الأربعاء، 14 سبتمبر 2011

العذاب شنطة و يونفورم

قالوا فى الامثال قالوا اللى ميسمعش كلام اهله يا ويله و انا اقول اللى ميسمعش كلام زوجته يا ويله
فى رمضان بعد انتهائى من المهمة الصعبة و المستحيلة و هى شراء ملابس العيد فوجئت بطلب غريب اغرب من النعامة ام زلومة من زوجتى بادرتنى و قالت  متيجى نبص على ملابس المدارس قبل الزحام نظرت لها و فى عقل بالى هو فى زحام اكثر من الزحام اللى احنا فيه ده قلت لها بعد العيد نشترى بهدوء و براحتنا نظرت لى نظرة دهشة كنظرة الى مخلوق فضائى هبط على كوكب الارض و سكتت 
انتهى العيد بسلام و انا اؤجل يوم من بعد يوم حتى وعدتهم وعد صادق بالذهاب غدا من الساعة السادسة فوجئت بالانسة ساليناز ترتدى ملابسها و تقول لى مامى بتقول لك قوم البس رديت بكل براءة ليه يا ساليناز ياحبيبتى قالت عشان نشترى الشنط  و اليونفورم بتاع المدرسة قلت امرى لله و انا فى الطريق لمحت زياد يجلس فى الصالة فقلت له يالله يا زياد البس قالى انا مش جاى معاك يا بابى قلت ليه يا زياد قالى انهاردة ماتش برشلونة  و ميلان ياه ده انا كنت ناسى موضوع الماتش ده حاولت اقعد مع زياد عشان اتفرج على الماتش و اتحجج بزياد مامته تقدر على انا اه لكن على زياد لا فقلت لها نأجل المشوار لغدا عشان زياد يأتى معنا و عشان بالمرة اشوف الماتش لكن زياد بادرنى مامى عارفة مقاسى كويس طب و الشنطة يا زياد عشان تختارها اجاب مش مهم يا بابى اى شنطة و لو معجبتنيش ابقى اروح المدرسة بشنطة السنة اللى فاتت ابتسمت و قلت و الله فكرة كويسة ايه رايك لكنها نظرت لى شذرا يعنى تجيب لساليناز شنطة جديدة و زياد لا و لا عشان هو مبيتكلمش زى الاروبة الصغيرة بتاعتك سكت و قمت البس من سكات
قلت ابدء بالشنط فوجئت بارتفاع اسعار الشنط جدا المفاجاة الثانية ان جميع  انواع الشنط صينى او تايوانى احسست فعلا بالغربة اتذكر شكل شنطة المدرسة ايامى كنت تشعر ان الشنطة مصرية تشم رائحة الجلد الطبيعى و القفل المعدن اما اشكال الشنط الان فاغلبها من الاقمشة و الجلود الصناعية و اقفال بلاستك و تشعر انها مصنوعة لاهالى امريكا طبعا الانسة ساليناز غلبتنى فى اختيار شنطتها اعجبتها شنطة عليها رسوم الكارتون الذى تشاهده لكن حجمها كبير اما الحجم المناسب فغير موجود به تلك الرسومات و بعد مناقشات مطولة اقتنعت بشكل اخر اما زياد فطبقا لنظرية المساواة من جانب امه اشترينا له شنطة اغلى قليلا من شنطة ساليناز
ملابس مدارس مصر الجديدة و الزيتون و المطرية يعرف الجميع انه لا يوجد الا محلان بمصر الجديدة و هم محلات فرج و بدراوى لبيع ملابس المدارس  و هو على ما اعتقد بزنس بين المدارس و المحلات  ذهبت الى احدهم و لكنى ظنيت ان المحلات تغيرت و تحولت الى جمعية استهلاكية او شهر عقارى او سجل مدنى  زحام ما بعده زحام و صلنا الى احدى البائعات بعد صعوبة و طلبنا الزى و اخبرناها بالمقاس ثم طلبت حجرة للبروفة نظرت لى نظرة غريبة و قالت حجرة بروفة ايه يا استاذ خد جنب كده و قيس على الملابس و هى لابساها هو فيه وقت كان ناقص تقولى هو ايه دلع الزبائن ده قال حجرة بروفة قال  نظرت حولى وجدت الجميع واخدين جنب و قد كان ان اخذت زوجتى جنب و قاست الملابس و اخيرا تم الانتهاء من الشراء بعد مجهود رهيب و لكنها فرحة ما تمت لان الملابس ينقصها قميص ساليناز لاننا لم نجد المقاس و تريننج زياد و قد وعدتنا البائعة ان غدا سيكونون موجودين تانى رحلة عذاب تانى
بلد مجانين صحيح
 

