الأربعاء، 5 أكتوبر، 2011

محدش واخد باله 1

محدش واخد باله سلسلة ابدء كتابتها بجانب بلد مجانين صحيح لانى شعرت ان الكثير  من الشعب المصرى اصبح مش واخد باله
                                                  

محدش واخد باله
بالسبق الحصرى الذى اعلنت عنه قناة النهار لاول مرة تظهر هالة صدقى مع طفليها مجهود كبير و سبق تلفزيونى يجب ان نشكر مسئولى القناة على هذا السبق و المجهود

محدش واخد باله
ان المشير طنطاوى عمره 76 عام بينما عمر وائل غنيم ثلاثون عام

محدش واخد باله
ان خبر فرح المطرب خالد سليم فى اليوم السابع نشر به تقدم الحضور الفريق عبد العزيز سيف الدين قائد القوات الجوية و اللواء اسماعيل عتمان مدير ادارة الشئون المعنوية و عضو المجلس العسكرى

محدش واخد باله 
انتشرت فى مصر بجانب ظاهرة غسيل الاموال ظاهرة غسيل الاحزاب ينضم عضو الحزب الوطنى لاى حزب و يخرج منه اكثر بياضا

محدش واخد باله
ان المهندس خالد عبدالله اقصد الداعية الاسلامى خالد عبدالله نسى زوجاته الثلاثة و نسى انه كان داعية و تحول فى برنامجه بقناة الناس الى الداعية السياسى خالد عبدالله  و علمت من مصادرى ان قناة الناس ستغير شعارها فى الفترة القادمة من قناة تأخذك الى الجنة الى قناة تأخذك الى مجلس الشعب

 محدش واخد باله
ان العقد الذى وقعه شيكابالا لاعب الزمالك الذى لم يحصل على الابتدائية و يكتب اسمه بصعوبة و وقعه بعد معاناة من جانب ناديه ب 27 مليون جنية فى ثلاث سنوات بخلاف المرتب و المكافأت
و بحسبة بسيطة يكون نصيبه فى العام 9 مليون جنيه اى 750 الف جنيه فى الشهر اى 25 الف جنيه فى اليوم اى اكثر من الف جنيه فى الساعة و بحسبة اكثر بساطة حتى لا نتوه فى الارقام  ان الدقائق التى يقضيها  شيكا بالا فى الحمام فى اليوم ليقضى حاجته تساوى مرتب الطبيب الذى يدرس لمدة  18  عام  فى الشهر

                                                                 توقيع
                                                        واحد مش واخد باله   

   
   

هناك 62 تعليقًا:

hana يقول...

انا باقول اوعى حد ياخد باله احسن هههههههههههه

يسلم قلمك الجميل وطرحك المميز

اول زيارة وليست بأخر إن شاء الله

هناآآ

Ramy يقول...

(:

دايماً واخد بالك

يا أستاذ أبرهيم

باين السلسلة الجديدة هتنافس القديمة

(:

دعاء العطار يقول...

ههههههههههههههه

وهيفضلوا لامتى بقى مش واخدين بالهم ؟

او ممكن نقول عاملين مش واخدين بالهم .. ساعات كتير المصريين بيعملوا فيها عبده العبيط

المهم اننا فى انتظار باقى السلسه

دمت مبدع وتمتعنا بكتاباتك :)

مصطفى سيف الدين يقول...

ومحدش هياخد باله بس بالنسبة لشيكابالا مش الوحيد اللي بيقبض المبالغ دي شوف جوزيه ومساعدينه مثلا بيقبضوا كام
وبعدين 9 مليون في السنة ده مبلغ مبالغ فيه جدا وبصراحة مصدقهوش خصوصا الازمة المالية اللي فيها الزمالك دلوقت
بالنسبة للداعية خالد عبد الله الراجل هيعمل ايه تاني من فترة عمل حلقة كاملة هجوم على الدكتور سعد الدين الهلالي استاذ الفقه المقارن في جامعة الازهر علشان قال ان حلق اللحية يجوز
فعلا احنا في زمن الروبيضة ومحدش واخد باله
تحياتي

Bent Men ElZman Da !! يقول...

