الثلاثاء، 18 أكتوبر، 2011

محدش واخد باله 4

محدش واخد باله
ان فى جميع الدوائر الانتخابية تصدر الشيوخ و رجال الدين المرشحين لمجلس الشعب الم يسأل احد نفسه هل يليق بهم ان يخوضوا المعركة الانتخابية بكل قذارتها و هل لو هاجمهم احد هل سيهاجم اشخاصهم ام سيهاجم الدين و فى كلتا الحالتين هل هذا يليق فمن الخاسر فى المعركة و من المهزوم

محدش واخد باله
ان الدكتور احمد عاطف منسق اضراب الاطباء تم اختطافه لمدة 6 ايام بنفس الطريقة التى كان يتم بها التعامل مع المعارضين قبل ثورة 25 يناير

محدش واخد باله
ان الفائزين فى انتخابات مجلس الشعب القادم هم محترفى انتخابات و ليس الافضل فى الانتخابات فكلنا نعرف من هم محترفى الانتخابات من اول انتخابات اتحاد الطلبة مرورا بالنقابات الى ان نصل لمجلس الشعب الفائزين ينحصروا بين الاخوان المسلمين و السلطة الحاكمة اى كان اسمها بداية من الاتحاد الاشتراكى الى الحزب الوطنى الى المجلس العسكرى و من يحاول ان يدخل فهو مدهوس مدهوس مدهوس يا ولدى

محدش واخد باله
ان الاعلام فقد بريقه و سطوته و سيطرته على عقول الناس و من يتصور انه يستطيع من خلال الاعلام المضلل ان يسيطر على عقول الناس اقول له معك حق قد تستطيع ان تسيطر على عقول البعض و لكن القوة المؤثرة و الفاعلة لن تسيطر عليها لان مفتاح سيطرتها ان تفهم

محدش واخد باله
ان الدكتور السيد البدوى كان يفتخر منذ انشأ قنوات الحياة انه لا يتدخل فى سياستها و لا يظهر بها ما الذى تغير و اصبحت صورته تقريبا اللوجو الخاص بها دكتور السيد البدوى نحن فى انتظار الحياة الخضراء

محدش واخد باله
انه حدث اتفاق بين المخلوع و المشير قبل رحيله ما هو هذا الاتفاق و على ماذا ينص نريد ان نعرف على الاقل لكى تستريح عقولنا و قلوبنا فمن غير المعقول ان ترتبط حياة و مستقبل مصر باتفاق سرى لا يعلم احد عنه شىء سيادة المشير الصراحة راحة و انت ؟؟؟؟
                                                                                                                                      توقيع
                                                         واحد مش واخد باله






  

هناك 31 تعليقًا:

ريبال بيهس يقول...

صباح الورد ابراهيم

وتبقى الحلقة المفرغة التي ندور فيها

سيترشح مثلما أشرت من تعود على أستنشاق

المقاعد بحرفية ولكن السؤال هل ستخول

هذه الدورة من قذارة النظام السابق ؟

نعم فقد نزل الوعي كموجة غسلت عقول

الجميع فلم يعد للإعلام دور في صناعة

الأحداث بمنظور سلطوي بل على العكس

تماماً ظهر إعلام مضاد ليسكته ويعريه

تماماً بسبب تدليسه وتضليله لشعوب كاملة

بسبب تبعيتها للحكومة ...

لن نعرف هل كان هناك أتفاق سري ولكننا

نعلم تماماً أن المشير كان من رجالات

الدولة في عهد مبارك وأرتضى سياساتها

من قبل فلماذا نتوقع أنه غضب للشعب

الآن .. للأسف في الافق يلوح أتفاق سري

ولكن ماهي بنوده ياترى وإلى أين ستصل ؟

مازالت سلسلة مش واخد باله تعطينا جمال

بلا حدود وروعتها أنها نقد ساخر لحد

مؤلم تفضح بعض ما يدور في البلد خلف

الكواليس ...

تحياتي وإحترامي

مصطفى سيف الدين يقول...

لما تلاقي حاجات زي كده يا ابراهيم اعمل نفسك مش واخد بالك اصل لو وقفت قدامها ممكن تتجنن من البله اللي وصلناله من تسفيه عقول الشعب وعدم الشفافية وده بيزود التخبط والتاخوين والظن في كل القيادات اللي ممكن توصل لدرجة اليقين
وده مش على بال السلطات او السلطات نفسها عاملة نفسها مش واخدة بالها
تحياتي

نسرين شرباتي "أم سما" يقول...

اقرأ "Anilma Farm" لجورج أوبل وحتفهم الحكاية كلها
لما عملوا الحيوانات ثورة على صاحب المزرعة الإنسان
وحكمهم بعد كده الخنازير

عمرو فكرى يقول...

