الجمعة، 16 سبتمبر 2011

تعلب

تعلب شغال عند كلاب كان شغال لهم حرس
ماشى بشريعة الغاب وعلى اعدائهم شرس
العيال لموا الكلاب و كلوا فى القفص اتحبس
غير بسرعة جلده  و فجاة التعلب بقى فرس
شد كرسى العرش عليه و فرد نفسه وجلس
تفتكروا الحق هيحافظ عليه و لا باقدامه يندهس


هناك 21 تعليقًا:

شمس النهار يقول...

حلوة حكاية التعلب دي
عاملة زي التعلب فات فات وفي ديله سبع لفات
اما ملابس المدراس دي

:)))
ده مشكلة المشاااكل
ويتكتب عنها كتب كتب اكوام اكوام

واحمد ربنا انك مع فرج ولا البدراوي
ماوقعتش تحت ايد مدرسة متعاقدة مع محل من اياهم بيشتروا ويبيعوا في اولياء الامور ولا اللي بيشتغلوا عندهم
وبعدين مش عارفة ياابراهيم حاسة كده والله اعلم انك جارنا
:))))
مدام بتقول الزيتون شوية شوية تقول انك خريج ابن خلدون
:)))))))

نسرين شرباتي "أم سما" يقول...

حق ايه اللي حيحافظ عليه؟؟؟؟؟؟؟

اللعبة مكشوفة

ده الكلاب حيكونوا أرحم منه وليهم فضل عليه

شكلهم كانوا بيتعلموا من التعلب ده !!!!!!!!!!!!

الاحلام يقول...

المكر الى فى التعلب والمعروف عنه انه الى قدامه هيدهسه وهياخد الى يقدر عليه زى كل التعالب الى لقيت نفسها على كرسى العرش ومفيش حد بيقاومها
تحياتى اخى العزيز الغالى ابراهيم تحياتى على كلماتك وعلى تعليقاتك فانت من القوه العظمى بين لمدونيين
تحياتى ابوداود

zizi يقول...

ابراهيم ..ابو زياد ..تفتكر التعلب حايعمل ايه في يوم من الأيام حا ينخلع عنه قناع الفرس غصب عنه وحاتظهر عليه اعراض الثعلبة فوراً ..رائعة المغزى والمعنى والجرس الموسيقي بتاعها سلس ومريح للأذن ..سلمت يداك ..تحياتي ..

Tarkieb يقول...

التعلب بيلعب بلى ويقول اخييييييير خوش انت يا عنان اكيد الاول

Unknown يقول...

طالما أن هناك نظارات تبين الثعالب من الكلاب فهناك أمل .
شكرا أ/ابراهيم

مصطفى سيف الدين يقول...

الشعب اللي يصيد الكلاب مش صعب عليه يصيد تعالب ويعمل من فروتها بالطو لامه الحبيبة مصر

غير معرف يقول...

السلام عليكم

بالنسبه للتعلب اللي اتقلب فرس
متقلقش بكرة ينكشف

بالنسبة لتشريف حضرتك لمدونتي
فأنا أشكرك جداً علي دعمك وأتمني لحضرتك التوفيق دائماً

تحياتي

بسمة الورد عطر المشاعر يقول...

التعلب مهما يحاول يراوغ الولاد راح يفهموة ويحبسوة زى بقيت الكلاب

ربك يمهل ولا يهمل والايام الحمد لله اثبتت كده

سعيدة بمرورى على جميل ما قدمت اخى

احترامى وتقديرى لقلمك

الازهرى يقول...

يا تعلب اهدا كد و اتلم من تانى
واثبت مكانك دا رب العرش نجانى
وبكره راح اركعك من تحت أقدامى
ولو فى يوم صوتك يغررك
هتلاقى نفسك فى لحظة
فى نار بركانى

reemaas يقول...

ناقص بس نحط اسم للتعلب
وما اكثرهم

افكار مبعثرة يقول...

التعلب مكااااااااااااااااااار و زي ما قلت غير جلده فازاي ممكن نثق بحد قادر يغير جلده و يلبس الف وش و وش
بكره ينكشف و يقع وقعة و ما يسمي عليه حد
بجد ابدعت :)
تحياتي ليك

شمس النهار يقول...

*ابراهيم رزق

والله ياابراهيم مش عارفة بس حسيت انك من هناك تسألني عرفت ازاي مااعرفش بس كلامك عن حلمية الزيتون وماحدش يعرف خالص لا النعام ولا حلمية الزيتون

احنا كنا ساكنين من ايام ماكانش في عمارات هناك وابن خلدون اصلا كانت مدرسة معلمات داخلية الاول
احنا بقا كنا ساكنين في فيلا في ضهر المدرسة اسمها الفردوس وانت عارف طبعا فيلا زاهية اللي اتسجنت فيها اللي ماتتسمي اللي ولعت مصر
تانت زاهية دي كانت موصية ان لماتموت الفيلا وهي مساحتها كبيرة جدااااا كانت متبرعه بيها للكنيسة
باقي الارمن والمسلمين اللي في شارع علي باشا اللالا بقا بعنا الفيلاات لما الدنيا هاصت كده وهجرنا الشارع في سكنوا في عمارات وفي هاجروا لبلاد الغربة
المكان هناك دلوقتي بقا غريب مايتعرفش اصلا النعام والزيتون وحلمية الزيتون خلاص راحت وراح ايامها
انت عارف كان في فيلا المفتي في شارع البشري كانوا مربين طاووس وغزلان
بلاش عارف عمارات عمر افندي دي كلها كانت قصر واحد بس
ده غير ان نص شارع متحف المطرية ده كان قصر واسطبل لفريد الاطرش
ده غير آل الشريعي اللي كان ليهم قصر جميل وحسن حشمت الفنان العالمي اللي المصريين مايعرفهوش وآل الرويني
وغيره وغيره
يووووو انت فكرتني بسنين فات كتير اوي
:))))))
عندي صورة ليه وانا صغيره في بلكونت الدور التاني في الفيلا مافيش اي مبني ورايا خاااااااالص بتاتا البته
زي ماتكون اتلقطت في الصحراء
:))))
ايه ايام بقا
وطبعا اكيد اكيد كنت بتقعد علي قهوة عماد :))))))
انا خريجت فنون جميلة انت مش مذاكر مدونة كويس ياابراهيم
:))

