الخميس، 22 سبتمبر 2011

انا لا اكذب و لكنى رومانسى

تشتكى الزوجات العربيات بصفة عامة و الزوجة المصرية بصفة خاصة من عدم رومانسية الزوج و انه قليل الكلام متحفظ فى ابداء المشاعر و تشتكى دائما بانها لا تسمع كلمة حلوة و نادرا ما يتذكرها شريكها بهدية
صديق لى فى العمل اشترى زجاجة برفن لزوجته و بعد العشاء وضع كرسيان فى البلكونة و نادى على زوجته لم تستجب له فى النداء الاول نادى للمرة الثانية فجاءت له و هى تصيح مش صابر لما اخلص اللى فى ايدى بخرج الغسيل من الغسالة و عندما جلست معه بادرته بأن زجاجة الزيت وصلت الى خمسة عشر جنيها و ان عليه احضار المسحوق الذى اوشك على الانتهاء و عندما اخرج لها زجاجة البرفن بادرته بنظرة استعجاب هو ده وقت برفن و نحن فى اخر الشهر
صديق اخر يعتبر مديرى فى الشغل اشترى لزوجته هدية اثناء سفره فى مهمة تدربية فى احدى الدول الاوربية و انتظر ان ترتديه له و عندما طال انتظاره سألها لماذا لا ترتديه فبادرته انها كبرت على ارتداء مثل هذه الاشياء و انها قد عانته لجهاز ابنتها التى لم تتجاوز اربعة عشر عاما عندما تتزوج
فى يوم من الايام من الايام كان هافف على رومانسية ذهبت الى محل الورد و قلت للبائع اريد بوكيه ورد قال لى تريده لمريض او فرح قلت له لا قال عيد ميلاد قلت له لا لزوجتى نظر لى نظرة الفرنسيين الى عربة كارو بحمار عيان تسير فى شارع الشانزلزيه اخترت البوكيه و ذهبت الى زوجتى قدمت لها البوكيه و انا افتح فمى بابتسامة اكبر من طريق مصر اسكندرية الزراعى و لكنها نظرت لى نفس نظرة بائع الورد اللى هى نظرة الفرنسيين الى عربة الكارو فى شارع الشانزلزيه و قالت لى هو انت سخن حرارتك عالية قلت لها ابدا انا بكامل صحتى و كامل قواى العقلية قالت يبقى انت عامل عاملة و ضميرك يؤنبك قلت لها مطلقا انتى عارفة انى ضميرى لا يؤنبنى مطلقا قالت امال فى ايه اصل انت مش متعود انت عمرك ماعملتها يبقى اكيد فى حاجة بصراحة مش مرتاحة لك و اختفت الابتسامة من وجهى و ضاقت حتى اصبحت اضيق من اصغر ممر فى شارع الشواربى
اردت ان اجرب التجربة مع صديق لى معروف انه من البيت للجامع و من الجامع للبيت اى ان زوجته لا تشك فيه ابدا وجدت فيه النموذج الامثل للتجربة  اقنعته ان يشترى بوكيه ورد و يقدمه لزوجته و قلت له هتدعيلى بس جرب اخذ صديقى بالنصيحة و اشترى بوكيه الورد و قدمه لزوجته و انتظرت ان يأتى فى اليوم التالى ليدعيلى و لكنى فوجئت به يقول لى منك لله قال ورد و رومانسية قال بوظت ميزانية الشهر ادعى عليك بايه قلت له فى ايه بس فهمنى قال ان السيدة المبجلة زوجته عندما وجدته يقدم لها بوكيه الورد قالت له يا راجل بدل ما تضيع فلوسك على الورد و الكلام الفاضى كنت تجيب كيلو كباب ناكله احنا و العيال و اضطر لكى يتخلص من تهكمها و سخريتها ان ينزل و يشترى كباب لها و للعيال  لتصبح الغرامة مضاعفة ورد و كباب و كلاهما لهم رائحة محببة
اثناء حضورى ايفنت بأحد الفنادق فوجئت بوجود عدد من الفتيات يقدمون لكل ضيف بوكيه ورد صغير به حوالى ثلاث وردات فكرت ان اعطيها لزوجتى و لكنى تذكرت القصة القديمة فوضعتهم فى جيب الجاكت و لكنى فوجئت بزوجتى اثناء تفريغ البدلة تفتح معى محضر من اعطاك تلك الوردات و لماذا و لماذا محضر اكبر من محاضر امن الدولة فى العصر البائد 
خلاصة القول لماذا تنظر المراة الى الرجل الذى يحاول ان يقوم باى خطوة نحو الرومانسية نظرة الشك و الريبة و انك طالما تحاول ان تكون رومانسى تبقى عامل عاملة او تحاول ان تغطى على شىء او انت بالك رايق و فاضى او كيلو كباب احسن و على راى شويكار انت بتقول عز يبقى انت اللى قتلت بابايا اه يا بابايا لتتحول الى انت بتجيب ورد و بتقول كلام حب يبقى انت عامل عاملة اه يا عمايلك و تذكرت كلمات حسين السيد
قال جاى و جايب كم وردة   ...   فاكر ده يرجع ليالينا
لو كان الورد يجيب فايدة     ...   كانوا كل اتنين زرعوا جنينة
بلد مجانيين صحيح
      

هناك 58 تعليقًا:

نيللي علي يقول...