هناك 50 تعليقًا:

reemaas يقول...

تعيش وتجيب يا ابو زياد

بس الواد زياد ده عجبنى بحب انا الناس اللى تظبط امورها وماتتبهدلش فى الشرا كده بس عموما معروف ان البنات متعبه فى الشرا

ثم صحيح اى الدلع ده
برووووووفا يا راجل ؟
لا لا ازاى تقول كلام زى ده فى وقت زى ده

كل دراسه وانت طيب

افكار مبعثرة يقول...

وهل العذاب شنطة و يونيفورم فقط؟
بل شنطة و يونيفورم و كراريس و كشاكيل و اقلام و جلاد و تيكيت و و و و
فعلا حاجة تفقع المرارة و صحيح و انا بقرا الجزء بتاع البروفة كنت هرد و اقول بروفة ايد بس ده مش بعيد في الزحمة دي تقوللك قيسوا الهدوم على الرصيف قدام المحل
هههههههه
الله يعينك بجد
تحياتي

Unknown يقول...

أخى الفاضل: ابراهيم رزق
السلام عليكم ورحمة الله وبركاته
كلنا مرت علينا هذه الأيام العصيبة ههههه
ربنا معاك...
الحمد لله الأولاد عندى كبروا وريحونى من هذه الرحلة هم اللى بيقوموا بها بس أنا اللى بدفع هههههههه

Ramy يقول...

هههههههههه

لا كده أريح الصراحة

كل شيىء أطفالى بقى غالى جداً دة بقى اغلى من هدوم الكبار

بس تعيش و تجبلهم و يدوبوا فى العافية (:

و كل دراسة و انتم طيبين

(:

Tarkieb يقول...

تعيش وتجيب

بسمة الورد عطر المشاعر يقول...

صباحك هنا وسعاده

كل سنه وانت واولادك بكل خير وسعاده ,, وتعيش وتشترى لهم لبس المدارس كل سنه يادوب لحد بعد الجامعه وكفايه عليك هههههههههه

اساله سبحانه العون والصحة لكم اخى
دام حبك ومودتك لابنائك

غير معرف يقول...

فوجئت بالانسة ساليناز ترتدى ملابسها و تقول لى مامى بتقول لك قوم البس رديت بكل براءة ليه يا ساليناز ياحبيبتى"
؛؛
؛
مساء الغاردينيا أستاذ ابراهيم
هههههههههههههه
هههههههههههه
الله يسامحك على الضحك الي ضحكته وانا بتخيل شكلك قدام الانسة سوزي وهي بتأمر هههههه عجبتني اوي رديت بكل براءة بجد بجد برئ جداً ربنا يخليلك سوزي الي بتصدر أوامر ..
أما بقى السيد زياد الي غاوي كورة والي مش بيضرب الولاد لوحد عاكس اخته الا بس في الكورة اتخيلته قاعد وفارد جناحاته ولا سي السيد بس منظرك كان يضحك ههههههههههه وانت بتتحايل بيه عشان ماتخرجش بس زياد سابك في ورطة ماما عارفه مقاسي هههههههههه
والله مش قادرة امسك نفسي من الضحك ربنا يخليك وتشتري لهم وتجوزهم وتشتري لاحفادك كمان :)
؛؛
؛
لروحك عبق الغاردينيا
كانت هنا
reemaas

غير معرف يقول...

هههههههه

فعلا والله بلد مجانين

الحمد لله لم أدخل بعد في هذه المعمعة

بس ربنا يرزقني هما الأولاد متعبين بس نعمه من ربنا

بس حلوه حكاية دلع الزبائن دي
ههههه

تحياتي

ṀiŜs.ĴŋỘộЙ يقول...

