نوران
احنا بنحبك يا بت يا خيخة
والا مكناش نهتم بيكى كدا بجد

وربنا يصلحلك دايما الاحوال

آمييييين

لــــ زهــــــراء ــــولا يقول...

اولاً اقتراحات حضرتك جميلة جداً وخاصاً دورات اللغة العربية لانها هتفدني كتير بدل ما انا بشكل بمزاجي على طول (:

ثانياً انا معترضة على ان اي فكر متشدد يلصق بالسلفيين

ثالثاً فكرة التبرع بالدم وانه يكون حملة نسائية فقط انا احترم اصحاب الفكرة واحترم عقولهم واتذكر مقولة نجيب محفوظ" العقل الواعي هو القادر على احترام الفكرة حتى ولو لم يؤمن بها "
هي حرة او هو حر
انا اعتقد ان الاسلوب بس يمكن اللي هوه عليه كلام اسلوب عرض فكرة الحملة

لولا

beautiful mind يقول...

الحمد لله اني بعيد عن كل المواضيع دي
بس اكيد لما حد بيتعصب لفكرة بيبقي الموضوع صعب جدا
تحياتي لحضرتكم ولشخصكم الكريم
وتمنياتي لك بكل التوفيق استاذ ابراهيم

zizi يقول...

ابراهيم ..انا باشكرك على استضافتنا كلنا واديك من غير ما تقصد عملت بيت العيلة ..وبعد اذنك انا بس حاوضح لفاتيما حاجة :الحقيقة انا عايزة اقولك "هو التحرير اثر عليكي"وليس زهو ولكن لأني كنت عاملة نقط نقط فجاء حرف الزين خطأ بعد النقط ..وما تخافيش هي حاجة حلوة ومجرد مزحة ..وهو انا اقدر اكتب فيكي حاجة وحشة ..عموماً انا باهنيكي على ذاكرتك النشطة "ربنا يديمها عليكي نعمة وانا ماسكة الخشب اهو "لكن انا كتبتلك كتير قبل ما أفتح المدونة ايام ماكانت مدونتك بتسمح بالأسماء فقط مين غير اكونت لأن كنت لسة ايامها ما عنديش اكونت ..اما تحميلي اياكي اي حاجة عايزة عزم فده عشان عارفة انك على قدر هذا العزم ..فمعلش ده من العشم ومعرفتي نورة بالنسبالك ايه ..استحمليني يا بنتي ..ماما زيزي

The illusionist يقول...

معلش يا ماما اتيما

انتى عارفه انى اقصد ناس محدده

وعارفه ان رأيى مش من فراغ

انا مبقولش رأى عن فراغ او دى اول سنه ليا تدوين

وحضرتك عارفه كمان قد ايه الكلام اللى بقوله صح

اسلوبى طالما احتفظ برونقه واحترامه فده عاجبنى

لكن لو فى حقائق محزنه فمعلش اعذرينى

مقولتش حاجه غلط

بس عمرى ما قولت حاجه فى ا موضوع

بس لما لقيت حد طرحه حبيت ارد

ومجيبتش سيره اسماء لسه اهو ولا قولت ده بيقول على ده وده بيعمل فى ده

انا شطور خالص اهو

بس الرونقه والتزويق للكلام مش هيغير لمعناه

صباح كخير

FAW يقول...

بحييك جدا يا أستاذ إبراهيم عالبوست ده

للأسف عرفت الموضوع متأخر بعد ما البوستات الغاضبة بدأت تملي بلوجر :)

أنا بصراحة كنت فاكر إن الموضوع مجرد فكرة عنيدة ونظام صاحبه - أو صاحبته - مش عايز يخرج عنه لمجرد عدم الخروج , مكنتش أعرف إنه موضوع فكر متشدد وحجر عالآراء وخطاب بقناع الدين من الدرجة الأولي . . للأسف الظاهر المتنفس الوحيد هيكرّهونا فيه هو كمان . . شكلنا فعلا هنلاقي مدونات للسيدات وأخري للرجال


بصراحة من أول ما بدأت تدوين وأنا نفسي جدا أحضر أي لقاء , بس للأسف - والحمدلله - بعد الموقف ده مش هيحصل أبدا رغم الخسارة لأن فيه شخصيات أخري كتيرة تستحق .

خالص تحياتي . .

فاتيما يقول...