اممممم متحامل على مراه جداااااااا:)

قبل ماتفسروا اخر موقف "رد فعل المراه" فلكل فعل رد فعل..

تعال نعمل فلاش باك على الحته بتاعت واحد جاب لمراتو ورد فاستغربت

ببساطه لانه لم يعاودها على هذا ..فين وفين لما يفتكرها بحاجه .فطبيعى لما يجبلها حاجه تستغرب ..

واكبر مشكله للراجل انه بيعامل مراته انه صاحبه اللى على القهوه وبالتالى بتفتقد الرومانسيه والرومانسيه مش ورد وله برفيم وله اى هديه بل هى حب وحنان وامان ..اى رجل عاوز يكسب المراه يحسسها انه مراه ..انسان ..وليس رجل مثله ..فالرومانسيه والحب ليس موقف وانما هى طريق واسلوب حياه

فطبيعى رد فعلها ..

ابراهيم رزق يقول...

نيللى

هههههههههههه
لماذا تسميه تحامل انا معترف بالتقصير من الرجل لكن لماذا لا تأخذ اى خطوة ايجابية من الرجل تعتبرها بذرة لتصبح زهرة او شجرة او حتى فرع اخضر صغير
هى محاولة منى لفتح الجراح و اعادة تطهيرها من جديد
معكى جدا ان الرومانسية هى اسلوب حياة و موقف لو كانت كذلك فلماذا تشتكى الزوجات
الورد و البرفن بعض من اساليب الحياة
تحياتى

غير معرف يقول...

صباحك غاردينيا أستاذ ابراهيم
اممم الا تعال هنا قولي ماحدش سامع هو انت عملت ايه عشان تجيب ورد هههههههههههههه <<<< عقل النساء واحد
بهزر معاك بس بجد هي الفكرة دي ماسكه ليه اما الراجل يجيب هديه يبقى عامل عامله اممم طبعاً لسبب بسيط ان حضراتكم الرجاله يعني مش بتفتكرو الرومانسية الا فين وفين مانت لو كل فترة تجيب لها وردة ولا تعيشها جو رومانسي على البحر مثلاً ولاسهرايه خاصة بجو مختلف ماكنتش حتشك فيك ابداً بس عارف مت ضحك على الوردات الي تحطت في جيبك واتهمت فيها ههههههههه كان نفسي اشوف شكل ام زياد ساعتها وهي بتبص لك بعين الشك المحمرة طبعاً :)
بس عارف برضو ماتيأسش وخد معاك بوكيه ورد لام زياد واعزمها على جو رومانسي على النيل بس ماتخدش زياد وساليناز احسن تبوظ الليلةههههههههه
بس انا نفسي افهم حاجة هما الرجالة بيتعبو في الرومانسية ليه يعني ليه كأنهم بيعملو عمل جبار دي كلها كلمتين وهمستين :)"
؛؛
؛
بجد ابتسمت وخاصة للعنوان بجد معبر هههههههههه
لروحك عبق الغاردينيا
كانت هنا
reemaas

غير معرف يقول...

صباح الورد ابراهيم

من الصعب إلصاق صفة بفئة معينة

للأسف كثير من النساء كذلك يفتقدون

للرومانسية ولا يعني ذلك أن الرجال

معيشينهم في جو مستمر من هذه

الرومانسية ولكن بكل صراحة لو أن

الرجل معود زوجته على هذه الحركات

فلن تشك بعد خمس سنوات لو قدم لها

وردة أو هدية لذلك أول ما تجدها

تقول هو أنت عملت أيه ؟؟

الحياة لا تستقيم بدون ود وحب فالله

تعالى قال أن الزواج سكن ولو فكر

كل من الزوجين في هذي الكلمة لعلموا

أن الزواج أكثر من فراش وتربية

أولاد ونكد أو على أجمل الإحتمالات

هدوء يؤدي إلى الملل ...

تحياتي وإحترامي

افكار مبعثرة يقول...

طيب قبل ما تسأل الاسئلة دي ممكن تحط مكانك مكان الست الغلبانة اللي غلبت تقول لزوجها انت مش رومانسي و انت مش بتقول كلمة حلوة و انت و انت و اكيد ردود الكيلو الكباب و العيشة غالية ده كان رد الراجل عليها
فاعتادت منه على كده فاما يجي بقا بعد 67 سنة جواز يجيبلها منه لنفسه يبقى اكيييييييييييييييييد فيها اننننننننننننننننننننننننن :))))))
هههههههههههههه
بجد بوست هايل و انا وقعت من الضحك على نظرة الراجل بتاع الورد ليك كنظرة الفرنسيين للعربة الكارو في شارع الشانزلزيه :)))))))
تحياتي ليك

Ramy يقول...