الله يعينك استمتعت
بالحدث وكاني معكم ^^

محمد ملوك يقول...

بالتوفيق والسداد
تحيتي ومودتي

منيرة سوار يقول...

كان الله في عونك للقيام بهذا المشوار مرة أخرى..
والله يحفظ لك اولادك الصغار يا رب.. ويحفظك لهم من كل شر..
تقبل مروري..

نيسآان يقول...

مساء الخير
...(اللي ما بيسمعش كلام زوجته يا ويله )
....لو سمعت الكلام من الاول ... كان اختصرت على نفسك الزحمه والبروفه على جنب...الناس في رمضان كانت لسه مشغوله باغراض العيد ومش بتفكر بالمدارس ومستلزماتها...تحياتي للمدام واضح انها بعيدة النظر وبتخطط صح بس العتب على اللي ما بيسمعش الكلام....نعم ! اللي هوه حضرتك .

ربنا يحفظ الاولاد وتفرح فيهم .
تعيش و تفتكر وتشتري وتدفع و....اهم شي تسمع كلام المدام :)

sabry abo-omar يقول...

العذاب ياصاحبى أشكال والوان.. كل يوم بتلاقى العذاب بيكبر معاهم بس كمان الفرحة بتزيد..ربنا يخليك ليهم ويسعد ايامكم

Bent Men ElZman Da !! يقول...

جامد زياد وهو مكبر دماغه كده ههههههههه
فعلا موضوع شراء اللبس ده سواء فى العيد او المدارس بيخلى الشوارع جحيم لا يطاق
الناس بتمشى تخبط فى بعضها وعادى يكملوا ولا كأن حصل حاجه

تعيش وتجبلهم يارب :)

الاحلام يقول...

كل سنه وانت بكل صحه وسعاده
وان شاء الله يكون بفايه وتلاقى اولادك دكاتره او مهندسين
تحياتى وسلامى ليهم ابوداود

موناليزا يقول...

كنت فين بعد العيد على طول أنا عايزة أفهم:)
تانى مرة ياريت تسمع كلام زوجتك وتشترى اليونيفورم مع لبس العيد:)

تعيش وتجيب لهم :)

zizi يقول...

ابو زياد ..ايه رأيك عجبتني الكنية دي خلاص بعد كده حا قولك كده على طول..مش باقولكم مفيش حاجة بالسهل وبعدين دول طفلين تخيل لو اكتر من كده ..افتكر من كام سنة "قبل ابني مايتجوز "بنتي اشترت لإبنها بلوفر وكان عمره حوالي سنتين والبلوفر كله شبر في شبرين ..ولما بمنتهى البراءة بأسألها هو البلوفر ده بكام قالتلي بمنتهى الهدوء ب145 وقفت منزعجة وعايزة اقولها زي عادل امام :145دول ايه ؟كل شهر والا كل مكتب والا كل بلوفر..كل اللي قلته تصدقي انا لو مرات ابني كانت هي اللي دفعت كده في بلوفر كنت حا اعتبرها مسرفة ..لكن للأسف بعد كده فهمت ان الأيام دي عشان الأم تشتري حاجة "عدلة "لأطفالهاعشان ما"ترهرتش"في الغسيل وما تبهتش ..و,,و..وممكن تقعد بدل الشهرين 6 شهور لازم تضحي بلبسها هيّ..وده عشان بس الزوج يقدر يكمل المسيرة وما يقعش في السكة ..بلد عيال صحيح

فافى يقول...

واضح جدا ان ساليناز حبيبة بابا وزياد حبيب ماما ههههههههه

Heba Salem Youssef يقول...

بيفكرونى بطفولتى

ومازلت ايضا زيهم كده :))

ربنا يخلى أباء وامهات الجميع

حقيقى ليهم الجنة :)

زينة زيدان يقول...

ربنا يحفظهم ويحفظ المدام الي ياما نصحتك وقلتلك وانت مسمعتش الكلام..

