السبت، 29 أكتوبر، 2011

رباعيات على رجل منفوخ

                             تحديث
يبدو البعض انه فهم بالخطأ ان الشهيد عصام عطا هو شقيقى هو شقيقى بالفعل و لكن فى الانسانية 
 
                           اهداء
                              
اهدى هذه الرباعيات الى اخى الشهيد عصام عطا الذى عاش مقهورا و مات مظلوما  و مقهورا اقول لك يا اخى لا تحزن 
فربما دموعنا عليك تصبح ماء يغلى يشوه وجوههم و يكشفها
ربما دعوات امك عليهم تصبح لهيبا يحرقهم
ربما دمائك التى سالت  تصبح نبراسا و نورا لنا
ربما روحك الطاهرة تصبح الشمعة التى تنير لنا الظلام
 



ليه يابلدنا كل ما افوق الاقى نفسى بادوخ
الشعر الابيض كساكى و الكل بقوا شيوخ
والفيلم كابوس ممل وفى كل صحوة  يبوخ
و نهايته بقت واحدة منفوخ منفوخ منفوخ
عجبى ؟؟؟؟


ذنب تقيل على الرب و العبد ليه خفيف
هى الحكاية ورق و سرعة فى التستيف 
طبيعتكو ايه يا حلاليف بتعشقوا التخاطيف
هو ميزان العدل ليه بيخف على  الضعيف
عجبى ؟؟؟


ليه الضعيف بيخاف يصرخ و يتكلم
ليه يتنفس الذل قهر و عايش بيتألم
ليه حياته رخيصة و لمين بيتظلم
ليه نهايته منفوخ منفوخ و متشرذم
عجبى ؟؟؟؟






هناك 21 تعليقًا:

مصطفى سيف الدين يقول...

هو اسمه عصام عطا ولا محسن عطا؟
رحم الله الشهيد الذي سيظل شاهدا على قيمة الانسان في تلك البلد
سيظل شاهدا على على ان المصريين مجرد جرزان لدى من يملكون السلطة
سيظل شاهدا ان 25 يناير لم يأتي بعد واننا ننتظر 25 يناير بفارغ الصبر
سيظل شاهدا على اننا نفرط في حقوقنا الانسانية يوما بعد يوم وكل يوم نفقد روحا بريئة نودعها بالغضب و الهتافات و المظاهرات ثم يتبعه صمت
وفي الصمت ضاعت حقوق عصام عطا ومينا دانيال وسيد بلال و خالد سعيد وغيرهم كثيرين لا يعدوا ولا يحصوا

مبدعة رباعياتك يا عزيزي وايضا صادقة تخرج من قلوبنا جميعا
تحياتي الطيبة لك

شيرين سامي يقول...

حاجه تقطع القلب و تجيب الإكتئاب :(

مفيش فايده...

تحياتي لحضرتك و أحي فيك إحساسك بالغير و حسن تعبيرك

Ramy يقول...

صدقنى مش عارف اقول ايه

ربنا يرحمه و يصبر اهله

و يرحمنا بقى من ده كله

و كأن الدنيا هى هى و لا شيىء أتغير

نفس الوشوش

نفس الضمير

نفس السفاله

دعاء العطار يقول...

حاسه والله يااستاذ ابراهيم بقهرتك وانت بتكتب الرباعيات دى ... بجد حاجه تقهررررر

لما تحس ان الظلم جبلللل وانت بتذق فيه بكل قوتك وناس تصقفلك وتهتف خلااااص حركت الجبل وفجاااه

تلاقى الجبل زى ماهو بس اضخم وانت مش عارف تعمل ايه

هو ليه استكتروا علينا الفرحه ؟

ليه مصريين انهم يقهرونا كل يوم ويحسسونا بالعجز والخوف والاهانه ؟

انا بجد اتخنقققت من كمية الظلم دى

حراااااااااااام بقى

amiraali يقول...

والله ايلي بيحصل في مصر ده حاجه تحزن بجد وتقهر...ربنا يرحمه..