معلش يا أبوا العيال
مدونة اخويا بقى واحتلالها حق

هرد بس ع الناس الحلوة عندك


zizi
----

يا ست الكل
انتى على راسى من فوق
ومفيش حاجة

اعتقد ان التحرير أثر علينا كلنا
وخدنا من الحالة العادية
والثورة غيرت فينا
كل بدرجات متفاوتة
سلباً او ايجابا
وشغلتنا عن اللى كنا فيه
برضو بدرجات ...


وذاكرتى مش قوية ولا حاجة
كل ما ف الامر
انى بقرى التعليقات بقلبى
وعادة بكون إنطباعات عن الأشخاص من سطورهم ...
والحمدلله الإنطباعات بتطلع صح
أصل الكتابة دى روح
بتنطبع ع الورق
او ع الشاشة ف حالتنا دى

زائد ان اللى عاوز يكدب
او يزيف
او يرسم
بعد فترة بينكشف برضو
ودى أحد مميزات ان الواحد يكون متابع الناس عنده وعند غيره


وانطباعى عن حضرتك بقى
ان حضرتك بتعزينى قوى
لدرجة فعلا بتخوفنى ...
آه
المحبة لما تكون بزيادة كدا
بتخوف
بتعمل ارتباك
بتحسسنى دايما انى ف موقف اختبار
لإثبات انى على قدر المحبة دى واستاهلها
ودا بيعملى لخبطة جامدة
فياريت تعذرينى
وانتى كمان تستحملينى
:)

دمت بكل الحب يا ست الكل

فاتيما يقول...

The illusionist
---------------


صباح الروقان
مع كوباية الشاى يا باشمهندس


ماهو عشان انا عارفة ان بقالك زمن ف التدوين ...
صعبان عليا انك تكتب التعليق دا
حضرتك عارف وانا عارفة والكل عارف
ان التدوين نموذج مصغر للدنيا
والدنيا فيها كل الأشكال والعبر ..
ايه الجديد ؟


اللى أحزننى ان المدونة دى لو هدفها بس الاحتفاء بأعياد الميلاد والمجاملة و سرد تفاصيل اللقاءات ..
فدا مش عيب ولا غلط
لكن هو الغلط ان تختطف المدونة لشىء تانى وهو بث الأفكار عبرها وكأن دا الشكل العام لكل من يدخلها او يكتب فيها كمان ...
وانا اعرف قلب القطة والحب الجميل معرفة مش بسيطة
وأزعم انهم لا يشجعوا هذا الإتجاه
معلش احنا آخر لقاء ف اسكندرية كنا كلنا رجال ونساء .. وعادى يعنى


ما احزننى بجد
منك
ما احزننى من خوخة برضو ...

اننا يا جماعة خلاص عدينا مرحلة اننا نزعل من حد كدا
لأن رأيه او ادائه او مدونته كلها مش متقة معانا ...
ومش بس كدا
احنا ممكن نسيب حد يعكنن علينا
ويضايقنا ليه اصلاً ؟!!!!

اللى احزننى ان حضرتك تكتب تعليق زى دا وتزعل نفسك وتكتب كلام قد يخليك تبدو بتهزأ بغيرك ..
وانا عارفة ان دا مش قصدك أكيد


وبعدين معلش بقى
قصد حضرتك ايه بتزويق الكلام بقىىىىىىىى
انتوا بتحدفوا علينا طوب
وقصدكوا اننا بنزوق الكلام عشان مش عارفين نقوله بحقيقته
ولا اييييييه ؟!!!

لأ

انا زعلانة جدااااا
دلوقتى
وليا عندك حق عرب

هه

:))))


صباح الورد عليكم جميعا

ابراهيم رزق يقول...

طبعا لا يجوز ان اعلق على موضوع انا طرف فيه لكنى اشكركم جميعا
يبقى ايضاح صغير
انا لا اقصد السلفيين بمعناه الصحيح لانى و لا ازكى نفسى على الله اعتبر نفسى سلفى اما ما اقصده ما يطلقون على انفسهم سلفيون و للأسف اصبح هذا التصنيف ملتصق بهم
بيت المدونيين اصبح يشرف على التعليقات حتى يقيم كل فكر مدون هذا اسلامى هذا مسيحى هذا علمانى مثلما اطلق على ثم يسمح او لا يسمح
على العموم انا ارسلت تعليق و لم ينشر حتى الان لعل المانع خير او جايز الطريق زحمة
يبقى فقط
صباح الروقان مع كوباية شاى
ارجوك لا تغضب بجد شرفتنى
زيزى العزيزة الذيذة
فاتيما روح القلب الملائكية
ما جمله احتلال يا ريت تحتلوا على طول
اشكركم جميعا

غير معرف يقول...