اوقات بنبقى شايفين بس عاملين مش واخدين بالنا :)
فى انتظار باقى السلسله
واضح انها جميله

فاتيما يقول...

انا بقى مريحة دماغى
ومش جايبة القناة دى ع الدش أصلا
عشان صحتى النفسية

:)

شيكابالا نموذج للعته والأسراف
والمال السايب
لكن
نهايته معروفة
اما الطبيب اللى بيجتهد
ويذاكر ويشتغل ...
فهيلاقى نتيجة تعبه ولو بعد حين


ربنا حطها قاعدة
وتمر ملايين السنين ولا تتغير
لكل مجتهد نصيب
ولو لم يقدر احد ف حياته
فوارد جدا بعد موته بعشرات ومئات السنين جهده يتقدر ..
وناس تعرفه و تفتكره بكل احترام

اما هذه النوعية من العالم
اللى حياتها بالساهل
وبتجيب الفلوس من الهوا
فمحدش بيفتكرهم تانى ... بعدين

انا متفقة مع رامى
احنا داخلين على بوستات اوعى وشك
الله ينور

:)

ريــــمــــاس يقول...

مساء الغاردينيا أستاذ ابراهيم
كل دا ومحدش واخد باله ههههههه
بجد شر البلية مايضحك بس عارف ساعات بنتمنى نفضل مش واخدين بالنا من حاجات لانها بتبقى توجع اوي "
؛؛
؛
دايماً مميزوبتابع التلفزيون كتير :)
لروحك عبق الغاردينيا
كانت هنا
reemaas

نسرين شرباتي "أم سما" يقول...

مكنتش واخدة بالي بصراحة :)

سلسلة شكلها حتكون جامدة

بس خد بالك من نفسك كويس

علشان زياد وساليناز

:)

Tarkieb يقول...

بس هو شيكابالا لو كان دارس طب كان حياخد اكتر؟ ولا في دي ما اخدتش بالك...كام لاعب كرة مش لاقي ياكل؟ ده نصيب يا استاذي وربنا يديه من وسع ...الباقي بقى ملعوبة ولا من شيكابلا في المقص عدل

haneen nidal يقول...

و لــ متى رح يتم الوضع على ما هو عليه و محدش ماخد بالو . . لطفك يا الله !

تحياتي لقلمك الي ماخد بالو من الصغير و الكبير

sabry abo-omar يقول...

دى غفلة واللا غباء من الناس مش عارف.. على اى حال ربنا مطلع .. على اى حال حضرتك بتقول وتقول وتقول ونقول معاك يجوز حد ياخود باله قبل فوات الاوان.. تحياتى لقلمك وفكرك

Heba Salem Youssef يقول...

هو فعلا والله

بلد هايفين كمان وعقول مسطحة !

محدش واخد باله من خبر مقتل مهند باعتداء مجهولين عليه بالسكين

والبنات يا عينى زعلانة اوى :'(

واللى مش واخد باله فعلا

انهم لما جهم يسألوا الصحفيين الاتراك عن الخبر

قالو اننا لا نعرف ذلك الشخص

يبدو ان بلدنا بتتدى للهيافة حجمها جدا !

يعجبنى نقدكم الساخر كثيرا

بالتوفيق ,,

محمد الجرايحى يقول...

يااااه
الواحد صحيح ماكان واخذ باله كل ده حصل وبيحصل واحنا ولااحنا هنا .......

وجع البنفسج يقول...

طيب كويس انه محدش واخد باله ..

عموما ربنا يخليك دائما متيقظ لمثل هذه الامور .. لتفتح عيون الكثيرين ..

اعجبتني السلسلة الجديدة وفي انتظار القادم .. بس فكرك راح تتغلب على السلسلة القديمة " بلد مجانين صحيح "

اتمنى لك التوفيق دوما اخي ابراهيم ..

دمت متيقظاً .

موناليزا يقول...

رغم انى مفهمتش العلاقة بين عمر المشير ووائل غنيم لكن كله كوم وحكاية شيكابالا دى كوم تانى خالص حاجة كده تحرق الدم وترفع الضغط

شمس النهار يقول...