Casper يقول...

ربنا يرحمه ويرحم امواتنا جميعا

=========

كلمات طيبة
تقبل مروري

محمد الجرايحى يقول...

مازال الظلم فى بلادى يسعى ويتنامى
ولاكإننا ثورنا وقدمنا دماء شهداء من أجل حرية الإنسان......

نيللى يقول...

لسه العدل غياب ...
حسبى الله ونعم الوكيل فى كل إنسانه مسئول عن الظلم اللى أحنا فيه

faroukfahmy58 يقول...

ابرهيم هوه كان ناقص نفخ ، ما كفاية النفخ المخزون فى صدره ، والا همه عاوزين يكوروه ويلعبوا بيه الكورة
الفاروق

Tarkieb يقول...

ربنا يرحمه ويجعل موته وقود لثورة تانية

أم هريرة.. lolocat يقول...

السلام عليكم

اخى العزيز ابراهيم
كلنا نشعر بنفس الشعور والاحساس ولدينا نفس الغضب بقلوبنا ويعتصرنا نفس الألم

حسبنا الله ونعم الوكيل ونفوض امرنا لله

صبر الله اهله وصبرنا على مانحن فيه من ظلم وقهر لازال يعتصر روح بلادى الحبيبة

هبة فاروق يقول...

استاذى ابراهيم
حزنت كثيرا لما حدث ان يعامل انسان بهذة الطريقة البشعة رحمة الله وجعل مسواة الجنة
تحياتى لك

haneen nidal يقول...

رحمه الله و تقبله من الشهداء و جعل مثواه الجنه

و ان شاء الله الاوضاع بتتغير . . بس ان الله لا يغير ما بقوم حتى يغيروا ما بانفسهم :(

الوضع تم على ما هو عليه لسبب واحد انو احنا طلبنا التغير من غير ما نتغير :(

مِنَة الله يقول...

كأنك بتهتف في وسط الميدان ،
كأنها صرخة أم الشهيد ..

الله يرحمه ويصبر أهله ،
ويرحم موتى المسلمين جميعاً ..

وإن ضيعنا حقه فرب العباد موجود وشاهد ..

دمت بخير .

جايدا العزيزي يقول...

الف رحمه ونور على روحه اخى

صحيح الحريه غاليه

لا الدم اغلى

الله يصبرك

كل عام وانت بخير اخى

تحياتى

جايدا العزيزي يقول...

الف رحمه ونور على روحه اخى

صحيح الحريه غاليه

لا الدم اغلى

الله يصبرك

كل عام وانت بخير اخى

تحياتى

reemaas يقول...

طب مش انا قولتلكم من الاول مافيش فايدة؟
مافيييييييييييييش فايدة

لو شفنا الاحزاب وهم بيتخامقوا على التورتة هتعرف ان العيب مش فى السلطة

ربنا يستر

على الهامش
عجبتنى الرباعيات جدا

Carol يقول...

سلامي لك و لأمك ... فكلمات العزاء لا تستطيع تصل أو تخفف لذلك الحزن العميق ,,
---
فنحن يا سيدي أصبحنا مغلوب علينا أمرنا
ما نعيشة في تلك الأيام أكثر من الظلم ما نحن فيه يا سيدي هو تجسد للقهر و القمع لحرية شعب و ارادته !!!

عازفة الالحان يقول...

رحمة الله على الشَهيد

حرف معطآآ

دمت بخير

وجع البنفسج يقول...

لا حول ولا قوة إلا بالله ..

عن جد قصته أثرت فيا كثير كثير .. شو هالظلم ؟؟ هو احنا عملنا الثورة ولا لأ ؟؟

الواضح انه ماصارش في ثورة ولا بطيخ

لسه التعذيب زي ماهو ولسه الظالمين ما تحكموش وعايشين في بغددة مش طبيعية والشعب ماكل هوا ..

مالك يا مصر ؟؟

وجع البنفسج يقول...

بالنسبة للرباعية

جميلة جدا جدا ومؤلمة جدا جدا ..