المهم
مبروك اليونفورم
وكل يونفورم وانت طيب..

زهرة الضحا يقول...

ههههههههههههههههههههه

ضحكتني والله
ياما للعذاب ألوان :)
ربنا يخليهوملك يارب و يخليك ليهم و تجيب لهم دايما

Unknown يقول...

ربنا يخلي لك :)
تعيش و تجيب ..

Unknown يقول...

هههههههه
أنا كنت لسه في المسلسل الأزلي ده الأسبوع اللي فات :)
بس متظلمش مراتك يا استاذ إبراهيم عشان هيه لو مشيت وراك البيت كله هيقعد يتفرج على ماتش الكوره و بلاها تعليم :)
ربنا يخليهوملك و تعيش و تجيب لحد ما تجوز هاله :)

تحياتي لحضرتك

ابراهيم رزق يقول...

reemaas

فعلا زياد مكبر دماغه قوى

فعلا زباين بتتدلع اوضة بروفة ده كلام
هههههه
نورتينى
تحياتى

ابراهيم رزق يقول...

افكار مبعثرة

هههههههههههههه

فعلا التقيل قادم و يا خوفى من اللى جاى

و الله ده اللى كان ناقص نقيس فى الشارع

نورتينى
تحياتى

ابراهيم رزق يقول...

محمد الجرايحى
استاذى العزيز

ربنا يوفق و لادك و يعنا
ههههههههه
ادفع مش مشكلة ما انا كده كده بدفع بس مروحش الرحلة دى

نورتنى
تحياتى

ابراهيم رزق يقول...

رامى
القلب الطيب

ههههههههههه
فعلا معاك حق
ملابس الاطفال غالية جدا

نورتنى
تحياتى

ابراهيم رزق يقول...

Tarkieb

متشكر جدا

نورتنى
خالص تحياتى

ابراهيم رزق يقول...

بسمة الورد


ههههههههههه
متشكر كل سنة و انتى طيبة

نورتينى
تحياتى

ابراهيم رزق يقول...

ريماس

ريمسو الجميلة

ههههههههههههههههه
والله كأنك قاعدة معايا بس انا انتقمت منه شر انتقام بوظت قناة الجزيرة قبل ما امشى لكن على مين
اول ما رجعت قالى بابى قناة الجزيرة باظت بس انا شفت الماتش اون لاين على النت
جبل ما يعلم بيه الا ربنا

نورتنى
تحيات معطرة بالفل و الياسمين

ابراهيم رزق يقول...

citizn X

هههههههه
فعلا بلد مجانيين
ربنا يرزقك بالاولاد بأذن الله

نورتنى
تحياتى

ابراهيم رزق يقول...

قطرة الندى

متشكر
و سعيد بتعليقك

نورتينى
تحياتى

ابراهيم رزق يقول...

محمد ملوك

متشكر
سعيد بمرورك

تحياتى

ابراهيم رزق يقول...

منيرة سوار

متشكر جدا
ربنا يخلى لكى اولادك و تفرحى بهم

نورتينى
خالص تحياتى

ابراهيم رزق يقول...

نيسان

هههههههههههههههه
حاضر فعلا و الله عندك حقك
كلنا لازم نسمع كلام المدام

بعد كده هاسمع الكلام و ادفع

نورتنى
تحياتى

ابراهيم رزق يقول...

sabry abo omar

فعلا عذاب بس ممتع
هههههههه

نورتنى
تحياتى

ابراهيم رزق يقول...

Bent Men ALZaman Da

الزحام بيكون فظيع و الاستغلال افظع

زياد مكبر دماغه على الاخر
ههههههههههه

نورتينى
خالص تحياتى

ابراهيم رزق يقول...

الاحلام
ابو داود الطيب

كل سنة و انت و او لادك بالف صحة و خير

السلام وصل
ههههههه

نورتنى
خالص تحياتى

ابراهيم رزق يقول...