محدش واخد باله
وماحدش واخد منها حاجة

:)

وماحدش واخد باله ان المجلس العسكري مش هيمشي احنا نمشي

وراس سلطح باشا الكبير
المجلس ماهيتحتح من مكااااانة
وهيغني لنا انا مرتاح كده
انا مبسوط كده

ملحوظة عمررررررري
مااعتبر خالد عبد الله داعية اصلا

ربنا يصلح الاحوال
والناس تاخد بالها انها بتتنشل
:)))
مصر بتتنشل
اي ان حاميها حراميها

لـــولا وزهـــراء يقول...

محدش واخد باله
ان المهندس خالد عبدالله اقصد الداعية الاسلامى خالد عبدالله نسى زوجاته الثلاثة و نسى انه كان داعية و تحول فى برنامجه بقناة الناس الى الداعية السياسى خالد عبدالله و علمت من مصادرى ان قناة الناس ستغير شعارها فى الفترة القادمة من قناة تأخذك الى الجنة الى قناة تأخذك الى مجلس الشعب
....................................ز

بدايتا انا محتاجة ان حضرتك تكون صبور معايا شوية لاني حسيت بغيرة على ديني
من النقطة دي ... مال دخول الشيخ عبدا الله في السياسة بزوجاته التلاتة؟؟؟؟؟؟؟؟؟
يعني معلهش انا لما اتريق على حد او انتقده اكون على قدر المستوى اللي بنتقده فيه
يعني مثلا اقول مال الشيخ خالد عبد الله بالسياسة دا داعية ديني ( وانا معرفش اذا كان ايه المانع انه يكون داعية ودارس سياسة اواواو .... ) مقولش بقى سايب زوجاته التلاتة وبيتكلم في السياسة ... مال خصوصياته وعرضة باللي انا بنتقده فيه !!!
اشمعنى يعني الغندور يطلع في برنامج الرياضة مع دريم وعمال يتكلم ف السياسة !!!
اهو انا لما اجي بقى انتقده اقول ماله خالد الغندور ومال السياسة
مجيش بقى ااقول هو خالد سايب بيته ابو مليون جنيه وجاي يتكلم ف السياسة ( للامانة مليون ده رقم خيالي مش حقيقي)

وبعدين ايه حكاية قناة الناس ؟؟؟
هي بلا شك قناة تأخذني للجنة ( نظرتي ليها ) قناة دينية حرة تتكلم في الدين وفي تربية النشئ وفي السياسة وبرامج اجتماعية ... ايه المانع ولا عايزين نفصل الدين عن السياسة في القنوات الدينية !!!
قناة دينية يعني قناة يغلب على برامجها طابع الدين مينفيش عنها انها تقدم برامج للرياضة او للاسرة او اعلانات اواواواو ...
شكراً لسعة صدرك
لولا

zizi يقول...

هيما العزيز وحياة راس سلطح بابا اللي فكرتني بيها شمس الجميلة وحياة كشك المظ اني ما قدرت اروح انام الا لما ابعتلك نجمة شرف تقديراً لك على كل اللي انت مش واخد بالك منه ده وخصوصاً شيكا بالا ..وبعدين انت عملت النسبة والتناسب على اساس ان ربنا مسهلها معاه وحايخرج بعد دقائق فما بالك اذا مكث اكثر من ذلك لأخذ مرتب مجلس الوزراء كله على بعضه ..وماحدش واخد منها حاجة ...تحياتي لحسك العالي ..بس انت كده حاتخلينا ناخد بالنا واحنا مش متعودين على كده هي اخدان البال دي حاجة حلوة زي خرنج كده ؟؟؟؟؟

beautiful mind يقول...

يابن الايه
دا واحد من اللي مش واخدين بالهم دول
اكتر حاجه تجنن بقي بتاعة شيكابالا دي
ياعم دي بلد بتاعة هجس
بتاعة قلة ادب
والله مافي حاجه تنفع معانا لا ثورة ولا بتاع
الناس شربت دا واكلته من 50 سنه

ابراهيم رزق يقول...

hana

اهلا و سهلا بكى و اتمنى زيادة التواصل
متشكر لمجاملتك الكريمة
نورتينى
تحياتى

ابراهيم رزق يقول...

