الجمعة، 2 سبتمبر، 2011

قابلت هؤلاء 2

                        مورجان فريمان

كان ذلك فى عام 2005 كنت جالسا فى المطعم الخاص بفندق جراند حياة كنت جالسا مع مخرج مغربى و صديق لى مخرج و سيناريست انصرف المخرج المغربى  لاحظوا انى صديقى هذا سيكون موجودا كثيرا فى مقابلاتى كان المطعم ممتلىء وفجاة استأذن شخص طويل اسمر اجنبى ليجلس على الطاولة الخاصة بنا طبعا رحبنا بالجلوس معه لمحنا الكارنيه الخاص بمهرجان القاهرة السينمائى دفعنا الفضول لسؤاله هل انت مخرج او ممثل و لكنه فاجئنا بانه مدير اعمال مورجان فريمان طبعا كانت مفاجاة سعيدة تناول طعامه ثم تحاورنا معه و سألناه عن مورجان و اخباره و فجاة وجدنا امامنا مورجان فريمان نفسه يبحث عن مدير اعماله و جلس معنا طبعا تملكنا الزهول و جلسنا صامتين مورجان فريمان يجلس معنا لكن بعد قليل فتح هو الحوار و رويدا رويدا بدء الحديث من جانبنا و حكى عن ذكرياته و كيف كانت بدايته بالصدفة حيث كان من الممثلين الثانويين و يجلس معهم فى لوكيشن التصوير ثم ناداه مخرج الفيلم لا اتذكر اسمه و رشحه فى دور رئيسى فى الفيلم ثم سألنا عن راينا فى افلامه و ابدى اعجابه بمصر و تاريخها ثم انصرف هو و مدير اعماله بعد قليل

فى المساء كان المهرجان يقيم له ريسبيشن فى قاعة من قاعات الفندق طبعا المهرجان قام بدعوة عدد من النجوم اتذكر منهم يسرا و داليا البحيرى و سمير صبرى و فجاة لمحنا بالقاعة طبعا كانت الكراسى بالقاعة محدودة لانه ريسبشن نادى علينا و كان جالسا بجواره شريف الشوباشى رئيس المهرجان حين ذاك رحب بنا و دعانا الى الجلوس بجانبه طبعا جلسنا قليلا ثم استأذنا فى الانصراف حتى نتيح الفرصة للنجوم المصرية للترحيب به

فى اليوم التالى كان احد الرعاه يقيم حفلة فى الباخرة كريستال طبعا كان من ضمن المدعوين مورجان طبعا جهزوا له ترابيزة فى سطح المركب محاطة بالبودى جارد لكنه بعد قليل ترك الترابيزة و البودى جارد و نزل الى القاعة و صعد الى البيست و رقص مع المدعوين
هذا هو مورجان فريمان الحاصل على جائزة الاوسكار صاحب الافلام الهوليودية الشهيرة كما رشح كثيرا جدا لجوائز الاوسكار و الجولدن جلوب و المهتمين بالسينما يعرفون مقدار من فاز بالاوسكار ا و من رشح لجوائز الاوسكار و من رشح لجوائز الجولدن جلوب و سلملى على تامر حسنى       

هناك 29 تعليقًا:

محمد الجرايحى يقول...

هههههههههه
أخى ابراهيم ..ماشاء الله عليك كل مقابلاتك الظاهر كده فى عالى.....
الحمد لله أنا نلت شرف محادثتك فى الهاتف ههههه

محمود عسكر يقول...

كنت افضل لو أضفت له صورة في الموضوع

فالكثير منا يشاهد الافلام الاجنبية وربما لايعرف اسماء الممثلين الذين يقومون بالدور الثاني وليس دور البطولة
ولكنه من المؤكد انه سيعرف مورجان فريمان بمجرد رؤية صورة له
فهو صاحب كم كبير من الافلام والأدوار الرائعة

انا معجب كبير بأداء هذا الرجل .

تحياتي وتقديري

reemaas يقول...

الراجل ده انا بحب تمثيله جدااااااااااااااااااا
بأر عليك بالجامد انا

نـوران الـشـامـلـي يقول...

