الخميس، 8 سبتمبر، 2011

ملاك فارما

اندهشت جدا و تسائلت عند اختى نوران صاحبة مدونة اخر ايام الخريف عن ما هو المنهج الذى يتم تدريسه بكلية الصيدلة لكى يخرج لنا هذا الكم من المبدعين مصطفى سيف و مدونته طير الرماد و نور و مدونتها  بنوتة مصرية بينما لا نجد مثلا كليات التجارة لا تخرج لنا اى مبدع و لو على المستوى الاحترافى 
اتذكر ايضا تعليق صغير عند اخر ايام الخريف يحمل اسم شرين سامى تعرفها بنفسها و انها زميلة فى الصيدلة يومها لم اكن انشئت تلك المدونة المتواضعة ذهبت الى مدونتها حدوتة مصرية لارى ابداع اخر لتلك الكلية الغريبة وجدت مبدعة جديدة تكتب بكل تلقائية و بساطة تكتب بكل صدق و الدليل على ذلك ان ما يكتب بصدق يدخل القلب بكل سهولة تابعتها دون ان اعلق و لكن مع بداية انشائى المدونة بدأت التعليق عندها
التقيت بها مرة واحدة يوم التبرع بالدم و لانها صادقة لم تختلف صورتها عن كتابتها ملاك مبدع حالم يطير بجناحين
اما اجمل ما يميزها فهو حبها لمصر و تراب مصر مصر بكل تفاصيلها
فجاة فجأتنا ببوست من اجمل ما كتبت اسمه القبلة و الشيخ بوست تفوق على واقعية نجيب محفوظ و يوسف ادريس احسسنا جميعا ان ذلك الملاك اصبح يسير على الارض رسمت صورة واقعية من اجمل الصور ثم توالت مفاجئتها لنا مباشرة بابتعادها عن الكتابة قليلا ثم جاءت الفرحة الكبرى بعودتها الى اسرتها الاخرى و اخوتها الاخرين
اختى الغالية شرين
نورتى اسرتك الاخرى و لا تغيبى عنا و اتمنى ان تنقلى جينات الابداع الى امن و جورى حتى تكتمل السلسلة الابداعية
اترككم قبل ان اجن من المنهج الغريب الذى يتم تدريسه بكلية الصيدلة حتى يتم تخريج هؤلاء المبدعين
بلد مجانين صحيح
   

هناك 8 تعليقات:

zizi يقول...

انا لسة ما رحتش اشوف مدونة شيرين بس فعلاً دا اجمل خبر سمعته عالصبح لأني باكتب دلوقتي بعد الفجر..وفعلاً ملحوظة حكاية الصيادلة والدكاترة وابداعاتهم وربنا يخلي كل المبدعين ويزيد ابداعاتهم ..

ريــــمــــاس يقول...

صباحك غاردينيا أستاذ ابراهيم
امممم يبقى لازم اغير دراستي واجي مصر ادرس صيدلة عشان ابقى مميزة زي مصطفى سيف ورائعة زي نور وملاك زي شيرين :)
بس بجد بجد بجد وعد بقى كم بجد فعلاً أنت ذكرت أروع كتاب مصريين تعرفت بيهم في بلوجر وبحبهم من قلبي ويارب نشوفهم دائماً من نجاح لنجاح وماتنساش انت كمان على قائمة الكتاب المصريين الي ليهم روح حلوة وقلب طيب بنحسه كلنا ويارب تفضل المحبة بيننا جميعاً .. "
؛؛
؛
لروحك عبق الغاردينيا
reemaas

محمود عسكر يقول...

كانت اكثر امنياتي واحلامي أن أدخل كلية صيدلة
ولكن النصيب حدفني بعيد ودخلت تربية "رياضيات"
عموما أنا من اشد المعجبين بهذه الكلية
وبقول دائما إن الكليات العلمية اكثر إفرازا ً للمبدعين .

اشكرك لأنك بمقالك هذا ستعرفني علي مدونات جديدة سأحاول متابعتها والاستفادة منها.
تحية وتقدير

شيرين سامي يقول...

أستاذ إبراهيم إيه الكلام الحلو ده أنا مش قده و الله :)
مفاجأه ليه إن حضرتك كنت متابعني من زمان تخيل في ناس كتير بيقولولي نفس الحكاية دي و بفرح أوي عشان المتابعة من غير تعليق أكبر دليل على إن الغرض الإستمتاع بالمكتوب...لكن ده ميمنعش سعادتي بالتعليقات بالذات تعليقات حضرتك اللي بجد بتبقى أجمل من البوست بهداياك الشعريه و الأغاني و المواويل بتسعدني جداً و بستناها دائماً.

أخجلتني بذوقك و كلامك عن لقاءنا و على فكره أنا كمان سعدت و إتشرفت جداً بالتعرف عليك و حضورك كان واضح و أجمل حاجه يومها القمر ساليناز ربنا يخليهالك.
سعيده إن قصة (القُبلة و الشيخ) عجبت حضرتك كان مستفزني أوي فوضى الخطاب الديني و شباب التحرش بتاع الأعياد...غبت شوية صغيرين بس حسيت بحب الناس أكتر ما تصورت و دي أكتر حاجه شجعتني إني أرجع بنفس مفتوحه و فرحة كبيرة.
البلوجر منور بناسه الحلوين و بوست حضرتك ده هو أجمل حاجه أبدأ بيها يومي.

تحياتي لأستاذي الرائع و سلامي لأسرتك الحبيبة

naysan يقول...

صباح الخير
احلى خبر مفرح لما فتحت المدونه اليوم الصبح ولقيت شيرين راجعه من جديد
الحمدلله على سلامتها و منوره اكيد.

يا نيالك ....قابلت شيرين كمان!!!
متأكده ان شيرين حلوه قلبا وقالبا في الواقع كما هي في مدونتها.

ملاحظتك في محلها بالفعل...وهو ما كان يحيرني عند قراءتي لبعض المدونات ومعرفة تخصصات اصحابها ....وخصوصا الصيادله ....لهم سحر غريب او فكرك بيستعملوا تركيبه معينه سريه فيما بينهم بتخليهم بالجمال دا؟؟؟ !!!!!!!
:)

نهارك سعيد استاذ ابراهيم

سكندري يقول...

هما كده اتباع المنهج العلمي دائماً يميلون للأدب سواء ممارسةً؛بكتابة القصة الرواية ، الشعر و غيرهم

أو حتي مجرد استمتاع

القُبلة و الشيخ .... رائعة بجد شكراً

أستاذ إبراهيم علي الحاجات الحلوة دي

شمس النهار يقول...

كلامك مظبوط
انت كمان علي ماجيت بلوجر كان في دكاتره تانين سابوا البلوجر
كانوا ماشاء الله مدونين من الدرجة الممتازة فعلا
واضح ان الكاتره كانو جايبين النمرة النهائية في اللغة العربية والابداع
:)))
اما شيرين انا شخصيا بموت فيها

ريهام المرشدي يقول...

ملحوظة فى محلها ف د/نبيل فاروق طبيب غالبا من يشتغلون بالمجال العلمى عموما يجدون ضالتهم في التعبير في الكتابه فدراساتهم كلها حقائق محتملة جافة إلى حد ما ، فيعيدون التوازن بقليل من الخيال و التعبير الأدبي .
استمتعت بالقراءة ، شكرا جزيلاً