رامى
القلب الطيب

مش قوى كده اهو بنحاول ناخد بالنا

يا رب تعجبكم

نورتنى
تحياتى

ابراهيم رزق يقول...

دعاء العطار

هههههههههههه
يارب الكل ياخد باله

ليه نعمل عبده العبيط لازم يشعروا اننا صاحين

نورتينى
خالص تحياتى

ابراهيم رزق يقول...

مصطفى سيف
اخى العزيز

كثير يأخذون هذا المبلغ انا اعطيت مثال لاجتماع الجهل مع العلم مع عدم تحقيق انجاز و مع ذلك يأخذ ما لا يستحقه

للأسف الرقم صحيح و هو العقد الذى وقعه ايام ممدوح عباس و فعله الزمالك فى اخر يوم حتى لا يهرب المحروس
رغم انه غير دارس للدين باعترافه هو الا انه دائما يدخل معارك دينية و يخسر فى النهاية

نورتنى
خالص تحياتى

ابراهيم رزق يقول...

Bent Men ALZaman Da

عندك حق بس لازم نبين اننا واخدين

نورتينى
خالص تحياتى

ابراهيم رزق يقول...

فاتيما
روح القلب الملائكية

يارب اعرف اكبر دماغى
لازم اعرف الكل بيقول ايه
عادة فيا

لكل مجتهد نصيب يا فاتيما لما نكون فى دول العدل الكل بياخذ حقوقه
لكن دولة شيكابالا لا اعتقد
شيكا بالا مثال للجهل على قدمين
هو رمز للدولة

ربنا يسهل و الواحد يكتب

سلام جامد من ساليناز
سلام يا ام جو

ابراهيم رزق يقول...

ريماس
صباح الفل و الياسمين

فعلا شر البلية ما يضحك

مش متابع قوى
ده بس اللى عنيا بتقع عليه
ههههههههههه

خد بالك من اللى بالى بالك
ههههههههههههههه

نورتينى
سلام يا ريمسو

ابراهيم رزق يقول...

نسرين ام سما

ربنا يسهل و الكل ياخد باله

ربنا يخليكى لبناتك و تاخدى بالك منهم

نورتينى
خالص تحياتى

ابراهيم رزق يقول...

Tarkieb

انا اقصد ان الهرم مقلوب

لاعبى الكرة فى مصر بيكسبوا قد كده حتى لاعبى الدرجة الثانية

نورتنىتحياتى

ابراهيم رزق يقول...

haneen nidal

لحد ربنا ما يسهلها و الكل ياخد باله
شرفتينى و نورتينى

تحياتى

ابراهيم رزق يقول...

sabry abo omar

هو تعود او خوف او اصبحوا فعلا ش واخدين بالهم

نورتنى
خالص تحياتى

ابراهيم رزق يقول...

heba salem youssef


فعلا نبحث عن الهيافة
لا و بنتصل با السفارة عشان نتأكد من الخبر

ربنا يسهلها

نورتينى
خالص تحياتى

ابراهيم رزق يقول...

محمد الجرايحى
استاذى العزيز

و ده اللى بيشجعهم ان احنا مش موجودين قدامهم و مش حاسين بينا

نورتنى
تحياتى

ابراهيم رزق يقول...

شجن النفسج
اختى العزيزة

ربنا يسهل و كلنا ناخد بالنا

اتمنى ان السلسلة دى تعجبكم و التانية تعجبكم برده

نورتينى
خالص تحياتى

ابراهيم رزق يقول...

موناليزا

العلاقة سهلة خالص
معروف ان الجيل عمره عشر سنوات يعنى اللى يسبقك بعشر سنوات اصبح بالنسبة لكى جيل سابق
حاولى كده تقربى من من يصغرك بعشر سنوات ستجدى اختلاف و هاوية بعيدة نسبيا
فما بالك بالفرق بين من قام بالثورة و من المفروض ان يحقق مطالبها حوالى خمس اجيال
تخيلى الفرق و الهاوية بينهم فى الفكر و الاسلوب و التطلع و الحماس

نورتينى
خالص تحياتى

ابراهيم رزق يقول...