"نحن فى انتظار الحياة الخضراء"
واللوجو يبقى الهلال مع الصليب

بسمة الورد يقول...

صباحك خير وسعاده اخى الفاضل

والله دايما كلماتك بتيجى على الجرح

ولكن حسبنا اننا نسينا كلمه لا او كلمه خوف

ربك يصلح الحال للافضل


مودتى واحترامى لارائك

Ramy يقول...

واخدين بالنا

و ربنا يسترها

محمد الجرايحى يقول...

نأخذ بالنا من إيه ولا إيه .....
الحياة أصبحت دوامة أخى : ابراهيم
والحمد لله أنك لم تفقد وعيك مثل الكثيرين
كن دائماً على يقظة.....

ريــــمــــاس يقول...

مساء الغاردينيا أستاذ ابراهيم
بص بقى انا وحدة صريحة
ومش واخده بالي للحكايات السياسية
او الحاجات الي بتحصل في البلد
انما واخدة بالي من حاجة مهمة
أن أستاذ ابراهيم رائع في كل حاجة
بيكتبها حتى انتقاده الساخر صحيح مؤلم لكن صادق وبيعبر عن وضع البلد وبرجع أقول ربنا يحفظ مصر من كل شر "
؛؛
؛
لروحك عبق الغاردينيا
كانت هنا
reemaas

دعاء العطار يقول...

مش هقول غير ربنا يسترها عليكى يامصر ويكمل فرحتنا بيكى وبثورتك

قول آميييييين

Tarkieb يقول...

سبد البدوي ده بييييييييييييييييييييييييض وبعجوة مش عارف طايق نفسه ازاي

شمس النهار يقول...

اليومين دول ياابراهيم

فعلا ماحدش واخد باله
خاااااااااالص

الناس ملهية حتي عن الاسعار اللي بتزيد في الخباثة

ربنا يستر فعلا علي الايام الجاية
وخصوصا ان الاخوان نزلوا علي قائمتهم بعض ظباط الجيش المتقاعدين

ايه اللي لم الشامي علي المغربي
الله اعلم

reemaas يقول...

اتفاق سرى؟
لا دى ماعرفهاش

محدش واخد باله ان الاخوان اكتسحوا كل الانتخابات النقابيه واخرها نقابة الاطباء

الاحلام يقول...

اظاهر اننا معدش حد فينا واخد باله الكل الدنيا تلهيه على مساعى لقمة العيش والاولاد والبيت وكل من يريد عمل اى شىء يفعله واحنا برضه مش واخدين بالنا
الى اين تذهب دولتنا مصر الحبيبه والى متى سنظل هاكذا
تحياتى الاحــــــــــــــــلام

faroukfahmy58 يقول...

مش هعلق عليك يا ابراهيم ياوحش لانك لم تهنئنى بعيد ميلادى فى الوقت الذى افردت زيزى مدونة كاملة لمواليد شهر اكتوبر
الايام جايه ياهيما وكل واحد له عيد ميلاد وبرضه سأكون اول مهنئينك ان شاء الله
الفاروق

zizi يقول...

ابراهيم العزيز..البلد لغاية دلوقتي احنا مش عارفين رايحين على فين والحكومة نفسها بتتبع سياسة البطة العرجاء اللي فاضلها كام شهر وتمشي فهي عبارة عن حاجة هلامية بس لمجرد توقيع الأوراق الخاصة بكل وزارة والتوقيع على كشوف المرتبات والأجازات والحاجات دي لكن قرارات حاسمة للتسيير ؟إنسى ...
اما وضع المشير فما نقدرش نحكم عليه لأن مش كل واحد كان مع الريس لازم يكون فاسد والمهم فعلاً اننا نبقي على الهيئة الوحيدة التي مازالت متماسكة وهي الجيش لأن الشرطة في المهلبية والتعليم العالي بيتخبط والقضاء صالب طوله بالعافية في ظل ناس قلائل مخلصين ومش عارفين هل الجيل القادم بنفس اخلاصهم والا ايه ..فما علينا غير اننا زي ما قلت عند مصطفى اننا نوعي الشباب بدوره المطلوب في مؤامرة الإنتخابات اللي جاية وكفاية النقابات وماحدث فيها ولكنها مؤسسات خاصة تخص اصحابها اما الإنتخابات فهي ستخص الأمة كلها بل ستقوم عليها قائمة الدولة في السنوات القادمة...فماذا نحن فاعلون ؟؟؟؟؟تحياتي وامتناني لقلمك المميز

ابراهيم رزق يقول...