أستاذى العزيز جداً

أستاذ ابراهيم

من البوست قدرت اوصل لشيىء و تحليل ممكن يكون صح و ممكن يكون غلط

ان الرومانسية اتغيرت او بالمعنى الأصح

ال30 سنة اللى فاتوا غيروا مفاهيم الهدايا و و الرومانسية

يعنى دلوقتى بقت الهدية زيادة فى مصروف البيت تيجى تفرحها تقلها مرتبى زاد الضعف تهيم بك شوقاً
أكلة حلوة زى صديقك ما ادبس فيها

دة مش تقليل من المرأة خالص صدقنى بس الظروف المحيطة بينا دلوقت هى اللى اجبرتها على كدة

بس برضه ده ما يديش لنا الحق اننا ناخد دة عذراً لعدم الرومانسية

تحياتى لحضرتك و للبوست الجميل دة (:

reemaas يقول...

الحاجات دى بتبقى تعود يا استاذنا
بمعنى
اتخنق جدا من اللى يقول انا مافيش فى قاموسى حاجة اسمها فالنتين

مش فاهمة فيها اى لو صحا الصبح يقولها كل عيد حب وانتى بالف خير هى مالها الفالنتين ده قديس ولا هباب ملته ايه

اللى تعرفه انه عيد حب او عيد ميلاد او اى مناسبه تكسر بيها حاله الملل
هو بقى بيعدى كل ده وفجاءة يصحى الصبح يكتشف انه رومانسى ويروح يجيبلها ورد طبيعى هتنتدهش واحتمال تشك فيه انه عامله عامله
ههههههههههههههههههه
ماهى ماتعودتش على ده

على فكرة لو هى كمان ماكنتش معودة جوزها على انها صحبه مفاجاءات وجت عملتله مفاجاءة ااهنك ان ما مشى يكلم نفسه ياترى وراها اييييييييييه

موناليزا يقول...

أى شئ غير معتاد بيبقى له غرابة..الزوج برضه لو الزوجة فاجئته بجو رومانسى وشموع وموسيقى هادئة يقابلها أنه هيقيد النور وهيغلق الموسيقى وهيقولها أنا جعان جهزى العشا مع نظرة استغراب منه ليها أنتى إيه اللى عاملاه فى نفسك ده(ده على اعتبار انها عاملة نيولوك جديد مثلاً).

طول بالك شوية
واعملها على طول
هيبقى الموضوع عادى:)

Heba Salem Youssef يقول...

السلام عليكم

:)))))

مضحكة المواقف جدا

بس هى حقيقية :)

الحياة وضغوطها هى اللى بتشكل ردود افعال المرأة !

اتمنى ان اكسر القاعدة مستقبلا :))

Unknown يقول...

جذبني العنوان إلى هنـا
وأكملته بقراءة ما كتبت وبما شعرت
المهم
نظرتك ليست النظرة الصحيحة والعـامة لكل النساء، وأنا لا أنكر ما قلت أبدا
ولكن ان اعتادت على شيء فلن تستغربه مستقبلاً
وإن نظرة للموضوع من جهة أخرى فستجد النظرة نفسها عن الرجــال
وبما أنني لم اخض غمار هذه التجربة
وبنظرتي الخاصة
أن الحب والمواقف الجميلة"الرومانيسة" يجب أن تستمر دائما ولا تنسى أن وجود الأبناء مع مرور السنين يضفي بعض التغيير لهذه المواضيع..

أمنياتي بأن يزول هذا الشك المريب
وأن تنعم بحياة سعيدة

فاتيما يقول...

شوف الإفتراااااا

برضو الستات هيطلعوا غلطانين ؟!!!

ماشى ماشى


عموما
انا متفقة مع رأى رامى جدا
الهدية جزء كبير منها انها تكون بتعبر عن مدى قربك من الشخص اللى بتهاديه
انتا حاسس بيه فعلا
وبتجيبله الشىء اللى هيفرحه ويسعده
ولاّ انتا مش معاه ع الخط

الورد جميل
بس ف توقيته
توقيتك انتا والمدام
هيا تبقى منتظراه ..فتفرح
وانتا تشوف الفرحة ف عيونها وعلى وشها فتفرح انتا كمان ...


تظبيط الساعات بس
مش اكتر ...


خالص الود ليك
و كل البوسات و الحضونات الكتيييير
لسالينازة حبيبتى

Emtiaz Zourob يقول...

لماذا تنظر المراة الى الرجل الذى يحاول ان يقوم باى خطوة نحو الرومانسية نظرة الشك و الريبة و انك طالما تحاول ان تكون رومانسى تبقى عامل عاملة او تحاول ان تغطى على شىء؟

السبب أنه الرجل لم يعود زوجته على مثل هذه الاشياء ، لو انه منذ تعرفه عليها عاملها بهذه الطريقة ، كانت تقبلت الوضع ولم تشعر بغرابته .. ولأصبحت الحياة اجمل وبوكيه الورد شيء عادي وطبيعي في حياتهما .. لكن المشكلة انه الرجل نفسه يضع نفسه في موضع شبهة !!