شمس النهار

و راس سلطح بابا انتى الا فهمانى
فكرتينى بمش هنمشى هو يمشى

لاحظى انا قلت المهندس لم اقل الداعية

ربنا يسهل و النشال يمشى اصله هو نشال برخصة اى واخد ترخيص

نورتينى
تحياتى

ابراهيم رزق يقول...

لولا و زهراء
لولا

و ما الذى لا يدعونى الى عدم الصبر نحن نتحاور و يجب ان نصبر على بعض قد اكون على خطأ

انا ايضا غيور على دينى و انا لم اقترب من موضوع الدين مطلقا
اولا خالد عبد الله لم يدرس العلوم الدينية باعترافه هو و كل المعارك الدينية التى دخلها خرج منها خاسرا
بما اننى غيور على دينى يسئينى أن نختصر الدين فى قشور و شكليات فهل حقوق الرجل فقط الزواج بأكثر من زوجة لا اريد ان استفيض فى عدد الشيوخ المتزوجين اكثر من زوجة و هل اختصر الدين فقط على اللحية لتخصص حلقة كاملة لتهاجم استاذ فقه مقارن بجامعة الازهر من اجل اللحية
لم نسمع عن ان خالد عبدالله خبير سياسى و لكنه معروف من انه من الناس اللى كانت بتمشى جنب الحيط ان لم اكن دقيقا كانت تحابى النظام السابق لكننا فجاة وجدناه يحول برنامجه الى برنامج سياسى و الغرض معروف و التوجيه معروف بلاحظه الجميع من اول الحلقة الى اخر الحلقة
لا تقارنى التافه خالد الغندور الذى بكى على الهواء لمجرد اتصال هاتفى من علاء مبارك برجل يقال عليه داعية اسلامى و قد يسير خلفه كثيرون
اما الخصوصيات و العرض فحاشا لله ان اتكلم بها فانا عندما اقول انى متزوج واحدة واحدة او اثنان او ثلاث فلا اقترب من العرض ابدا انا اقر واقع كما بما انه شخصية عامة فمعروف انه متزوج ثلاث زوجات بل ظهر معهم فى لقاءت تلفزيونية ليؤكد دعمه للتعدد
ماذا تقولى على قناة متخصصة فى الازياء و الجمال و تقول لكى ان القناة ستجعلك اجمل الجميلات و سترجع المسنة شباب
ستقولين انهم يتاجرون بالجمال
سيدنا ابو بكر رضى الله عنه اول من امن من الرجال يقول
و الله لا أءمن مكر الله و انا واضع احدى قدمى فى الجنة حتى اضع الاخرى
من القائل سيدنا ابو بكر الذى جميعا نعرف منزلته
اتركك لعقلك و تفكيرك لتحكمى على فكر القائمين على القناة مع انى حكمت على فكرهم عندما استغنوا عن جميع النساء اللاتى كن يعملن فى القناة كأنهم رجس او عورة و ظهرت وجهة نظرهم التى لا يستطيعون اخفائها المراة يجب ان تقصى فمكانها معروف عندهم

تحياتى و تقديرى

ابراهيم رزق يقول...

zizi العزيزة الذيذة

انا مش هاعلق انا هكتفى بتعليقك فقط
هو شرف لى وجهة نظرك فى
اما النجمة فهى وسام لى اصل انا لم اتعود على النجوم
اصلى كنت تلميذ على قدى
هههههههه

نورتينى
تحياتى و تقديرى و حبى

ابراهيم رزق يقول...

beautiful mind

الامل كبير فى بكرة البلد تتحسن و نبقى احسن بأذن الله

شرفتنى و نورتنى

تحياتى

بسمة الورد يقول...

مساؤك خير اخى

بس على فكرة المصريين دايما واخدين بالهم

من كل همسة بس بيفضلوا الطناش هههههه

راق لى اللى خت بالك منه ودايما كده

مودتى واحترامى

لـــولا وزهـــراء يقول...