طبعا انا احترمت رأى كل واحد فيكم لانه كان بشكل مهذب وراقى

انما توصل لتعليق The illusionist

فأنا مش اسمحلك تتكلم كلمة زياده

انا معروف عنى بالهدوء وانى فى حالى لكن انت كدا وصلتنى لمرحلة العصبيه ودا كان اخر شىء اتوقعه من مدون المفروض على درجة من الثقافه والوعى فى التعامل مع الناس

وزى ما بتقول فى تعليقك
(انتى عارفه انى اقصد ناس محدده)
دا كلام
وانت تعرفنى منين انت عشان تتكلم كدا
ولا تعرف وئام منين انت
اساس انا مش بشوف لك تعليقات عشان حتى اعرفك ولا تعرفنى

انت مش واخد بالك انك كدا بتهزء نفسك لانك اساسا شكلك نايم ومش دارى بشىء

ولو انت اول سنه تدوين انا من سنه 2007 عيب عليك اوى كدا بجد كلامك وطريقتك

انا شايفه كل اللى بيحصل ومستغربه بجد

وناس هنا مستغربه منها بجد مع احترامى لوجهات نظرهم


انت مش طلعت شاطور ولا حاجه انا اسفه فى الكلام انت طلعت سطحى انسان مستفز ومتعرفش حاجه عن الذوق وادب الحديث

كل اللى علقوا علقوا بمنتهى الادب لكن انت ؟؟؟؟


وانت شفت مننا فى بيت المدونين لعب وفرفشه يا اخ انت ولا تلاقيك اد بنتى
اصل شكلك مش بتعرف تتكلم اساسا وسطحى اوى

ادخل بيت المدونين وشوفه من اول ما ابتدى وبعد كدا تعالى اتكلم

مع الاسف ان فيه ناس زيك فى عالم التدوين !!!!!

ـــــــــــــــــــــــــــ

استاذ ابراهيم انا ولا بتعة قيل وقال بس لما اشوف حاجه استفزتنى مش بقدر اسكت

وانت مع الاسف خليت شخص زى دا يهنى ويهنا كلنا بسبب اختلاف فى وجهات النظر
اشكرك بجد وانا قلبى يغمره الحزن

يرجى نشر التعليق ولو مش اتنشر انا هوصل للشخص دا كلامى عنده وفى بيت المدونين وفى مدونتى لان بجد للصبر حدودو وانا صبرت على المهزلة اللى بتحصل دى

ابراهيم رزق يقول...

الحب الجميل

السلام عليكم و رحمة الله و بركاته

اهلا و سهلا بكى بجد شرفتينى و كنت اتمنى ان تزورينى فى بوست اخر
طبعا انا قلت فى البوست ان اكن كل تقدير و احترام للقائمين على بيت التدوين و اؤكد الان ان اكن كل تقدير و احترام لكم فانتم فاضلين و احترمكم بشدة و ما حدث فى هذا البوست غير ان كتبت ما حدث و لو انى نسيت شىء او حتى تجاهلته من الممكن ان تذكرينى به
بما انى طرف فى الاحداث فى الحيادية كانت تلزمنى بعدم التعليق و اعتقد ان اختى العزيزة فاتيما قد قامت بالرد قد يكون منفعلا او لم يقصد و اعتذر مرة اخرى عن اى سوء لبس
انا ايضا اتهمت بانى متلون و انى ضد الاسلام و حاقد و قد قمت بالرد و لكن لم ينشر تعليقى
مرة اخرى اعتذر لكى بشدة و لكم منى كل التقدير و الاحترام
اما خلافى فكما واضح هو فى الفكر فقط و لا يمس شخصياتكم العزيزة من قريب او بعيد
ارجو ان تكررى الزيارة مرة اخرى فانت على بزيارتك تزيدينى نورا
كل التحية و التقدير لشخصكم الكريم

Umzug Wien يقول...

اية دة ..
اول مرة اسمع اصلا عن بيت المدونيين

د/دودى يقول...

اول مره اقرا البوست ده و شكلى جيت متاخر و برضه تقريبا كان فى خناقه....بس احنا المفروض نكون خدنا على كده من حباينا الحلوين