وهذا شيء طبيعي وردة فعل طبيعية جدا من قبل الزوجة .. فالزوجة أي المرأة بطبيعتها رومانسية وتحمل من يعاملها برفق ورومانسية وحب .. وهذا الطبيعي ولكن ضغوطات الحياة تسرق منا كل شيء جميل للاسف.

εïз زهرة εïз يقول...

ههههههههههههههههههههه
ربنا يستر بقا D:

حَنيّـن نِضال يقول...

مهو بجد حاجة غريبة يعني مو معتاده على هاد للشي منك . . . ولما تيجي فجئةو من غير منسبه تخوف و حقها تشك

و بعدين الحق عليهم الحريم الي بدهم يوفرولكم و بيفكروا بالميزانية

يعني لو كانوا غير هيك كان اشتكيتم انهم بيحبوا اشياء هايفة و ما بعرف شو

مو عارفين كيف يرضوكم مساكين الستات :((

AHMED SAMIR يقول...

الزوجة المصرية دي عجيبة جدا
تهملها....تشتكي من جفاءك و عدم رومانسيتك
تفتكرها بهدية....تبقى اكيد عامل عملة و ضميرك بيؤنبك...!!!
تقريبا افضل حل ان تفتلها و ترتاح..!!!
تحياتي

مها البنا يقول...

المشكله مش فى رومانسية الزوج أو الزوجه .. المشكله الرئيسيه فى الروتين ..

يعنى الطرفين مقضينها جفاف فى جفاف وسنين عجاف من ناحية الرومانسيه ..

وإذ فجأة يخطر ببال أحدهم أن يزرع ورده فى إصيص .. تكون أقرب ما يكون رغم جمالها (كالنغمه الشاذ) الصادره من ألالات موسيقيه محطمه

إبحث عن الروتين سيدى الفاضل .. هو المجرم الرئيسى فى القضيه

بوست رائع ، تحياتى عليه

نبض اسكندرية يقول...

امممممممم

بالرغم من ان كل اللى حكيتة دة بيحدث فعلا

الا ان الموضوع كل بيتحكى من وجهة نظر الراجل
بمعنى صديقك بتاع البرفان..لم يختار الوقت المناسب
اما انت وموضوع البوكية..لم تعودها على هذة الرومانسية لذلك كان هذا رد فعلها
وهكذا

لذلك اختيار الوقت عامل مهم طريقة التقديم للهدية اهم
وطبعا شكرا لكل رجل يحاول ان يسعد انسانة سواء امةاو اختة او زوجتة او حبيبتة

بسمة الورد عطر المشاعر يقول...

مساؤك هنا وسعاده اخى الفاضل .ابراهيم رزق

والله كل ما تقدم ممتاز ويعتبر مشاكل واقعية

بتهيالى العادات والتقاليد هى السبب برضو فى ما تروية... طريقه الربايه الشرقية والظروف الاجتماعيه هى السبب ولكن يمكن فيه زوج وزوجة رومانسيين مين عارف

ربنا يهدى الحال للجميع

احترامى وتقديرى لما تقدم اخى

Remas يقول...

البوست عاجبنى جداااااا وضحكنى جدا جدا جدا
وللحق فأنا معك تماماً ان بعض الزوجات بنظرتهن الضيقة للامور ربما يعقدنها اكثر فأنا ارى حتى وان شكت الزوجة في زوجها عند احضاره هدية ما فجاة وعلى غير عادته فعليها ان تتقبلها بفرح وتشكره كثيراً وتشعره بامتنانها فان كان صادقاً فهو يستحق ان يُشكر وان كان كاذباً فربما رد فعلها يجعله يعيد التفكير ويؤنيه ضمير ( ان كان اصلا يحمل ضميراً ههههههههه )
وطبعا في المقابل لازم الزوجة تكون متيقظة لتصرفاته يعنى مش تكون طيوبة لدرجة انه يضحك عليها فعلا بهدية هههههه

وبجد بقى انا شايفة ان روتين الحياة جعل رومانسيتنا تقل جدا وعلى الزوجين ان ينتبها لذلك ويحاول كل منهما ان يعيد شيئا منها الى الحياة

بوست جمييل اوي اوي وحضرتك كتبته بطريقة جميلة :)

zizi يقول...