ابراهيم رزق يقول...
لولا و زهراء
لولا

و ما الذى لا يدعونى الى عدم الصبر نحن نتحاور و يجب ان نصبر على بعض قد اكون على خطأ

انا ايضا غيور على دينى و انا لم اقترب من موضوع الدين مطلقا
اولا خالد عبد الله لم يدرس العلوم الدينية باعترافه هو و كل المعارك الدينية التى دخلها خرج منها خاسرا
بما اننى غيور على دينى يسئينى أن نختصر الدين فى قشور و شكليات فهل حقوق الرجل فقط الزواج بأكثر من زوجة لا اريد ان استفيض فى عدد الشيوخ المتزوجين اكثر من زوجة و هل اختصر الدين فقط على اللحية لتخصص حلقة كاملة لتهاجم استاذ فقه مقارن بجامعة الازهر من اجل اللحية
لم نسمع عن ان خالد عبدالله خبير سياسى و لكنه معروف من انه من الناس اللى كانت بتمشى جنب الحيط ان لم اكن دقيقا كانت تحابى النظام السابق لكننا فجاة وجدناه يحول برنامجه الى برنامج سياسى و الغرض معروف و التوجيه معروف بلاحظه الجميع من اول الحلقة الى اخر الحلقة
لا تقارنى التافه خالد الغندور الذى بكى على الهواء لمجرد اتصال هاتفى من علاء مبارك برجل يقال عليه داعية اسلامى و قد يسير خلفه كثيرون
اما الخصوصيات و العرض فحاشا لله ان اتكلم بها فانا عندما اقول انى متزوج واحدة واحدة او اثنان او ثلاث فلا اقترب من العرض ابدا انا اقر واقع كما بما انه شخصية عامة فمعروف انه متزوج ثلاث زوجات بل ظهر معهم فى لقاءت تلفزيونية ليؤكد دعمه للتعدد
ماذا تقولى على قناة متخصصة فى الازياء و الجمال و تقول لكى ان القناة ستجعلك اجمل الجميلات و سترجع المسنة شباب
ستقولين انهم يتاجرون بالجمال
سيدنا ابو بكر رضى الله عنه اول من امن من الرجال يقول
و الله لا أءمن مكر الله و انا واضع احدى قدمى فى الجنة حتى اضع الاخرى
من القائل سيدنا ابو بكر الذى جميعا نعرف منزلته
اتركك لعقلك و تفكيرك لتحكمى على فكر القائمين على القناة مع انى حكمت على فكرهم عندما استغنوا عن جميع النساء اللاتى كن يعملن فى القناة كأنهم رجس او عورة و ظهرت وجهة نظرهم التى لا يستطيعون اخفائها المراة يجب ان تقصى فمكانها معروف عندهم

تحياتى و تقديرى

06 أكتوبر, 2011 11:04 ص

ابراهيم رزق يقول...
zizi العزيزة الذيذة

انا مش هاعلق انا هكتفى بتعليقك فقط
هو شرف لى وجهة نظرك فى
اما النجمة فهى وسام لى اصل انا لم اتعود على النجوم
اصلى كنت تلميذ على قدى
هههههههه

نورتينى
تحياتى و تقديرى و حبى

.......................
ربنا يعزك اخي ابراهيم

نبدأ من الاول
انا لما اقول اني اغير على الدين لم يكن مقصدي ان الاخر غير غيور عليه.

ثانياً : قناة الناس حرة تنحي دور المرأة او لأ دي اتجاه قناة مع العلم اني معترضة على هذا التجاهل للمرأة
لكن هذا لا يمنع اني وغيري بنستفيد كتير جداا من العلماء الموجودين بها وبدروسهم

ثالثاً : انا بقول هجومك على الداعية من الاصل عادي انك تهاجم النقاط اللي حضرتك شايفها سلبية فيه لكن اللي مش عادي ذكر معلومة خاصة عن حياته ليس لها علاقة بموضوع النقد حتى لو هو بنفسه قام باستضافة زوجاته الثلاثة

انا بتكلم عن وجه المقارنة بين كونه سياسي او يتحدث عن السياسة وبين انه متزوج من تلاته دي وجهة نظري واعتراضي في الموضوع

وانا مبسوطة لسعة صدرك وجميل ردك (:

لولا

ابراهيم رزق يقول...