الفاروق
استاذى العزيز
ملك الزهرات

اخى ريبال استأذنكم جميعا فى الرد اولا على الاستاذ فاروق فهو عريس الليلة
اولا كل سنة و انت طيب و انت ملك الزهرات ربنا يخليك لهم
يعلم الله و زيزى العزيزة الذيذة شاهدة انا كنت هاكلمك فى التليفون و انزل بوست لكن الظروف العائلية اللى مريت بها مع ظروف شخصية مع ظروف البلد كل هذا منعنى و انا كنت عايز اكلمك فى التليفون بس انا مش فى المود و انا لما احب اكلمك احب كلمك و انا فى احسن حالاتى
حاجة تانية انت وعدتنا انك تفتح التعليقات و وعد الحر دين عليه
استاذ فاروق الكل يريد التواصل معك فلا تحرمنا

تحياتى استاذى العزيز

ابراهيم رزق يقول...

ريبال بيهس
اخى العزيز

دائما استمتع بتعليقك كأنك داخل الحدث
لا املك الا ان اصدق على كل ما تقوله

اشكرك على مجاملتك الغالية

نورتنى
تحياتى و تقدير

ابراهيم رزق يقول...

مصطفى سيف
اخى العزيز

ما انا مش واخد بالى
مشفتش التعليق اللى فى اخر البوست
واحد مش واخد باله
ههههههههههههه

صحيح يا مصطفى شر البلية ما يضحك

نورتنى
تحياتى

ابراهيم رزق يقول...

نسرين شرباتى ام سما

حاضر ساحاول ان اقراها

نورتينى
تحياتى

ابراهيم رزق يقول...

عمرو فكرى


ادينا مستنين و احنا قاعدين

نورتنى
تحياتى

ابراهيم رزق يقول...

بسمة الورد

صباحك ورد و فل

اشكرك دائما على تواصلك

ربنا يصلح الاحوال

تحياتى
نورتينى

ابراهيم رزق يقول...

رامى
القلب الطيب

خليك واخد بالك يا رامى

نورتينى
تحياتى

ابراهيم رزق يقول...

محمد الجرايحى
استاذى العزيز

و الله كلنا فى الوامة
سعيد جدا بتعليقك

نورتنى
تحياتى و تقديرى

ابراهيم رزق يقول...

ريماس

ريمسو الجميلة

هههههههههههههه
احسن و الله يا ريماس خليكى كده بعيد عن الجو الملوث ده
امتعينا بابداعك و احلامك
متشكر يا ريماس بس انتى شايفانى كده عشان بتعزينى و شايفانى اخوكى يا ابدع اخت

نورتينى
خالص تحياتى

ابراهيم رزق يقول...

دعاء العطار

اميييييييييييييييييييين
ربنا يسترها

نورتينى
تحياتى

ابراهيم رزق يقول...

Tarkieb

و الله البيض له طعم و ريحة لا كان ده لا
ممكن يكون بيض فاسد

مورتنى
تحياتى

ابراهيم رزق يقول...

شمس النهار
شمس الكتابة و قمر التدوين


هو ده اللى انا بقولها الانتخابات ليها ناسها
من ايام الكلية العيال الاخوان عارفين سكتهم و مصلحتهم
و بما ان تفكير الاخوان برجماتى فمصلحتهم حاليا مع السلطة اللى هى الجيش
عرفتى ايه لم الشامى على الغرباوى اقصد الطنطاوى

نورتينى
تحياتى

ابراهيم رزق يقول...

reemaas

مش بس نقابة الاطباء
كل النقابات
حتى نادى الشمس
يعنى داخلين على النوادى

نورتينى
خالص تحياتى

ابراهيم رزق يقول...

الاحلام
اخى العزيز

وصلت الى لب المشكلة
المجلس بيلعب على النقطة دى
عايزين يلهوا الناس بأكل العيش و يعملوا اللى هم عايزينه

نورتينى
تحياتى

ابراهيم رزق يقول...

zizi العزيزة الذيذة

معالكى كل الحق
بس الناس عايزة تفهم
ايه اللى حصل و ايه الاتفاق هى مش بلدهم و لازم يفهموا
يمكن لو فهموا يرتاحوا
لكن اللون الرمادى متعب
و التخبط واضح و عدم الجدية فى الحلول موجود
هما هيودونا على فين

نورتينى
تحياتى و تقديرى و حبى

faroukfahmy58 يقول...

هيما
انا بهزر معاك وعاوز بس انكشك فانت فى العادة سكر ولمما تتعاتب بتبقى عسل ولما تتزنق بتبقى طعم
وانا لاأنسى ياابراهيم عندما يقابلك وقت سعيد تقابلنى وفى مشاويرك البهيجة تشوّرنى وفى مناسبباتك السعيدة تناسبنى وتلازمنى .. انت نعم الاخ وخير الصديق
ربنا يخليك لينا ففيما تكتب يهّون علينا الكثير من هموم حياتنا
الفاروق