موناليزا


هههههههههههه
حاضر يا افندم بعد كده هاسمع الكلام

نورتينى
تحياتى

ابراهيم رزق يقول...

zizi العزيزة الذيذة


فعلا الاسعار بقت حاجة صعبة و بالذات ملابس الاطفال

و ينوفورم المدارس اصبح بيزنس كبير

ابو زياد حلوة منك قوى اى حاجة منك جميلة

نورتينى
تحياتى و تقديرى و حبى

مصطفى سيف الدين يقول...

ولسه يا ابو زياد قدامك دروس خصوصية ورسوم مدرسية انت هتتعب من اولها؟
اومال بتتجوز ليه يا باشا؟
اتجوزت بقى واتدبست يبقى اشرب يا معلم :)
بالمناسبة انا فضيت نفسي برضه علشان ماتش ميلان وبرشلونة و قبل ما يبدا بخمس دقايق نمت وصحيت بعد ما خلص :)
بصرة يعني
بلد مجانين صحيح

ابراهيم رزق يقول...

فافى

فعلا اللى انتى بتقوليه صح
اصل زياد واد ملحوس و واضح ان الستات بتحب الملحوسين
هههههههههههههههه

نورتينى
خالص تحياتى

ابراهيم رزق يقول...

Heba Salem Youssef

ربنا يكرمك
بكرة تتجوزى و تخلفى و تخشى نفس المعمعة
ههههههه

نورتينى
خالص تحياتى

ابراهيم رزق يقول...

زينة زيدان
اختى الغالية

ههههههههه
بعد كده هاسمع الكلام
متشكر جدا

نورتينى
تحياتى

ابراهيم رزق يقول...

زهرة الضحا

فعلا العذاب الوان و انواع
هههههههههههههه

متشكر جدا

نورتينى
خالص تحياتى

ابراهيم رزق يقول...

قهوة بالفانليا

متشكر يا افندم
سعيد جدا بزيارتك

نورتينى
خالص تحياتى

ابراهيم رزق يقول...

شرين سامى

ده مسلسل ازلى فعلا و لا مسلسل فيفى عبده

يعنى يرضيكى اسيب ماتش برشلونة
و بعدين انا افتكرت انا كنت بتفرج على شوبير و كنت باتابع بكل اهتمام عبد الله السعيد هيجى الاهلى و لا مش هيجى
ههههههههههههههه

نورتينى
خالص تحياتى

ابراهيم رزق يقول...

مصطفى سيف
اخى العزيز

هههههههههههههه
كده يا مصطفى بتعايرنى انك انت عازب و حر و مش متجوز طيب يا لامصطفى
بكرة نفرح فيك و نتفرج عليك
بقى يا راجل تسيب الماتش و تنام
ده بقى ذنبى عشان بتعايرنى
ههههههههههههه

نورتنى
تحياتى

Sarah .. يقول...

:)
...
ربنا يخليهوملك يارب
بس رغم العذاب دا كله .. فرحة عيونهم بالدنيا كلها
واحساس جميل كمان بكل دقيقة فى حياتهم لما بيكبروا قدامك .

تحياتى لحضرتك .. :)

رحاب صالح يقول...

الحمد لله اترحمت من الموضوع ده السنة دي بسب انشغالي بشغلي الجديد
بس اللي غاظني اووي مش ارتفاع الاسعار وبس
لاء ان اصلا الحاجات دي لا تمت بصلة للطفولة او للصبا ف شيء
دي حتي البنت اوشة بنت اختي لسة داخلة كي جي ون وهي اصلا عندها سنتين ونص ...شنطها اللي عجبني فيها ان علي رسمة سنو وايت وسندريلا ....امت اليونيفورم فالحمد لله الحضانة بتاخد المقاسات وبتعملها
بس بجد حست بقرف شديد من ملابس وادوات المدارس السنة دي سواء للأطفال او للشباب ....آية بنت اختي اول ثانوي ...حسيت لما شفتها وهي جاية م المدرسة ان هي اللي طانط مش انا اللي طانط ...هههههه اية ده مش عارفة ......بس الغريبة ان ده مبقاش غريب خالص......نحمد ربنا ان كان في فرصة للناس بعد رمضان عشان المدارس ....يعني مخفف شوية جدول الضرب علي الناس السنة دي.....هاهاها مفعول الثورة