بسمة الورد

ربنا يسهل و يبطلوا طناش

هههههههه

نورتينى
تحياتى

ابراهيم رزق يقول...

لولا و زهراء
لولا

الربط و الغرض واضح نظرتهم للمراة التى رفعها الله لمرتبة عالية هم يريدونها فى غرض وحيد
الدين لا يتجزء و التشدد لا يتجزء
هم بنظرتهم للمراة اصبحوا واجهة بها عيوب للدين الاسلامى فنحن لم نسمع ان الشيخ محمد متولى الشعراوى او عبد لحليم محمود او الشيخ شلتوت او الامام الغزالى او الشيخ المسير تزوج اكثر من واحدة هم يأخذون من الدين ما فى صالحهم فقط و قد يقلدهم بقية الشباب لانهم قدوة و يتزوجون دون حاجة للزواج الثانى
تحياتى و تقديرى

افكار مبعثرة يقول...

ما هو يمكن الكل واخد باله و بيستهبل و عامل نفسه مش واخد باله عشان الجسم مافيهوش غير مرارة واحدة واعتقد انها اتفقعت خلاص :)
و بالنسبة بقى لشيكابالا يعني اشمعنى الزملكاوي اللي جبت سيرته يعني ما تشوف الاهلاوية برده و لا هو تعصب مثلا :)))))))
تحياتي لابداعك

ابراهيم رزق يقول...

افكار مبعثرة

ما اهو لو الكل واخد باله و عامل مش واخد تبقى مشكلة لانهم هياخدوا على كده

هههههههههههه
اه تعصب مش انا اهلاوى

لا بجد لا يوجد لاعب بالاهلى يأخذ هذا المبلغ
و بعدين شيكا بالا مثال للجهل و العصبية و سوء الاخلاق على قدمين
و بعدين محققش بطولة للزمالك بأمارة ايه يأخذ المبلغ ده

نورتينى
تحياتى

زينة زيدان يقول...

المشكلة أنه الكل واخد باله
وشايف بعنيه
بس مو قادرة يعمل شي


ياريت نقدر ما ناخد بالنا
ونقدر نطنش


أسلوبك يروقني

AHMED SAMIR يقول...

و تفتكر بعد ما كتبت
حد هياخد باله......؟!!!!

norahaty يقول...

واخدين بالنا والله
بس حنعمل ايه؟
عن نفسى لا
اشاهد مباريات
ولا اتفرج على برامج
ولا اشترى شرائط أغانى
فاضل ايه؟

reemaas يقول...

هفط انا كده لاخر خبر بما انه اختصاصى
واخد انت بالك من 28ج يارب تكون فكرهم
صبررررررررررررررررررنى يارب
هو امتى هنعمل فريق كورة نسائى؟

بالنوسبه لقناة النهار ....فى قناة اسمها كده؟


بالنوسبة لسن المشير هو ايه قواعد المعاش فى بلدنا؟
ماحبش الواد وائل ده

عجبنى اسم السلسله

hobty يقول...

فعلا محدش واخد باله من حاجة هههههههههههههههههههه

همس القلب يقول...

مكناش وخدين بالنا
وبقلمك هتخلينا ناخد بالنا
ربنا يستر على الى جاى
بتابع حضرتك من زمان
بس اول مره ارد على بوست ليك
اشكرك استاذ ابراهيم على ايضاح ماهو غائب عنا
تحيـــــ yara ـاتى

my dream يقول...

استاذ ابراهيم
انا بتابع حضرتك من مده طوله حقيقي وتقصيرا مني ما كنتش بعلق
بس بجد التدوينه دي وجعت قلبي خاصه موضوع شيكا بالا
يعني لما شاب يدرس 16 سنه وبعدهم 2 تمهيدي ماجستير ويلف الدنيا يدور على شغل ومايلقيش ويضطر يشتغل شغلانه اي شاب غير متعلم ممكن يشتغلها وبعدين ينقهر على حاله وخسارة الايام الي سهرها وخساره التفوق الدراسي وياريت ابوه كان سابه يلعب كوره في الشارع
مش كان زمانه بيلعب بالفلوس لعب دلوقتي
الله يسامحك
احتراماتي
مروه

Ms Venus يقول...