Emtiaz Zourob يقول...

ياترى مين المقصود بالتعلب ؟؟ عموما التعالب كثيرة زي الكلاب ماكانت كثيرة ، بس العيال اللي لموا الكلاب قادرين يلموا التعالب كمان ..بس هي مسألة وقت .

Unknown يقول...

قصة بليغة......
التجارب كلها أجمعت على فشل التعلب ....

شمس النهار يقول...

*ابراهيم رزق

يانهارك ابيض ياابراهيم انت كمان عارف كمبريدج
:))))
دي كانت حبيبتي ايام الكلية كنت لما اكسل انزل وسط البلد اجيب الوان وورق كنت بشتري منها وواحدة واحدة بقينا اصحاب ولحد دلوقتي
:))
اهو عمار بقا تلميذ ماما
وده سبب اننا ماسبناش المنطقة زي تيته ونروح سليمان باشافي البلد البيت اللي بركن قصاده لمابروح التحرير للمظاهرات
علشان ماما كانت بتشتغل في المدرسة دي قبل ماتنتقل منها
وسكنا في عمارة الناحية التانية من المدرس علشان ماما ماتبعدش عن مدرستها
وطبعا فاكره كل اللي انت بتقول عليه وقصر يوسف كمال اللي بقا بتاع فراخ
:))))
انت عارف ان كان جنب المدرسة سنما اسمها سينما نادية مخصوص للأكابر اللي ساكنين علي باشا اللالا ده
:)))))
ونسيت ميدان حجلان اللي كان كله فيلاات جميلة وشجر
واميرة العايدي الممثلة من هناك
وكان شارع نظيف اول شارع يبق فيه عمارات حديثة شارع نظيف اللي في ضهر المدرسة وكان ساكن فيه آل العيسوي ووالد نجوي ابراهيم مستر ابراهيم
ايه ياابني ده تاريخ
وهروح اقرا الهنود الحمر وان شاء الله اكتب بوست وخصوصا ان عندي صور للشارع والفيلات دي زمان
قلبت علينا التاريخ ياابراهيم
:))
علي فكرة انت كده ماقريتش سلسلة عبرنا الهزيمة
علشان انا كاتبه اني كنت ساكنة جنب المستشفي العسكري
مش مذاكر ياابراهيم
هو جيل الشباب كده مش بيذاكروا معتمدين علي الذكاء وبس
:)))))
:)))

شمس النهار يقول...

*ابراهيم رزق

مش اكرامي بس الخطيب من عين شمس

والبنت الحلوة بتاعة كمبريدج دي زوجة صاحب المحل
:)))
كانت فعلا امورة
:)))
ولازالت علي فكرة
:))))
اما عربية الفول ماعنديش فكرة عنها الصراحة بس ممكن اللي يعرفها اخويا الصغير اللي اعتقد ان ممكن انت تكون عارفه بالشكل ده
:)))))))))
:))))
البلوجر بقا فيه اتحاد ساكني حلمية الزيتون القدماء
:))))
بس انت مش قدماء
:))))

ابراهيم رزق يقول...

اخواتى الاعزاء
شكرا لكم جميعا على تعليقاتكم و تواصلكم
كل ادلى بدلوه من وجهة نظره
و الكل اتفق ان الثعلب لا يمكن ان يتحول الى فرس
فاحذروا الثعلب الذى بدء يظهر الاعيبه

تحياتى و تقديرى

sara draz يقول...

الكلمات تحفة
فكرتنى بأغنية الوشوش بتاعة حمزة نمرة
بس لما الشدة بتييجى بتبان المعادن
وبيبان
مين الفرس ومين التعلب
..
تحياتى

مها البنا يقول...

ليس بالإمكان أبداً أن يتحول الثعلب إلى فرس .. لكن ما دام لا يوجد فى الغابه سوى الضباع .. فأفضل لإبن أدم أن يقبل بالثعلب قليلا متخذا جميع إحتياطاته ليتقى شره .. إلى أن يجد الأسد الضرغام أو الفرس بدلا من أن يحل محله ضبع خسيس


تعرف حضرتك مشكلة الكلام ده كله إيه؟؟

إنه كلام بشريعة الغاب .. بيتكلم عن حيوانات .. ونسينا ان الفرس ملهوش لازمه من غير الفارس

بوست هادف .. تقبل تحياتى

هديل يقول...

الله يكفيكم مكر التعالب و كل ذي مكر يارب و يولي عليكم الصالح اللي يخاف ربنا فيكم يا أخ ابراهيم .. تحياتي :)