ابراهيم قرأتالبوست وقريت التعليقات ..وانا متفقة مع الآخرين في كذا نقطة وحاضيف عليها حاجة صغيرة هي الرومانسية مسألة تعود فعلاً ..ويبقى حلو لو الأولاد لمحوا هذه الرومانسية في عيون الوالدين ...لكن الأجمل ان تراعي هذه الرومانسية في كلمة رقيقة ال تسلم ايدك شوفي انا باحب الأكلة دي اد ايه من ايد مامتي لالالابس انتي النهاردة اتفوقتي عليها انتي حاطة ايه النهاردة جديد ايوة طعم البهارات باين حلو قوي "ملحوظة: اوعى تكون مامتك حاضرة هذا الحوار احسن الليلة تقلب بغم "..زواهو انت كده خلقت جو رومانسي بمجرد كلمة طيبة ..ولا اشتريت ورد ولا كباب ولا جبت لنفسك الشبهات والمشكلة كما قالت مها البنا في الروتين ..يعني لو لبستوا كل يومين ونزلتوا انتم والولاد اتمشيتوا وشربتوا حاجة حاتكسروا الحاجز ده وما تنساش ان دلوقتي الظروف المادية عند الأسر بقت صعبة ولاحظت الحكاية دي وانا باصيف الصيف ده مع جماعة من "ربيع العمر "طبعاً اللي زي حالاتي اللي لوحدهم مفيش مشكلة ..لكن المشكلة في الأسر اللي باباهم موفر لهم كل حاجة ومع ذلك طول الرحلة يا عيني مش محسسينه انه عامل معاهم اي واجب ويا ويله لو عايزين يركبوا صاروخ بخمسين جنيه وقال لهم خليه في نهاية الرحلة تقلب معاه بغم ..اللي عايزة اقوله ازاي تمارس الرومانسية مع المدام وانت معاك الأولاد وفي نفس الوقت تراعي الميزانية عشان ماتقلبش بحاجات تانية ماحدش قدها ...وبس خلاص وربنا يديم على الجميع راحة البال ..ومفيش اجمل من الكلمة الطيبة ..سلم ايديكي يام زياد ..حسك في الدنيا يابو زياد..تحياتي

شمس النهار يقول...

بصراحة فرحانة فيك

البنات روقوك علي الهادي
:))))))

دايما تجيب لنفسك الكلام

فكرتني ببوست كتبته زمان كان ختام لسلسلة عن الحب
وكنت لطشاه من صديق مدون هجر التدوين الان
http://shams-elnahar.blogspot.com/2009/05/blog-post_13.html

البوست هيعجبك جداااااا

وصدقني الستات اللي مش بتحب الرومانسية والورد قليلين
بنتي نمرة اتنين مش بتحب الورد وياويله ياسواد ليله خطيبها لو جاب لها ورد
قلت له سيبك منها يابني انت رومانسي
مارضاش وتمسك هو حر علي الله يشتكي ويكتب فيها بوست
:)))))
بقا بيجيب لي انا الورد:)))))
ايوة بيظبتني مش حماته
بيتقي شري
:)))))))
وبعدين يعني هو لازم برفان بالشئ الفلاني ومصروف البيت والحركات
مايجيب اي حاجة كده لطيفة علي الماشي ونبي هتفرحها
دي الستات طيبة وربنا
وبرضوا يجيب الكباب او حتي فراخ مشوية من السويسي
:)))))

شمس النهار يقول...

طيب ايه رايك بقا ان في رجالة بتعمل كده
هو مش كده بالظبطت بس سنتوحين كده وبيعملوا حاجات لطيفة كده
بس المهم الناحية التانية
يعني مايبقاش متجوز نجمة ابراهيم في فيلم ريا وسكينة
ويجيب لها ورد
ونبي لانعمله مربي وتحط له فيه سم
:))))
وياختي عليها ياختي عليها
بس كان بوست كوميدي كوميدي والتعليقات كانت مش ممكن
:))))

شمس النهار يقول...

*ابراهيم رزق

ماشركة المقاولات اللي اشترت المنطقة دي كلها
من اول فيلا عباس فارس الي اخر الناصية
وبنت بيت العز اللي جنب بيت العز دي كانت برضوا فيلا بس خواجات مش مصريين
طيب انت عارف ان كان في قصر كبير كان مستشفي خاص عبارة عن مصحة نفسية
:))
في شارع سليم اللي مكانها دلوقتي العمارة اللي فيها بتاع الفطير الفلاح
وشارعنا طلع فيه ابراج مكان مخازن الفران والناحية التانيه كان مخزن لشركة تجميل
اصلا المنطقة كانت اسمها زمان منتجع الزيتون
ان شاء الله اكتب بوست عن المنطقة
بس اخلص المواضيع اللي ورايا
علشان ده عايز تركيز
وكمان اخد الصور اللي عند ماما اللي فيها صور للقصور دي

غير معرف يقول...

انتى عارفة انى ضميرى لا يؤنبنى مطلقا

ههههههههههه (: ههههههههه

استاذ ابراهيم

السلام عليكم
جميل جداً البوست ده
الأخ اللي ادبس في كيلو كباب المفروض يبقي ناصح
يعني زوجته وام عياله مش عارف يتوقع الرد بتاعها
كان مفروض الأول قدملها كيلو الكباب وبعد ما ينسفوه
هما والعيال والمسأله تترستأ
يقولها وده كمان عشانك ياحبيبتي
بيتهيئلي ممكن كده تمشي (:

تحياتي لإبداعك

سلام

faroukfahmy يقول...