لأ بتهرج يا ابراهيم

انت عارف ان احنا يوميها كنا موجودين فى نفس المكان

انا مش متاكدة اذا كان هو نفس اليوم ولا لأ


بس كدة نسبة كبيرة ممكن نفس اليوم

عموما هو كان يوم في شهر ديسمبر
على ما اتذكر انه كان يوم 5 ديسمبر

لان اختى يوميها ده كان فرحها

مش فرح اوى يعنى

هي كانت عاملة زى احتفال بسيط كدة

يعنى مكانتش لابسة فستان فرح والكلام ده

المهم ان كنا كلنا بنتعشى هناك فى المطعم الخاص بفندق جراند حياة
اللى هو المطعم اللي بيلف ده

ويوميها احنا كمان شوفنا مورجان فريمان وكان معاه ناس

ابراهيم رزق يقول...

محمد الجرايحى
استاذى العزيز


هههههههههههه
الشرف لى يا استاذى انى حادثتك فى التليفون
شخصية محترمة مثلك تشرف اى شخص يقترب منها

نورتنى تحياتى

ابراهيم رزق يقول...

محمود عسكر

اولا سعيد بتشريفك
طبعا مورجان فريمان ممثل هوليودى معروف
طبعا افضل لو وضعت صوره لكنى لا افضل الصور فى البوستات

نورتنى
و اتمنى زيادة التواصل
تحياتى

عمار مطاوع يقول...

رائع أخي إبراهيم

ابراهيم رزق يقول...

reemaas

انا ماسك الخشب اهو
هههههههههههه

و انا ايضا بحب تمثيله

نورتينى
خالص تحياتى

ابراهيم رزق يقول...

نوران الشاملى

يا مرحبا يا مرحبا

و ليه بهرج
هو فعلا كان المطعم الدائرى اللى على النيل اللى بيلف اللى موجود اعلى الفندق
و كان لابس على ما اتذكر جاكت ابيض
و مدير اعماله مثل لاعبى كرة السلة طويل

اما التاريخ فتقريبا مظبوط لو مكانش 5 ديسمبر هيكون 6 ديسمبر

يا بخت اختك مورجان فريمان حضر فرحها
ههههههه

نورتينى يا نوران
سلامى لشريف

ابراهيم رزق يقول...

عمار مطاوع

اشكرك اخى الكريم

نورتنى
تحياتى

zizi يقول...

تصدق يا ابراهيم ..غالباً انا كمان كنت هناك يومها ..بس مش حاقولك كنت في المطعم الدائري اللي فوق في الدور الستاشر باعمل ايه لكن كنت قاعدة مع ناس اسبان بنتكلم في امور عائلية ...وكان القاعدين ساعتها بيحاولوا يوجدوا لغة مشتركة يتفاهموا بيها وطبعاً كانت الإنجليزيةوفاكرة ليلتها اخويا الكبير رفع كوباية المية في صحة كل القاعدين ..ياه يا ابراهيم كانت ليلة حلوة قوي ..صاحبة الليلة دي كانت لسة عندي من ساعة ..الله فكرتني بأحلى ذكرياتي ..اشكرك وتحياتي وفي انتظار المزيد ..

مصطفى سيف يقول...

مورجان فريمان مرة واحدة :)
يا عم لما تيجي تقابل الناس دي ابعتلي اجي معاك :)
اكتر دور حبيته لمورجان فريمان هو دور عظيم الدين بشير في فيلم روبن هود
امانة لو ناوي تقابل كاميرون دياز ابعتلي :)
تحياتي

ريــــمــــاس يقول...

صباحك غاردينيا أستاذ ابراهيم
رائعة هي الذكريات والأروع حين تكون ذكرى مصادفة غير متوقعة تجعلك في ذهول أكبر حين يفاجأك الشخص بخلقه ورقيه .."
؛؛
؛
لروحك عبق الغاردينيا
reemaas

شيرين سامي يقول...

يا سلام يعني كل مره هتغيظنا كده و تقول قابلت مين؟ و أكيد أنا هكون من الناس العظماء اللي قابلتهم :)))

تحياتي لك أستاذي العزيز

زينة زيدان يقول...