على فكرة فى ناس تعبت اوى من كتر ما هى فعلا بتاخد بالها

ريبال بيهس يقول...

صباح الورد ابراهيم

زعلان من شيكابالا طيب خليني أفرسك

زيادة عشان أحنا كمان مش واخدين

بالنا خالص راتب المدرب السعودي و

طبعاً هو أجنبي لأنك عارف أن العرب

لا يعترفون بقدرات مدربيهم المهم

راتبه في السنة 135 مليون ريال وفي

الشهر 11 مليون وفي اليوم 37 ألف

سبحان الله حتى مدرب البرازيل لا يأخذ

المبالغ هذي ورغم كذا ما زلنا نعجز

عن الوصول لكأس العالم ولكن في مثل

عربي جميل يقول رزق الهبل على

المجانين ...

سلسلة جديدة نبدأها معك وأعتقد أنها

ستاخذ صدى أكبر ...

تحياتي وإحترامي

ابراهيم رزق يقول...

زينة زيدان
اختى العزيزة

يا ريت كل واحد واخد باله يحاول مجرد محاولة اعتقد وقتها ستتغير امور

نورتينى
تحياتى

ابراهيم رزق يقول...

AHMED SAMIR

اتمنى ان يأخذ الجميع باله

نورتنى
تحياتى

ابراهيم رزق يقول...

norahaty

اتمنى ان نجد ما نعمله ربنا يسهل و نلاقى

نورتينى
خالص تحياتى

ابراهيم رزق يقول...

reemaas

هههههههه
فطى براحتك اصل موضوع شيكا بالا حاجة تنقط لا و كمان بيدلل و مش عايز يمضى

فى قناة اسمها النهار و قناة للأسف من القنوات الغنية اللى بيتصرف عليها كويس

انا مش عارف قواعد الخروج للمعاش فى بلدنا
بالنسبة لوائل غنيم مش حكاية حب و كره فى فرق خمس اجيال بين المشير و بينه لو افترضنا ان عمر الجيل عشر سنوات حسب الحسبة القديمة
تخيلى احساسك بالفرق فى الفكر مع واحدة فى ثانوى

نورتينى
تحياتى

ابراهيم رزق يقول...

hobty

ههههههههه
ياريت ناخد بالنا
و ياريت تخلى بالك من نفسك

نورتينى
تحياتى

ابراهيم رزق يقول...

همس القلب

اولا سعيد جدا بتعليقك و متابعتك و اتمنى زيادة التواصل

ربنا يسهل و ناخد بالنا كلنا

نورتينى
خالص تحياتى

ابراهيم رزق يقول...

my dream

اولا سعيد جدا بتعليقك
مندهش من اكثر من تعليق اتى على هذا البوست و انهم كانوا يتابعونى دون تعليق مما اسعدنى جدا لكن هذا البوست جعلهم يعلقوا
اشكر هذا البوست الذى عرفنى عليكم و اتمنى زيادة التواصل
اما بالنسبة لهذا الموضوع الذى يزيد مرارة انه لا يجيد القراة تقريبا يكتب اسمه بصعوبة
و لم يحقق اى انجاز لناديه
و الشباب يبحث عن اى فرصة
نورتينى
خالص تحياتى

ابراهيم رزق يقول...

Ms Venus

معاكى كل الحق واضح ان الناس تعبت

نورتينى
تحياتى

ابراهيم رزق يقول...

ريبال
اخى العزيز
مساء الفل و الياسمين

و الله العظيم اتفرست
و على رايك يا ريت فى انجاز

طب يدونى انا نصف الفلوس دى و اتعهد بتحقيق نفس انجازه
و هو عدم الوصول لكاس العالم
هههههههههههه

بجد مفروس

نورتنى
تحياتى و تقديرى