معلشى ياابراهيم ياخويا اعذرنى انا دايما بجيلك آخر السهرة
الرومانسية ياابراهيم كلمة اجنبية ليس لها وجود فى قاموسنا العربى وجرب مش هتلاقيلها مكان، انما ممكن تجد بسهولة كلمات الهم والغم والكرب العظيم.
بالمناسبة اقسم باننى رأيت بالسويد منظرا لن تنساه عينى قبل ذاكرتى فقد رأيت فى احدى حلبات الرقص رجلا هرما تعدى عمره الثمانين بمراحل يراقص امرأته فى مثل عمره وهما يتمايلان على بعضهما ميلا يميل الى العجز عن التحكم الحركى يساند بعضهما بعضا مساندة تحكمها الرومانسية باعلى درجاتها واسمى معانيها
نلحوظة
اريدك ياحبيبى الا تهرب من معلقيك بالرد الجماعى لأنى احب ان يطول مقامك معنا منفردين لنشبع من كلامك الحلو كل على حده
(الفاروق )

Unknown يقول...

ده ظلم ظلم ظلم مين قال إن كيلو كباب أكثر رومانسية من الورد...و مين قال إن المرأة بتشك في جوزها لما يجيب هدية...بالعكس ده معظم مشاكل الزواج بسبب تحول الرجل من الحبيب الولهان اللي ممكن يعمل حادثه لو هيه قاعده جنبه في العربية...لواحد تاني ساكت و ميتكلمش غير عن المشاكل...و ضحكه كله مع صحابه و رقته كلها مع أي واحده غير مراته.
بس أكتر واحده إستفزتني بتاعة (عاينها لبنتها) دي أفففف مبحبش الناس بتوع ( يلا حسن الختام) (إحنا كبرنا) (ميصحش)يعني إيه قلبي يكون بينبض و أموته و روحي تكون طايره و أحبسها في سجن المعتقدات و العادات المبالغ فيها...و ولادي هيفرحوا لما يشوفوني عجوزه و مش مهتمه بنفسي!

بوست جميل و خلاني عايزه أرغي كتير أويييي :)

أرق تحية لحضرتك

Unknown يقول...

لا تظلم الزوجات أ/ابراهيم ، لو كانت هذه الرومانسية متواجده بشكل دائم من الازواج بالتأكيد لن تكون هذه التصرفات هي ردة الفعل ، و لو أعاد الأزواج هذه التجربة مرة أخرى سيلاحظون الفرق بالتأكيد...

نسرين شرباتي "أم سما" يقول...

هيا تقريباً شخصيات مختلفة
وأوليات عند كل إنسان
عندي أختي مثلاً زوجها بيحب الورد والشموع والرومنسية وهيا بتحسها كلام فارغ ومرة جابلها بوكتيه ورد كبير أوي وحلو جداً وكله ورد جوري أحمر "roses" اتجننت منه،، قالت لو جابلي حاجة أستفيد منها ليا أو للبيت علشان الورد سعره غالي
وفي نفس الوقت جابلي جوزي وردة وحدة حمراء جورية،، قمت كتبت فيها قصايد وحاجات وحفظتها في كتاب وجففتها :)
وفرحت بيها أوي وحسيت كإني ملكت الدنيا
فحتلائي رجالة زيك ورجالة بالعكس
ونفس الحاجة الستات :)
تحياتي
بوست جميل ولزيز

ابراهيم رزق يقول...

ريماس

مظلوم يا بيه و الله ما عملت حاجة انا بس كنت عاوز اعما مفاجاة
ههههههههههه

احنا ممكن نخرج و نسيب زياد
لكن ساليناز ده من سابع المستحيلات

طبعا الرومانسية فيها مجهود تخيلى مطلوب تاكلى سمك و انت مبتحبيش السمك

نورتينى
سلام معطر بالورد و الياسمين

ابراهيم رزق يقول...

ريبال بيهس

طبعا انا لا الصق تهمة فى اى اتجاه

انا بس بحاول اطرح الظاهرة

متفق معك فى بقية النقاط
نورتنى
تحياتى

ابراهيم رزق يقول...

افكار مبعثرة

يعنى الواحد لم يأخذ خطوة يبقى غلطان
غلطان و بصحح نفسى
ههههههههه

سعيد ان البوست اعجبك

نورتينى
تحياتى

ابراهيم رزق يقول...

رامى
القلب الطيب

طبعا شكل الرومانسية اتغير
لكن لما بنقول كده بيقولوا عاوزين الشكل القديم
حيرونا يا عم رامى
ربنا يعنيك بقى فى اللى جاى
ههههههههههه

نورتنى
تحياتى

ابراهيم رزق يقول...

reemaas

ههههههههههههه
و فيها ايه الراجل اتغير
حس بغلطته
يعمل ايه

موضوع الفالنتين ده خليه فى الفالنتين

نورتينى
تحياتى

ابراهيم رزق يقول...