اها
مقابلات على مستوى خايفة يوم نلاقي المدونة ما بتفتح إلا بتذكرة دخول
صحابها وصحابه مشاهير

الحقيقة يوم 5 ديسمبر أنا ما كنت في جراند الي بيلف متل ما بتقول لهيك أكيد ما شفته ..ههههههه
تحيتي لاسلوبك الذي يروق لي في كل مرة
وانا مع د مصطفى سيف لما تقابل حد من الناس هاي ابقى افتكرنا .....(^_*)

ريبال بيهس يقول...

مساء الورد

جميل أن تقابل شخصيات من

ثقافات مختلفة تثري عالمنا

بإبداعها ...

تحياتي

naysan يقول...

نيالك ....مورجان فريمان ممثل رائع وبحب كل ادواره ....اوعى تكون قابلت توم هانكس كمان؟ لاني ح احسدك رسمي :)

و شكرا على العبره المطروحه ويا ريت نتعلم منها....
على الاقل ممثلينا او من يمثلونا

دعاء العطار يقول...

هو ده الفرق بين الناس اللى بتشتغل صح فبالتالى مش بتحتاج انها تظهر او تتعالى ع الناس لانهم نجوم بجد

وبين نجومنا اللى اى كلام وبيحاولوا فعلا يحسسوك انهم نجوم فى السما استحاله تعرف توصلهم

افتقدت كتاباتك جداً والله يااستاذ ابراهيم

دمت بكل خير (:

اغانى الشتاء يقول...

بصراحة مبينزليش من زور اوى , اصلا انا مبتفرجش على افلام امريكى كتير الا من الخمسينات الله يرحمك يا جريس يا كيلى .
بس باين من كلما حضرتك انه شخص محترم اوى

لو حضرتك ناوى تقابل كاميرون دياز فياريت تدعو مصر كلها :)))

تحياتى , و بقالك كتير منورتنيش فى مدونتى

ابراهيم رزق يقول...

zizi العزيزة الذيذة

من سوء حظى انى لم اراكى كنت تركت مورجان جرى و ذهبت اليكى

نورتينى
تحياتى و تقديرى و حبى

ابراهيم رزق يقول...

مصطفى سيف

ههههههههه
حاضر من عنيا
انت تؤمر

فعلا مورجان ممثل عظيم

نورتنى
تحياتى

ابراهيم رزق يقول...

ريماس
صباح الفل و الياسمين

فعلا معاكى كل الحق
ما اجملها ذكرى

نورتينى
تحياتى

ابراهيم رزق يقول...

شرين سامى

ههههههههه
انا اقدر اغيظك

فعلا و الله العظيم انا سعدت بلقائك اخت غالية و عزيزة و مبدعة

نورتينى
تحياتى

ابراهيم رزق يقول...

زينة زيدان
اختى العزيزة


ههههههههههههههه
و انا اقدر ده انته على راسى من فوق

حاضر المرة الجاية ساتذكركوا

نورتونى
خالص تحياتى

ابراهيم رزق يقول...

ريبال بيهس
اخى العزيز

فعلا جميل ان نقابل شخصيات ثرية و عالمية

نورتنى
تحياتى

ابراهيم رزق يقول...

naysan

ههههههههه
فعلا مورجان شخصية عظيمة

لا لم اقابل توم هانكس لكن هافجئك انا قابلت شخصيات اهم هههههههه
هتعرفيها فى وقتها

نورتينى
تحياتى

ابراهيم رزق يقول...

دعاء العطار

و الله العظيم هو ده السبب اللى بيخلينا اكتب عنهم

انا الذى افتقدتك
متشكر على مجاملتك

نورتينى
تحياتى

ابراهيم رزق يقول...

اغانى الشتاء

اولا مرحب بك بعد غياب

مورجان ممثل هايل و اخذ الاوسكار و رشح له كثيرا
وجهة نظرك احترمها جدا

حاضر من عينى انا ضفت مدونتك و على عينى هاتباعك

نورتنى
تحياتى

شمس النهار يقول...

النجوم الاجانب علي قد شهرتهم علي قد تواضعهم كنت في لاسفيجس وطالعه مع زوجة اخي وامي في الاسانسير في احد الفنادق وطلع معانا تلاته من فريق الاحلام وكانوا في منتهي التواضع اللي في الدنيا واللطف وتبادلنا حوار لطيف جدا
هو الواحد منهم بكام مليون
:))))))