موناليزا

المطلوب ان يتقبل الجميع المفاجات الجميلة
و نلغى سوء الشك


نورتينى
تحياتى

ابراهيم رزق يقول...

Heba Salem Youssef

الامل فيكو انتوا بقى تغيروا
ههههههههههههههههه

سعيد ان البوست عجبك
نورتينى
تحياتى

ابراهيم رزق يقول...

اس

على فكرة الموضوع لا يحمل وجهة نظر
الموضوع بيطرح فقط و علينا ايجاد اسباب العلاج

سعيد بزيارتك

نورتينى
تحياتى

ابراهيم رزق يقول...

فاتيما
روح القلب الملائكية

ههههههههههه

معاكى جدا فى وجهة نظرك

بس انا ارى ان الهدية فى التوقيت المنتظر شىء عادى
لكن الهدية فى توقيت ليس له مناسبة اعتقد ان قيمتها اعلى

هاحاول اظبط الساعات
اصل الساعات بقت كلها صينى
هههههههه

ساليناز بتسلم عليكى قوى
سلامى الى جو

ابراهيم رزق يقول...

شجن النفسج

طب ما اهو الرجل غلطان و عرف غلطته لو وجد تجاوب لكرر لكن لماذا نظرة الشك

نورتينى
تحياتى

ابراهيم رزق يقول...

Semsema

هههههههههههه
فعلا ربنا يستر

نورتينى
تحياتى

ابراهيم رزق يقول...

haneen nidal

ما اهو احنا بنقول عاوزين رومانسية و لا لا
و بعدين مجرد التفكير فى الاشياء المادية بيقل الومانسية
هههههههههه

نورتينى
تحياتى

ابراهيم رزق يقول...

احمد سمير

هاعتبر تعليقك ده هزار
خوفا على حياتك
دى اجراءت امنية
هههههههههه

نورتنى
خالص تحياتى

ابراهيم رزق يقول...

مها البنا

معكى حق
الروتين و الحياة الرتيبة

لكن الستى معى ان النغمة الشاذة تكسر الملل و قد تتحول الى لحن و لو صغير

نورتينى
خالص تحياتى

ابراهيم رزق يقول...

نبض الاسكندرية

انتوا ظلمنى جميعا
ههههههههه

انا احكى وقائع تحدث و لم اقل وجهة نظرى

تعليقات كثيرة تتكلم عن التوقيت لكنى اعتقد ان اى توقيت يصلح للرومانسية يعنى ممكن رومانسية امام طشت غسيل
هههههههه
ممكن رومانسية فى المطبخ
المهم وجودها و ليس توقيتها و مكانها

نورتينى
خالص تحياتى

ابراهيم رزق يقول...

بسمة الورد

معكى فى وجهة نظرك
نحتاج الى ثورة فى العادات و المشاعر

نورتينى
خالص تحياتى

ابراهيم رزق يقول...

reem

والله كلام جميل و عين العقل
هههههههههههه

يا سلام على وجهة نظرك الجميلة

و فيها ايه لما يضحك عليها بهدية و تبقى طيوبة ما هى هاتستفيد بهدية
ههههههههههههه

سعيد جدا ان البوست عجبك

نورتينى
تحياتى

ابراهيم رزق يقول...

zizi العزيزة الذيذة

عجبنى تعليقك جدا جدا جدا
لانه يتحدث عن رومانسية انا احبها
و ينزل بنا الى ارض الواقع

لذا ساكتفى بعدم التعليق و اعلن موافقتى عليه بل ابصم

نورتينى
تحياتى و تقديرى و حبى

ابراهيم رزق يقول...

شمس النهار

هههههههههههههه
ليه بس كده

مش عارف ليه الكل فاكر انها وجهة نظر
البوست فقط نماذج واقعية تم رصدها

غريبة موضوع بنتك نمرة اتنين طب هتعمل ايه فى فرحها مش هتمسك جيرب
هههههههههههه

الرجالة السنتوحين دول هما اللى خاربين الدنيا و بيخلوا الستات يقوموا على الرجالة
خير الامور الوسط

نورتينى
تحياتى

كريمة سندي يقول...

اعتقد أن مشاغل الحياة تأخذنا لعوالم أخرى غير التي أمامنا

جميل كعادتك في الأسلوب المثير

ابراهيم رزق يقول...

citizen x

انت اخذت بالك من موضوع الضمير ده
ههههههههههه

يعنى يبقى كباب و ورد الميزانية تبوظ كده


نورتنى
تحياتى

ابراهيم رزق يقول...

الفاروق فهمى
ا
ابن بطوطة المدونين
و ملك الزهرات

وحشتنى بجد جدا جدا جدا
و انا زعلان منك لانك وعدتنى بفتح التعليقات و حتى الان لم تفتحها
نريد ان نعبر لك عن حبنا و تقديرنا لك

تتكلم عن السويد يعنى النساء البلوند يعنى عدم وجود مشاكل يعنى رفاهية
نريد يا استاذى ان ندخل الرومانسية فى قاموسنا او حتى ندخل الرو فى الاول على ان نلحق بهل منسية فى السنة التالية
انا لا اهرب يا استاذى يالرد الجماعى بل احب ان اتواجد معكم اطول فترة لكن احيانا البوست لا يحتمل الرد منفردا لتكرار التعليقات و تصبح العملية بلا فائدة مثل البوست السابق
فى انتظار ان تفتح باب التعليقات استاذى
نورتنى
تحياتى و اعتزازى و تقديرى

ابراهيم رزق يقول...

شرين سامى
اختى العزيزة

هههههههههههههههه
براحة شوية
و الله العظيم دى مش وجهة نظر دى نماذج من المجتمع و كلها حقيقية من لحم و دم
لاحظى ان بعترف فى تقصير الرجل من ناحية الرومانسية لكن فعلا فى الغالب الرجل لو قام بخطوة رومانسية بعد فترة طويلة من الاحتجاب يقابل بالشك و الريبة و الفتور
لماذا لا تتحرك هى الاخرى خطوة
اعترض على رقته مع اى واحدة غير مراته
ممكن نستبدل الجملة ب
مع واحدة غير مراته اصل اى واحدة دى استفزتنى
برضه الرجال فى عينهم نظر
تعرفى يا شرين الست بتاعة بنتها دى حاصلة على ماجستير فى ادارة الاعمال و مديرة فرع بنك شهير
و زوجها حاصل على الدكتوراه و كان مديرى فى العمل شخصية من لحم و دم
اما موضوع الكباب ده فايه رايك نعمل فوتينج و ليكن بين اصدقائك فى العمل
ايهما تفضلى كيلو كباب من عند ابو شقرة
او بوكيه ورد
و انا راضى بالنتيجة
او اعمليها على المدونة الخاصة بكى و ننتظر النتيجة
و انا واثق من النتيجة
ههههههههههه

اتكلمى براحتك انتى مش عايزة عزومة
نورتينى
تحياتى

ابراهيم رزق يقول...

ريهام المرشدى

انا لا اظلم الزوجات بل اعترف بتقصير الزوج
لكنها نماذج من دم و لحم اعرضها فقط

نورتينى
خالص تحياتى

ابراهيم رزق يقول...

نسرين شرباتى ام سما

و الله العظيم انتى وصلتى لقصدى
انا اعرض مجرد نماذج لكى يصلح الجميع من نفسه

نورتينى بتعليقك
و سلامى الى احلى و اجمل سما
تحياتى

ابراهيم رزق يقول...

كريمة سندى

حمد الله على السلامة
لعلك تكونى بخير دائما

متفق معكى فى وجهة النظر

نورتينى
تحياتى

Carmen يقول...

مش عارفة انا حاسة العكس هو اللي بيحصل :dمش عارفة انا حاسة العكس هو اللي بيحصل :d

مصطفى سيف الدين يقول...

هي الناس متحاملة على الست اللي بتحب الكباب اكتر من الورد ليه؟
مع ان معاها حق مليون في المية
ورد ايه اللي انت جاي تقول عليه هناخد من ريحة الورد ايه
انما الكباب كله بروتين وكل بروتين والعب في الطين يا معلم
وصباحك سكر استاذ ابراهيم
واسف للتقصير
كنت مسافر اليومين اللي فاتو

infowksl يقول...

والله معاهم حق أنا مؤيد للزوجات ومشفق على الأزواج بس يا خي الحالة بالمعيشة صارت كفر والله كفر ربنا اعلم بالحال والاحوال ما رأيك بأن اقترح عليك اقتراح ان تدويناتك طويلة وهذا جيد لكي توصل فكرتك للقارء بس لو جربت تعمل قص للتدوينة عشان يظهر جزء صغير منها وبس القارء يضغط على عنوان التدوينة بتفتح له التدوينة بشكل كامل الخيار دة موجود بصندوق الكتابة اه على فكرة اكثر زوجة طلعت ناصحة بالتفكير هي يلي طلبت كباب

gogo!sf يقول...

هههههههههههههههههههههههههههههه
احسن تستاهل .. عارف ليه
عشان انت لو متعود تجيب لها ورد مش هيكون مشكوك فيك ولو بتقول كلام حب ورومانسى دايماً مش هتكون فى نظرها بتكذب
انما حضرتك فكرت تعمل تجديد بعد ما اولادك قربو يتجوزو فلازم تشك فيك وتفكرك بالاولويات

ونصايحك خليها لنفسك اديك عورت صديقك بورد وكباب
العيب مش فى المرأة العيب فى الراجل اللى بيخلى حياته كلها روتين

التجديد مطلوب من البدايه يا هيما